لمة الليبيات لشهر ربيع التاني 1431 ه ....

بيكو صباح الخير عليك و ع البنات كلهن

miid;11596007:
متلا قداش وحده مستعده الي ان تستقبل ضيف الان علي فجاه تكون هي علي سنقت عشره وحوشها مرتب ونضيف وعندها كيكه وحلويات وممكن حتي عشاء واتي ......

انا متلا ما نحبش حد ايجي بلا مواعيد:01: و و عندي وقت معين و بعده نستك فيه و انكسل و يالله انتحمل روحي و ما نحبش الضيف الي يجي و يطول---- وانا في العادة لما ايجيني حد بموعد تلقيني نجري ونوتي و نوض بدري عشان انرتب اموري ونلغي حاجة علي حساب حاجة يا بالك هضا الي جاي بلا موعد :039: ويطول اخري وانكون مش عابية ع عشاء و يقعد يبي عشاء و حي عليا شن بندير مع راجلي يعدين ان كان هو من النوع الي يعزم مع اني شارية حاجة العزومة في بتاتي كلها لكن ما عنديش لهن انياط نهائي :047:

نرجس الشرق;11600735:
بيكو صباح الخير عليك و ع البنات كلهن

اهلا يا نرجوسة كيف حالك اليوم

يتصفح الموضوع حالياً: 5 (5 من الأعضاء و 0 من الزوار) ‏بيكاتشو, ‏anosa 1, ‏هنو الدلوعه, ‏نرجس الشرق+
صباح الورد يا حلوات

انا شارية قفطان لونة اغمق من هضا طويل كت و كله فيروزي غامق بالورد الاسود زي المعروض و من الصدر شفون تعرفن بنخيطله جاكة ستان سوداء قصيرة ربع كم اتكون قصيرة لعند الصدر بس و بنشريله قندرة سوداء كعب عالي و جزدان اسود و ممكن اندير سير في الخصر ونلبسه في الطلعات الخفيفة وانا عروس والله يا بنات حلو وراقي و مش حتصدقن بكم شريته ب 10 دينار بس من محل داير تخفيضات و اول ما شفاته ماما قعدت اتعارك عليه قاتلي كيف شاريتيه هضا و مش حلوبس في اللبس بعد ما لبسته عجبها وقاتلي هضا تلبسيه بدون جاكة حلو بكل ...
انا طريقتي في اللبس كلاسيكية جدا انحب نلبس علي القصير شخشير اسود لحمي و قندرة كعب عالي انميل للكنادر اكتر من الصنادل و انحب نلبس يا ذهب اصفر يا ابيض عدوة الاكسسوار و انحب الجزدان الكلاسك الراقي يا اما ايكون جزدان بدون سير او كتف او ايكون جزدان طزيل طول بسير طويل يوصل للمؤخرة فهمتن عليا يعني انميل للجزادين الي سيورهن اطوال او بدون سيور اكتر... وما نحبش قندرة المناسبة اتكون جلد

صباح الخير ياأحلى وردات :025:
حياة حلوة،miid أني طولي 165و وزني 70 وخشيت لنادي ليا شهرين ونخش لصاونا لكن شي منزلتش حتى كيلو:035: ماعادش ناكل في الشوكولا والحلويات نعرف هما اللي مسمنيني منشربش القهوة والشاهي الا مع الحلو السمن ساهل لكن باش نضعف
شكله نبي عام وخلطات شرشبيل منحبهمش نبي حاجة زي السحر فيسع مانشو ف النتيجة مليت من الريجيمات والخلطات وياريت نسمن في اماكن معينة زي الصدر والوجه
مش كله ينزل وطبعا فيه عندي حاجة معقدتني استرتش ماركس الخطوط البيضاء
ياريت لو ليها حل ياريت يولي جسمي زي بيونسيه:085:صقع عليا ولا في الاحلام

وكل عام وأمهاتنا وأمهات المستقبل بخير :G:F:F::D

والله يا انوسا نحس انه الواحد كان بينقص لازم معش ياكل حاجة قبل 3 ساعات من النوم متلا انتي ترقدي الساعه 11:00 بعد ال 07:00 معش تاكلي شئ وهكي اتزيدي و تنقصي ع حسب ساعة نومك

ام نانى غايبه ان شاء الله خير
انوسه جربي الليزر للخطوط البيضاء انا بنجربها فى تونس باذن الله عروس ليبيا شكرت دكتور تونسى كويس قالت دارت عنده الليزر للخطوط ومشو منها

الننس;11601925:

السلام عليكم جميعا
كل عام و (أنا،هايلة ،مدام غادة،ايمي،امممممممممم من تاني)بألف خير
و ان شاء الله القلب الملهوف و عروسة ليبيا و كل العرايس ان شاء الله العام الجاي أحلي امهات

:072:

http://www.3roos.com/files/ups/2010/244362/01269176089.jpg


روح بعد ريت لبساتك انتحشم نحط لبسي بصراحه انا لبسي اكتريته كاجول متاع كل يوم ماعنديش حاجه مناسبه او عزومه

هده الصوره لبسه قفطان وركبتله الجاكه الجينز تجي قصيره تحت الصدر نلبس معاها في بدي ساده ابيض ووشاح ساده نفس لون القفطان بنفسجي

داكن >>>>لبسه عاديه بس نرتاحلها واجد شريتها السنه ال فاتت من امريكا وعل العموم لبساتك يهبلن مشالله وعجبتني فكره السبته او الحزام تعرفي نشوف

فيهن هانا واجد ويديروا فيهن في تخفيض مخطرش عليا نشريهن بس بعد ريتك حنشري انشاء الله شكرا عل الافكار والصور خزنتهن في نقالي بيش نحفضهن صم

http://www.3roos.com/files/ups/2010/244362/11269176089.jpg

امس شريت هده حسيتها حلوه مع انها بسيطه وعل فكره راهي صغيره بكل في الصوره باينه اكبر

anosa 1;11601324:
صباح الخير ياأحلى وردات :025:
حياة حلوة،miid أني طولي 165و وزني 70 وخشيت لنادي ليا شهرين ونخش لصاونا لكن شي منزلتش حتى كيلو:035: ماعادش ناكل في الشوكولا والحلويات نعرف هما اللي مسمنيني منشربش القهوة والشاهي الا مع الحلو السمن ساهل لكن باش نضعف
شكله نبي عام وخلطات شرشبيل منحبهمش نبي حاجة زي السحر فيسع مانشو ف النتيجة مليت من الريجيمات والخلطات وياريت نسمن في اماكن معينة زي الصدر والوجه
مش كله ينزل وطبعا فيه عندي حاجة معقدتني استرتش ماركس الخطوط البيضاء
ياريت لو ليها حل ياريت يولي جسمي زي بيونسيه:085:صقع عليا ولا في الاحلام

وكل عام وأمهاتنا وأمهات المستقبل بخير :G:F:F::D

انوسه تعرفي انسئ موضوع انك تبي تنقصئ وزنك

راهو حتي النفسيه وتفكير ليه سلبياته
خليك عاديه توه تنقصئ

لو ماتبي خلاطات شرشبيل

جربي حبوب زين ومعهم زهورات زين
بس انتي تبي تنقصئ 5 كيلوا يعني بي كثير اسبوع او اقل ينزل وزنك مع ريااااااااااااااااااااااااااضه

بنقولك شاهي الخضر وزنجبيل مافيها تعب والله كويس بنقولك حكايه اثنين كيلوا تمشئ وتجي وخاصه وقت تقرب موعد دورا ضروري من 2 كيلوا لي كيلو نص زياده

ايمي مبروك عليك شنطه
نحب لون هذا

وبنسبه سؤلك امس استقبال الضيوف
نستقبل ضيوف عادي اي وقت
المهم الصبح لالالالالالالالالا

وبنسبه حاجات تكون جاهزه
ماما تحب يكون عندها شئ في الفريز
ديمه شكلين موالح وحلويات


فرضا مثلا دخلوا علينا الضيوف
غرفه استقبال الضيوف قدام باب الشقه ع طول وكل يومين نفتحوا لي تهوئيه وتلميع بتكون جهازه علي طول

قهوه وحلويات
وعصير لكن شكولاته مش اكيد متوفره هههههههههههههه
وشاهئ نحط معهم موالح
لو بيقعدوا العشاء بنخلي موالح لي عشاء
ونطلع بسكةيت مالح مع الشاهئ
وبعدين نشوف شنو فيه تاني متوفر لو فواكه او مكسرات وعصير وهكي
وبعدين شخص لو يجئ ع غفله اي شي يتقدم ليه عادي ههههههههههههه محدتش ضربه ع يده وقاله ماتتصلش

وونحس ضروري من مجامله لو حد ضيف مخاطرني فيه
بس اكرام الضيف واجب

بنات كل سنة وانتم طيبين كلكم حتا للبنات الى مازال مش امهات لان كل واحدة فيكم رمز الامومة ..

وياغادو والله قاعدة عند وعدى بس قاعدة بنعطى فرصة لاكبر عدد من البنات انهم يبعتولى ايميلاتهم باش نبعتلكم مع بعض هههه

الله محيي العاملون في صمت .
انشاء الله خير بس هاالسكوت زعما شن وراه . اكيد قنبلة . حي علينا حي .



هههههههههههه الي فهمته قصدك اني اون لاين معاكم ومش كاتبه شئ امس فصل شحن لاب توب ورقدي بلا ما نستاذن وحتي بلا ما ندير تسجيل خروج

بيكاتشو;11600679:
حاضر يا عسولة اليوم ان شاء الله نصوره ونعطيك التفاصيل غير عندى اليوم امتحان احكام فى الجامع وبعد ما نروح نحط الصورة

انشاء الله باالنجاح والتفوق وربي معاك وصحة عليك والله برافة برافو . ويارب اعطينا ماعطاك ونحفظوا ولو جزء بسيط من كتابك يارب .
:01:

يتصفح الموضوع حالياً: 6 (6 من الأعضاء و 0 من الزوار) ‏روح الوليد, ‏رموسة الحلوه, ‏زوارية, ‏عروسة ليبيا+, ‏قدرك كبير بقلبي

مساء الخير عليكم . وكل عيد ام وانتم وامهاتكم سالمين يارب

وهادى هدية منى لكل ام ويارب اديم اميمتي فوق راسي يارب وماننحرم من دلعها ودلالها يارب .