نصيحه من كل ام لكل ام

في حاجة افتكرتها ياتوتي للحمونيل كانت يميم قالتلي عليها اننا ادهن الحمونيل بكريم التسلخات بتاع الدايبرز اللي هو سودو كريم او زنك اوليف وبرضه كان في تحسن ومنعها اصلا تظهر تاني

nemonamanemo;11458418:
طيب انا عايزه افهم هو ايه اهميه التيتينه ليه مهم نديها للاطفال انا شايفه انها بتبقي رخمه و خصوصا لما يكبر شويه و تقع علي الارض و تتلوث

انا شايفة ان مالهاش لزمة غير انها تسكت العيال الزنانة بزيادة :094: لكن لو البيبى بتاعك هادى بلاش منها احسن لان الفطام منها صعب

nemonamanemo;11458429:
انا عندي ديه

ممكن استخدمها من الشهر الكام

هى مفروض من اول الشهر التالت بس كل مابداتى تستعمليها بدرى كل ماكان احسن عشان بتنمى حواس الطفل
وممكن تستعمليها من اول يوم كمان يو حبيتى خصوصا لو اللى بتتعلق فوق السرير وهو نايم

crazy ananas;11461103:
اهلا بكل البنات الجديده عوزه ارد على كل واحده بس بجد مفيش وقت

بس ان شاء الله هرد وارحب بكل واحده فى اقرب وقت

بصوا دول شويه لعب كدا عالسريع

:ok:
ديه مجموعه لعب اول شهرين او 3 شهور واهم حاجه فيها انها تكون ناعمه الونها زاهيه وفاقعه ومش بتتكسر او تتفك بسهوله وكمان اللعب فالسن ده لما تكون كبيره احسن من الاحجام الصغيره





والبيبى جيم فى منه اشكال كتير واحجام مختلفه




ديه مجموعه شخاشيخ وشفتها ب 27

حلوين قوى يا انوس بس الميزان وحش
قوليلى اللى بـ27 دى شوفتيها فين؟

toty858;11461040:
سوسي
انا مرة بنتى جالها امساك وقعدت 4 ايام متعملش
اتصلت بالدكتور بتاعها
ومقاليش اديلها لبوس ولا حاجة
قالى اديلها اعشاب كتييير اللى فيها بابونج
وفعلا لما بحس انها ابتدت متعملش اديها الحمد لله بيجيب نتيجة
وانا كنت سمعت مدحت الزيات بيقول كدة بردو

انتى عارفة لو نورين كبير شوية كنت قلتلك اديها عصير برتقال بيسهل البطن كتييير

انا بديلها بيبي درينك ومابيعملش حاجة بردو يا توتي
هو انا ممكن اديلها معلقة واحدة عصير برتقال من امتي ؟؟؟؟؟

مشامى79;11461075:
بصى بقه بالنسبه للامساك لازم تعرفى الاول هى بتعمل كام مره فى اليوم عشان فى طفل بيعمل مره او اتنين وفى بعد كل رضعه فلازم تتابعيها الاول وبالنسبه للبوس هو ليه بروتكول كده لاستخدامه عشان مش تتعود عليه يعنى مثلا انتى اديتيها اللبوس بالليل الساعه تسعه وعملت ماتديهاش تانى الابعد 12ساعه من نفس الوقت اللى اخدت فيه لان اللبوس بيفضى الامعاء خالص فمش تلحق حبيببتى تعمل فلازم تتستنى لنفس المعاد اللى اديتىهولها فيه وتستنى بعده 12 ساعه لو ماعملتش تاخده تانى يارب تكونى فهمتينى وحاولى بقه تظبطى اكلك ممكن تكونى بتاكلى حاجات بتسسبب لها الامساك ون شاء الله تبقى زى الفل:ok:

هي المفروض مرة واحدة في اليوم فالدكتور كان قايللي لو قعدت 3 ايام من غير ماتعمل اديلها اللبوس بس انا مش عايزة اديلها لبوس تاني بقي

garfeild;11461140:
الحمونيل بيجي من الحر وخصوصا لو البيبي كان مش لابس ملابس قطنية داخلية وخارجية وفي الايام الي كانت حر طلع للمار حمونيل عند رقبتها كتيييييييييير لبستها سالوبيت قطن وقلعتها القطيفة ولازم تكون البافتة قطن ناعم لان في بافتات خامتها زي البشكير ودي بطلع لوحدها حمونيل وبتعمل حساسية وكنت كل ساعتين امسحلها رقبتها بمياة دافية مايله للفاتره ولو مرحتش هاتي لوشن اسمه A1 حلو للحامونيل وطبعا مش هاوصيكي اياكي والباودر لانها خطررررررررررررر جدا لااطفال وخصوصوا ع منطقة الرقبة لانها ممكن تعمل اختناق للبيبي وكما فيها مواد مسرطنة ربنا يعافينا ويعافي اولادنا

سوسي متحكميش على نورين انها عندها امساك الا لو قعدت متعملش بيبي لمدة 6 ايام او اكتر انما غير كده عادي جدا انها متعملش لمدة يومين تلاته وخصوصا في التلات شهور الاولى لان البيبي بياخد كفايته من اللبن وميعملش بيبي فهماني
وممكن تديها معلقة عصير برتقال مخففة وبلاش بجد لبوس الجلسرين كل دكاترة الاطفال قالوا بلاش منها غير مستحبة لان البيبي بيتعود عليها ودي حاجة مش ظريفة وكمان خلي اكلك انتي يحتوي على الياف كتير وطبعا الخضروات والحجات دي وقللي من الحجات اللي بتعملك انتي امساك وكتري من السوايل على اد ماتقدري لان كل حاجة انتي بتاكليها وبتشربيها بتروح للبيبي

طيب لو انا شربت عصير برتقال يجيب نتيجة معاها ؟؟؟ :040:

toty858;11461207:
الله يسلمك ياسيمو والله مايا بقالها اسبوع كدة عجيبة ربنا يحميها يارب
انا بستخدم شامبو سانسونسان بس اللى هو شامبو لوحدو
وكنت جايبة شاور جونسون ولسة مش راضي يخلص :)
باذن الله اجرب الشامبو والشاور مع بعض
بس ياتري سعرة اية؟
انا كنت جايبة الشامبو بس ب 21

كمان انتى بتلبسى داخلى اد اية؟
انا الاول كنت ملبساها
سالوبيت قطن كم وواحد كت والبيجامة لاقيتها بردت لبستها فانلة كمان نص
كدة كتير؟

كنت هاقوللك ياتوتي يمكن تكوني متقلالها الهدوم زيادة عن اللزوم بس كدة مش كتير انا كمان ملبسة نورين كدة طيب جربي كدة كريم التسلخات
انا اعرف ان البيبي اللي عندو حمونيل بيحطوله بودرة تلك بس اليومين دول مش عارفة ايه الاشاعات اللي مطلعينها علي بودرة التلك دي ؟:057:

اناناسة اللعب حلوة اوي عايزة اجيب زيها العب بيها انا :037:

Eng. BoB;11449613:

وبالنسبة للأكل على الست شهور ده مش بيقلل شهية الطفل ولا حاجة .. الاطفال زى الكبار زى ما فى ناس كبيرة شهيتها فى الاكل قليلة وناس شهيتها كبيرة الاطفال كده هم كمان .. واحدة صاحبتى ما اكلتش بنتها الا على الست شهور زى كلام الدكتور وما شاء الله البنت زى الفل وبتاكل كويس جدا دلوقتى ..

انا هقولك رائ بالظبط فالموضوع ده
الهدف من اكل الاطفال فى سن بدرى عشان يتعودوا عليه مش اكتر ومش مهم الكميه
لان الطفال لما يكملوا 4 او 5 شهو بيتتكون عندهم الذاكره واللى اتعودوا عليه هو اللى بيفضلوا عليه واى تعود جديد بياخد وقت
وبرضو لما ناكلهم بينفع فى اننا نحوش لبن مش طول اليوم رضاعه وممكن ميكفيش لو علطول رضاعه فهمانى

shimaaafifi;11449902:
فعلا يارييييييييييييت الدكتور ده ممتاز وعلى طول الحلقه بتقع منى
وانا بتابع مع دكتور حازم المصرى فى النعام
دكتور ممتاز

وهو فعلا كويس يا شيمو اصله جمب ماما خالص وممكن اروحله ياريت تقوليلى رايك والمتابعه بكام وكدا
انا روحت لدكتور عند احمد عصمت فى عين شمس هو دكتور كبير ومتخصص فى الحساسيه الصدر والنزلات المعويه والجفاف اسمه د كمال حسنى
بس الكشف بتاعه ساعه كامله بجد انا اول مره نروح مشينا من عنده الساعه 3 بليل والله
والاستشاره ربع ساعه دكتور عنده ضمير رخم قوى وزهقنا موت اليوم ده ومكناش مصدقين اللى بيحصل انه بيكشف ساعه كنا هنتجننا لاننا كنا اخر ناس :02: بس الامانه هو كويس وعنده ضمير عرفين دكتور كبير وفاضى وبيحب شغله

totamanas;11450140:
السلام عليكم ورحمة الله

تسلم ايدك علي الفكرة الجميلة دي انا قريت الموضوع من اوله لاخره عشان استفيد منكم جزاكم الله خير بالنسبة ليا انا عندي يوسف عمره خمس سنين ونص ومريم خمس شهور الله يهديهم ويصلح حالهم يارب ونصحيتي للامهات ان الفرق بين اول وتاني بيبي المفروض ميكونش كبير اوي لاني عانيت مع يوسف كتير وكان منطوي ومش واخد علي حد حتي القريبيين مني وحتي اما كان بيطلع يلعب في الحديقة كان لازم اكون حنبه ولو مشيت يعيط وكان عمره وقتها 3سنين ونص ولسة لحد دلوقتي معندوش الشجاعة انه يواجه حد زعلو لوحده لازم يجيني ويشتكي عشان اخد له حقه المهم دي كانت نصيحتي لكل ام ولو افتكرت حاجة تانية حقولكم عليها

فعلا معاكى حق هو احسن فرق بين الاتنين بالكتير قوى 3سنين
المهم انتى حاولى تشاركى يوسف فى اهتمامك بمريم يعنى خاليه يسعدك وانتى بتحميها او بتغيرلها او حتى بتشتريلها حاجه وحسسيه انه اكبر منها وهو المفروض يحبها ويهتم بيها عشان هى متعرفش تعمل حاجه وصغننه
وبرضو حاولى لو ينفع توديه نادى يشترك فى اى لعبه زى السباحه بتديه ثقه فالنفس وبيكون اجتماعى اكتر
وربنا يخلهملك يهديهم يارب
ونورينا دايما بنصيحك :ok:

راااحتي ب سجودي;11450348:
انا ام جديدة خبرتي بلاطفال قليلة..ومنكن نستفيد

اهلا رااااحتى منوره وتتهنى بالبيبى بتاعك دايما
على فكره احنا هنا معظمنا امهات جدد ولى اول مره ومع بعض ممكن نفيد بعض

مشامى79;11452530:

انا معاكى ان الفرق كده كبير انا برضه عندى يوسف خمس سنين ودانا سبع شهور بس انا اللى تعبت فى انى كنت خلاص عودت يوسف ينام فى ميعاد ويقوم فى ميعاد وينام فى اوضته وفجاه كل حاجه باظت النوم رجع اتلخبط وبقه يرفض ينام فى اوضته لوحده يقولى انام لوحدى ياماما وطبعا صعب احط سرير دانا فى اوضته عشان الرضاعه فكل حاجه فعلا باظت ورجع السهر فبجد لما يكون الفرق اصغر بتظبطيهم سو وترتاحى من همهم مره واحده
وممكن يكون ابنك منطوى عشان مش بيشوف اطفال كتير وبعدين دى بتبقى طبيعه شخصيه انتى بس حاولى تخليه يختلط باطفال هو مش بيروح مدرسه المفروض يكون فى كى جى ما كده
موضوع تحفه

منوره يا مشامى وربنا يخليلك دانا ويوسف
معلش هوممكن مع الوقت يوسف يتعود بس المهم انه يحب دانا ويهتم بيها
وحاولى برضو تجبيله لعب بيحبها ويحس ان وجود دانا مش ماثرر عليه خالص

سماسم****;11454455:
يعطيكِ العافية حبيبتي

سماسم منوره وياريت نشوف مشاركات اكتر :ok:

garfeild;11454645:
نصيحة النهاردة
لاااااااااااااااااااازم الببي يتعرض للشمس علشان فيتامين د وطبعا كلنا عارفين اهميته في تكوين الكالسيوم وثبات الكالسيوم في العظام واللي شايف ان تعرض البيبي للشمس صعب يعني معندوش شمس في البلكونه يدي البيبي فيتامين د نقط وده برضه كلام دكتور مدحت الزيات وقال ان الفيتامين د ممكن يتاخد من شهر التاني
بس انا بقيت اصحى بدري الساعة 10 وافتح الستارةو اعرض لومي للشمس 10 دقايق

وفي نصيحة كمان
البيبي مفروض من الشهرالتاني ياخد عصير برتقال دكتور الاطفال اللي وديت لمار ليه قالي كده وقالي نبتدي بمعلقة عصير برتقال مخففة بمعلقة ميه معدنيه وبالتدريج لغاية معلقيتن ومكترتش عن كده علشان الاسهال وقالي عصير البرتقال ممتاز لاامساك وكمان فتيامين سي وخصوصا في البرد ده وقالي استمر كده معلقتين لغاية 4 شهور وبعد كده ادخله مع البسكويت او السريلاك والشهر الخامس ممكن ببرونة 50 ملي

:03:
:08::08::08::08::08::08::08::08::08::08:

ليالي 99;11456120:
مشكورة اختي على هالموضوع الرائع00اناعندي حمودعمره(5شهور)مشكلته ماينام كثير يعني ساعتين ويصحى حتى بالليل كذاورضاعته للحين 90مل ماياخذاكثر والسيرلاك كم وجبه فاليوم0

منوره ليالى وربنا يخليلك حمود يارب هو ممكن فعلا ميكونش شبعان و90مل ده قليل
انتى المفروض اللى يحدد الجرعه هو الدكتور بس هو ماشاء الله 5 شهور يعنى احتياجه للبن اكتر ولزم تزودى لحد مايشبع حمود والمفروض تديله اكل برضو زى بسكوته ساده متبوشه فى مايه مرتين فاليوم او بالزبادى خالى الدسم
البيبى بينام كويس لما يكون شبعااااااااااااااااااان

nemonamanemo;11458418:
طيب انا عايزه افهم هو ايه اهميه التيتينه ليه مهم نديها للاطفال انا شايفه انها بتبقي رخمه و خصوصا لما يكبر شويه و تقع علي الارض و تتلوث

نيمو انا حاولت ادى نانو التيتيه اول مره مصت فيها وبعد كدا زقتها ومش حباها خالص مش عارفه ليه يمكن البنت عاقله وميضحكش عليها هههههههههههه
بس عموما انا شيفه انها عشان تلهى البيبى وميعيطش كتير او لو نايم هى بتديله الاحساس بالامان وينام نومه كويسه

nemonamanemo;11458429:
انا عندي ديه
ممكن استخدمها من الشهر الكام

ممكن من شهرين والبيبى يبتدى يتفاعل معاها على 4 شهور
نيمو انتى حامل وله معاكى بيبى:083:

toty858;11459361:
عاوزة اسئل على حاجة يا بنات
حد عندو فكرة عن الحمونيل للاطفال ازاى نعالجة؟؟
واية اللى بيخلية يطلع وازاى اتجنبة

انا كل اللى اعرفه يا توتى انه بيجى مالحر
الف سلامه عليها وربنا يحفظهالك هى مالها ملطشه معاها اليومين دول ليه ربنا يخفف عنها يارب
بصى هو ده لحمونيل مررات اخويا قالتلى عليها هى شغاله فالشركه بتعته

وديه مكوناته ودواعى الاستخدام معلش بالانجليش عشان جبتها مالموقع ترجميها من جوجل
Composition Each 100 ml contain:
Zinc oxid 10 gm
Camphor 0.1 gm
Menthol 0.2 gm
Glyeerol 10 gm


Indication Pan-d lotion is applied externally in case of :
- Inflammatory skin reaction
- Redness & Roughness
- Mild sun burn
- Sweet rash
- Skin irritation associated with insect bites
وربنا يشفيها يارب مايا حبيبتى :087:

sosiii-cat;11460509:
عايزة اسألكوا علي حاجة بقي انا بنوتي علي طول عندها امساك مش عارفة ايه السبب وإضطريت اديها لبوس جلسرين كذا مرة وخايفة تتعود عليه ومش تعرف تعمل الا بيه بعد كدة ايه الحل ياتري ؟؟؟

منوره يا سوسى الامساك عادى هو مش امساك زى بتعنا يعنى لا ده عشان البيبى بياخد كل فايده الاكل او اللبن ومفيش زياده عشان يخرجه فعادى نانو برضو كانت كدا اول 3 شهور كان ممكن تقعد يومين تلاته متعملش وتديها فى رابع يوم انفجار :085:
فعادى انتى ممكن لما متعملش اعمليلها ينسون مش محلى تاخد تلات اربع معالق كدا

لوليكي;11461083:
روووووووووعة الموضوع منكم نستفيد حبيباتي

لوليكى منوره ويارب تستفيدى فعلا
وياريت تفيدينا من خبراتك

toty858;11461207:

باذن الله اجرب الشامبو والشاور مع بعض
بس ياتري سعرة اية؟
انا كنت جايبة الشامبو بس ب 21

كمان انتى بتلبسى داخلى اد اية؟
انا الاول كنت ملبساها
سالوبيت قطن كم وواحد كت والبيجامة لاقيتها بردت لبستها فانلة كمان نص
كدة كتير؟

الشاور والشامبو ب 20ج يا توتى

وانا بلبس نانو حاليا شايا بكم وواحده بنص وعليهم سالوبيت قطن
وعلى فكره انا طول الشتا مكنتش بلبسها اى حاجه قطيفه غير فالخروج بس والحمد لله

Eng. BoB;11462260:

حلوين قوى يا انوس بس الميزان وحش
قوليلى اللى بـ27 دى شوفتيها فين؟

وله يهمك مالميزان يا بيبو انتى ادعيلى بس :087:
الشخاشيخ شفتهم فى كيدزبارك فى مدينه نصر بس هما هتلاقيهم فى اى محل اطفال كبير

sosiii-cat;11463910:


اناناسة اللعب حلوة اوي عايزة اجيب زيها العب بيها انا :037:

وحياتك وانا كمان ولسه فى لعب تجنن :ok:


وده او زد اللى بستعمله لنانو للحفاضات ودلوقتى فى منه حجم اكبر

تسلميلي يا مشامي وربنا يخلي يوسف وداناويهديهم بس انا بعتب عليكي انك اتراجعتي مع يوسف كان المفروض تفهيميه ان اخته نونة صغننة وبترضع ولازم تكون نايمة جنبك وانه خلاص كبر وكلها كام شهر واخته تكبر وتنام معاه في اوضته وتونسه وكان لازم تقنعيه بهداوة لحد ما يلتزم زي ما كان اما موضوع النوم دا ربنا يعنا عليه يارب وتكون فترة وتعدي بسرعة بسرعة دا انا بصبر نفسي بكدا ها ها ها

[QUOTE=crazy ananas;1146432

منوره يا سوسى الامساك عادى هو مش امساك زى بتعنا يعنى لا ده عشان البيبى بياخد كل فايده الاكل او اللبن ومفيش زياده عشان يخرجه فعادى نانو برضو كانت كدا اول 3 شهور كان ممكن تقعد يومين تلاته متعملش وتديها فى رابع يوم انفجار :085:
فعادى انتى ممكن لما متعملش اعمليلها ينسون مش محلى تاخد تلات اربع معالق كدا[/QUOTE]

اناناسة نور عندها اربعين يوم اديلها ينسون عادي؟؟

sosiii-cat;11465989:
اناناسة نور عندها اربعين يوم اديلها ينسون عادي؟؟

عقبال متكمل ميه سنه
انا بدى نانو بيبى درنك من اول يوم عادى والينسون موجود فيه
فكنت سئلت الدكتوره بتعتها كانت نانو مكمله شهر تقريبا قولتها ان نانو مش بتحب البيبى درنك قالتلى ممكن تكون بتحب نوع واحد من الاعشاب وقالتلى اعملها نوع واحد زى الينسون او الكراويه كدا وكمان الكاموميل اللى هو الشيح البابونج :ok:
فعادى يا سوسى اديها ينسون من غير سكر

ربنا يخليكي يا انوسة وميرسي علي ردك واهتمامك ربنا يخليلك نانو يارب:083:

ملخص حلقة دكتور مدحت الزيات

كان موضوع الحلقة عن حساسية الصدر عند الاطفال ربنا يعافي اولادنا
قال ان في تلاته انواع من الحساسية( تزييق في الصدر وده بيكون ناتج من البرد و حساسية مصاحبة لكحة وبرد وبيروح عادي مع العلاج وفي تزييق بيكون ناتج من حساسية في الانف ونوع تالت حساسية وراثية وده نوع خطير والربو الشديد وقال ان دي اخطر نوع )
قال ان اي طفل بيكح مثلا بليل كتير والصبح عادي ده مش معناه انه عند حساسية في الصدر لآ ده بيكون حساية في الانف وبيكون المخاط عنده كتير وبينزل وهو نايم في بؤة وبالتالي بيكح شديد اوي وفي دكاترة كتير بيشخصوا غلط ويقولو حساية في الصدر ويدوا دوا غلط وبيكون العلاج غلط في غلط واصلا في الاساس العلاج حاجة تافه جدا انه نقط لانف (محلول ملحي من اي صيدلية)
لكن الكحة المستمرة ليل ونهار متواصله ده لازم يتعالج بمضاد حيوي
وقال برضه في فرق بين حساسية الصدر وحساسية الانف
الصدر لو كان بيزيق من غير كحة ده معناه حساسية انف لكن تزييق الصدر مع كحة شديده ده يكون حساسية صدر وقال انهم بيعلموا الدكاترة الصغيرين القاعدة دي
واتكلم برضه عن الاخطاء اللي بتعملها الدكاترة في العلاج الخاطئ للكحة والبلغم بيقول المشاع ان اي دكتور يروح كاتب طارد للبلغم لما يكون الطفل عنده كحة وبلغم ع الصدر بيقول ده مش علاج كويس
لازم في الاساس انتي بيوتك مناسب للطفل وياخد مذيب للبلغم مش طارد للبلغم لان في فرق بينهم
المكالمات بأه ملخصها
واحده اتصلت وبتقول للدكتور ابني عمره 6 شهور ومبنمش كويس عمل ايه
قالها لازم تشبعي ابنك قبل مينام يعني تكون اخر وجبة ليه اكل مش لبن لانه كبر واحتياجاته زادت واللبن مش كافي انه يشبعه وقال الطفل في عمر 6 شهور مفروض خلاص كبر وياكل يعني مفروض 5 وجبات مشبعه( 3 لبن و2 وجبة سريلاك رز او قمح وخضاراو تفاح مسلوق) يعني يكون اليببي حصيلته في الاخر 5 وجبات مشبعة
وواحده تانيه اتصلت وقالت ان بنتها عندها سنة ووزنها 7 كيلو وعلطول عندها نزله معوي من وهي شهرين مرتين في الشهر وبتوديها المستشفى تعلق محاليل لمدة اربع سعات وتروح
قالها ده ممكن يكون حساسية من اللبن و 7 كيلو وسنة ده قليل اوي وايه توديها تاخد محاليل اربع ساعات وتروح ايه ده
قالها ازاي يجيلها نزلة معوية من وهي عمرها شهرين مفروض مبتكلش حاجة من الارض وانك مفروض تحافظي عليها وتحافظي على نظافة الببرونة قالها ده اكيد حساسية من اللبن او لازم تحلل دم وبراز لانه ممكن يكون برضه التهاب بكتيري ومتعالجش اصلا كويس علشان كده بيرجع علطول قالها وديها مكان كويس يعملها تحاليل دم وتعرفي بنتك عندها ميكروب ايه وتتعالج صح ولو احتاجت محاليل يكون محالليل طول مدة العلاج مش لمدة اربع سعات وتروحي

وفي واحده تانيه اتصلت وبتقول ان بنتها عندها سنه ونص ووزنها 7 كيلو ونص ( طبعا هو ودعاء المذيعة استغربوا جدا وقالوا تاني واحده بنتها وزنها 7 كيلو وقال الدكتور ده تهريج )
المهم المتصله بتقول ان بنتها ضعيفة اوي لدرجة انها مبتقدرش تقوم او تحبي كويس ولو سندتها تقع منها ومبترضاش تاكل ابدا وترجع الاكل ومبتخدش غير اللبن وبس
قال الدكتور الكلام ده مينفعش طبعا ولازم تاكلي بنتك غصب عنها مرة بالعب ومرة قدام التلفزيون وتحاولي مرة في مرة هتاكل ومش هترجع وسألها انتي ابتديتي تأكلي بنتك امته قالتله وهي عندها 7 شهور طبعا قالها ده ميكنش ينفع وياجماعه احنا بنقول لازم تعودوا ولادكم انهم ياكلوا من الشهر الرابع علشان يعرفوا ان في حاجة اسمها اكل مش كله لبن وبس ويرفضوا بعد كده الاكل ويكون في صعوبه للتعود

وواحده اتصلت بتقول هل ممكن الواحد يشفط البلغم من الصدرقالها مفيش حاجة اسمها تشفيط من الصدر ده كلام فارغ المفروض ندي مذيب للبغلم ونشفط البلغم من الحلق وندي موسع للشعب الهواثية



كان معكم من القاهرة من منزلها المراسلة التليفزيونية:029::029:



















:029: سيمووووووو :029:

garfeild;11468953:
ملخص حلقة دكتور مدحت الزيات

كان موضوع الحلقة عن حساسية الصدر عند الاطفال ربنا يعافي اولادنا
قال ان في تلاته انواع من الحساسية( حساسية من الجو و حساسية مصاحبة لكحة وبرد و حساسية شديدة والربو الشديد وقال ان دي اخطر نوع وبيظهر عند البيبي في خلال الشهور الاولى من عمره)
قال ان اي طفل بيكح مثلا بليل كتير والصبح عادي ده مش معناه انه عند حساسية في الصدر لآ ده بيكون حساية في الانف وبيكون المخاط عنده كتير وبينزل وهو نايم في بؤة وبالتالي بيكح شديد اوي وفي دكاترة كتير بيشخصوا غلط ويقولو حساية في الصدر ويدوا دوا غلط وبيكون العلاج غلط في غلط واصلا في الاساس العلاج حاجة تافه جدا انه نقط لانف (محلول ملحي من اي صيدلية)
لكن الكحة المستمرة ليل ونهار متواصله ده لازم يتعالج بمضاد حيوي
وقال برضه في فرق بين حساسية الصدر وحساسية الانف
الصدر لو كان بيزيق من غير كحة ده معناه حساسية انف لكن تزييق الصدر مع كحة شديده ده يكون حساسية صدر وقال انهم بيعلموا الدكاترة الصغيرين القاعدة دي
واتكلم برضه عن الاخطاء اللي بتعملها الدكاترة في العلاج الخاطئ للكحة والبلغم بيقول المشاع ان اي دكتور يروح كاتب طارد للبلغم لما يكون الطفل عنده كحة وبلغم ع الصدر بيقول ده مش علاج كويس
لازم في الاساس انتي بيوتك مناسب للطفل وياخد مذيب للبلغم مش طارد للبلغم لان في فرق بينهم
المكالمات بأه ملخصها
واحده اتصلت وبتقول للدكتور ابني عمره 6 شهور ومبنمش كويس عمل ايه
قالها لازم تشبعي ابنك قبل مينام يعني تكون اخر وجبة ليه اكل مش لبن لانه كبر واحتياجاته زادت واللبن مش كافي انه يشبعه وقال الطفل في عمر 6 شهور مفروض خلاص كبر وياكل يعني مفروض 5 وجبات مشبعه( 3 لبن و2 وجبة سريلاك رز او قمح وخضاراو تفاح مسلوق) يعني يكون اليببي حصيلته في الاخر 5 وجبات مشبعة
وواحده تانيه اتصلت وقالت ان بنتها عندها سنة ووزنها 7 كيلو وعلطول عندها نزله معوي من وهي شهرين مرتين في الشهر وبتوديها المستشفى تعلق محاليل لمدة اربع سعات وتروح
فضل يضحك وقالها انتي بتهرجي 7 كيلو وسنة ده قليل اوي وايه توديها تاخد محاليل اربع ساعات وتروح ايه ده
قالها ازاي يجيلها نزلة معوية من وهي عمرها شهرين مفروض مبتكلش حاجة من الارض وانك مفروض تحافظي عليها وتحافظي على نظافة الببرونة قالها ده اكيد ميكروب ومتعالجش اصلا كويس علشان كده بيرجع علطول قالها وديها مكان كويس يعملها تحاليل دم وتعرفي بنتك عندها ميكروب ايه وتتعالج صح ولو احتاجت محاليل يكون محالليل طول مدة العلاج مش لمدة اربع سعات وتروحي

وفي واحده تانيه اتصلت وبتقول ان بنتها عندها سنه ونص ووزنها 7 كيلو ونص ( طبعا هو ودعاء المذيعة استغربوا جدا وقالوا تاني واحده بنتها وزنها 7 كيلو وقال الدكتور ده تهريج )
المهم المتصله بتقول ان بنتها ضعيفة اوي لدرجة انها مبتقدرش تقوم او تحبي كويس ولو سندتها تقع منها ومبترضاش تاكل ابدا وترجع الاكل ومبتخدش غير اللبن وبس
قال الدكتور الكلام ده مينفعش طبعا ولازم تاكلي بنتك غصب عنها مرة بالعب ومرة قدام التلفزيون وتحاولي مرة في مرة هتاكل ومش هترجع وسألها انتي ابتديتي تأكلي بنتك امته قالتله وهي عندها 7 شهور طبعا قالها ده ميكنش ينفع وياجماعه احنا بنقول لازم تعودوا ولادكم انهم ياكلوا من الشهر الرابع علشان يعرفوا ان في حاجة اسمها اكل مش كله لبن وبس ويرفضوا بعد كده الاكل ويكون في صعوبه للتعود


كان معكم من القاهرة من منزلها المراسلة التليفزيونية:029::029:



















:029: سيمووووووو :029:

جزاكي الله خير يا سيمو انا القناة دي من رمضان وهي مش بتيجي عندي خالص
انا بعمل زي ما الدكتور بيقول بخلي اخر رضعة قبل ما بنتي تنام رضعة مشبعة ( صناعي ) وهي الرضعة الصناعي الوحيدة في اليوم بس كان قصدي منها عشان اعرف انام انا براحتي شوية :037::037:

sosiii-cat;11463910:
انا بديلها بيبي درينك ومابيعملش حاجة بردو يا توتي
هو انا ممكن اديلها معلقة واحدة عصير برتقال من امتي ؟؟؟؟؟

من الشهر التاني معلقة واحده مخففة بمية معدنية

طيب لو انا شربت عصير برتقال يجيب نتيجة معاها ؟؟؟ :040:
اه بس اشربي كتيييييييير واشربي كاموميل كتيييييييييير
بيحطوله بودرة تلك بس اليومين دول مش عارفة ايه الاشاعات اللي مطلعينها علي بودرة التلك دي ؟:057:

:037:

دي مش اشاعة ياسوسي ده الطب الحديث اكتشف ده مؤخرا

sosiii-cat;11465989:
اناناسة نور عندها اربعين يوم اديلها ينسون عادي؟؟

عادي ياسوسي بس من غير سكر

sosiii-cat;11468960:
جزاكي الله خير يا سيمو انا القناة دي من رمضان وهي مش بتيجي عندي خالص
انا بعمل زي ما الدكتور بيقول بخلي اخر رضعة قبل ما بنتي تنام رضعة مشبعة ( صناعي ) وهي الرضعة الصناعي الوحيدة في اليوم بس كان قصدي منها عشان اعرف انام انا براحتي شوية :037::037:

انتي ليه بتدي صناعي يا سوسي
لبنك مش كافي

على فكرة يا جماعة سيمو مش كاتبه الحلقة كلها
كان فيه انسة اتصلت وبتقول للدكتور ان اللبوس مبيسحيش عند ابنها واتصلت بعد الفاصل كمان

لو سمحت يا انسة سيمو ابقى ركزى اكتر من كدة وانقلى بضمير
لا اله الا الله

سؤال بقى
حد فيكو حيطعم الطفل بتاعه الروتا؟؟؟

lifedrop;11469520:
على فكرة يا جماعة سيمو مش كاتبه الحلقة كلها
كان فيه انسة اتصلت وبتقول للدكتور ان اللبوس مبيسحيش عند ابنها واتصلت بعد الفاصل كمان

لو سمحت يا انسة سيمو ابقى ركزى اكتر من كدة وانقلى بضمير
لا اله الا الله

سؤال بقى
حد فيكو حيطعم الطفل بتاعه الروتا؟؟؟

حلوة الانسه ام عيل دي:085:..انا الانسه دي على فكره يابناات :025:
انا سألته سؤالين الاولاني عن وزنه انه 9,200 وهو عنده 10 شهور ووزن الولاده 3,400 فقالي ان وزنه على سنه مش وحش انما بالنسبه لوزن الولاده يعتبر قليل ..المفروض في الشهر العاشر البيبي يبقى بين 7,400 و 11 وربع ..فبالنبسة لوزن محمد الفروض يبقى 10 ونص

السؤال التاني انه بقاله اسبوعين مش بياكل ومش بيمعل حمام الا لما اديله لبوس جلسرين واللبوسه مش بتسيح بتنزل زي ماهي ..والدكتور قالي اديله حاجه اسمها لاكتيلوز ومعملش حاجه وبرضه اديتله لبوس ..قالي انه مش بيعمل بسبب قلة الاكل وانه لازم ياكل ويشرب سوايل وقالي ياكل كل حاجه رز وملوخيه وكل اكلنا يعني ..واهم معلووومه ان لبوس الجلسرين مبيسحش اصلا :037:

المهم انا بفكر في حاجه ان ليه فعلا منعملش موضوع نلخص فيه حلقة الدكتور مدحت كل اسبوع بحيث اللي مشفهاش يقدر يستفيد برضه ..يعني نعمل موضوع منفصل وكل اسبوع بنتفق على البنوته اللي هتشيل الحلقه
هو بييجي كل تلات على الحياة 2 الساعه 2 على 4 ونص الفجر

صحيح ياندى بالنسبه للروتا مهم اوي البيبهات ياخدوها هي والhib انا قبل ما اطعم محمد قريت عنهم على النت وفي ويكيبديا ولقيت ان الروتا فيرس ده خطير اوي ربنا يحمي ولادنا يارب ..وتطعيم الhib بياخدوه في اوروبا من 20 سنه وبياخدوه برضه في الخليج في مكاتب الصحه عادي ..انما في مصر لانهم غاليين فمش بيدوه في الصحه

جميل الموضوع وان شاء الله ليا عوده

garfeild;11468953:
ملخص حلقة دكتور مدحت الزيات
كان معكم من القاهرة من منزلها المراسلة التليفزيونية:029::029:
:029: سيمووووووو :029:

ياسيموووووووووو يا جامدددددددددددددددد
ربنا يكرمك يا سيمو بجد وعجبنى قوى التددقيق بتاعك وملونه الكلام المهم بالاحمر
:ok:

sosiii-cat;11468960:
جزاكي الله خير يا سيمو انا القناة دي من رمضان وهي مش بتيجي عندي خالص
انا بعمل زي ما الدكتور بيقول بخلي اخر رضعة قبل ما بنتي تنام رضعة مشبعة ( صناعي ) وهي الرضعة الصناعي الوحيدة في اليوم بس كان قصدي منها عشان اعرف انام انا براحتي شوية :037::037:

نفس سؤال سيمو انتى بتديهها صناعى من نفسك وله من كلام دكتور

lifedrop;11469520:
على فكرة يا جماعة سيمو مش كاتبه الحلقة كلها
كان فيه انسة اتصلت وبتقول للدكتور ان اللبوس مبيسحيش عند ابنها واتصلت بعد الفاصل كمان

لو سمحت يا انسة سيمو ابقى ركزى اكتر من كدة وانقلى بضمير
لا اله الا الله

سؤال بقى
حد فيكو حيطعم الطفل بتاعه الروتا؟؟؟

يا سلام يا مدمازيل ام جوجو
انتى حتى مقولتيش الانسه اللى اتصلت الدكتور قالها ايه شكلك كنتى معديه من قدام التلفويون وله حاجه :049:

اما التطعيم والله يا ندى انا محتاره اخر حاجه بجد فيه وفى الانفلونزه البكتيريه وممش عارفه بيتاخدوا امتى ومش عارفه حسه عقبال ماافكر يكون معادهم خلص

hoobie;11469840:
حلوة الانسه ام عيل دي:085:..انا الانسه دي على فكره يابناات
المهم انا بفكر في حاجه ان ليه فعلا منعملش موضوع نلخص فيه حلقة الدكتور مدحت كل اسبوع بحيث اللي مشفهاش يقدر يستفيد برضه ..يعني نعمل موضوع منفصل وكل اسبوع بنتفق على البنوته اللي هتشيل الحلقه
هو بييجي كل تلات على الحياة 2 الساعه 2 على 4 ونص الفجر

طب مش تقوليلنا عشان نتفرج كلنا عالبرنامج وانتى بتتصلى عشان نشجعك :014:
ربنا يطمنك على محمد يارب

حلوه فكرت الموضوع بس ايه رايكم نخالى موضوع لى برنامج لدكتور اطفال
واللى يشوف الحلقه يقول اسم الدكتور والكلام للى قاله

hoobie;11469894:
صحيح ياندى بالنسبه للروتا مهم اوي البيبهات ياخدوها هي والhib انا قبل ما اطعم محمد قريت عنهم على النت وفي ويكيبديا ولقيت ان الروتا فيرس ده خطير اوي ربنا يحمي ولادنا يارب ..وتطعيم الhib بياخدوه في اوروبا من 20 سنه وبياخدوه برضه في الخليج في مكاتب الصحه عادي ..انما في مصر لانهم غاليين فمش بيدوه في الصحه

ايه ال hib ده يا هوبى
وانتى طعمتى محمد من الروتا وهما مواعيدهم امتى

dew.dew;11469916:
جميل الموضوع وان شاء الله ليا عوده

تنورى يا ديو وربنا يكملك على خير يارب :087:

سيمو وكريزي اناناس انا برضع بنتي طبيعي وولا لامرة تنام بعدها بتقعد تحلم كدة شوية وبعدين تفوق تاني بعد شوية وتبقي جعانة وتقعد تعيط جامد يعني بحس انها مش بتشبع فلما قلت للدكتور قاللي مافيش مشكلة خالص لو اديتلها رضعة او اتنين بالكتير صناعي في اليوم يعني مرة بالليل مثلا اول ماجي انام وعايزة انيمها ومرة في وسط اليوم كمان انا خايفة اوي تبقي ضعيفة لان انا وباباها رفيعين جدا

عارفه يا سوسى نفس مشكلتى مع ياسين
نفضل نرضع بتاع 4 ساعات علشان فى الاخر ينام
كل شويه ريرضع عشر دقايق وينام احطه على السرير دقيقتين ويصحى تانى ونفضل فى الموال ده لحد ما خلاص يشبع وينام وفيها بقى لحد عشره الصبح والله بدون مبالغه
امبارح من اتنين بليل لعشره الصبح وانا فى الفيلم ده حتى جوزى فى الاخر قالى انتى عايزه تدخليله صناعى ؟؟ بس انا مستحرمه والله
وماما بتقولى كلام بقى الناس القديمه جايز لبنك مش تقيل فمش بيشبع بس انا مقتنعه ان ده رزقه من عند ربنا واكيد ربنا مقدره الخير واكيد احسن فبستحمل الفيلم الهندى ده وخلاص بس ببقى خلصصصصصصانه وحموت وانام :(

بس فعلا لما بيشبع بينام ماشاءالله كويس ومش بيقوم تانى بسرعه
بس فعلا نفسى يشبع بطريقه اسرع شويه :(

افيدونا بقى يا سابقون :)


وكمان مش راضى ياخد اى اعشاب خالص لا بيبى كالم ولا بيبى درينك ولا يانسون
عملت كله ومش راضى ياخد حاجه خالص
الدكتور قالى حطى عليه نقطه عسل بس جوزى رافض تماما بيقولى غلط مع ان الدكتور الى قال الكلام ده صاحبه بس هوا معترض بيقولى مش فارق دلوقتى معاه الطعم اصلا بس تكون دافيه وهو ياخدها بس بقى ياسين مش نافع معاه لا دافيه ولا بارده ولا اى حاجه
هل دى بقى لليها حل ؟ موضوع الاعشاب يعنى

والنوم كمان على الجنب مش بيحب ينام على الجنب خااااااااااالص ويفضل يعيط جامد وبخاف انيمه على ضهره علشان بخاف يرجع ولا حاجه لانه ساعات بيقشط لبن فبخاف يرجع تانى فى زوره بعد الشر عليه يارب
فالنوم مأساه برده بالنسبالى وفى الاخر بحطه فى الكارسيت علشان تبقى راسه عاليه ومش يرجع القشط فى زوره لا قدر الله

اريد حلولالالالالالالالالالالالالالالالالالالالا :(