نصيحه من كل ام لكل ام

موضوع جميل بجد

موضوع رائع رائع يا انوسة تسلمى يارب و عايزة اضيف حاجة ولو انى لسة مدخلتش فى الجد بس على اللى انا قريته بالنسبة للهدوء عشان البيبي ينام انا قريت قبل كدة ان البيبي لازم لازم يتعود انه ينام فى اى جو يعنى من الاول يتعود انه ينام و التليفزيون شغال او فى دوشة حواليه عشان لو عودتيه انه ينام فى هدوء تام مش هينام غير كدة بعد كدة و اى صوت بسيط هيفزعه فبالتالى الموضوع تعود مش اكتر و نفس الحكاية للضوء لو عودتيه على النوم فى الضلمة هيبقى صعب جدا تنيميه فى النور و اى ضوء هيقلقه او مش هينام نوم مريح و هيقلق علطول

السلام عليكم

مشكوره اختي موضوع مفيد جدا واكثر من رائع
تمنى كل الامهات العربيات يستفيدوون


بنتي الكبيره ربي يحفظها عمرها سنتين الا شهر
والصغيره عمرها 8 اشهر تقريبا بتكملها بعد كم يوم

نصيحه انصحها كل الامهات
لا تهملووووو نظافة ايدي الطفل ولا تتركي احد يسلم على ايده او يبوسه حتى وهو بيبي مولود خذيه واغسلي ايده بالماء والصابون
اكث شئ حرصت عليه من اول ما ولدت بنيت الكبيره ما احد يبوس ايدها ولو صار هالشئ من الاغراب او اي احد بعدها لازم اغسل ايدها بالماء والصابون المطهر للاطفال او لايف بوي بالتحديد
لان بعض الناس تحمل جرائيم وبكتيريا لا نراها و يمسك ايد طفلك وبعدها الطفل يمص ايده فتاذيه لا سمح الله وشفت كثير صارلهم كدا

نصيحتي الثانيه لكل اممممم اكلي طفلك من الشهر الرابع ولا تاخريه الى الشهر السادس

بنيت الكبيره اكلتها من بداية الشهر الرابع وتعودت على الاكل من صغرها الحمدلله
وللاسف الشديد

بنتي الصغيره للحين ما تاكل لاني اتبعت نصح الاطباء وما اكلتها الا بعد الشهر السادس وللاسف لم تتقبل الاكل
ومن وجهة نظري امهاتنا واجددانا اكلونا من الشهر الرابع والحمدلله ما فينا الا العافيه

نصيحتي اكلو اطفالكم من الشهر الرابع حتى يتعود الطفل على الاكل ويتقبله
لاني الحين محتاره وبنتي صارت 8 اشهر وما تاكل ولا لالاشئ غير الحليب حتى اني صرت ابكي
حاولت بكل الطرق مافي فاااااايده ومناعتها صايره ضعيفه طبعا لانها ما تاكل واقل شئ تمرض
وعلى فكره بنتي مش اول حاله حتى صديقتي صار مع بنتها نفس الشئ ولم تتقبل الاكل

وكل ما افتكر شئ باقوله لكم باذن الله

تقبلوو مروري

حلو اوى الموضوع فعلا وفكرتة مهمة
جزاكى الله كل خير
هجمع افكارى وارجع :)

نصيحتي : لا تقولين لطفلك إنت غبي حتى لو كنتي عصبيه أو متنرفزه إمسكي أعصابك وإنتبهي لكلامك لأنه مره راح يصدق الكلام و يحطمه خاصه في بداية مشواره الدراسي
شجعيه دايما وإرفعي من معنوياته وقولي له مثلا وش سبب التشجيع لأن طفلك ذكي
نصيحتي الثانيه : تكلمي مع طفلك وبكل صراحه وبحدود عن التحرش الجنسي مثلا : لا تكشف أعضائك لأحد حتى لو طلب منك
وتنبهينه لا أحد يلمس عضوك من الأمام أو المؤخره وإذا فيه أحد سواها علمني ترا أنا أحبك و إنت شاطر وإذا قلت لي ماراح أهاوشك بس راح أهاوش إلي يسوي معك كذا

يسلمووووووووووو عالطرح

افتكرت حاجة مهمه وانا برضع لمار قولت اجي اقولها قبل ما انسى :01:
علشان البيبي ينام كويس بليل وينام كام ساعة متواصلة لااااااااااااااااااازم يرضع كوس اوي ويشبع يعني رضعة مشبعة ويتركع بعدها هينام 5 ساعات متواصلين من غير زن وعياط ان شاء الله ده بالنسبة للي لسه شهرين او تلاته لكن اربع شهور وفيما فوق تكون اخر اكل ليه يكون وجبة مثلا سريلاك او زبادي ببسكويت مطحون ( كلام دكتور مدحت الزيات)
وفي حاجة كمان كل ام تحاول تشرب اعشاب الكاموميل كتيييييييييييير وعليها معلقة عسل نحل بتهدي الاعصاب ليكي ولطفلك وبينام هادي

موضوع اكثر من رائع يا انوسة بجد استفدت من اللي مكتوب لحد دلوقتي ان شاء الله شهر او اقل واحصلكم يا مامهيات ادعولي وتستاهلي التقييم يا انوسة

يا عيال انا عايزة اقولكو حاجة

خصوصا للامهات اللى بترضع طبيعى
انا الحمد لله روحت للدكتورة عشان صدرى كان بيوجعنى
فقالتلى حاجة كدة (مش حقولها عشان فيه ناس بتتعب بالايحاء) ممكن تؤدى انى صدرى يتفتح وكتبتلى على حقن حقنتين يوميا وانى مرضعش جوجو خالص منه...
فياريت تهتمو جدا بنضافى صدركم بعد الرضاعة وتدهنو باستمرار كريمات مرطبة عشان التشققات
وربنا يبعد عنكم اى حاجة وحشة
وادعو ان ربنا يشفينى عشان انا موسوسة ودماغى فيها افكار وحشة

اناناسه الموضوع جميل جدا ومفيد حلو اوى ان نتبادل الخبرات
بصوا بقى انا معنديش خبره نوهائى فى لعب الاطفال انا ابنى عنده 4 شهور الا اسبوع ايه اللعب المناسبه لسنه
وليا عوده ان شاء الله بنصائحى الجباره مع الاطفال قال يعنى عندى قورطت عيال

mashimaro16;11443621:
الله اكبر ماشاءالله
الموضوع ده تحفه يا اناناسه
ربنا يباركلك ياررررررررررررررب يا جميله ويجعله فى ميزان حساناتك

بجد الموضوع حلو وانا استفدت منه بس معنديش اى حاجه اقولها لسه اول اسبووووووووووع امومه ومحتاسه طبعا
ياريت نصايح للفتره دى بالله عليكم
خصوصا النوووووووووووووووووووووووووووووووووووووووووم
والمغصصصصصصصصصصصصص
والتتينه والببرونه انا جبت المقشوطين وبرده مش نافع معاه

بجد جزاكم الله خيرا كلكم يا جماعه

منار الف مبروك على ياسين ربنا يجعله ريه صالحه
انا حاسه بيكى والله اد ايه الفتره دى صعبه بصى بقى بالنسبه للمغص فى ماء غريب حلو للمغص والغازات وسايمثيكون للانتفاخ دول لازم يبقوا عندك والاهم التكريع لازم يتكرع بعد كل رضعه وتنيميه على جنبه اليمين او الشمال بالتبادل عشان لو فى غازات تخرج ونيميه شويه على بطنه على رجليكى بحيث رجليكى تبقى ضاغطه على بطنه النومه دى مريحه بس شويه مش على طول وهاتيله ميلوبا بالكاموميل بتهدى المغص شويه

النوم ربنا يعينك صعب انك تظبطيه دلواتى لكن نصيحتى لكى اول ما ينام سيبى كل اللى فى ايدك ورحى نامى عشان اعصابك تبقى هاديه وكمان النوم مفيد للبن
التتينه والببرونه مالهم مش راضى ياخدهم؟
لو كده جربى تانى ومتياسيش لازم يتعود عليهم من اول يوم هترتاحى اوى وكمان عوديه يشرب اعشاب من اول يوم زى الينسون والكمون والكارويه والنعناع

يارب اكون افدتك يامونى وربنا يقويكى

بنات انا نفسى اوى اللى تشوف حلقات دكتور مدحت الزيات تيجى تقولنا على المعلومات اللى قالها ممكن تفيدنا انا مش بقدر اتابعه القناه دى عندى واقعه على طول
وياريت كل واحده تقول بتابع مع دكتور اطفال مين لولادها ؟

sweet_toota;11444044:
موضوع رائع رائع يا انوسة تسلمى يارب و عايزة اضيف حاجة ولو انى لسة مدخلتش فى الجد بس على اللى انا قريته بالنسبة للهدوء عشان البيبي ينام انا قريت قبل كدة ان البيبي لازم لازم يتعود انه ينام فى اى جو يعنى من الاول يتعود انه ينام و التليفزيون شغال او فى دوشة حواليه عشان لو عودتيه انه ينام فى هدوء تام مش هينام غير كدة بعد كدة و اى صوت بسيط هيفزعه فبالتالى الموضوع تعود مش اكتر و نفس الحكاية للضوء لو عودتيه على النوم فى الضلمة هيبقى صعب جدا تنيميه فى النور و اى ضوء هيقلقه او مش هينام نوم مريح و هيقلق علطول

نظريه بردوا

فعلا معاكي حق

نور 2;11445279:
نصيحتي الثانيه : تكلمي مع طفلك وبكل صراحه وبحدود عن التحرش الجنسي مثلا : لا تكشف أعضائك لأحد حتى لو طلب منك
وتنبهينه لا أحد يلمس عضوك من الأمام أو المؤخره وإذا فيه أحد سواها علمني ترا أنا أحبك و إنت شاطر وإذا قلت لي ماراح أهاوشك بس راح أهاوش إلي يسوي معك كذا

فعلا الموضوع ده بقي مهم جدا في الزمن ده

بالنسبة للتيتينة مش كل الاطفال بيرضوا ياخدوها
انا واخويا جننا ماما وعمرنا مارضينا ناخدها ابداااااااا لكن اختى كانت بتاخدها عادى جدا جدا


وبالنسبة للأكل على الست شهور ده مش بيقلل شهية الطفل ولا حاجة .. الاطفال زى الكبار زى ما فى ناس كبيرة شهيتها فى الاكل قليلة وناس شهيتها كبيرة الاطفال كده هم كمان .. واحدة صاحبتى ما اكلتش بنتها الا على الست شهور زى كلام الدكتور وما شاء الله البنت زى الفل وبتاكل كويس جدا دلوقتى ..

Jumanaa;11448599:
بنات انا نفسى اوى اللى تشوف حلقات دكتور مدحت الزيات تيجى تقولنا على المعلومات اللى قالها ممكن تفيدنا انا مش بقدر اتابعه القناه دى عندى واقعه على طول
وياريت كل واحده تقول بتابع مع دكتور اطفال مين لولادها ؟

فعلا يارييييييييييييت الدكتور ده ممتاز وعلى طول الحلقه بتقع منى
وانا بتابع مع دكتور حازم المصرى فى النعام
دكتور ممتاز:03:

garfeild;11445540:
افتكرت حاجة مهمه وانا برضع لمار قولت اجي اقولها قبل ما انسى :01:
علشان البيبي ينام كويس بليل وينام كام ساعة متواصلة لااااااااااااااااااازم يرضع كوس اوي ويشبع يعني رضعة مشبعة ويتركع بعدها هينام 5 ساعات متواصلين من غير زن وعياط ان شاء الله ده بالنسبة للي لسه شهرين او تلاته لكن اربع شهور وفيما فوق تكون اخر اكل ليه يكون وجبة مثلا سريلاك او زبادي ببسكويت مطحون ( كلام دكتور مدحت الزيات)
وفي حاجة كمان كل ام تحاول تشرب اعشاب الكاموميل كتيييييييييييير وعليها معلقة عسل نحل بتهدي الاعصاب ليكي ولطفلك وبينام هادي

كلام سلييييييييم ميه فى الميه:08::08::08::08::08::08::08::08::08::08:

هو مدحت الزيات بيجي برنامج ايه على قناة ايه الساعة كام؟؟؟

ياريت فعلا يا جماعة اللى يعرف دكتور كويس يقول عليه

السلام عليكم ورحمة الله

تسلم ايدك علي الفكرة الجميلة دي انا قريت الموضوع من اوله لاخره عشان استفيد منكم جزاكم الله خير بالنسبة ليا انا عندي يوسف عمره خمس سنين ونص ومريم خمس شهور الله يهديهم ويصلح حالهم يارب ونصحيتي للامهات ان الفرق بين اول وتاني بيبي المفروض ميكونش كبير اوي لاني عانيت مع يوسف كتير وكان منطوي ومش واخد علي حد حتي القريبيين مني وحتي اما كان بيطلع يلعب في الحديقة كان لازم اكون حنبه ولو مشيت يعيط وكان عمره وقتها 3سنين ونص ولسة لحد دلوقتي معندوش الشجاعة انه يواجه حد زعلو لوحده لازم يجيني ويشتكي عشان اخد له حقه المهم دي كانت نصيحتي لكل ام ولو افتكرت حاجة تانية حقولكم عليها

انا ام جديدة خبرتي بلاطفال قليلة..ومنكن نستفيد

Eng. BoB;11449976:
هو مدحت الزيات بيجي برنامج ايه على قناة ايه الساعة كام؟؟؟

ياريت فعلا يا جماعة اللى يعرف دكتور كويس يقول عليه

بيبو بيجي في برنامج كلام من القلب علي قناه الحياة الموف الساعه 2 لحد 3 الظهر يوم الثلاثاء

انا كنت بتابعه بانتظام لانه دكتور رائع بس للاسف بقيت بروح للدكتور بتاعي في الميعاد ده و بقي بيقع مني