نصيحه من كل ام لكل ام

بناتى حياتى;11435010:
ماشاء الله موضوع حلو اووووووى ياانوس

انا بقى عايزة اسال ع كزا حاجة كدة يارب تفيدونى
مع ان عندى بنوت ة عندها سنتين بس مش فاكرة

اروتى عندها شهر واسبوع
ديما وهيا نايمة بتتفزع كدة مرفش دة عادى ولااية

وحتى لو مسمعتش صوت عالى جمبها يعنى من نفسها كدة القيها كانها اتخضت من حاجة


حاجة كمان المفروض ان الزغوتة بتيجى للاطفال بعد الرضاعة
اروتى بقى بتصحى من النوم يجيلها زغطتة حتى لو متكرعة قبل ماتنام
ياريت اللى يعرف حاجة يفيدنى بيها

وطبعا انا اول ماهفتكر حاجة تفدوكو هقولكو ع طوول

موضوع جميل اوى بجد تحفه
بصى ياحبيبتى انا عندى دانا سبع شهور وبرضه كانت بتتفزع كده ولو حد اتكلم ففجاه والا حاجه برضه تتخض بس كل لما بتكبر الموضوع بيخف فخلى بالك بس وهى مع الوقت ان شاء الله هتبقى تمام

mashimaro16;11443621:
الله اكبر ماشاءالله
الموضوع ده تحفه يا اناناسه
ربنا يباركلك ياررررررررررررررب يا جميله ويجعله فى ميزان حساناتك

بجد الموضوع حلو وانا استفدت منه بس معنديش اى حاجه اقولها لسه اول اسبووووووووووع امومه ومحتاسه طبعا
ياريت نصايح للفتره دى بالله عليكم
خصوصا النوووووووووووووووووووووووووووووووووووووووووم
والمغصصصصصصصصصصصصص
والتتينه والببرونه انا جبت المقشوطين وبرده مش نافع معاه

بجد جزاكم الله خيرا كلكم يا جماعه

مبروك النونو ويارب يقويكى بقه على النوم والمغص بصراحه كل ادويه المغص زى قلتها اهم حاجه كرعيه بعد الرضاعه اهم حاجه ولو حسيتى انه عنده مغص نيميه على بطنه والتيتينه مع الاسف لازم كان ياخدها اول لما اتولد وسبخان الله فى اطفال بترفضها كده وخلاص من غير اسباب

totamanas;11450140:
السلام عليكم ورحمة الله

تسلم ايدك علي الفكرة الجميلة دي انا قريت الموضوع من اوله لاخره عشان استفيد منكم جزاكم الله خير بالنسبة ليا انا عندي يوسف عمره خمس سنين ونص ومريم خمس شهور الله يهديهم ويصلح حالهم يارب ونصحيتي للامهات ان الفرق بين اول وتاني بيبي المفروض ميكونش كبير اوي لاني عانيت مع يوسف كتير وكان منطوي ومش واخد علي حد حتي القريبيين مني وحتي اما كان بيطلع يلعب في الحديقة كان لازم اكون حنبه ولو مشيت يعيط وكان عمره وقتها 3سنين ونص ولسة لحد دلوقتي معندوش الشجاعة انه يواجه حد زعلو لوحده لازم يجيني ويشتكي عشان اخد له حقه المهم دي كانت نصيحتي لكل ام ولو افتكرت حاجة تانية حقولكم عليها

انا معاكى ان الفرق كده كبير انا برضه عندى يوسف خمس سنين ودانا سبع شهور بس انا اللى تعبت فى انى كنت خلاص عودت يوسف ينام فى ميعاد ويقوم فى ميعاد وينام فى اوضته وفجاه كل حاجه باظت النوم رجع اتلخبط وبقه يرفض ينام فى اوضته لوحده يقولى انام لوحدى ياماما وطبعا صعب احط سرير دانا فى اوضته عشان الرضاعه فكل حاجه فعلا باظت ورجع السهر :096:فبجد لما يكون الفرق اصغر بتظبطيهم سو وترتاحى من همهم مره واحده
وممكن يكون ابنك منطوى عشان مش بيشوف اطفال كتير وبعدين دى بتبقى طبيعه شخصيه انتى بس حاولى تخليه يختلط باطفال هو مش بيروح مدرسه المفروض يكون فى كى جى ما كده
:08:موضوع تحفه

يعطيكِ العافية حبيبتي

Jumanaa;11448235:
اناناسه الموضوع جميل جدا ومفيد حلو اوى ان نتبادل الخبرات
بصوا بقى انا معنديش خبره نوهائى فى لعب الاطفال انا ابنى عنده 4 شهور الا اسبوع ايه اللعب المناسبه لسنه
وليا عوده ان شاء الله بنصائحى الجباره مع الاطفال قال يعنى عندى قورطت عيال

اللعبة دي بتنمي ذكائهم ونمو عقلهم


ودي كمان

Eng. BoB;11449976:
هو مدحت الزيات بيجي برنامج ايه على قناة ايه الساعة كام؟؟؟

ياريت فعلا يا جماعة اللى يعرف دكتور كويس يقول عليه

بيجي يابيبو الساعه يوم التلات 2 الضهر ع برنامج دعاء فاروق كلام من القلب على الحياة الموف وفي اعادة الساعه 5 الفجر
وكمان بيجي على الحياة الحمرا الساعة 12 الضهر يوم الخميس في برنامج العيادة

نصيحة النهاردة:08:
لاااااااااااااااااااازم الببي يتعرض للشمس علشان فيتامين د وطبعا كلنا عارفين اهميته في تكوين الكالسيوم وثبات الكالسيوم في العظام واللي شايف ان تعرض البيبي للشمس صعب يعني معندوش شمس في البلكونه يدي البيبي فيتامين د نقط وده برضه كلام دكتور مدحت الزيات وقال ان الفيتامين د ممكن يتاخد من شهر التاني
بس انا بقيت اصحى بدري الساعة 10 وافتح الستارةو اعرض لومي للشمس 10 دقايق

وفي نصيحة كمان
البيبي مفروض من الشهرالتاني ياخد عصير برتقال دكتور الاطفال اللي وديت لمار ليه قالي كده وقالي نبتدي بمعلقة عصير برتقال مخففة بمعلقة ميه معدنيه وبالتدريج لغاية معلقيتن ومكترتش عن كده علشان الاسهال وقالي عصير البرتقال ممتاز لاامساك وكمان فتيامين سي وخصوصا في البرد ده وقالي استمر كده معلقتين لغاية 4 شهور وبعد كده ادخله مع البسكويت او السريلاك والشهر الخامس ممكن ببرونة 50 ملي

مشكورة اختي على هالموضوع الرائع00اناعندي حمودعمره(5شهور)مشكلته ماينام كثير يعني ساعتين ويصحى حتى بالليل كذاورضاعته للحين 90مل ماياخذاكثر والسيرلاك كم وجبه فاليوم0
>>وحبيت ااكدعالمناغاة من اول اسبوع ينولدفيه تحاولي تفتحي شفايفك وبالبطيئ تقولي :هووو اغووو وبعدشهر: ابه يعني بابا وحبه حبه لحدمايتكلم
>>وبالنسبه للي بنتها تتفزع ولدي كان كذا بس حاولي تلفينها صح عشان تحس بالامان0
>>وبالنسبة للتنويم فالهدوء اشوفه مش كويس لان لورحت زيارة لحد اوجاني ضيوف ماراح ينام وبكذامشكله

طيب انا عايزه افهم هو ايه اهميه التيتينه ليه مهم نديها للاطفال انا شايفه انها بتبقي رخمه و خصوصا لما يكبر شويه و تقع علي الارض و تتلوث

garfeild;11454601:
اللعبة دي بتنمي ذكائهم ونمو عقلهم

انا عندي ديه

ممكن استخدمها من الشهر الكام

عاوزة اسئل على حاجة يا بنات
حد عندو فكرة عن الحمونيل للاطفال ازاى نعالجة؟؟
واية اللى بيخلية يطلع وازاى اتجنبة

نيمو البلاى جيم دة هو مكتوب علية من 3 شهور
بس انا حطيت مايا تحتة من شهرين كانت بتحاول تلعب من غير ما تفهم كدة
هتحسي بالتجاوب الحقيقي من 4 شهور
انتى عادى ابدئي من شهرين كل ماتبداى بدري كل ما النتيجة اسرع

بالنسبة للتينة في اطفااااااااااااال بيكون حلها الوحيد التتينة لان في بعضهم بيكون عندة رغبة للمص
مش شرط يكون بيرضع لا هواية كدة هههه
انا جة عليا وقت كنت باكل وادخل الحمام واتفرج على التلفزيون ومايا عمله نفسها بترضع
وكانت رافضة التتينة فضلت وراها وصممت اخدها على 3 شهور كدة

حلو اوي الموضوع دة بجد ربنا يباركلك يا كريزي اناناس انا قرأت كل اللي فاتني وبجد بستفيد منكوا اوي اوي بس فين اللعب :083::083::083:

عايزة اسألكوا علي حاجة بقي انا بنوتي علي طول عندها امساك مش عارفة ايه السبب وإضطريت اديها لبوس جلسرين كذا مرة وخايفة تتعود عليه ومش تعرف تعمل الا بيه بعد كدة ايه الحل ياتري ؟؟؟

سوسي
انا مرة بنتى جالها امساك وقعدت 4 ايام متعملش
اتصلت بالدكتور بتاعها
ومقاليش اديلها لبوس ولا حاجة
قالى اديلها اعشاب كتييير اللى فيها بابونج
وفعلا لما بحس انها ابتدت متعملش اديها الحمد لله بيجيب نتيجة
وانا كنت سمعت مدحت الزيات بيقول كدة بردو

انتى عارفة لو نورين كبير شوية كنت قلتلك اديها عصير برتقال بيسهل البطن كتييير

sosiii-cat;11460509:
عايزة اسألكوا علي حاجة بقي انا بنوتي علي طول عندها امساك مش عارفة ايه السبب وإضطريت اديها لبوس جلسرين كذا مرة وخايفة تتعود عليه ومش تعرف تعمل الا بيه بعد كدة ايه الحل ياتري ؟؟؟

بصى بقه بالنسبه للامساك لازم تعرفى الاول هى بتعمل كام مره فى اليوم عشان فى طفل بيعمل مره او اتنين وفى بعد كل رضعه فلازم تتابعيها الاول وبالنسبه للبوس هو ليه بروتكول كده لاستخدامه عشان مش تتعود عليه يعنى مثلا انتى اديتيها اللبوس بالليل الساعه تسعه وعملت ماتديهاش تانى الابعد 12ساعه من نفس الوقت اللى اخدت فيه لان اللبوس بيفضى الامعاء خالص فمش تلحق حبيببتى تعمل فلازم تتستنى لنفس المعاد اللى اديتىهولها فيه وتستنى بعده 12 ساعه لو ماعملتش تاخده تانى يارب تكونى فهمتينى وحاولى بقه تظبطى اكلك ممكن تكونى بتاكلى حاجات بتسسبب لها الامساك ون شاء الله تبقى زى الفل:ok:

روووووووووعة الموضوع منكم نستفيد حبيباتي

اهلا بكل البنات الجديده عوزه ارد على كل واحده بس بجد مفيش وقت

بس ان شاء الله هرد وارحب بكل واحده فى اقرب وقت

بصوا دول شويه لعب كدا عالسريع

:ok:
ديه مجموعه لعب اول شهرين او 3 شهور واهم حاجه فيها انها تكون ناعمه الونها زاهيه وفاقعه ومش بتتكسر او تتفك بسهوله وكمان اللعب فالسن ده لما تكون كبيره احسن من الاحجام الصغيره





والبيبى جيم فى منه اشكال كتير واحجام مختلفه




ديه مجموعه شخاشيخ وشفتها ب 27

toty858;11459361:
عاوزة اسئل على حاجة يا بنات
حد عندو فكرة عن الحمونيل للاطفال ازاى نعالجة؟؟
واية اللى بيخلية يطلع وازاى اتجنبة

الحمونيل بيجي من الحر وخصوصا لو البيبي كان مش لابس ملابس قطنية داخلية وخارجية وفي الايام الي كانت حر طلع للمار حمونيل عند رقبتها كتيييييييييير لبستها سالوبيت قطن وقلعتها القطيفة ولازم تكون البافتة قطن ناعم لان في بافتات خامتها زي البشكير ودي بطلع لوحدها حمونيل وبتعمل حساسية وكنت كل ساعتين امسحلها رقبتها بمياة دافية مايله للفاتره ولو مرحتش هاتي لوشن اسمه A1 حلو للحامونيل وطبعا مش هاوصيكي اياكي والباودر لانها خطررررررررررررر جدا لااطفال وخصوصوا ع منطقة الرقبة لانها ممكن تعمل اختناق للبيبي وكما فيها مواد مسرطنة ربنا يعافينا ويعافي اولادنا

sosiii-cat;11460509:
عايزة اسألكوا علي حاجة بقي انا بنوتي علي طول عندها امساك مش عارفة ايه السبب وإضطريت اديها لبوس جلسرين كذا مرة وخايفة تتعود عليه ومش تعرف تعمل الا بيه بعد كدة ايه الحل ياتري ؟؟؟

سوسي متحكميش على نورين انها عندها امساك الا لو قعدت متعملش بيبي لمدة 6 ايام او اكتر انما غير كده عادي جدا انها متعملش لمدة يومين تلاته وخصوصا في التلات شهور الاولى لان البيبي بياخد كفايته من اللبن وميعملش بيبي فهماني
وممكن تديها معلقة عصير برتقال مخففة وبلاش بجد لبوس الجلسرين كل دكاترة الاطفال قالوا بلاش منها غير مستحبة لان البيبي بيتعود عليها ودي حاجة مش ظريفة وكمان خلي اكلك انتي يحتوي على الياف كتير وطبعا الخضروات والحجات دي وقللي من الحجات اللي بتعملك انتي امساك وكتري من السوايل على اد ماتقدري لان كل حاجة انتي بتاكليها وبتشربيها بتروح للبيبي

ليالي 99;11456120:
مشكورة اختي على هالموضوع الرائع00اناعندي حمودعمره(5شهور)مشكلته ماينام كثير يعني ساعتين ويصحى حتى بالليل كذاورضاعته للحين 90مل ماياخذاكثر والسيرلاك كم وجبه فاليوم0
>>وحبيت ااكدعالمناغاة من اول اسبوع ينولدفيه تحاولي تفتحي شفايفك وبالبطيئ تقولي :هووو اغووو وبعدشهر: ابه يعني بابا وحبه حبه لحدمايتكلم
>>وبالنسبه للي بنتها تتفزع ولدي كان كذا بس حاولي تلفينها صح عشان تحس بالامان0
>>وبالنسبة للتنويم فالهدوء اشوفه مش كويس لان لورحت زيارة لحد اوجاني ضيوف ماراح ينام وبكذامشكله

كده قليل ان تكون الرضعة 90 ملي بس ده مفروض ياخد 160 في الرضعة ده 5 شهور ماشاء الله وكمان لازم ياكل يعني وجبتين سريلاك او زبادي ببسكويت مطحون او خضار مسلوق ومهروس وكمان تفاح مسلوق
علفكره ممكن قلة النوم دي من الجوع حاولي تشبعيه كويس اوي قبل مينام

nemonamanemo;11458429:
انا عندي ديه

ممكن استخدمها من الشهر الكام

ممكن تستخدميها من الشهر التالت وكمان من قبل كده كمان

تسلم ايدك يا سيمو
بس مايا طلعلها حونيل امبارح فظيييع مش مجرد الرقبة بس
بطنها وضهرها ورقبتها
حتى لما اتصلت بالدكتور اتخض من الوصف وشك انها بعد الشر حصبة المانى وقالى هاتيها وكشف عليها وقالى انة حمونيل ومقاليش احطلها حاجة
الغريب بئة انها لابسة قطم 100% داخلى بس الخارجى كان بيجامة قطيفة تفتكري منها؟؟
وهل هيا هتفضل كدة بئة بقية عمرها لو حست بالحر يجلها بهدلة كدة؟
وبالنسبة للشاور عادى الصابون والشاور جل وكدة ولا الاجسام دى محتاجة عناية خاصة
انا حمتها انهاردة وقل كتير طبعا بس بردو لسة موجود

toty858;11461160:
تسلم ايدك يا سيمو
بس مايا طلعلها حونيل امبارح فظيييع مش مجرد الرقبة بس
بطنها وضهرها ورقبتها
حتى لما اتصلت بالدكتور اتخض من الوصف وشك انها بعد الشر حصبة المانى وقالى هاتيها وكشف عليها وقالى انة حمونيل ومقاليش احطلها حاجة
الغريب بئة انها لابسة قطم 100% داخلى بس الخارجى كان بيجامة قطيفة تفتكري منها؟؟
وهل هيا هتفضل كدة بئة بقية عمرها لو حست بالحر يجلها بهدلة كدة؟
وبالنسبة للشاور عادى الصابون والشاور جل وكدة ولا الاجسام دى محتاجة عناية خاصة
انا حمتها انهاردة وقل كتير طبعا بس بردو لسة موجود

ياروحي عليها الف سلامة عليها يا توتي بيصعبوا عليا اوي ربنا يخفف عنها يارب
بصي من تجربتي مع ولاد اختي كمان ان الهدوم ليها عامل كبييييير اوي في الحمونيل والحر والهدوم القطيفةوكده لكن طول ما انتي بتحميها علطول بيقل وبيخف شوية بشوية ومعتقدش انها هتكون كده بقية عمرها انتي طول ما انتي محافظه عليها باللبس والحموم بتاعها اول لاول ان شاء الله هتكون عادي وبالنسبة للصابون واالشاور اعتقد عادي لانه بيكون كده كده بيور وخفيف ع الاطفال
انتي بستخدمي ايه ليها ؟
شامبو وشاور جل سانوسان تحفة وناتشورال

الله يسلمك ياسيمو والله مايا بقالها اسبوع كدة عجيبة ربنا يحميها يارب
انا بستخدم شامبو سانسونسان بس اللى هو شامبو لوحدو
وكنت جايبة شاور جونسون ولسة مش راضي يخلص :)
باذن الله اجرب الشامبو والشاور مع بعض
بس ياتري سعرة اية؟
انا كنت جايبة الشامبو بس ب 21

كمان انتى بتلبسى داخلى اد اية؟
انا الاول كنت ملبساها
سالوبيت قطن كم وواحد كت والبيجامة لاقيتها بردت لبستها فانلة كمان نص
كدة كتير؟

مش فاكرة والله كان بكام ياتوتي الزهايمر يا اوختي بس قربت تخلص لما اشتري هقولك بكام:03:
انا بلبس كده للومي اهم حاجة يكون كله قطن في قطن وخلي بالك من التيكت اللي في السالوبيتات الداخليه لانها ممكن برضه من الاحتكاك يعمل حمونيل