samoha2009;
انا بخير ومستانسة في عملي ومضيع وماخذ كل وقتي
اما زوجي مافي اي خبر عن رجعتنا لبعض ما اعتقد في رجعه خلاص
وانا صيره ادعي ربي انو ينسيني هو ويمحيه من قلبي نهائيا وربنا يسهل علي تربية اولادي
[/QUOTE:
ربنا يعوض صبرك بخير و يحنن عليك جنينك
[QUOTE=عروس ديرتي;11650957]السلااااام عليكم
بنات غبت عنكم شوي لاني كنت مرييضة مصخنة وبلاعيم وغير الفيلم الهندي الي صار لي خلوني اخبركم
يوم الخميس كان موعد تحليل السكر بو اربع ساعات وكنت احاتيه وادعي ربي مااسوية بس الله كتب وصار لازم اسويه المهم قعدت الصبح وانا تعبانة وصايمة علشان التحليل وكنت متعشيه سلطه بس رحت المستشفى والحمدالله امي كانت معاي خذوا مني دم وعطتني عصير الجلكوز علشان عقب ساعة بعد تاخذ دم مرة ثانية لكن من شربتة حسيت روحي بموت قمت اقاوم بس ماارجع العصير علشان مايروح تعبي بلاش لا لا مافي فايدة عيني صارت تنصك بروحها وامي من الخوف قامت تصيح علييي والحريم هناك يقعدوني وحده تقول جيبوا كرسي متحرك والا تقول ودوها على السرير اقول لكم فيلم هندي انا في هاللحظه مااشوف احد بس اسمع اصوات من كل جهه شوي الا رجعت العصير كله صوب الناس فشيلة بس غصب عني والله حسيت بموت طلعت السستر مالت المختبر قالت مافي فايدة لازم نعيد التحليل يوم ثاني يعني صيام وتعب على قلة الفايدة
العصر رديت تعبت وودوني المستشفى عطوني مضاد حيوي وكنت احاتي البيبي
بالليل قلت خلني اروح اتطمن على البيبي اشعة احسن والحمدالله كان كل شي تمام المشيمة والماي كان زين وقال الدكتور اني في الاسبوع 26 و وزن بنتي حبيبتي كيلووو
وباجر عندي موعد ان شاءالله يعدي على خير
تعبت من الهذرة خخخخخ
الف سلامه عليك ما تشوفي شر و الله يعينك على التحليل انا رح اعمله بس لسه ما حددت اليوم لزم في الويك اند عشان الاطفال يكونو مع زوجي
nevow;11656268:
يا جماعه ممكن حد يقولنا بالتحديد ايه المفروض نحطه في شنطه المستشفي يعني الحاجات كلها مره واحده
حسب ما تجلسي في المستشفي الكميه للام
1 - قمصان نوم للاستقبال
2 - ملابس داخليه وبنسبه للاندرويه انا استخدم حق الدوره الذي يستخدم مره وحده اشتريه من الصيدليه انا اشتري كميه تكفيني 3 اسابيع عشان هي خفيفه بنسبه للقيصريه وما نضغط على الجرح
3 - الستنيانات حق الرضاعه
4 - فوط صحيه حق الولده
5 - مناديل لثدي حق الرضاعه
6 - ادوات العنايه الشخصيه (مشط - شبصات - اطواق - فرشات الاسنان - معجون اسنان - كريم مرطب للوجه و الجسم -شامبو للجسم و الشعر - بلسم - ليفه)
7 - شاحن للجوال
8 - ساعة يد واكسسوارات خفيفه
9 - شبشب
بنسبه للطفل
1 - بربتوز داخليه
2 - برنتوز كامل او روب للاستقبال
3 - حفضات مقاس 1
4 - لحاف
5 - سليب باق
6 - رضاعات
7- لفافات او قماط
8 - مشبك للقماط
9 -مخده
اشاء الله ما اكون نسيت شي بس هذي تجهزاتي للمستشفي بس انا انتظر لما ادخل الثامن