¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

هذيــان;11430341:
موفقة :065:

فوفو الحين بتصير عروس مو فاضيه تدخل تكتب تقريرات :085:
كتبيه انتين متشوقين له :037:

حبيبة عزوزي;11432096:
جمعه مباركه بنات

بنات سؤال ضروري ابي اعرف من تعرف صالون يبيع حنا جاهز الي يكون عصاره يعني بس علينا نتحنى بس اهم شي يكون زين وغامق بمنطقه السهله او المصلى او طشان او الخميس يعني هالمناطق لاني بروح هناك اليوم بليز ردو علي وشكرا

مناامية;11435793:
الله يوفقها ويهنيها
عذووب انتي هناك اني بعد رحت!!!
بس مااعرفش:040:للاسف

وردالروان;11437164:
هدهد...
يسلموووووو على ضم اسمي لقائمة الزواج وعقبالج حبيبتي

الترجية ولولو وشوقو و منامية الف شكر لكم على دعوتكم لي وفرحتكم ويارب يعطيكم اللي في بالكم

حلومة...
يسلمو على التقرير الكشخة اللي مثلج وافدتيني خصوصا ان كنت حاطة دلال في بالي لكن بعد سالفة ايسكريم كنسلتها وقمت افكر واحاتي وين اروح معني عارفة جميلة تسويهم روعة بس تضعفهم من قلب وانه ما ابي هالمرة خيووووووووط

ايسكريم...
فكررررررررررري عدل والله تراها ليلة من العمر وماراح تتكرر خسارة تتنازلين عنها حراااااااااااااااام وسوي اللي انتي تبينه والحفلة للعروس ومحد له شغل:039:


تقرير لليوم...
الصبح رحت حمام مغربي بو 10 دينار في صالون رحمة صراحة افضل من 7 دينار لان دلعوني شوي وحطولي شي للتبييض وشي في شعري ينعم بس طبعا مؤقت مثل حمام زيت وطلعت منه فرش وانتعاش وكان خاطري ارقد

(طبعا انه رحت الحمام هالمرة لان الاسبوع الياي اللي هو مباشرة قبل زواجي بتكون فيني الدورة فصعبة اشوي شي :039:معنه كان خاطري في حمام كيلوبترا والقهر اخلص بعد الحنة يعني اسلم على حناتي:091::091:)

المهم والظهر رحت السعودية لفستاني وقالي جاهز بس الطرحة للحين وكنت دايخة وما اقدر اقيسه فما اعرف اللحين اهو اوكى او لا بس ماعليه لان برد اروح بأذن الله هالايام

(تصدقون بنات ايام ماكنت ادور لي فستان ماكان في موديلات عدلة خصوصا كان محرم وصفر فاخترت موديل من عندي وخلااااااص لكن هالايام نزلوا فساتين جديدة احلى من فستاني بميلون مرة وكل ما اجوف واحد اتحسر وفي خاطري اقطه على المحل واخذ غيره:085::085:)

بعدها رحت ايكيا اشتري اشياء للشقة ناقصتني وبعدها فكرت اغير جو يعني ابتعد شوي عن التجهيزات فرحنا شوي عند الكورنيش والهوى كان حلو وتعدلت نفسيتي شوي وردينه

الا بقولكم بنات انه هالفترة كلش ماعندي وقت اروح جيم ولاغيره وقاعدة اقلل من اكلي بس اللي باط جبدي جسمي مترهل خصوصا الزند فماعندكم طريقة تشده؟؟؟ او تعرفون حركة بالرياضة بروحي اسويها تشده؟؟:091::091:

الترجيه;11433830:
ورد الروان
بالبركه مقدما الله يتمم على خير ياربي

صحوبه
لاتدودهين روحج
اذا انتي في بالج كذا شي سوي من كل شي 100 حبه بحيث تسوين 300 حبه لهم كلهم
ورد 100 حبه
سجاد جيب 100 حبه
علب 100 حبه
او اخذي عطورات حجم الصغير وغلفيهم

سجاد الجيب شفته في المنتديات يحطونه للبيع وكانه بنت عمي يابت منه للبيع من فتره بس ماعرف الحين عندها او لا بجييك لج

وردالروان;11437164:
بعدها رحت ايكيا اشتري اشياء للشقة ناقصتني

Super Groo9a;11437416:
شنو اسمه المكييرة مالت صالون ازاليا الي في عاااالي
و شخبار مكياجها ؟
و جم اسعارهممم
جنه ذيك المرة متصلة حق ازاليا ابي اسأل عن مكياجهم قالوا لي 28
مااا ركزت وما راحيت هناك =@

صاحبة الظل الخفي;11437407:
سمعت ان صالون فاطمة شويطر انتقلوا
ممكن تدلوني

جمر الحنين;11431654:
السلام عليكم ..
شخباركم بنااات ؟؟
عساكم بخيرررر :025::025:

أول شيء ابي ترحيب منكم إذا ماعليكم أمررر ..
أختكم جديدة وياكم وهاااي أول مشاركة لي ..:040::040:

أتمنى تقبلوني بينكم .. :086::086:

تحياااتي للجميع

هذيــان;11433582:

والله ماذكر الفستان وولا اعرف العضوة
طرشي ليي كل شي عالخاص عن اسم العضوة و و
وبتفاهم وياش اذا اعرفها بخبرش :02:

حلمـ .,;11434082:

اليوم جايبة لكم تقريري عن مشاوير سويتها أمس :041:

وهي شغلات تفيد العرايس :032:

+

أمس رحت حفيت .. وأنا صار لي تقريباً سنة كاملة ما أحف :085:

كنت أكتفي بالتنظيف فقط

وحواجبي ما شاء الله جداً عريضة , ومعتفسة

فـ يبي لها تغيير 360 درجة

وأنا حابه أتغير :02:

قلت هالمرة بجوكم وبروح أحف .. وإلي فيها فيها

حجزت عند الحفافة ( دلال ) من م.حمد / الدوار 4

وأنا حجزتها من مدح صديقتي لها

ومن مدح أختنا / عذبة المشاعر لها .. يعني سامعة عنها وايد :092:

وتوي ألاقي رقمها وأدل مكانها :014:

+

رحت وأنا خايفة وخصوصاً إن الأخت / آيسكريم .. راحت لها وقالت إنها عفستها

بس أنا مجوكمة .. يعني ما بأذني ماي

وقلت حتى لو أختربوا أسمها مجازفة هههههههههه

حتى الماما قالت لي خليهم هاللون أو بس نظفي لا يعفسونهم لج :095:

+

الموهم رحت عالموعد

وما شاء الله عليها .. دلال

تعاملها يبرد القلب :016:

ويريح الوحدة

سآلتني شنو تبين بالضبط

قلت لها نظفي لي الفيس كله << أول مرة أسويها من خطوبتي ههههههه :07:

وأبي أحف حواجبي صار لي سنة مب حافة بس أنظف

وحواجبي عريضة وايد وأبيها تتم عريضة لا تضعفينهم .. وأبيهم رفيعين هاللون مع قوس لأن الكسرة ما تناسبني

قالت لي إنتي رسمة حاجبج من الله كسرة , ما أبي أخربهم لج بالقوس

قلت لها الموهم تحفيني وتغيريني

قالت ولا يهمج

إلي تبينه تم !.. :009:

+

خذت فيني ما يقارب الـ 45 دقيقة أو أزيد , بس ما حسيت بالوقت

لأن يدها الصلاة على النبي جداً خفيفة يعني آلم الحفاف كان طبيعي كلش وما عورتني

وتسولف معاج ما تخليج تملين

*

قمت وشفت روحي والله ما صدقت!!!! :027:

أول مرة بحياتي

أحب حواجبي جذي :092:

صج أنا ما كنت أحب إلا حفافتي " نجاة " ومن وقفت عن الحفاف أنا هم وقفت ولا قمت أحف

بس بصراحة ,

بدعت .. بدعت فيني

رسمتهم لي رسم

وسوت لي حتى أحلى من الشي إلي كنت متوقعته :062:

ويوم بطلع كان في كستمر جاينتي لها

والله ما شالوا عيونهم من علي :009: ههههههههههههههههه

ويقولون حفتج رهيبة .. وإلي جايه كانت تبي تضعف حواجبها

شافت حفتي قالت بحف عريض :041: ههههههههههههههههه

+

لا جد جد جد .. تسلم يدها !.. إعتمدتها حفافتي خلاص :085:

وأنصح فيها وبشدة , وبشدة

وعلى فكرة

إهما خوات

وكاهم حفافات معروفين وعلى مستوى

وتوي أعرف إنهم خوات ههههههههههههههههههههه :093:

- جميلة

- نسيم

- زكية

*

وبثثثثثثث :009:

وعلى فكرة ,

أستخدمت ماي ورد بعد ما رجعت البيت علشان يخفف آلم الحفاف

وبعد حطيت لي سكرابات

علشان أضمن إن ما يطلع لي حب

والحمد لله لحد الآن البشرة صافية , :03:

+

رحت محل جديد بعد في سوق واقف

مقابل بوتيك فيصل

أهو للإكسسورات العبايات & الفساتين

أسمه " شاه زنان "

أنا قبل ما أتعامل إلا مع طرادة

بس الحين بصراحة ما أروح إلا حقه

أسعاره وايد رخيصة .. ويخفضج عدل

وأغلب الأشياءات إلي عنده يحسب فيها المتر من 500 فلس وما فوق

أنصح فيه أيضاً ,

لأكسسورات العباية , أو إلي تبي شي لفستان :030:


هاي تقريري مال أمس .. وايد هذررررت :040:

آيسكريم;11435553:
بنات :(

خلاص مابسوي حفلة عرس ولا بسوي اي شي

وكل الي كنت افكر فيه خلاص مابصير فيني الصيحه والله

مجرد بتحنى ويوم ثاني بروح بيت عمي

بدون اي شي

آيسكريم;11435670:
:( المفروض اعوض لانه ماسويت لي خطوبة اله شي بسيط

بس صار ظرف عائلي اجبرني اتخذ هالقرار بدون اي تردد من القهر :(

اهو خطيبي مو راضي ويبي يسوي بس انا خلاص ماابي هذا انسب حل مافي حل ثاني

بس بيتنا اقترحو اتحنى قبلها بليله ويوم ثاني جلوتي وحفلة استقبال وخلاص

بس هم مو مقتنعه يا اسوي حفلة مثلماكنت اتمنى واخطط او ماسوي ولا شي

مادري والله اكتب والدمعه في عيني

كل شي خاطري فيه مابصير :( قههههههر

آيسكريم;11435857:
وهذا كلام خطيبي اقولي بتندمين بعدين مو الحين لانج معصبه ومو راضيه تسمعين من اي احد بشي

وقول انه اهو بحس بتأنيب الضمير لو مابسوي شي واصريت على قراري

هو ماله ذنب ومابي يحس بهالشي ومنقهر اكثر من كلامه لانه مابي يحس بهالشي

وحس كل شي متضارب في مخي ولا عارفه اتم على قرار غير انه ماسوي اي شي

وانا هذا الي قلته يا اسوي شي عدل ونفس الي كنت افكر فيه او ماسوي ولاشي ودخل وانا متضايقه لانه بحز في خاطري

افففففففف لوعه هالاحساس

:(

أنثى النقآء;11435655:
انزين بنات هذي صور حنة فاطمة ام سجاد شرايكم فيها ؟
الصور كبار ماعرفت اصغرهم اذا اصغرهم ما يبين النقش

بتيخة;11437512:
مساء الورد


شرايكم في تصوير سكوب برة الاستيديو؟