¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

soasa;11439383:
انا كنت لابسه يوم عرس اخوي فستان اوف وايت وفيه شك ذهبي والبنت اللي في الصالون حطت لي مكياج ذهبي مع تدرجات البني.... واذا بشرتج فاتحة ممكن تحطين بني على الشفايف يطلع واااااااايد حلو
وان شاء الله تكونين من الجميلات في العرس

ع ـذبة المشاعر;11439705:

**


همس

يعتمد على الصالون اللي بتروحين له ,, اذا ماكيره محترفه اكيد بتظبط لش اللون البرتقالي
ترى البرتقالي مدموج ويه المشمشي وشوي وردي احلى من برتقالي واصفر بالنسبه لي
وبيطلع واااو

وجــ ــود;11438242:

هذيان .. اذا حصلتي معلومات عن هالنفرة

خبريني :037:

[/CENTER]

لؤلؤة المحرق;11438291:

{ كل مآتحتآجينه لحفلتج }


http://forums.3roos.com/showthread.php?p=11438286&posted=1#post11438286

حيـآكم بنآت .. !

فوفو البحرين;11438570:
السلاام
شخباركم بناات
صار لي سبوع تقريبا مادخلت هني
بس لان كنت حدي مشغوله مع تجهيزات الملجه والخطوبه
والحين يايه احط لكم تقرير ملجتي
الحمدلله عدت على خير والكل استانس :037:

اليله الي قبل ماقدرت ارقد عدل يمكن بس ساعتين
بعدين قعدت الصبح وسبحت ورحت الرونق موعدي كان الساعه 10 وللأسف كان زحمه وقت الحجز وماقدرت احصل بدرية حق شعري فقمت حجزت عند جينا الفلبينيه :091:
اول شي سوت لي شي كلش كلش كلش غير عن الي كنت ابغيه
وماحطت لي اكستينشنز والبف كان صغير :091: ماكان عاجبني كلش وقعدت ودمعت عيني هناك وامي تسكتني بعدين رحت صوب الكونتر اقولهم الشعر ماعجبني :085: قامو نادوها وقالو لها تعدله
كانت مسويه لي نفخه جدام وايد عوده خليتها تصغرها وتبطل منها شوي ورفعت البف اكثر والحمدلله اخر شي عجبني :049: بس كانت نزره الفلبينيه تقهر :039:

خلصت 11 وشوي من الشعر ورحت البيت شوي
بعدين الظهر رحت صالون سيلينا عند فاطمه البستكي ومارحت الا الكهربا محترقه في الصالون وينتظرون الكهربائي ومادري شنوو انه هني صادني احباط ومن القهر يودت روحي عن لا اصيح :091:
مفروض كان تبدي فيني 2 ونص بس بسبب هالضروف بدت فيني الساعه 3 وشوي لما صلحو الكهربا
خلصت مكياجي تقريبا الساعه 5 الا شوي
وكاان المكيااج ماشاء الله حده فضيييع مع انها حطت لي اوفر اوفر وانه ماكان خاطري في مكياج خليجي عشان اتغير للخطوبه بس بعد المكياج عجبني مع العدسات طلع روعه :049: حطت لي درجات التركواز والاخضر الفاتح ليموني مادري شسمونه :085:وتحت العين دمجت الكحل مع شدو بنفسجي وحطت لي لمعه خفيفه ذهبيه
اهو الفستان لأن بنفسجي وذهبي وفيه شك اخضر وفيروزي بس صراحه ماتوقعت اطلع جذي :040: والحمدلله الكل عجبه المكياج
بعدين لبست وجهزت نفسي والمغرب رحت الماتم ويه الشيخ ياخذ اقوالي مادري شنو :085: وانه فيني الضحكه حدي :085::085::085: صراحه ماكنت مستوعبه شصاير ولا كأن ملجتي ماوتعيت الا عقب لما قامو ايببون ومادري شنو :085:
بعدين بدو الناس ايون ويسلمون علي انه هني شوي كنت مستحيه على مستانسه ههههههههه مادري شعور غريب
وبعدين تقريبا 10 ونص يه المعرس ولبست المشمر وكنت مستحيه شوي :02: بس مر الوقت سرييع
صورنا ويا بعض شوي و سوينا حركه العسل الي في الاصابع :085::085: وانه كان فيني الظحكه والناس كلها تطالع شوي تفشلت :085::085::085: وبعدين يابو لنا العصير انه قلت لخالتي اخذي كوكتيل طبقات بس الهندي قام ترس لها الكوكتيل فروت ومكسرات وصار ثقيل وغليظ ماقدرنا نشرب عدل بس شفطه وحده :085:
بعدين قعدنا شوي و 11 ونص مشينا ورحنا الاستوديو وصورنا :049:
الحمدلله عدت الليله على خير والكل استانس وعجبهم الفستان والشعر والمكياج
والحمدلله السفره والمسرح طلعو حلوين كانو من مزاهير بس شوي نرفزونا :039: يابو المسرح متأخرين و نسو الورد وبعدين ردو راحو اييبونه
ونسو النافوره الي في السفره
بس اشوه طلع كل شي مرتب وحلوو:094:

وردالروان;11438675:
ايكيا للكماليات فقط وما اييده لشي ثاني لان الخشب مال اغراضه ام دي اف(نشارة الخشب المجمعة )لما يصير شرخ مثلا في الطاولة وبعدها يصيدها ماي تتنفخ بس في عنده اشية حلوة مثل المناظر ادوات التخزين ..........الخ(كماليات للاثاث) واسعاره متفاوتة ويسوى الواحد يتعنى واذا ماعجبج شي جنج رايحة تغيرين جو لان اهو جدااااا كبير عبارة عن مجمع مفتوح على بعضه وفيه اقسام وفيه مصلى ومطعم كبير وقاعة الاكل كبيرة

همس الـروح;11439352:
مرحبــــآ

بقول لكم فستاني اوف وايت وفيه شك ذهبي
متحيرة احط ليي اي لون مكياج حق الحفلة .. !

قلت بحط ليي اورنج .. بس قالوا حقي يمكن الصالون ما يضبطونه .. !


شرايكم ؟! احط اي لون ميك اب ..؟؟!

maryoom;11438700:
أكيد مابيميدج حبيبتي.. والجيم يسوي نتيجة بس بعد فترة مو أسبوع
بإمكانج تسوين رياضة بالبيت يومياً بس مجرد حركة الأيادي (رياضة) :013: وأن شاء الله بتجيب نتيجة وموفقة حبووووبة

الترجيه;11439048:
رواني
اي هاي مشكله اسبوع
اممم ماحس بتاثر وايد الا اذا كان وزن ثقيل
بس بيني وبينج الحين مالج الا البيت سوي تمارين الزند زيدي منها

هذيــان;11439887:
ورد الروان للحين ماطرشت ليي اسم العضوة :057:

هدهد ما اعرف اسم العضوة ولا اعرف شي عنها عذبة المشاعر اهي اللي تعرفها بس ماتعرف رقم تلفونها

اي صج عذبوووووووو من وين استلمتي الفساتين لما اخذتي منها ؟؟؟
ادري مايسوى عليج بس عجبوني ماشاء الله


ناوية اروحه للتحف وهالسوالف .. مو للأثاث :01:

3athba;11435305:
هلا حلم
آنه ما كنت مقتنعه بالفكره
بس انتوا تجووفوون المنظر حلوو بس تركيه فخمه وخلاص
رحت المدهش وما حصلت والي اجووفهم كلا ناعمين ما يبين شي راهي وطاايح على فستاان عرووس
انزين حلم يعني تقوولين من بعد الصالون البس التركيه وادخل الصاله لي وقت تلبيس الشبكه
اغيرهمم دعواا لي احصل تركيه
كل يوم اقوول خلصت تطلع شغله غييير



شجعتيني
انزين بقوولج آنه حاجزه التصوير الى الصاله والإستيديوو
يعني تلبيس الشبكه بيكون في الصاله
يحتاج بعد البسهاا في الأستيديو ما ادري ليش احس السؤال غبي بس عذروووني خلاص تعبت :091:

طفله واطلب حنانك;11440457:
اختي لؤلؤة المحرق انتي سويتي زواجج في صالة جاسم الشكر صح؟ شرايج فيها من كل النواحي؟ ويا ريت توصفينها لي شلون صايره واذا فيها كراسي وطاولات ولا بس دار ما دارها.. وسعرها اذا تذكرين..

ويا ريت اي وحده تعرف الصاله او صالات نفسها تخبرني رايها فيها وسعرها اذا تعرف