¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

بتيخه فديتج
ماقصرتي حبيبتي

حلومه نعيما
وتسلمين ع التقرير

3athba;11434900:
بنات رحت بروفه اولى لفستاني والحمدلله عجبني
اقترحت عليي كبرى إنه البس تركيه لولو
وآنه حاطه في بالي
بدخل الصاله بدوون اكسسوارات
لأنه بعدين بلبس الشبكه
شنوو رايكم عادي ادخل الصاله بتركيه
يعني حلاته اذا كان لون الفستان ابيض او اووف واايت عادي لو لبست العرووص اكسسواار
لكن آنه خطووبه وفستاني لونه سماور ووردي والبطانه اووف واايت والشك فيه لولو
شتقوولوون؟؟
ووين احصل تراكي لولو كشخه

انا سويت جذي في حفلة خطوبتي بس صورت في الاستديو بالذهب و لما كنت بدخل الصالة لبست التراكي لان بيكون فاضي مافي شي ....
وتميت لابستهم لما لبست الذهب حق التصوير ...
وترى فكرة حلوة

:083:

بنات ساعدوني اشلون تكون التجهيزات حق ليلـــة حنـــة بسيطـــة

ملاكي الوحيد;11435094:
بنات ساعدوني اشلون تكون التجهيزات حق ليلـــة حنـــة بسيطـــة

سويها في البيت ,

المعازيم فقط الأهل ( خالاتج , عماتج .. حمواتج .. خالاته وعماته )

ولا تعزمين أي احد زود

وإذا حابه عزمي الأصدقاء المقربين جداً .. جداً

+

سو أكل بيتي , وأشتري خفايف

يعني : مكرونة , معجنات , مقبلات , مشاوي خفيفة , أكلات بحرينية , حلويات

+

سوي توزيعات بسيطة ونعومية

إنتي سويهم أو روحي لوحدة من هالحريم إلي يسون توزيعات بأسعار رمزية

ومع معازيمج

لا تسوين أزيد من 30 إلى 40 توزيعة فقط

مثلاً :

- حنة مع ورد مجفف

- شوكولاته

- عسل

- ماي ورد

- مرايا

+

أستآجري لج جلسة حنة , مع السناحات والمناظر

وخليهم ثيم للحفلة ,

وركبيهم في المكان إلي بتتحنين فيه .. الصالة أو المجلس

وهذيلا ما يكلفونج أزيد من 50

يآجرونهم عادةً من 25 وما فوق

في ناس تآجرهم في البيوت , وفي محلات المختصة بمستلزمات العرس تآجرهم

وأنا أذكر تآجرتهم من مآتم

وكان ثمن الإيجار مدة يدي للمآتم

+

أستآجري ديجي للبيت ,

وأسعار ديجي البيت كلش مب غالية

هيك من 20 وما فوق

وأنا أقصد تستآجرين عدة الديجي .. مب تجيبين ديجي

وخلي وحدة من خواتج مثلاً تشغل من اللابتوب

+

كشختج .,

أختاري إما ( ساري هندي , ثوب النشل )

روحي صالون

وحطي لج ميك آب بسيط جداً بو 10 أو 15

والتسريحة تعتمد على شنهو بتختارين ؟!..

إذا ثوب النشل , سوي شي نازل

وإذا الساري الهندي أحلى عليه المرفوعة مثل الهنديات

+

الإكسسورات !..

إذا ساري هندي إشتري لج إكسسورات هندي ملائمة

وإذا ثوب النشل ,

أستآجري لج ذهب .. أو شي مطلي بالذهب

*

وبثثثث :040:

وتقدرين تقللين مصاريفج وتسوين أشياءات أبسط من هيك

بس حتى هلأشياءات مقدور عليها

وبتكلفج من 100 إلى 200 دينار بس !..

pinkiya;11433562:
سلام عليكم


اول مرة اشاركم في هذ الموضوع


مبروك لكل العرايس والله يسهل اموركم ياارب



انزين فستان خطوبتي ان شاء الله بكون ذهبي


شنو لون الباقة المناسب له ؟



قلت بسويها هالشكل بسيط
اجوف هالموديل قاعد يرجع
اذا بسوي هالشكل راح تكون روز



بس خاطري في هالنوعية من الورد بس ماادري احصل منه او لاا في مزاهير
اسمه زنبق لو ليلي ؟









حجزت للخطوبة صالون سلوى واخدت للشعر نورية

والمكياج اخدت سلوى

الحين متحييرة على سلوى ناس يقولون مو الكل تطلعه حلوو




واني جاايفة لها مكياج وعجبني بس الحين مترددة بينها وبين لمياء



سااعدوني جزااكم الله خيير

؟؟؟؟؟

:057:

أنثى النقآء;11433774:

pinkiya مدام مقتنعة في سلوى لا تهتمين .. لان الناس اذواق وكل وحدة ذوقها يختلف

اييه اني مقتنعه في سلوى بس النااس خوفونيي

ايي والله النااس اذوااق

بس اني الا اعرفه في سلوى انه مو كل وحده تضبطها

وبعد حاطة في بالي انه اي وحده تحط مكياج تضبط هالوجه ولا تضبط الوجه الثاني

يعني حظ يانصيب هع :037:

مشكورة مشكورة حلومــــــــــــــــــــــــة مادري من غيرج شنو اسوي فديتج :$

أنثى النقآء;11435215:

بنات يوم السبت بروح السعودية وابي اشتري فستان ناعم للملجة في حدود جم راح يكلفني ؟

يعتمد السعر على المكان إلي إنتي ناوية تروحينه !..

عندج :

- فينسيا ( الخبر )

هذا المجمع متنوع وفيه كل شي تقريباً

أسعارهم للفساتين شويه أغلى من غيرهم

من 80 وما فوق ,

وعندهم أشياءات مرتفعة توصل إلى 200

وطبعاً تلقين النعومي وتلقين الوسط وتلقين الفخم جداً

- الجمعة ( الخبر )

هاي أيضاً أعتقد إنه منوع

وفساتينهم في مستوى الفينيسا راقية جداً وحديثة

وعندهم هالفترة تخفيضات ما يندرى خلصت أو لا ؟!..

تلاقين من 60 وما فوق ..

- المارينا مول ( الدمام )

هذي المجمع متخصص فقط في فساتين السهرة

والبيضاعة إلي عندهم مثل الفينيسا تقريباً

بس بأسعار أرخص ومتنوعة أكثر

أنصح فيه بقوة .. لأنه مجمع بس لفساتين

أسعارهم من 60 إلى 150 تقريباً ما تلقين شي أغلى بعد ..

*

وبسسسسس :083:

حلمـ .,;11434991:
إقتراح حلو وايد .,

وأنا مفكرة فيه مستقبلاً !.. :094:

إشتري لج شي راهي ومرتب

وعادي لا لبسته ما فيها شي

وفي الصالون بعد ما تلبسين الفستان لبسيهم ,

وإنتي رايحة الإستديو للتصوير " داخلي " بيكونون عليج وبيصيرون نايس مع الفستان & التصوير

وخليهم عليج ,

ودشي فيهم وتمي فيهم إلي ما يجين وقت تلبيسج الشبكة الذهب .,

عادي قلعيهم أو وحدة من خواتج أو حمواتج تجي تساعدج وتقلعج إياهم وتاخذهم

وبعدها لبسي شبكتج وصوري فيها :ok:

بسيطة وحلوة :032:

+

أنا وايد حابه هالشي وخاطري أسويه .. يعني أحسها حركة حلوة تلبسين إكسسوار وهو مجرد

للتصوير & شو :02:

عندج محلات الإكسسورات :

- مدهش ( فرع الرفاع & فرع جد علي )

- تويتي ( مجمع السيف )

- فاضل ( مجمع اللولو )

وإن شاء الله تلقين تراجي راهية تناسب فستانج :014:

هلا حلم
آنه ما كنت مقتنعه بالفكره
بس انتوا تجووفوون المنظر حلوو بس تركيه فخمه وخلاص
رحت المدهش وما حصلت والي اجووفهم كلا ناعمين ما يبين شي راهي وطاايح على فستاان عرووس
انزين حلم يعني تقوولين من بعد الصالون البس التركيه وادخل الصاله لي وقت تلبيس الشبكه
اغيرهمم دعواا لي احصل تركيه
كل يوم اقوول خلصت تطلع شغله غييير

زهوور البحرين;11435029:
انا سويت جذي في حفلة خطوبتي بس صورت في الاستديو بالذهب و لما كنت بدخل الصالة لبست التراكي لان بيكون فاضي مافي شي ....
وتميت لابستهم لما لبست الذهب حق التصوير ...
وترى فكرة حلوة

:083:

شجعتيني
انزين بقوولج آنه حاجزه التصوير الى الصاله والإستيديوو
يعني تلبيس الشبكه بيكون في الصاله
يحتاج بعد البسهاا في الأستيديو ما ادري ليش احس السؤال غبي بس عذروووني خلاص تعبت :091:

سلام بنات ... شحوالكم ويا التجهيزات ؟؟؟:08:

بغيت منكم كم شغلة .. حفلة زواج اختي بتكون عقب العيد .. ونبغي نحجز فندق ومحتارين بين الدبلومات او الكراون ..
اي افضل ؟؟
وشغلى ثانية بغينة محلات يسوون لينا الكوشة والطاولات .. يعني يكون شي غير ويستاهل ..
كنة مقررين نحجز عمار الفردان بس خطيبها مايبغى ارجال ..
من في رايكم دي جي بنية ويكون ردحة ؟؟؟

والفستان من وين تنصحونة انروح ؟
واسفة على الاطالة :065:

احبك حب جنوني

تبين فرقه بنات وحدهم كشخه
عندج فرقه الجازي عجيييييييييبين من قلب

(((( pinkiya )))))

ديزاين الباقة ,

أختاريه بـ راحتج

وأخذيه لمحل الورد وهم يضبطون لج الديزاين إلي في بالج

والألوان .. عندج مجال مفتوح جداً

لأنه فستانج باللون الذهبي ,

عندج : تدرجات البنفسجي , تدرجات الوردي , الفوشي , ألوان الطاووس , تدرجات الأحمر , تدرجات ألوان الغروب .. إلخ

أختاري ألوان إنتي تحبينها

وسوي على أساسها باقتج .. ومن بعدها راح يكون مكياجج بـ هلألوان

+

صالون سلوى ,

قبل كل شي

هل إنتي شايفة شغلهم بعيونج على عرايس & عادي

إذا شايفة وعاجبج .. خلاص توكلي على الله وما عليج من أي أحد

وإذا مب شايفته نهائياً

لا روحي الصالون أدناة يوم

وشوفي الشغل بـ عيونج وأحكمي عليه أفضل

+

أنا شخصياً كنت كستمر سابق لهالصالون

وياما رحت لهم كـ عادي ورحت كـ عروس ملجة

وأهلي جربوه

ربعي جربوه

وايد حضرت أعراس العرايس رايحينه

يعني صرت حافظة وفاهمة لـ شغل الصالون

شخصياً أقولها صريحة شغل ( سلوى ) ما يعجبني مولييييييييه

لأنها مزاجية من الدرجة الأولى

لهذا السبب تضبط لج عروس والعروس الثانية لا!!!!

يعني من بين 10 عرايس

عرفي إن 4 أو 5 بـ يطلعون حلوين والبقية مب شي

لون تصيده ولون ما تصيده

ستايلها صاير جداً قديم

لا قاعدة تطور من نفسها ولا تتغير

+

لكــــــــــــن :041:

عندج ( لمياء ) ,

تحط أحلى وأفضل منها

ستايلها نعومي وهادىء خال من الدفاشة هههه

وتطور من ستايلها ولمساتها

على عكس سلوى

وأحسها تفوقت عليها بـ قوة

لأني أرتاح لشغلها أكثر !..

+

الشعر ,

أمانةً

هالصالون شغلهم بالشعر ما عليه غبار

روعة , روعة , روعة

وإهما الكوافيرات ما شاء الله وااااااااايد

بس عندج إلي صج .. صج إبداع

وشغلهم مميز عن البقية :

- نورية

- منى ( أخت نورية )

- صفية

وإهما يسون العرايس :02:

يعني أي وحدة تلقين عندها مجال حجزيها بلا تردد

*

ونهايةً موفقة :065:

((( الترجية )))

ربي ينعم بحالج .. تسلمين :094:

+

((( ملاكي )))

العفو عزيزتي .,

ربي ييسر أمورج .. ويتمم لج على خير إن شاء الله

+

أحبك حب جنوني;11435309:
سلام بنات ... شحوالكم ويا التجهيزات ؟؟؟:08:

بغيت منكم كم شغلة .. حفلة زواج اختي بتكون عقب العيد .. ونبغي نحجز فندق ومحتارين بين الدبلومات او الكراون ..
اي افضل ؟؟
وشغلى ثانية بغينة محلات يسوون لينا الكوشة والطاولات .. يعني يكون شي غير ويستاهل ..
كنة مقررين نحجز عمار الفردان بس خطيبها مايبغى ارجال ..
من في رايكم دي جي بنية ويكون ردحة ؟؟؟

والفستان من وين تنصحونة انروح ؟
واسفة على الاطالة :065:

ديجي بنات .. (( دريم ))

+

محلات لتنسيق المكان :

- قرية الأفراح / المحرق

- جندل قروب

- المزيونة / مدينة عيسى

- الأنصاري / مدينة عيسى

- دريم / توبلي

- الأيام / جد علي

- دان / المحرق

- بريميرا ستيلوا / شارع البديع

*

موفقيـن :065:

((( 3athba )))

زين روحي " تويتي " / مجمع السيف

بضاعتهم جداً فخمة وراهية وتلاقين عندهم أشياءات حلوة

+

عادي لبسيها في الصالون وصوري فيها في الإستديو وخليهم عليج لين ما يجي وقت تلبيسة الشبكة

وإنتي بلأساس ليش راح تلبسينهم ؟!...

علشان يزيدون من حلاتج & حلا الفستان

ويعطونج ستايل حلو

وهييييك يعني ,

حلمـ .,;11435383:
((( 3athba )))

زين روحي " تويتي " / مجمع السيف

بضاعتهم جداً فخمة وراهية وتلاقين عندهم أشياءات حلوة

+

عادي لبسيها في الصالون وصوري فيها في الإستديو وخليهم عليج لين ما يجي وقت تلبيسة الشبكة

وإنتي بلأساس ليش راح تلبسينهم ؟!...

علشان يزيدون من حلاتج & حلا الفستان

ويعطونج ستايل حلو

وهييييك يعني ,

بحاااول بكره ااروووح
مشكووره حلم
متعبينش ويانا ربي يعطيش الي في بالش

حلمـ .,;11434082:

اليوم جايبة لكم تقريري عن مشاوير سويتها أمس :041:

وهي شغلات تفيد العرايس :032:

+

أمس رحت حفيت .. وأنا صار لي تقريباً سنة كاملة ما أحف :085:

كنت أكتفي بالتنظيف فقط

وحواجبي ما شاء الله جداً عريضة , ومعتفسة

فـ يبي لها تغيير 360 درجة

وأنا حابه أتغير :02:

قلت هالمرة بجوكم وبروح أحف .. وإلي فيها فيها

حجزت عند الحفافة ( دلال ) من م.حمد / الدوار 4

وأنا حجزتها من مدح صديقتي لها

ومن مدح أختنا / عذبة المشاعر لها .. يعني سامعة عنها وايد :092:

وتوي ألاقي رقمها وأدل مكانها :014:

+

رحت وأنا خايفة وخصوصاً إن الأخت / آيسكريم .. راحت لها وقالت إنها عفستها

بس أنا مجوكمة .. يعني ما بأذني ماي

وقلت حتى لو أختربوا أسمها مجازفة هههههههههه

حتى الماما قالت لي خليهم هاللون أو بس نظفي لا يعفسونهم لج :095:

+

الموهم رحت عالموعد

وما شاء الله عليها .. دلال

تعاملها يبرد القلب :016:

ويريح الوحدة

سآلتني شنو تبين بالضبط

قلت لها نظفي لي الفيس كله << أول مرة أسويها من خطوبتي ههههههه :07:

وأبي أحف حواجبي صار لي سنة مب حافة بس أنظف

وحواجبي عريضة وايد وأبيها تتم عريضة لا تضعفينهم .. وأبيهم رفيعين هاللون مع قوس لأن الكسرة ما تناسبني

قالت لي إنتي رسمة حاجبج من الله كسرة , ما أبي أخربهم لج بالقوس

قلت لها الموهم تحفيني وتغيريني

قالت ولا يهمج

إلي تبينه تم !.. :009:

+

خذت فيني ما يقارب الـ 45 دقيقة أو أزيد , بس ما حسيت بالوقت

لأن يدها الصلاة على النبي جداً خفيفة يعني آلم الحفاف كان طبيعي كلش وما عورتني

وتسولف معاج ما تخليج تملين

*

قمت وشفت روحي والله ما صدقت!!!! :027:

أول مرة بحياتي

أحب حواجبي جذي :092:

صج أنا ما كنت أحب إلا حفافتي " نجاة " ومن وقفت عن الحفاف أنا هم وقفت ولا قمت أحف

بس بصراحة ,

بدعت .. بدعت فيني

رسمتهم لي رسم

وسوت لي حتى أحلى من الشي إلي كنت متوقعته :062:

ويوم بطلع كان في كستمر جاينتي لها

والله ما شالوا عيونهم من علي :009: ههههههههههههههههه

ويقولون حفتج رهيبة .. وإلي جايه كانت تبي تضعف حواجبها

شافت حفتي قالت بحف عريض :041: ههههههههههههههههه

+

لا جد جد جد .. تسلم يدها !.. إعتمدتها حفافتي خلاص :085:

وأنصح فيها وبشدة , وبشدة

وعلى فكرة

إهما خوات

وكاهم حفافات معروفين وعلى مستوى

وتوي أعرف إنهم خوات ههههههههههههههههههههه :093:

- جميلة

- نسيم

- زكية

*

نعيماً حلم

واهم شي انها قدرت تضبطهم لج لانه انا ماقدرت اتصيدهم لي عدل :(

بس يمكن عشان انتي من فترة ماكنتي حافه عشان جذي قدرت انها تضبطهم يعني حواجبج يمكن كانو شبه مكتملين

بس يالله الدنيا تجارب وانا جازفت

وتسلمين على التقرير

3athba;11434900:
بنات رحت بروفه اولى لفستاني والحمدلله عجبني
اقترحت عليي كبرى إنه البس تركيه لولو
وآنه حاطه في بالي
بدخل الصاله بدوون اكسسوارات
لأنه بعدين بلبس الشبكه
شنوو رايكم عادي ادخل الصاله بتركيه
يعني حلاته اذا كان لون الفستان ابيض او اووف واايت عادي لو لبست العرووص اكسسواار
لكن آنه خطووبه وفستاني لونه سماور ووردي والبطانه اووف واايت والشك فيه لولو
شتقوولوون؟؟
ووين احصل تراكي لولو كشخه

اي واي فن اصلا احسن من انج تدخلين الصالة بدون شي وخاليه

انا في خطوبتي لبست طقم ذهب ناعم ولمى بلبسني الشبكه يتني اختي وفصختني اياها وكان حلو في التصوير طلع بدل لا تصورين بدون ولاشي

أحبك حب جنوني;11435309:
سلام بنات ... شحوالكم ويا التجهيزات ؟؟؟:08:

بغيت منكم كم شغلة .. حفلة زواج اختي بتكون عقب العيد .. ونبغي نحجز فندق ومحتارين بين الدبلومات او الكراون ..
اي افضل ؟؟

احس الكروان احسن من الدبلومات اشرح

وشغلى ثانية بغينة محلات يسوون لينا الكوشة والطاولات .. يعني يكون شي غير ويستاهل ..

انا اتصلت في الانصاري وقالي على حسب الباكج بسوي لي
واتصلت في قرية الافراح وقالي تزين الطاولات مع الممر الي بتمشي فيه العروس والكوشه
بيطلع 550 دينار
انا عجبني السعر بصراحه

ولعلمج يمكن على حسب الصالة والعدد

هذا حق 300 شخص وصالة طيران الخليج / سلماباد

كنة مقررين نحجز عمار الفردان بس خطيبها مايبغى ارجال ..
من في رايكم دي جي بنية ويكون ردحة ؟؟؟

عندج دي جي ليلى حلو وفن


والفستان من وين تنصحونة انروح ؟

عندج كبرى القصير/ رومان ديزاين هذلين اكثر محلين في البحرين انصحج فيهم

فساتين حلوة وضمان ولا مشاكل ولا هم يحزنون

بس طبعا اذا ميزانيتكم اوكي وفتوحه اي بناسبكم هالمحلين


واسفة على الاطالة :065:

3sh8y;11430288:
هلآآ والله بـ عرآآيس البحرييين . .


عسى الله يسسعدكم :) ~

بنوتآآآت . .
مره قريت فهالموضوع رد وحدة من الحلوآآت عن سفرة العجم ولوآآزمهـآآ . .
وشنو الآسآآآس اللي مفرووض انحط فييهآآآ

يآآليت اللي جآفته اتحط لي رآآبط الصفحه . . عسسى الله يعطيهآآ اللي فخـآآآطرهآ
رآآسي افتر من كثر مآدورت ومآآلقيته :(

ويينكم عرآآآآيس !!

بنات :(

خلاص مابسوي حفلة عرس ولا بسوي اي شي

وكل الي كنت افكر فيه خلاص مابصير فيني الصيحه والله

مجرد بتحنى ويوم ثاني بروح بيت عمي

بدون اي شي