¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

قدرك كبير بقلبي;11461399:
[/CENTER]

شعري نفس وصف شعرك :02: نتوكل ع الله ونجيبه :049:؟وشامبو ماعندكيش فكرة؟:060:

اسئـلة محالفة:

1- شـنوو الفرق بين البيان والتلبيسه؟

2- من يقول نبوا بيان ولا تلبيسه هل العروس ولا العريس؟

3- سؤاال لبيسا السمحه انتي درتي بيان في الحوش في صالة حوشكم

حتي انا نفكر ندير عندنا صالة فاضة ومافهيش شيئ نبي نعرف انتي شنو زدتي في

صالونكم وشنو درتي فيه ياريت بتفصيل شنو حطيتي قي صاله اصلا انا صالة فاااااااااضة لا اثاث

ولا فرشة ارضية مرمر حلوة حبيت نستفيد من تجربتك :072:اذا كان ماعندكيش مانع:087:

في امان الله

تسلمي يارب ياهنو الحلوة:025:

مش قصدي حاجه:02: لكن عشان بيسا هيا الي مذكرتها:01:

الي نعرف انها دارت بيان في الحوش :03:وشفت الصور

حبيبتي لو مافيش مانع ياريت حتي انتي تقولي تجربتك :08:

ونستفيد منك :049:والجميع ياخذ افكار

بارك الله فيك ياسمحه ع ردك:072:

قدرك كبير بقلبي
لي معروف عندنا انه فرق في تلبيسه والبيان
البيان يكووووووووون كبير ومعازيم
والتلبيسه بس اهل عريس واهلك وبسيط ويجبوا بس دبله هكي معروف
بس لو كان ظرف مثلا حاله وفاة زي حالتي جابوا كل شي معهم نفس البيان غير مافيش معزيم وحفله اهلي واهله وبس

وبنسبه صالة الفاضيه لي عندكم
لو معازيمك كثار تأجري طاولات و كراسئ ورتيبهم ونسقئ صالتكم زي صالات افراح بس ع الخفيف
هكي نديروا في مصراته

طرابلسية لسرتاوي;11461085:
بارك الله فيك ياحيو وان شاء الله لما نحضر فرحك
ر

:016::016:

تسلمي ياحياة حلوة:025: بارك الله فيك ع ردك

يعني نجيب كرسي نقعمز يعني نصندر عليه انا ولا شنو؟:02:

اني مش عارفه كيف عندكم
بس عندنا تلبيس عروسه وويدروها لي كوشه او صالون

وقدمها معازيم طاولاااااااااااااات وكراااااااااااااااسئ
او صالون عربي

وكانها حفله عرس بسيطه

اممم اوكي فهمتك زي الفكرة الي انا راسمتها في راسي

تسلمي ياسموحه ع ردك توه نشوفوا بنات بنغازي شنو ردهم

ق .د.ك انا بنظرى ان عائلة العروسه هما اللى يطلبو بماانهم هما اللى بيستقبلو الضيوف يعنى امكانياتهم هما اللى بتحكمهم وفيه اللى مايحبش الزحمه ويحب حاجته عالخفيف ومنظمه
وبالنسبه للديكور زى ماقالت حيو امشى لمحل ديكور وانتى اعطيه فكرتك وهو اينسقلك واكيد بتاخدى كوشه ليك حتى تقعمزى عليها وفيه عادى عندهم صالونات واحياشهم اماتته مافيش داعى من الطاولات
والرائ الاخير ليك احبيبه وربي يتمملك على خير

بنات توا انحاول انزل صورة اوضح من هكي ان شاءالله للفيلو ..
قدرك كبير انا انحس انه اهل العريس هم الي يحدودوا الاول و انتم تعلقوا ع التحديد بعدها هل اليوم هضا مناسب لا خلوها اليوم الفلاني او الاسبوع الجاي حاجة كيف هكي مش ايجي الواحد طول ايقوللهم لا والله نحنا نبوها الشهر الفلاني اليوم الفلاني ثقيلة شويا ... و انتمني كلامي ايكون مزعجكش ..... حاجة تانية حتي انا مع كلام طرابلسية لسرتاوي مفيش داعي للطاولات لانهن ياخدن مساحة لو صالونكم او صالاتك مش واسعه واجد وحتس عدد المعازيم يحكمك راه خليك ع الصالون خير وديكور حلو لكي انتي افضل .. و الراي الاول و الاخير لكي انتي طبعا ..

بيسا;11459931:
عروسة ردا على سؤالك اسألى رايقة وهنو واميرة وكان عجبهم معناه حلو يعنى شوفى رأى الاغلبية بنسبةلية ماشى الحال كويس وقالتلى درتة عند كوافير سحر الشرق والحنا عند مليكة وهنا الاثنين منعرفهن براحة احلى من يدير فى تسريحات فى نظرى سمية بصراحة اى تسريحة تبيها اديرها لك

سحر الشرق ع طريق المطار تلقيها محلها جنب محلات الصالونات والستائر تهايلي لاصقة في محل المغربي للصالونات هي كويسة صاحبتي طلعت عندها تسريحاتها حلوات .. بس قوليلي بيسا وين سمية هدي في اي كوفير و عايدة والله حتي انا كنت عابية عليها ربي ايجيب الي فيه الخير انا انحاول انحصل وحدة اتجيني للحوش افضل

تسلمي ياسمحه ع ردك

وربي يتمم علينا جميعا بالخير

عروسة ليبيا;11458252:

المركز الي تحكي عليه مركز لينا قرقاراش فوق نايك

وراهو فيه عاملات اجنبيات اوربيات اظن منعرفش منين لاني ماحكيتش معاهم

مشيتله مركز لينا مرة وحدة درت شمعة وحواجبى فى عرس اختى والحق دارتهملى وحدة ليبية وطلعوا يهبلوا والمركز نظيف وراقى مش عااادى هادا من سنتين تقريبا :083:

قدرك كبير بقلبي;11458737:
:093:


خيتو هايله نبي نسالك انا سالت ع منتجات هماليا مافيش حد عبرني

شنو شامبو الي قتي عليه شنو فوائده ملشعر شنو

ونبي كريمة نديرها بعدما نغسل شعري عشان مايهجيش يقهر بس تكوني مجربتيها

بارك الله فيك مقدما ومبروك كراتين الجديد لشعرك لوك جديد:013:
:072:

الله يبارك فيك :094:

بالنسبة لشامبو هيمالايا فى شامبو ضد القشرة وفى شامبو اتنين فى واحد بلبلسم يعنى وفى شامبو بالبروتين وميزته انه طبيعى وانى مشا معاى والحمد لله وواخدته من الصنوبر محل خوى :072: ..

وبالنسبة للكريمة قتلى عروسة على كريمة يشكروا فيها الحق هلبا بس منحسش فيها متوفرة هلبا هنى ممكن تلقيها بس انى الحق معمرى جربتها انى نستخدم حاليا فى بالمرز متاع جوز الهند وتهببببل وريحتها منعشة وماشية معاى :083:ان شاء الله نكون فدتك

يعني تنصحيني اني نتوكل ع الله ونبدا نستعمل شامبو من منتجاتهم

الي يمشي مع شعري ونفكر نجرب كريم الي قالت عليه عروسة عشان نفس شعري هيا

بارك الله فيك ياعسولة وربي يخليلك سنافرك الصغيرونين اليوم قت لماما في بنيه معاينا عندنا سنافر صغار *_*

قدرك كبير بقلبي;11463741:
يعني تنصحيني اني نتوكل ع الله ونبدا نستعمل شامبو من منتجاتهم

الي يمشي مع شعري ونفكر نجرب كريم الي قالت عليه عروسة عشان نفس شعري هيا

بارك الله فيك ياعسولة وربي يخليلك سنافرك الصغيرونين اليوم قت لماما في بنيه معاينا عندنا سنافر صغار *_*

والله ننصح بيه وكانا مكنتش نستخدم فيه لنفسى والله منقول عليه بس انتو زى نفسى :08: والكريمة الى قالت عليها عروسة يشكروا فيها هلبااااااااا فى النت بس مش عارفة تلقيها اصلية فى ليبيا او لا حاولى ادورى كويس .. :f: وبالنسبة للسنافر هما سنافر لكن تصرفات شرشبيل :060:ربى يكون فى عونى :094:

هههههههههههههههههههه ضحكتني ربي يخليهم لك ياخيا

توه انا نبي نسال موضوع هدية عيد الام لعميمة لقيت عطر حلو

فكرت اني ناخذ ست كامل بعدين قت حيكلفني ورات ماتستعمليش اصلا

يعني شاور جل والديدرنت قت ناخذ عطر واحد اخر يعني عطرين

يعني حق الي بنحطه في الست نحطه في عطر ثاني

شنو رايكم ؟؟؟

قدرك كبير بقلبي;11463885:
هههههههههههههههههههه ضحكتني ربي يخليهم لك ياخيا

توه انا نبي نسال موضوع هدية عيد الام لعميمة لقيت عطر حلو

فكرت اني ناخذ ست كامل بعدين قت حيكلفني ورات ماتستعمليش اصلا

يعني شاور جل والديدرنت قت ناخذ عطر واحد اخر يعني عطرين

يعني حق الي بنحطه في الست نحطه في عطر ثاني

شنو رايكم ؟؟؟

لالا مش حلوة الفكرة الحق يا قدورة متزعليش منى انى رأى نحس عطر واحد بالست متاعه انزك بهلبا من عطرين كل واحد شكل :060: وانى قبل حطيتلكم صورة صنة حلووووووووووة ومش غالية من ايف روشى موجودة فى ليبيا وانا عن نفسى خديت منها لماما بنعطيهالها فى عيد الام وانى الفترة هادى نستخدم فيها والى يشمنى يقولى شن مداااايرة

سعرها الكبيرة ب 59 فانتى تقدرى متلات تاخدى الصغيرة ب 39 ومعاها الديوديرانت ب 22 والبودى لوشن ب 25 والشاور مش عارفة الحق بس نفترضو ب 20 مش حيكون اكتر
يعنى الحسبة تجيك فى حدودال 100 ويغلوفهالك تغليفة حلوووة ونازكة فى نفس المحل اطلبى منهم وحاجة حلوووة




والمحل فى حى الاندلس قدام بريد حى الاندلس سابقا ولاصق فى اوكايدى متاع ملابس الاطفال

حبيبتي انتي من بدري نحس فيك تحكي ع اساس انا من طرابلس انا من بنغازي ياحلوة

ماهو المشكلة اني انا نعرف الانواع الي هيا تحبهم وعديت شفت احلي حاجه جبتني

وسعره 100 مل ب 117 واكيده الديدرنت وشاور جل قريب سعرهم ماسالتيش

بس الي تقهر انهم مايحطهميش في باكوا كل حاجه بروحها هذا عليش انقهرت

كنت ع اساس بنوصي من برا لكن مافيش اصلا الي انا اخترت يجي في باكوا

يعني انا نبي نطر ناخذهم ونحطهم في باكو حتي انا زي فكرتك ياسمحه

غير قت مرات نشريها وهيا اصلا ماتستعمليش بس باذن الله حيعجبها *_*

شنو رايك