¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

بيسا;11470539:
سلمها ياربى على ذوقها هنو حبيبت قلبى ...ياحنة ياحنة خواتى يفرفرن ويقصقصن على الكوافيرات ديمة لو قصدك اختى الى غلطو فيها ويحسابوها العروس الى لابابسة فستان فضى وحاطة تاج(عايش دور العروس ) هذى مشت لكوافير مش عارفة اسمه بس تو نوصفة لكى عارفة سيمافرو شارع دبى الى احدى المصرف الجديد اتخشى لشارع الى على اليمين طول فى صيدلية تقريبا اسمها الاوائل هو جنبها على طول فى وحدة جزائرية مكياجها تقيل وحلو بكل انتى وكان تشوفى المكياج ابتاع العبروق الى دارنه للبنات لان هما نفسهم اجرنة منهم العبروق الصراحة دارتلهم مكياج حلو بكل بكل انتى عدى يوم خميس وشوفى ....اما خواتى التانيات الى لابسة اللون الفستقى والوردى مكيجو عند سميةلفى كوافير اللؤلؤة جنب مصرف الصحارى وكالة الفويهات وماما عند منار الى كوافير مرايا وخويا حنقصقصة

بيسا;11470591:
يابنات توكلن على الله وازرقن يوم الخميس على اللولؤة مفيها شى اكيد حتلقن عندها عريسات والى تبى رقم نهال اختها نبعتلها على الخاص تسألها اين يوم يكون عندهم عرايس واجدات وقلولها بنجو تنفرجو على المكياج والتسريحات وهى مش حتقول لا وهن 3 خوات افضلهم سمية جربو مش حتخسرن شى حنوريكم التسريحة الى دارتها لبنت خالتى بناء على رغبتها جبتلها صورة من النت ودارتلها زيها بالزبط

بيسا;11470591:
يابنات توكلن على الله وازرقن يوم الخميس على اللولؤة مفيها شى اكيد حتلقن عندها عريسات والى تبى رقم نهال اختها نبعتلها على الخاص تسألها اين يوم يكون عندهم عرايس واجدات وقلولها بنجو تنفرجو على المكياج والتسريحات وهى مش حتقول لا وهن 3 خوات افضلهم سمية جربو مش حتخسرن شى حنوريكم التسريحة الى دارتها لبنت خالتى بناء على رغبتها جبتلها صورة من النت ودارتلها زيها بالزبط

نرجس الشرق;11470608:
قتلك الكوفير الي دارت عنده اختك تهايلي اسمه تيبستي

Hayela;11456008:
بيسا شن اخبارك الف مبروك لخوك والعقبة ليك ياربى ولباقى البنات وماشاء الله العرس شكله قنين ..


================

بنات باركولى اخيرا درت الكيراتين ويهببببببببببببببببببببببببببببببببل :013:
ودرته عند وحدة متخصصة فى الكيراتين هيا حبووووووووبة وامورة صغيرة راهو مواليد 85 كانت فى امريكا وتوا مزينها فى غوط الشغال بحداى يعنى وهيا اساسا مش مزينة يعنى فاتحة محل صغير خاص للكيراتين بس يعنى لا تمكيج لا تسشور ولا ادير فى اى شى وهيا اساسا متفتحش الا لما تكون وحدة واخدة معاها موعد فقط ..

انى شعرى احرف من هادى


بس توا بعد ما نغسله بدا هكى



يعنى التمويجة بدت خفيفة وبعيدة على بعض وحلووووووووووة وشعرى فيه لمعة ولما نسشوره والله ما نقعد فيه حتا نص ساعة بعد ماكنت نقعد بالساعة والساعة ونص


وبالنسبة للى شعرها اساسا تمويجته زى الصورة التانية او اقل فشعرها حيولى امييييييية :013:


وسعرها يبدا من 250 انى شعرى يعتبر كارى بس دارتلى ب 275 لان يعتبر كتيف شوية وعندها الشامبو الى يحافظ على الكيراتين ب 45 بس مش شرط تشريه المهم بعد الكيراتين تستخدمى شامبو مفيشى كلوريد الصوديوم يعنى لما تجى بتشرى تقرى المكونات كانا لقيتى سوديوم كلورايد لوحى واحسن نوعية مفيهاش سوديوم كلورايد هيا شامبو همالايا :013:

والى عرسها قريب ننصحها اديره قبل عرسها باسبوع او عشرة ايام لان هوا بعد ما اديريه لازم تقعدى اربعة ايام متغسليشى او تمسه امية نهااااااااااائى يعنى مادابيك اديره وعليك الدورة لان حتا الوضوء حتمس المية قصتك يضيع كل شى :096:

بنات الى تبى رقمها تقولى نبعتهولها عالخاص

امورة خطيبي;11471131:
كل سنة وانتي طيبة ياغادو والعمر كله ان شاء الله

جـــــــــــــــولي الحاجات نازكات وعجبوني عجبوني منورة وانتو الاثنين دوق

عروسة ليبيا جربت خلطة التبييض امتع الحنة تو ليا 6 مرات لكن الصنة مانحكيلك ومع الجو السخون هادا معاش طقت روحي وقفت عليها لكن هي الحق ضربة ضربة

Hayela;11456008:

بنات باركولى اخيرا درت الكيراتين ويهببببببببببببببببببببببببببببببببل :013:
ودرته عند وحدة متخصصة فى الكيراتين هيا حبووووووووبة وامورة صغيرة راهو مواليد 85 كانت فى امريكا وتوا مزينها فى غوط الشغال بحداى يعنى وهيا اساسا مش مزينة يعنى فاتحة محل صغير خاص للكيراتين بس يعنى لا تمكيج لا تسشور ولا ادير فى اى شى وهيا اساسا متفتحش الا لما تكون وحدة واخدة معاها موعد فقط ..


بنات الى تبى رقمها تقولى نبعتهولها عالخاص

عروسة ليبيا;11402209:

:029: حبوباتي:029:

لعيووووووووووووووووووون بنيات بلادي الزينات

وصفه رررررررررررررررررررررروعه من عرايس المغرب لعرايس ليبيا

من لفي وبحثي ف النت

جبتها انعاشا وتنشطيا لكل عريس

والصور من اضافتي بش تنشطوووو هههههه

مشهوره هالوصفه تطبق للعروس من اخر شهر قبل العرس

الموضوع منقول للامانه من النت للاخت SAWA RSS

خلطة مغربية خصوصا للعروس..ابتديتها من اسبوع الي تحب تواصل معي مرحبا

السلام عليكم

اولا رمضان مبارك علينا وعليكم وعلى الامة الاسلامية ويارب يتقبل الطعات ويعيننا واياكم على حسن العبادة

هادي خلطة مغربية تستعملها العروس قبل العرس بشهر او على الاقل 15 يوم قبل ليلة العرس

طبعا هي تبيض الجسم وتوحد لونه وتزيل الشوائب وتزيل الاتار والحبوب

ابتديتها من اسبوع الحمد لله وناويا استمر عليها طيلة الشهر الفضيل

لان بعد رمضان عندي مناسبة خاصة وحبيت اكون مجهزا لها

ان شاء الله تفيدكم وتعجبكم متل ما احس انها فايدتني

تتطلب منك اختي 30 دقيقة في اليوم

المكونات هي

4 ملاعق حلبة مطحنة

4 ملاعق حمص مطحون ===

[COLOR=navy]==== انا عروسه هههه مطحون هلبا الحمص بودره

4ملاعق فول مطحون

فووووووووووووووول يابس يا بنات زي الفول المدشش ف ليبيا

بياض بيضتين

[/COLOR]عصير ليمونتين

تخلطين المقادير كاملة الى ان تصبح الخلطة كريمية وادا كانت تحتاج سوائل ممكن تضيفين عصير خيار الى ان تلين او تزودين شوية ليمون

طبعا المقادير ممكن تزيدينها او تنقصينها بحسب الجم اكيد

تدخلين للحمام *اعزكم الله* وتحطين الخلطة على جسم غير مبلول
كل الجسم اكيييييد ما عدا الوجه

وتخلينها بين 20 او 30 دقيقة الى تجف

وبعدين حطي ماء بكف ايدك وقشري كل مكان م الجسم وانتي تبللينه بالتدريج تم اشطفي من الخلطة

ادا انت مو متزوجة يستحسن عدم استعمال الشور جل او الصا بون بعد الخلطة

يعني تغسلينها وتمرري قطعة تلج من ماء ورد او خيار وتنامين والصبح ادا حبيتي تستحمي بالصابون عادي

ادا ما تتحملين خلاص حطي الصابون

ان شاء الله اكون افدتك

واتمنى ما تكون مكررة لان انا لم انقلها من موقع تاني وانما

اخبرتيني بها صديقتي وهي فاسية وقالت لي انهم يستخدمونها للعروس

وفق الله الجميع وبانتظار رايكم والي حابة تشاركني نشجع بعض

================================

انا عروسه

بنوتاااااااااااااااات المكونات ررررهيبه وتخش ف هلبا وصفات حلوة

وانا شخصيااااااااااااااااااا عجبتني هلبا الوصفه وقريت هلبا رد ايجابي من المغربيات عليها

انشاء الله تتحمسوو وتجربو وكلامي والوصفات يكونو مفيدات بجد وفعلا ف ناس اتطبق منهم

امورة خطيبي;11471188:
خلي نحكيلكم على اختي شن دارت مشت حجزت عند نجوى التليسي 420 دينار وتدفعي 100 دينار عربون والساعة 8 لازم اتكون غادي ... هي متاوصلي فيها لين رجليك اطيحو قلتلها ارفعي معاك شبشب ومستحيل تقدري تنزلي من هاداكا الدروج بالكندرا كان هادا اتجي كدس

طرابسلية لسرتاوي احسن مكان البديكيرمزين فيكي وكان تبي رقمها قوليلي