¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

عروسة ليبيا;11447941:

سؤال المخالفه

لي نرجس

نرجس شن موديل صدر الفيلووو من فوق ؟ عشان تعرفي شن الاكسسورات الي تناسبه او الطقم متاعه

نرجس الشرق;11454960:
يا حنة نحكيلك انا الفيلو عابية انغير فيه في الصدر شوية بس قالولي تخربيه لانه كله مطعم بكريستال واحجار انا بس كنت بنخش في الصدر اشوية بنخليه كيف القلب المهم رسمة الصدر تكون واضحة توا وقفت و هو مش توب بجد حندير حل في الصور و نوريكن ..:ok:

هنو الدلوعه;11454976:

كيف مش توب يانرجس يعني فيه سيور ولا كيف

نرجس الشرق;11454983:
اه عروسة ليبيا بالنسبة للطقم الي بنلبسه حيكون طاقم ذهب ابيض هدية من اسرتي ماما+ بابا يعني مزالي التاج بس .. و بديت نبرم ع التيجان و ندور تاج ايناسبه خير قلت انتريح شوية و نريح ماما لانها بجد مسكينة تعبت معايا ربي يخليها ليا و ما يحرمني منها

نرجس الشرق;11454997:
لا يا هنو مش توب فيه سيرين ارقيقت كلهن كريستال نفس نقشة الصدر بالضبط انا من الاول منبيش توب لانه هو شاف قفطان البيان توب :01:و قالي اياني و اياك تشري الفيلو كيفه و قفطان البيان قالي خليه في حوش هلك ما تجيبيشي معاك مكشوف واجد :096:

هنو الدلوعه;11455042:

ههههههههههههههه ضحكتيني ربي مايحرمك منا ويعيش ويغار عليك يارب

بس بلاهي قوليله السويرات شنو بيسترو هيا هيا يعني

تعرفي نفس كلام راجلي حتى اني قفطان بياني كان توب من فوق لكن اني الحق الفيلو الي عجبني وشريته حتى هو توب علي قولة عروسة ليبيا لفة المنشف

نرجس الشرق;11455078:
تلبسيه بالهناء ان شاءالله قريب ..
و المحل الي حكيت عليه انا خديت منه بدلتين والله يعتبرن ارخاص مش غاليات مقارنة بحقهن لما ايبيعوهن بدون تخفيض شريتهن من محل الغرياني الي في شارع 20 و الله يا هنو حلوات و راقيات بكل ما توقعتش انحصل زيهن بالسعر هضا ..

نرجس الشرق;11455134:
بالنسبة للجيبونات يا هنو عطاني زوز مزالت ما ركبتهن مش حنركبهن الا يوم الزفة في الصبح انخاف انركبهن ما عاد نعرف انفكن او انلفن نوحل فيهن و انا بدون شي الفيلو نندودش بيه كل مرة انعلقه في مكان و هن حديد شكلهن ملفوف عليهن طرف بلاستيك تهايلي هك لانه الحديد مش باين ما شفته الا بالصدفة انا في البداية احسبتهن بلاستيك .. و قوليلي ناخد جبونة اخري او زوز سادات ..

نرجس الشرق;11455157:
تعرفن انا الفيلو بنشيله للمغسلة بس خايفه ع الكريستال ايطر و حاجة تانية الجيبونات عادة ايركبوهن وحدة لوطة ووحدة في النص او وحدة لوطة وحدة فوق او كيف لاني القيت فيه 3 اماكن للتركيب ..

هنو الدلوعه;11455167:

حبيبتي علاش بتزيدي مداما جايات معاه معناها يمشو مع الموديل يعني اكيد معاش يحتاج


تعرفي اني الجيبونه خديتها متاع الكربلات علي خاطر مانحبش اللقطه متاع التقويصه الي في الجيبونات العاديات واغلب العرايس لما يقعمزو الفيلو يطنش من الجيبونه وسيقانها يبدو على الرئيسي بس النوعيه الي تحكي عليها نفس متاع أختي زمان في عرسها جت مع فيلوها جيبونه نفس الي عندك وطلعت روووعه تعرفي أحسن من الجيبونات الي في السوق وصدقيني حلوه من غير زياده