¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

عروسة ليبيا;11448633:

روزي

انا شايفه القفطان ناعم ولونه حلو مزال مع طقم والميك اب والشعر بيكون نايس جدا ومميز اكثر



وننصحك عاد من هنا لشهر 6 هلبا وقت يعني خلوها خطوبه وكتب كتاب فاتحه يعني

اي هو اليوم مش عارفة شنو صايرله امس بس كان يقول لا الفاتحة قبل العرس بشوية ارقد وناض قال لا في الصيف ههه


والله الا وتحسي براحه رررهيبه جدددددا وجوها مليح وتاخذي راحتك معاه ف لبس وطلعات لما بيجيك

اي حتي هو يقول هكي يقول زي مرتي .. بخاطري بنكون مرتك مش زي مرتك ههه

عموما القفطان زيدي دوري وراهو للامانه يجي قفطان خطوبه ويجي قفطان عروسه

وانا كنت نشوف ف مواقع مدايره اعلانات مواقع مزله صور اغلبها كربيلات يعني شكله الكربيلات موضه هالسنه

اي هالسنة كلهم هكي .. شفت هلبا حتي اني


وزيدي شوووووووووفي بالك تلقي شيء احلا ------------- وانا اهوا نحسه قنين


وصح كلامك 100 ف 100 السيبمل له وقته ف حياتنا والعروس عروس لازم تتميز وتكون برنسس ف طلتها ف خطوبتها وملكه ف زفافها

اي حتي انا قلت هكي
السنبل انا احبه بس يعني اقدر انديره اي وقت بس يعني عروسة مرة في العمر مانقدرش بعد فترة نلبس زي العرايس يعني مش دايما

هما يومين ف العمر من حقها التميز وبتكون الانظار كلها عليها والاضاءه والتصوير والتركيز




=========================================

موفقه يا روزي ربي يهنيكي ------ملحوظه ممنوع نحطو صور عاريه بدون تضليل او معالم الوجه تكون واضحه

عروس أشرف;11448869:
مسحتهم الصور كلهم يا عروسة..

ويا روز الاول الازرق عجبني

ايمي2009;11448416:
خير يابنات

معليش خشيت عالخط لا احم لا دستور والله مكسده قعدت نقرا عجبتني هدرزتكن قت خل نسلم عالبنات ماهو اني في غربه

والله ونستوني جوكن مش عادي بكل

عل فكره انا متجوزه ربي يخليلي راجلي يااارب غير خطرتن عليا ايام زمان قت خل نخش معاكن المهم




بالك ننفعكن بخبرتي ( احم احم ) كان اي وحده عندها سوال ومتحشمه من امها اوااختها عادي

راني كيف اوخيتكن <<<<وتوا سلام وانتلاقوا تاني

نرجس الشرق;11446686:
بنات نشري بدلة صغيرة مع الكبيرة او الكبيرة سادة ..