عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

هلا أختى الفاضلة
البحر الأزرق

اللون الأبيض يتناسب مع جميع الألوان وطبعاً في البداية اختاري الى انتى اتحبيه بالنسبة الى اللون الأحمر الفاتح واللون الذهبى بعد حلو

لأن عموماً اللون الذهبي يطلع على اللون الأحمر وأهم شي اختيار الدرجة


ووبالنسبة الى الممر ايوه فهمت عليكِ ابشري بكل خير

اذا كان الممر صغير راح اتصير عليها فكرة الستائر حلوه

بس اتكون في جانب واحد يعنى ستائر قطعة وحده

على فكرة كل فكرة قديمة في عالم الديكو هي في تطور يعنى بعض الأضافات راح تطلعى بفكرة جديدة

وتقدري وضع مزهرية على كل جانب من الجبس فيها الأغصان الكبيرة

الى توصل تقربياً الى تحت وفي الوسط اتخلى أغصان مختلفة في الطول

بحيث تأخذ نفس وضع السلاسل وتقدري تعملى هذا الشي في البيت

ولى عودة علشان انكمل على غرفة النوم والصالة

راح اقول لك: ملاحظة يمكن انا ساعات اجيب لج صور غير اللون الى عندك
بس علشان تأخذين طريقة التنسيق يعنى كل صورة نأخذ منه شي

صورة لون وصورة نأخذ منه تنسيق أو فكرة جديدة

مرحبا خواتي العزيزات ..........

انا امسويه تعديلات في البيت القديم وتوسيعات وعندي بعض الاستفسارات والمشورات اتمنى مساعدتي ...

اولا عندي تحت الدرج استوت مساحه شو اسوي فيها على فكره الدرج بغيره بحديد مشغول ..



ثانيا : انا امحطيه الجرانيت من قبل في الممرات لون بيج والصاله القديمه نفس اللون انا الحين سويت صاله ايديده شو رايكم هل اختار البيج نفسه ولا اغير لون ثاني .. وشو احلىفي نظركم لون الصاله انا كنت امحطيه في بالي لون خريفي ..

ومشكورين ........

السلام عليكم ورحمة الله وبركاته..

تسلمون والله على هذا التعب والموضوع المفيد والي استفدت منه الكثير والكثير.. تسلمون والله يا احلى مشرفات قسم الديكور.. وبارك الله فيكم..

وأول مره اطلب طلب في المنتدى.. وادري انكن ما بتقصرون يا الغاليات بارك الله فيكم..

شوفو عزيزاتي..
بعد الزواج ان شاء الله بسكن في الشقه مع زوجي.. وزوجي خذا شقه حلوه ومرتبه وجميله جدا.. وترك مهمة التنسيق والتعديل عليي لانه ادرى بذوقي المتقن في التعديلات والتصميمات والترتيبات بخصوص كل شي والحمدلله ذوقي يعجبه كثيرا..

وهذا هو رسم تخطيطي للشقه بالضبط..



والمطلوب..
ان شاء الله في هذا الاسبوع سوف أبدا بترتيب غرفة النوم.. حيث اننا اشترنا الاثاث.. وهو من الخشب البني اللون..
واردت ترتيب الغرفه بحيث اين اضع السرير والكومادينو..
والتسريحه مع كرسيها..
والكبت..
والثلاجه الصغيره.. يمكن الاستغناء عنها ووضعها في اماكن ثانيه..
ومكتبة التلفاز..
والغرفه مساحتها صغيره يعني فقط تكفي لهذه الاشياء لا اكثر طبعا غير الاشياء التي تعلق في الجدران..

فكرتي هي ان:
* الكبت تكون مقابل الباب بالطول..
* السرير مقابل الكبت ببضع تقريبا 7 اقدام.. امام الشباك..
* مقابل السرير مكتبة التلفاز..
* التسريحه اذا كنتي جالسة على السرير فتكون على يمين يديك.. بعدة سنتيمترات بعيده عند التلفاز.. يعني على كورنر الغرفه..
* بنسبه للثلاجه اذا ترك مكان فاضي سوف نضعها هناك..

فما رايكم بفكرتي هذه..
واذا عندكم اي تعليق فارجاء الكتابه..

----------------------------------

بنسبه للممر ماذا اضع فيه؟! اريد اشياء جديده وتجذب الذي يزورنا..

أنا فكرت بصور الجدران وحوض سمك.. ولكني فكرت بوضع حوض سمك في الصاله.. يعني اول ما تدخلون الشقه على ايدينكم اليمين يوجد فراغ على الكورونر.. هناك..

---------------------------

بنسبه للتسريحه..
ماذا اضع فيه غير العطور ومزهريه عليها ازهار بلون الغرفه..
اتمنى انكم تزودونني بصور لشكل التسريحه..

----------------------------

وحتى الكومادينو..
ماذا اضع عليه غير اللمبات..؟!
اتمنى انكم تزودونني بالصور حتى آخذ فكره..

----------------------------

اشترت ستاير جاهزه.. وهي ساده..
اتمنى تعطوني افكار بكيفية تنسيق الستاير؟؟
او ماذا استطيع ان اخيط عليها؟؟
او كيف استطيع تزيينها!؟
و كيف استطيع اضافة اشياء عليها..
افكار حلوه وبسيطه وجميله..
واتمنى انكم تزودونني بالصور..

---------------------------

واتمنى انكم تلبون طلبي هذا وانتو لا تقصرون بارك الله فيكم..
طلباتي كثيره فلسموحه..

معليش اتمنى من الأخوات يعذروني على التأخير في الرد على مشاكلهم بس تعرفون المنتدى كان في تعديلات امس واتمنى بعد ما يزعلون في ترتيبي للرد على تساؤلاتهم لأني ابدأ من المشاكل البسيطة الى الصعبة واللي تحتاج الى شرح بالصور

بالنسبة للأخت

(( هداوه ))

اختي بما انك بتغيرين درابزين الدرج الى حديد مشغول فاقترح عليك انك تسوين لك في المساحة المتوفرة اسفل الدرج ركن تراثي شرقي طبعا اذا كان يناسب ديكور بيتك

يعني تحطين صندوق اثري قديم مفتوح شوي ويطلع منه مفرش مطرز بألوان تناسب الديكور ولون الصبغ ومخدات من نفس الخامات وشوية جرات قديمة من الفخار والفضة وطبعا هذا كله يكون على قطعة سجاد حلوة

وتقدرين تحطين نافورة داخلية من الحجر الصناعي بعد يطلع شكل حلو طبعا لو المكان يكفي ولا تنسين الأضاءة الخاصة بالركن

في أفكار ثانية لو ما عجبتك هالفكرة

****************

بالنسبة للأصباغ اللون البيج لون حلو بس لو تسوينه معتق يكون أحلى وأحلى يعني بيج على درجة اغمق شوي على بني او لمسة برتقالي خفيفة في الصبغ راح يطلع اللون احلى من السادة

اتمنى اني قدرت اساعدك اختي واي مساعدة ثانية انا تحت أمرك

تحياتي لك

الأخوات اوعدكم اني احاول ارد عليكم اليوم ان شاء الله

مشكوره اختي الغاليه ...ماقصرتي معايه ..

وافكارج ماشاء الله عليج دايما حلوه ..

اما عن الصبغ الي في الصوره بيتغير طبعا هذا مال اول الحين انا اجدد في البيت واللون الي قلتي عليه هو الي بسويه ...

وانشاء الله بسوي فكرتج الاولى بعد مال الصندوق ...

أنا سعيدة اني قدرت اساعدك اختي

وان شاء الله اي طلب ثاني اكون تحت امرك

تحياتي لك

هلا والله بالغالية

Xx Snow White xX

تو ما نور الموضوع اختي

انتي تامرين امر كم سنو وايت عندنا

أول شي اختي الف مبروك عليكم الشقة وعقبال الزواج ان شاء الله

عزيزتي شوفي الرسم بعد الاضافة



بالنسبة لغرفة النوم انا اقترح عليك موقعين للسرير وهو اما في الاتجاه المقابل للنافذة او الاتجاه الآخر المبين في الصورة وطبعا مكان التسريحة بيكون المكان الثاني ، مكان دولاب الملابس اللي انتي اخترتيه حلو ومناسب

* بالنسبة للتلفزيون ما انصحك انك تحطينه في غرفة النوم اولا لان الدراسات اوضحت ان التلفزيون له اثر سلبي على العلاقة بين الزوجين خاصة ان غرفة النوم للهدوء والراحة ، وبعدين راح تزحمين نفسك بدون داعي ونفس الشي بالنسبة للثلاجة دام المطبخ قريب منكم حاولي تستغني عن الثلاجة ، حاولي تبتعدي عن الأجهزة الكهربائية في غرفة النوم وغرف الأطفال لأن الترددات الكهربائية يقال انها تؤثر على صحة الانسان على المدى الطويل .

* بالنسبة للستارة اختيار موفق عزيزتي لأن الستارة السادة راح تناسب الوان المفارش اللي راح تختارينها للسرير بس لو تبين تسوين فيها حركة حلوة خلي القطعة السفلية من الستارة شيفون شفاف مشجر بلون يناسب بقية الديكور واختاري اكسسورات مميزة من حيث الحامل والمساكات

* على الكومدينو الجانبية اختاري اباجورات مناسبة وحطي نسخة صغيرة من المصحف الكريم من اللي يجي على شكل حلو مثلا في علبة فضة او على حامل خشب وتقدرين تحطين شموع في صحن ( طافية او عادية ) مفارش تناسب مفرش السرير صورة لك ولزوجك

* في الممرات مثل ما قلتي انا اقترح عليك الزاوية بين المطبخ وغرفة النوم اللي انا حددتها باللون الأخضر ، تقدرين تحطين فيها كونسول زاوية وتحطين عليه تلفون مع شوية شموع وورد مجففة بتنسيقات انتي تختاريها ( وطبعا انتي الذوق كله ) او تقدرين تحطين مجموعة تحف لو انتوا رحتوا شهر العسل اشتري من كل مكان تحفة كذكرى وحطيها عليه وتحت الكونسول حطي صحن مسطح صيني او فضة ونحاس ووزعي فيه شوية مسابيح وفصوص ملونة وأحجار لماعة مع بعض الورد المجفف

* نفس الفكرة اللي فوق تقدرين تسوينها في مدخل البيت

عندي افكار كثيرة بس لازمني شوية وقت عشان احاول اشوف صور تقرب الفكرة

اتمنى اني اكون افدتك ولو ان ذوقك ماشاء الله عليه ما يتحاج احد يقول لك شي

بس مجرد تاخذين افكار

للحديث بقية

السلام عليكم ورحمة الله وبركاته

RoOoOmy_M لو سمحتى اختى انا محتاره فى شئ ودى تساعدينى فيه صراحه هو المدفئه او المدخنه حقت النار اكيد تعرفيه مادرى اضعها فوق فى الدور الثانى ولا الاول زوجى يقول فى غرفه المعيشه تحت وانا افضلها فوق مكان جلستنا

ودى تعطينى من خبراتك ايت افضل بالودر الارضى ولا فوق

وهل فيها اضرار اذا وضعتها فى الدور اللى فوق ياريت ماتطولين ارجو الرد باسرع وقت

وجزاك الله الف خير ودعولى يبنات ان الله يوفقنا فى هالبيت الجديد

سلاااااااااااااااااااام

اختي

(( كتلة مشاااعر ))

تعتبر غرفة الجلوس هي المكان المثالي للمدفأة ، لأن من كلامك انكم راح تستعملون مدفأة حقيقية وليست ديكور فقط لذا انصحك بوضعها في غرفة الجلوس في الطابق السفلي بسبب تصاعد الرماد منها و لو حدث شي لا سمح الله فالطابق السفلي مكان يسهل الوصول اليه على العكس من الطابق العلوي وبحيث تكون هناك مراقبة ايضا من قبل الكبار للأطفال

عزيزتي النصيحة الأهم هي مراعاة اصول وقواعد السلامة بالنسبة للمدفأة والعناية وفحصها بشكل دوري ومراقبة الأطفال

لو حبيتي تشوفين بعض النماذج من المدافئ شوفي هالرابط

http://www.3roos.com/forums/showthread.php?s=&threadid=48129

تحياتي لك اختي

تسلمين الغاليه RoOoOmy_M وما قصرتي بارك الله فيج.. ويزاج الله خير..
بالفعل فكرتج وايد حلوه.. وفكرتج خلتني اتعمق واربط افكارج بافكاري وعطتني افكار كثيره..

تدرين عندي شي بغيت اقوله من زمان.. اني احس ان اذواقنا متشابهه في كل شي وحتى الافكار مرات ابغي اكتب شي ويوم اقرى ردودج او مواضيعج استغرب سبحان الله نفس التفكير وتسبقيني :smile:

وبنتظر باقي الافكار عشان اكمل شغلي في هذا الاسبوع ان شاء الله..

ومره ثانيه مشكوره وايد وكلج ذوق..

ابي صالونات داخل فيها اللون الموف
اللي عندها صور لصالونات او ستاير او كنبات او مداخل داخل فيها درجات اللون الموف (البنفسجي بدرجاته) ياريت تفيدني .. لاني قررت ادخل اللون الموف بالصالون حق بيتي ... وياليت اللي عندها افكار حلوه للصالونات او الصالات الداخليه للبيت تساعدني فيها .. لاني جالسه اختار اثاث وافكار لبيتي وحايسه مره.... وابي بعد الالوان اللي تتماشا مع الموف موضحه بصور ولا عليكم أمر ........... ومشكورين على هالموضوع الاكثر من رائع

الله يسلمك اختي

(( XxSnow WhitexX ))

أنا سعيدة ان افكاري ساعدتك شوي خاصة انك ماشاء الله ذوق واختياراتك اساسا حلوة ...........

انا بعد تعجبني مواضيعك في ركنك وبقية الأركان ......... عموما اختي اي فكرة ثانية احس انها تناسب بيتك ماراح ابخل عليك فيها

وبالبركة ان شاءالله ، والله يتمم لك بخير

تحياتي لك

السلام عليكم ورحمة الله وبركاته

هلا أخت شوق إن شاء الله يا الغالية ولا يهمك

طبعاً درجات البنفسجى تتناسب مع درجات الأصفر

ولى عودة تحياااااااتى

السلام عليكم

Rooomy تدرين شو بخاطري ،،، ودي أجيبك للبحرين و أحبسك ببيتي لمدة أسبوع :D2 و أخلي خطيبك يلف البحرين كلها وما يحصلك تدرين ليش ؟؟؟
أبيك تقلبين بيتي فوق تحت بأفكارك الخطرة وبعدين انا اوصلك برسم الخدمة ليد خطيبك :cool2:

ها شو رايك؟؟؟؟

أدري خطيبك بيقوم بيذبحني و أهلك بعد بس باكون فرحانه لأني فرشت بيتي على الأقل لعيالي:D2


خبريني متى تبيني اخطفك زوجي عنده جيمس اجي لك متى؟؟؟:s2

ما يتحاج تخطفيني اختي نسيم البرايح

انا اجي لحد عندك برجلي ........ يا سلام واحنا في ذيك الساعة

كم نسيم عندنا

بس بشرط ان خطيبي يدل مكاني حرام يجلس يدورني ...

ولو محتاجة اي مساعدة انا تحت امرك

تحياتي لك

عزيزتيRooOoooOmy M




ابغى استشيرك في الوان مجلس الرجال عندي




الخشب حق المجلس معتق بلون بني ابغى ادمج لونين


لون الجدار سكري , ابغى الوان الاقمشه ايش راح



يكون لونها....









تحياتي

مشكورين خواتي على هذا الموضوع المفيد

الصراحة أنا حجرتي لونها بيج و السرير حديد لونه أسود و أبغي أحط ديكورات حلوة فيه و شو في رايج أحط؟؟؟؟؟؟

وو حمامي لونه بني مع بيج و أبغي أزينه شو أحط فيه برايج؟؟؟

مشكورة حبوبة

اختي بوح الخاطر

الألوان اللي انتي مستخدمتها تعتبر ألوان مثالية بسبب سهولة اختيار الألوان المتناسبة معها من حيث الأثاث والاكسسوارات والفرش

بما انك مختارة الألوان الترابية او ألوان الأرض ( Earth Colors ) ولون الخشب بني معتق اقترح عليك اختيار اقمشة للكنب والستائر ذات تفاصيل بسيطة نوعا ما وتكون خالية من التعقيد وحاولي التقليل من استخدام اللون الذهبي








بشكل عام معظم الألوان تمشي مع اللون البيج ودرجاته ......

تحياتي لك وبالتوفيق ان اشاء الله

هلا فيك اختي بسمة البكاء

بما ان جدارك بيت والسرير من الحديد الأسود ايش رايك لو تحطين لك بوردر في الجدار بلون قرميدي مائل للبرتقالي عشان يكسر قتامة الألوان الموجودة هذا طبعا لو كانت غرفتك لوحدك يعني انتي مو متزوجة وبعدين افرشي السرير بمفرش من نفس الألوان يعني على قرميدي واصفر مشمشي واستخدمي اكسسوارات خشبية من الخشب الغير معالج ( لونه فاتح ) وتقدرين تزينين الغرفة بالشموع والورد الصناعية يعني باختصار بما ان جدارك فاتح ولون السرير غامق خلي تركيزك على الألوان القوية والحارة



وبالنسبة للحمام نفس الشي تقدرين تشترين ستارة حمام وطقم فرش للأرض وطقم للحمام من ألوان مناسبة مثل اللون البيج والذهبي والبني برسم بحري




ونفس الشي بالنسبة لاختيارك الفوط وبقية الاكسسوارات ولو حبيتي تضفين جو شاعري لحمامك استخدمي اضاءة صفراء

تحياتي لك

:cry: :cry: :cry: :cry:

:cry: :cry: :cry:

:cry: :cry:

:cry: