عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

أختي مبتلية عراقية

وعليكم السلام ورحمة الله وبركاته ....

كلك ذوق اختي وأنا سعيدة ان بنتك عجبها شي من الأفكار اللي عطيتك اياها بس بالنسبة للغرفة الأولى ، للأسف اختي أنا سعودية وما عندي فكرة عن المحلات في الأمارات ، بس الديكور في الغرفة يعتمد على الصبغ العادي يعني مطفي Mat يقدر اي مهندس ديكور يسويه لك ، والباقي يعتمد على المفارش والأكسسورات الجاهزة

وان شاء الله بنات الامارات يقدرون يساعدونك

تحياتي لك

بسم الله الرحمن الرحيم

السلام عليكم ورحمة الله وبركاته



في البدايه حابه أشكرج ياعروستنا
RoOoOmy_M
على هالمجهود الي تقدمينه للعضوات ..ماشاء الله عليج يالنحله :smile:

اختي

مبتليه عراقيه
انتي بالشارجة والشارجة انتي ادرى فيها ..والي اعرفه بكل شارع شي محلات الأثاث ..والصورة الي عيبتج مافيها شي غير انج تشترين سرير عادي لبنتج أما الباقي ديكوريشن ..راح تلاقينها بهوم سنتر كل الي تبينه من شموع من طاولات ومكتبه وأضواء وصناديق وكل شي كل شي وعلى الذوق الي تبينه اضمن لج هالشي ..عاد مادري الشارجة فيها هوم سنتر أو سيري لدبي خطوتين بينكم وبينها ..اتمنى أكون فدتج عزيزتي ..




أما استفساري لج انتي يا RoOoOmy_M
فهو عن الطباعة في الجدران..
أنا تابعت كل المواضيع الي بالمنتدى بخصوص هالموضوع بس الي ابا اعرفه هي نوعيه الألوان الي المفروض علي اني استخدمها ..

وهل لازم اصبع اول شي الغرفة بصبغ Mat ولا عادي اصبغ بزيتي والرسومات أصبغها بMat ..

اتمنى تفيديني الغاليه ..ولو عندج اي اضافات غير الي ضافتها الاخت زمرده اعتقد ..ضيفيها بأي مكان تحبينه.. وادري انج مابتقصرين ويانا

يعطيج العافيه :smile:

الشكر لك يا لمسات على مرورك وردك الحلو اختي

بالنسبة للأصباغ أنا اتوقع ان الطباعة تطلع أحلى لو كان الأساس مطفي بس حلو تسوين اساس مطفي وطباعة لماعة أو العكس مع انعكاس الاضاءة يعطي لمسة حلوة للمكان

تحياتي لك

يعطيك العافية..........ومشكورة

صراحة بديت أرتب أفكاري بمساعدتك......

بس ممكن طلب أخير.......:o:o:o:o:o:o

دليني على الأماكن اللي في الشرقية اللي ممكن اشتري منهامثل هذي الأشياء والا كسسوارات.......

وفي رأيك أي أحسن محل يفصل ستاير..........
وأي أحسن محل ألاقي عنده سجاد حلو.....

وماأدري إذا كنت تعرفين محل لاكسسوارات الحمام ..:o:o:o
وياريت ترسلين لي على الخاص عشان مايصير نوع من الدعاية......:s2


ومشكورة عزيزتي على تعاونك ومساعدتك يا عروس:up::up::up::up:

الله يعافيك اختي القمرة

لا شكر على واجب اختي احنا كلنا هنا عشان نساعد بعض وان شاء الله راح أرسل لك على الخاص رسالة فيها اسماء كم محل تفيدك

تحياتي لك

انه ما رديتي علي رومي




:o :o :o :o :o



شنو اختار حق غرفة النوم وغرفة الجلوس

:o :o :o

مشكوووورة ...............يالغالية

هذا خبرنا فيكم ...
بس انا مشكلتي



عويصة:cry: :cry: :cry:

غرفة النوم وايد صغيرة

اثاثي ساج(خشب بني اللون)

والموكيت بنفسجي...........والغرفة ظلمه لأنها على داخل الشقة

حابه اغير اللون اللي هو بيج الى لون ثاني بس ما قادرة اختار ومحتارة :think: :think: :sad:
اخاف اللون الجديد يظلم الغرفة ازيد مما هي ظلمه

اتمنى تساعديني ومشكورة مقدما

:z_thanks:

اعذريني اختي ايوت ....... تعرفين ان ذاكرتي رايحة فيها يعني انسى بسرعة على العموم اليوم ان شاء الله تشوفين ردي على طلبك

تحياتي لك

أختي غادة

مشكورة عزيزتي على عشمك فينا وان شاء الله حل المشكلة تلاقينها هنا

اختي الألوان اللي انتي اخترتيها كثير حلوة يعني الخشب البني حلو على السجاد البنفسجي بس الغلط اللي انتي سويتيه كان في اختيارك اللون البيج للصبغ ، هو صحيح اللون راح يوحي باتساع الغرفة لكنه يتناقض مع لون الأثاث والسجاد بشكل يوحي بكآبة المكان

نصيحتي لك تصبغين الغرفة لون بنفسجي او موف فاتح جدا بس يكون باين انه بنفسجي سادة وتقدرين تصبغين السقف بلون بنفسجي بس بدرجة غير درجة الجدران ، وفي فكرة ثانية بعد عشان تغيرين من توزيع الاضاءة في الغرفة وهي صبغ جدارين بدرجة من اللون البنفسجي وجدارين بدرجة اخرى من نفس اللون مع الحفاظ على نفس العمق اللوني يعني ما تختارين فاتح كثير مع غامق ، خليك على الفاتح بس غمقي درجة او ثنتين وان شاء الله راح تعجبك النتيجة ، وفي حل ثاني وهو ورق الجدران بس طبعا راح تلتزمين بنفس الألوان اللي شرحتها لك في الصبغ حتى لو اخترتي ورق جدران مشجر اختاري اللون البنفسجي كأساس

الألوان



وبالنسبة لفرش السرير اختاريه مشجر بألوان مشرقة تشمل اللون البنفسجي



*** اضافة اللون الأصفر مع البنفسجي يعطي اشراق واضاءة للمكان ***




وزعي قطع اكسسوارات متفرقة بألوان مشرقة كالأصفر والأخضر الليموني

شوفي هالأفكار بالنسبة للصبغ









طبعا الاكسسورات قد تكون شموع ، مفارش طاولات ، ستائر ، اباجورات ، مجموعة تحف وفازات





اتمنى اختي اني قدرت اساعدك

وأي شي ثاني أنا تحت أمرك

تحياتي لك

أختي RoOoOmy_M
أستناك على نار عشان اللي طلبته منك:confused::confused::confused: وهو أسماء أحسن محلات للاكسسوارات المنزل والحمام ومحلات تفصل ستاير زين ومحلات للسجاد......:eek2::eek2::eek2:


وأنا عاذرتك من كثر الطلبات عليك والله يعينك ويعطيك العافية:smile::smile:


في انتظار ردك:shy::shy:

مشكورة اختي القمرة على تفهمك

طيب قولي لي اختي انتي من وين بالضبط عشان اقدر اقترح عليك محلات معينة

تحياتي لك

عزيزتي

انه الي ابيج اتعذريني للقافتي ولتلصقي فيج



بس والله معذوره لان افكارج عسل وذوقج عسل وووووايد احلى من العسل


وصدقيني عرسي قرب وليلحين محتارة في فرش الشقه

وتعرفين عزيزتي كل عروس تبي شقتها ومملكتها اتكون الاحلى


وانتي ما قصرتي كفيتي ووفيتي

بس ابي منج اتشوفين موضوعج مال الشقق في الصفحه ال3 في كبت صغير حق الجوارير لونه مثل لون غرفتي النوم بس جاي على تعتيق وفيه ضربات بلون البيج بالصبغ

بس اذا ممكن الفرش شنو الالوان الي تناسبه

:o:o:o:o:o:o:o:o:o:o:o:o




واذا ممكن شنو الالوان الي اختارها حق غرفة الجلوس انه شريت مكتبه ومكتب لونهم بيج

ارضية الشقه كلها بفرشها سجاد لانها أجار ما عندي خيار الا هو



وشكرا
:o:o:o:o:o:o:o:o:o:o:o:o

اختي الغالية RoOoOmy

مشكووووورة على المساعدة ....
والحمد لله ثم بفضلك تخلصت من حيرتي

وما اقدر غير الدعاء لك بالتوفيق
ونخدمكم في الافراح ان شاء الله

نصايحك ولا اروع مشكورة
:clap::clap::clap::up::up::up:

مشكورة مرة ثانية

وتسلمين:z_thanks: ]]

اختي غادة ...

احنا هنا حتى نقدر نساعد بعضنا والتعاون مطلوب بين الأخوان

وأي سؤال ثاني أنا تحت أمرك

تحياتي لك

اختي ايوت

اذا تقولين هالكلام مرة ثانية راح ازعل عليك ...... احنا كلنا هنا المفروض نتساعد ونعاون بعضنا

وان شاء الله اقدر اساعدك

بالنسبة لغرفة النوم انتي قلتي هذا لون فرشتك



وقلتي ان لون الجدار بيج صح ؟؟



اختي عندك خيارين اما انك تتركين الغرفة بالوان هادئة وترابية يعني كلها من درجات البيج والبني وتقدرين تدخلين معاه اللون الزيتي ، تقدرين تحطين سجاد أخضر زيتي مثل لون الزيتون بس على غامق و تشترين مفارش سرير من نفس الألوان يعني بيج وزيتي والستاير اختاريها بلون موحد بس قطعة الشيفون اللي اسفل الستارة خليها مشجرة بنفس الوان السجاد





ونفس الشي بالنسبة للأكسسورات

خيار ثاني

تفرشين سجاد بلون أخضر sage عشبي على ليموني كثير حلو ويناسب لون الجدار



+



+



بس انا اللي احسه راح يخلي ديكور غرفتك حلوة انك تستعملين لون دافئ ينعش الألوان الترابية مثل اللون القرميدي



امزجي اللون القرميدي مع البيج أو درجة فاتحة من اللون الأصفر أنا متأكدة ان النتيجة راح تعجبك

وتقدرين تضيفين حدود Borders للجدار من النوع اللاصق



والسجاد تقدرين تختارينه قرميدي من الدرجات الفاتحة



وبعدين وزعي استخدامك للألوان في الستاير ومفرش السرير والاكسسورات









فيه الوان كثيرة بس لأن لون الأثاث محدد مسبقا فالخيارات تحصر نوعا ما

اتمنى اني أكون ساعدتك وان شاء الله راجعة لك بأفكار غرفة الجلوس

تحياتي لك

:clap::clap::clap::clap::clap:

شكرا عزيزتي :o:o

الالوان بالضبط هي الي كانت على بالي

واخذت فراش حق السرير فيه بيج واخضر زيتوني .......

وفراش ثاني في الوان البني والذهبي وشوي من القرميدي ............

يعني برايج عزيزتي اسوي السجاد لون اخضر ساده .......... والستاير بعد اخضر ساده لو اختار بيج .للستاير والسجاد ..........

اتعرفين عزيزتي ان الفراش على طول يتغير ..........

انه كنت حاطه في بالي اخذ لون السجاد والستاير بيج او اختار لهم لون ذهبي .........

عشان اذا شريت اي فراش يكون مناسب مع السجاد والستاير ...

ما اتقيد بلون اخضر او لون قرميدي .......

الصورة الي خليتيها مثل لون الخشب مالت الغرفه


انتي اشرايج ؟؟؟؟؟؟؟؟؟؟:shy::shy:

هلا فيك اختي ايوت

مثل ما قلت لك تقدرين تسوين الستاير بيج والسجاد بيج أغمق من لون الجدار وتحطين في تصميم الستارة قطعة شيفون مشجرة غامق أو فاتح فيها الألوان اللي انتي اخترتيها يعين الأخضر او القرميدي او العكس انك تختارين ستارة بنقوش بسيطة تناسب لون الجدار وتخلين الشيفون باللون اللي قررتي دمجه مع الديكور

انا كثير تعجبني هالخامة للستاير







تحياتي لك

أختي أنا من الشرقية يعني أي مكان في الدمام أو الخبر .................
أو أي مدينة قريبة منهم It is O.K.

طيب اختي القمرة ان شاء الله ارسل لك اليوم على الخاص

تحياتي لك

ممكن مساعده اذا سمحتن....
ممكن مساعده اذا سمحتن....

انا خلصت من الاصباغ في بيتي وحابه استشيريكم.
المدخل و المجالس لونها بيج وهذي ماخذه جانب من البيت .اصاله درجه اغمق من البيج بس لمن صغت فيه طلع لي على مشمشي والارضيه بين البيج والاصفر معتق بالون البني وحطيت مدفاه بلون الرخام المشمشي. الغرفه الرئيسيه لونها برتقاليوالارضيه لونها بني فاتح.قولولي ايش رايكم في الالوان وايش منها الي تحتاج تغير