عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

اختي

Um Abdulmalik

انتي اختيارك للألوان بهالطريقة





اختياراتك موفقة بالنسبة للألوان بس ما قلتي لنا عن لون الأثاث والستاير والكنب ، على العموم الألوان كثير حلوة ودائما اتبعي احساسك الداخلي وراقبي انطباعك الأول بخصوص الألوان اذا عجبوك من أول مرة لا تغيرين رايك ، أهم شي رايك ورأي زوجك اختي ، تقدرين تضيفين لمسة من اللون البني من خلال اكسسورات خشبية أو فخار أو اطارات الصور حتى تغيري من رتابة الألوان الفاتحة

اي خدمة انا تحت أمرك

اختي RoOoOmy سمعي شو صار لي ......

انت نصحتيني اني اصبغ الغرفة موف فاتح ..صح

وانا قلت اوكي .....بس تأتي الرياح :sad: , لأني سكرت النت من جهة وزوجي حب يفاجئني واشترى طقم جلوس بطيخي اللون

وقال انه حاب يصبغ الغرفة بطيخي :cry:

ابي رايك هل يناسب اللون الموف على البطيخي ؟
يعني الغرفة اصبغها موف والاثاث بطيخي؟
وممكن اضيف بوردر يحتوي اللونين ؟


وإلا انت شرايك؟
واعطيني من مقترحاتك ,,,,, وما تقصرين :z_thanks:

معليش اختي غادة اللون البطيخي ماشي حاله يعني مو شين بس مشكلته انه صعب يعني راح تتقيدين بلون معين من الصبغ

عموما في اكثر من خيار تقدرين لك بالنسبة للأصباغ

تقدرين تمزجينه مع درجة من اللون الأصفر البطيخي يعني مو اصفر مشرق ( اصفر على لمسة برتقالية ) شوفي تمازج اللونين هنا



تقدرين بعد اختي بدل ما تصبغين الجدار بلون بطيخي peach انا اسميه لون الخوخ انك تصبغين بلون بيج فاتح على لمسة من اللون المشمشي وبعدين تحطين طباعة على الجدار بلون الكنب



ها ايش رايك ؟؟

لو بغيتي أفكار ثانية انا تحت أمرك

تحياتي

هلا اختي..........

اقتراحك حلو ,,,,,,,,بس الغرفة الحين لونها بيج وانه حابه اغير من لون الغرفة تغير كلي....

زوجي وافق انه نصبغ الغرفة موف افتح من لون الموكيت .......اللي حبيت اعرفه

هل يناسب طقم بطيخي في غرفة موف ؟؟؟؟؟؟؟؟؟

ردي علي :down:وإلا:up:

ومشكورة

أختي غادة بصراحة احترت كثير لأن من وجهة نظري الموف ما يناسب لون الكنب اللي عندك بس لو اني شايفة غير كذا فأهم شي رايك ورأي زوجك

تحياتي لك

RoOoOmy

شكرا على الرد...وفعلا اللون الاول هو لون المدخل ومجلس الرجال ومجلس الحريم وصاله الطعام.:smile:
الون الاخير هو لون صاله العائله الي تحت لكن المشكله ان الجبس خشبي في الصاله والابواب لونها بني غامق اما الدرج لونه اسود مع شوية ذهبي واحس بالضيق ايش اسوي؟:confused:
ملاحظه

1 )كل الابواب بنفس اللون :rolleyes:

2)حاطه حجر في اثنين من جدران المدخل لكن العمال ما ركبوه بطريقه صحيحه يعني حطوا اسمنت كثير وشوه الحجر :o

ارجو سرعه الرد تراني على اعصابي

قوة اختي رومي
:smile:


اولا: اسأل الله ان يوفقج في حياتج وفي الدنيا والاخرة
:shy:


بنات لو تلاحظون معاي اختنا رومي واااااااااااااااايد تتعب معانا بالمنتدى:pain:


وماشاءالله ماتطرح مواضيع الا متميزة فيها ولها صدى كبيييييييير باختصار:

رومي مبدعة وانسانة راقية من ذوق ومن مشاعر..وصراحة عن نفسي قمت اقتدي فيها :up:



رومي الله يوفقج وفعلا ماتقصرين معانا..وتبذلين جهد الله يعينج علينا.. وفوق هذا ماشاءلله موفقة وقتج بين المنتدى وبين اهلج..يارب يبعدج عن عيون الحساد ويحفظج بحفظه يارحمن
:clap:



تحياتي....:clap::clap::clap:


ومشكورة عالموضوع الاكثر من رائع ولي عودة....:)

اختي

Um Abdulmalik

عزيزتي انتي مكبرة الموضوع بالنسبة للجبس ولون أبواب البيت يعني تقدرين تصبغين الجبس بدرجة تناسب لون الباب بكل سهولة ولو ما ودك تخسرين وتدفعين زيادة فلوس تقدرين تروحين محلات الأصباغ وتختارين اللون المناسب وتصبغينه بنفسك وباللون والطريقة اللي تناسبك وبما ان الدرج ذهبي وأسود ومن كلامك فهمت انه الشي الوحيد اللي باللون هذا فالحل انك تضيفين قطع اكسسورات او مفارش او فازات باللون الذهبي عشان يصير فيه تناغم بين الألوان يعني تقدرين عند مدخل الدرج تضيفين مجموعة جرات قديمة معتقة باللون الذهبي

ايش رايك ؟

تحياتي لك

اختي

** العروسة ترف **

كلامك اثلج صدري ورفع معنوياتي المحبطة خاصة ان اليوم السبت وشكل الدوام طويل وممل ...

عزيزتي ... هدفنا في المنتدى مساعدة بعضنا واللي عندها معلومات او أفكار مفيدة ما تبخل على اخواتها في المنتدى

كلامك الحلو يدل على ذوق العالي ورقي أخلاقك و هذا شي مو غريب على أهل الكويت ( على فكرة خطيبي مولود ومتربي في الكويت ) عشان كذا أموت في أهل الكويت ( وهم عشانك انت بعد )

مشكورة مرة ثانية اختي ترف على الكلام الحلو والتشجيع الأحلى والله لا يحرمنا منك

تحياتي لك وعساك على القوة

بعد عممممممممري


وانا اشوف هالغلا كله لمنو.. اها يعني ريلج من مواليد الكويت...



ونااااسة يالله لازم تزورينا يالغالية





انا بانتظارج





وتحياتي لج...




ومشكوووووورة عالورد الي يعبر عن صاحبته...:D

انا تو بيتى جديد وعندى صالتين استقبال للضيوف واحدة على اليمين والثانية على الشمال وفيهم طول ومكانهم اول ماتدخلين البيت وحمام الضيوف فى اخر الصالة اللى على اليمين وهالصالة مقسومة منطقة مرتفعة قريبة من الحمام والثانية منخفضة وناوية احط فيها طقم كنبات السؤال المنطقة القريبة من الحمام المرتفعة هل ممكن احط فية غرفة طعام كاملة او مو حلو منظرها داخل الاستقبال عطونى رايكم مع العلم انا ماراح استخدمها للعيال بس منظر لان عندى غرفة ثانية لهم والى فاهمة قصدى وعندها صور تنزل ابى اشوفهم وقولولى رايكم

** العروسة ترف **

ان شاء الله ، انا اتمنى اني اروح الكويت لأن معظم اهلي كانوا هناك وخطيبي مولود هناك وعايش فترة طويلة بس تعرفين الزحمة والمشاغل بس هو واعدني انه يوديني وان شاء الله اجي عن قريب

تحياتي لك

أختي


(( فروحةة ))

اول شي مبروك عليكم البيت الجديد وان شاء الله تتهنوا فيه يارب

اختي طبعا تقدرين تحطين طقم طاولة طعام من النوع الصغير بش كشكل وتقدرين تستخدمينه لو عندك استقبال ضيوف لوضع ضيافتهم بدل ما تروحين كل شوي للمطبخ او مثلا لو زارتك اختك او صديقتك المقربة تاكلون حلى او الشاي والقهوة في الصباح على هالطقم

شوفي هالمجموعة





طبعا حجم الطاولة وعدد الكراسي راح يعتمد على المساحة المتوفرة عندك بس انا اقترح عليك اما انك تستخدمين كرسيين او اربعة كحد اقصى والطاولة تكون منا النوع الصغير يعني لتقديم شاي او قهوة مو وجبة رئيسية



وتقدرين في باقي المساحة تحطين دولاب لأدوات المائدة يناسب طاولة الطعام والكراسي مثل اللي في الصورة

ان شاء الله اكون ساعدتك

تحياتي لك واي سؤال انا تحت أمرك

اللة يبارك فيك واشكرك كثيرا ونبهتين لان اضع ادوات الضيافة بدل ما اروح المطبخ كل شوي وبالنسبة لطاولة الطعام انا نفسى بالمستطيلة مع دولابها والمساحة اللى عندى كافية ايش رايك

اختيار موفق اختي

(( فروحةة ))

وأي مساعدة ثانية انا تحت أمرك

تحياتي لك

الله يبارك فيك لكن انا ودي بطاولة الطعام مستطيله وكبيره شوي يعني تقريبا 8 كراسي مع الدولاب ومشكورة لانك نبهتينى بان اضع ادوات الضيافه عليها بدلا من اروح كل شوى للمطبخ وقولي رايك؟

والله اختي هذا شي راجع لك انتي ولذوقك الشخصي بس لو تخلين عدد الكراسي 6 مثلا راح يكون كثير افضل ودولاب مع الطقم يكمل المطلوب







تحياتي لك

اختى العزيزة رومى
انا لسه عروسة باجهز شقتى اللى سوف اتزوج فيها وعايزة مساعدتك
انا عندى المطبخ على الأنتريه وحبيت انى اعمل مطبخ مفتوح open kitchen ???!!
لكن انا مش ناوية افتحه كله بس هأعمل شباك واعمل ترابيزة عالية مثل البار وكراسى طويلةمن ناحية الأنتريه مع مراعاة انه سوف يكون بجانب البار والكراسى ترابيزة السفرة تفتكرى الشكل العام هيكون حلو ولا لا أرجوكى تفيدينى وبسرعة:o :o :o :o

عزيزتي حتشبسوت

الف الف مبروك الجواز اختي والشقة الجديدة

اختي ...

بالنسبة للمطبخ open kitchen حل مثالي للشقق اللي مساحتهاصغيرة نوعا ما وتكون خيارات الديكور فيها محدودة ، بس عندك اكثر من فكرة لفتح المطبخ على الانتريه

مثلا تقدرين تفتحينه بشكل كامل وبعدين تشغلي تقريبا ثلاثة ارباع المساحة المفتوحة بطاولة طعام من امتداد سطح المطبخ على شكل طاولة وبكراسي جانبية ويترك الربع الباقي من المساحة كمدخل بين المطبخ والانتريه



اختي انا عندي اكثر من صورة عن المطبخ المفتوح بس الحين ال system down اول ما يصير اوكي ارجع اضيف لك افكار وصور

انتظريني

تحياتي لك

عزيزتي رومي ....

محتاجه مساعدتك في تأثيث شقتي انا بصراحه اعرف لو اخترت الالوان بنفسي بكون مركزه على الوان محدده بس حبيت اشاورج على اساس اني قريت افكارج الحلوه ...وعلى فكره ترى الشقه بتكون ايجار يعني ما احب اصرف فيها اشيا غاليه وايد .


اولا الصاله : حابه تكون الالوان كحلي ومارون وما اعرف شو ممكن يناسب
لاني لحد الحينه ما اخترت اي شي وأبغيج انتي تعطيني رايج وطبعا مكتبة التلفزيون بتكون خشبيه او بيج ونفس الشي مكتبة الكمبيوتر .

طيب بالنسبه للون الستاير والصبغ مع اني اقول لو اخلي الصبغ ابيض يكون احسن لانه بيصير المكان غامق لانه الالوان الي اخترتها داكنه . بس بعد قولي لي رايج.


ثانيا : غرفة النوم : حابه تعطيني افكار حلوه لانه غرفتي الحاليه سماوي وازرق بس حابه اغير اللون لاني مليت منه . ..ابغي الوان مريحه وملكيه في نفس الوقت .


وبالنسبه لغرفة المكتب والضيوف ابغي الوان بسيطه ومناسبه..
والممر احس المفروض يكون لون الموكيت فيها غير عن الوان موكيت الغرف ولا شو رايج .

وبالنسبه للمطبح والحمامات (تكرمين) طبيعي بتكون مفروشه لانها شقه الا اذا بسوي فيها تغيير بسيط .

عموما عزيزتي انتظر ردج بفارغ الصبر وارجو اني ما ثقلت عليج بطلبي بس لاني خايفه اني اختار وما يعجبني الي اختاره لاني اعرف نفسي اتملل من الشي بسرعه.

في امان الله