™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

يابنات لرتطيب الرجلين واليدين كريمة جيلسوليد الحمرا تخلي يتزلفطو تزلفيط

طرابلسية لسرتاوي;11132473:
بنسال على محل الرائد يلى قالت عليه طرابلسيه ويييييين وبالنسبه لملح اليوكو فاش يستخدم والكريمات يلى حاطتهم طرابلسيه لشنو يامدام غاده؟؟؟؟؟؟؟

ياغدغودة ماركة ماك بنموت عليها وفى بنغازى منضنى ايبعو فيها:'(:'(:'( بنات نبفازى من تعرف وين ايبيعو فى ماركة افسنلوران الاصلية ؟؟؟؟

والله ياعسوله مانعرفيش انا ماعنديش عليه واجد المكياج

يعني الي يسافر يجبلي ,,, بس شوفي مورينا وعطر الشرق

وفي محل عجبني من مده عطيت خذيت منه عطر عشان مالقتي شفي عصام الشركسي

وهو جنب بسيكري في شارع دبي لاصق في الصيدليه ممكن تلقي عنده

ان شاء الله نكون افدتك

بيسا شوفى لينا فى الحدائق عند عصمان هو قالى مرة اى ماركة تبيها نجيبها لك حاضر حتى منتجات البودى شوب

انت امشيله ومش راح تخسرى شى لانه هو متعاون واجد

حرام عليكم بنات بنغازى نسالكم فيكم ماتردوش

وين احسن محل لبيع السفر والفناجين الراقية

سؤال تانى يا بنات منو الى مشت الى بيوتى سنتر الى فتح جديد

حاجة اخرى يا بنات انا عندى يدي سمراء واجد عن جسمى لدرجة انى نتحشم شنو رايكم انديرلها ليزر والا شنو ارجوكم ردوا على

اميرة الانسات;11133142:
حرام عليكم بنات بنغازى نسالكم فيكم ماتردوش

وين احسن محل لبيع السفر والفناجين الراقية

سؤال تانى يا بنات منو الى مشت الى بيوتى سنتر الى فتح جديد

حاجة اخرى يا بنات انا عندى يدي سمراء واجد عن جسمى لدرجة انى نتحشم شنو رايكم انديرلها ليزر والا شنو ارجوكم ردوا على

غدو حبيبتي وووووووووووووووالله ليك وحشه

انتي وطرابلسيه وووووووووووعروس ليبيا فقدانها غايبه انشالله خيرر



عرايس منظفات البشره في ماركه لوريال حلوة والحلو متوفره بكثره ف ليبيا ووووهيا طبيه مش جماليه وبس


غدوو ماااااااااك تهبل مشكوره هلبا انا جربت فوايفر
لكن ماك مش متوفره هلبا هيا ولانكوم وكل ماركات الصف الاول غاليه صح يعني الحاجات هذو يبي قدره شرئيه عاليه مش كل العروسات يقدرن يشروه


مع ذلك في ماركات تانيه ايطالي وتركي وماليزي عندها جوده واسم وتخضع لرقابه الدوليه وصحيه برضوو وسعرها مقدور عليه لاننا نبو نستعملوهن ديما مش شهر العسل وبس

مثلالا منتجاااااااااات هماليا حلووووين

واهو هايله سبق وحكت عليهن لانها من زمان تستعمل فيهن

والله غسووووووووووول الوجه متاع هماليا رهيب انا نستعمل فيه قبل عرررسي يجننننن وقراباه السنه مدومه عليه وبشرتي دهنيه نتعب بش نلقا شي يخفف التدهين بدون ما يجفف وجهي

واختى بشرتها جافه وتستعمل فيه متاع الوجه الجاف


وفي حتى منتجاااااااااااات بيبي جونسون غسولهم قنين
وف صديقتي تستعمل في منتجات نتبروجيناوووهلبا شكرتهن

ووووفي متبت المكيااااااااااااااااااج متاع لوريال قنين وحلووو

يعني تلقووو حاجات قنينه ومتوفره ديما ومجربه

كلامي عن الكوافيرات لغيته هنا لانه مكرر حكيت ف لمه عن عايده وشاديه وماجده


احلالالالالالا صبغااااات وميش ف بنغازي ف محل مدام عايده صالون الاميره فوق صاله الاميره احلا لون بلاتيني عند عايده واحلا ميش بصددددددددددق وبعد ما شفت ولفيت هما الاحلا فهالمجال



لازم العروس تبقا عندها فكره شن الي يطلع عليها يعني يكون عندها فكره شويه علا المكياج الي يطلع معاها

مكياج الحنه يوم الرمي كان ف مزين المروه ف شارع عبدو اسماعيل ----شارعنا اللي وااااحشني
فمحل مروة ---تحديدا اسالو علا مريم مرسال --
كان اللوك التقليدي البسيط وطلعتني يوم صباحيتي علا العربي والصدرا الطرابلسيه طلعتني خياااااااااااااااااااااااااااااال بمكياج التصندير وحتى تاني يوم مشيت نتعشى فحوش هل زوجي برضو طلعتني
الصرااحه شغلها رررهيب فالمكياج الليبي متاع العربي والصدرا

ويا بنااااااااااااااات مريم احسن من يدير رسمة حواجب ف بنغازي شطووووووووووووووره

وهذا الي عندي توة يارب نكون افدتكم بحاجه ويابنات الخيارات الي نحطلكم فيها راااااااااااااهي جت بعد بحث وتدوير ولف لاني طووولت وانا نلف ونشوف ف الاحلا والاحسن حتى اهلي ملو من تدويري وخوي يشيلني يقولي شكلك طالعه سيااحه بتلفي وخلاص
كنت نبي الاحسن ودرت تجارب وسالت كويس الحمدلله ربي سترني ومشت الامور تمام
عرايسنا المكسلات وتن حاجتكن بدري وهنن عليها توا بش تلهن بروحكن بعدين وماتكوننش مزحومااااات ف ميه 1000 حاجه

بصرراحه انا انضغطت ف اخر ايااام التوتاتي كانو اخر ليالي رمضااان واغلب تجهيزي كنت واقفه عليه بروحي

ما تنزروش كيفي رتبن اموركن وماتفكرنش بشكل مرهق وتبدن متنكداااااااااات لالالالالالالالالالا وتخربو فرحه التوتاتي والتجهيز

ما ملي تتمنى يجيها قسم وتوتي
والي يستنى احسن من الي يتمنى


الفايده فالهناء وخلوها كلها تمشي بضحك ولعب
وهياجه

عيشووو اللحظه وخلو جو العرس عرس بالصح
تبقى ذكريات مميزه وحلوة

خير عليكن عرايسنا الحلوات

تواااااااااااااااا معقوووووووووووووووولة نغيب 4 ايام ولا وحده فيكم تنشد وين عروس ليبيا ااااااااااااااا بجديات والله زعلت منكن كلكن وخاصه اللي ديمه نفتقد فيهن وننشد عليهن

يالله ماعلينا مش مشكله

المهم سامحوني يا بنات اللي سألتوني على الحاجات انا كان عندي ظروف معاش دخلت للنت

بالنسبة للحاجات اللي حطيتهم كلهم من البيضاء خديتهم

البطانيه الاسبانيه ب250 سعرها وفيه منها جميع الالوان .

والمنظر اللي مكتوب عليه اسماء الله الحسنى ب35 دينار

والمفارش البودريات ب35 حتى هما وهما 3 طروف بس واحد كبير واثنين صغار .

وكلهم خديتهم من نفس المحل اسمه الشارقه في محلات الاخضر

بنات بنغازي فيه عندنا حاجات حلوة انا مشيت غادي وشفت محلات عندنا حاجات احلى وبسعر مناسب تقدروا تجوا تتفرجوا لما تحصلوا فرصة يوم كفايه

وتعالوا لمحل الشارقه في محلات الاخضر هدا فيه كل حاجه خاصه بتجهيز العروس وراغين وبطاطين ومناشف ومفارش وولواحات وحتى اطقم الحمامات حشاكم والمطابخ .

وفيه حتى فرش وقماش للستائر حاجه حلوة الصراحه .

بنات تحدد عرسي يوم 14\4\2010 حنتي ان شاء الله ويوم 15\4\الزفه

ادعولي ربي يتمملي بخير ويوفقني والعقبه ليكن كلكن يااااااااااااااااااااااااااااااارب.

هيا مش عادية يا بيكاتشو رهيبة كل ما تكمل نشرى منها .. والتواليت راهى احلا من البارفيوم متاعها ... وحاجاتك حلوة هلبا ماشاء الله وستايلهم حلو .. :03:
وعجبنى الشورت يهب خاطرى نشرى منهم كل مايجيبوهم فى مانقو يتموا قبل مانمشى

مبررووووووووووووووووووووووووووووووووووك ياعروس ليبيا واخيرا نفرحو بيك :027::027::013:حنفقدوك متقطعش علينا بعد متجوزى:096::096: يعنى توة :082::082:
نرجس شهر 7
ريوقة شهر 10
عروس ليبيا شهر 10
من تحدد عرسها اخرى :058::058:
اميرة يااميرة زى ماقالن البنات على طول على السنابل وبالنسبة لايديك لعند متلقيلهن حل حكى بليم وخلاص
عروسة ياعروسة ياحلى عروسة انا منستعملش فى منضف للبشرة ولة غسول نبى ماركة سعرها معقول ومتوفرة نبدا نستعملها توة وبعدين
واميرة محل لينا الى فى الحدائق وين معرفتش لا هو لاعصمان
عروسة وبنات بنغازى فى معمل النور يدير فى السلطات فى بلعون ابتاع عيت بوشيحة شنو رايكن فيه:079::079:

بنات هضا فستا ن اختى شراتة من الحداد عشان فرح خوى شنو رايكن فيه لبستة عشان تشوفوه بس طبعا المقاس كبير شوية

وهذينا الاكسسوارات الى اختارتهم

بنات بأمانة شنو رايكن فى الفيلو هضا نبى كل وحدة تعطى رايها بصراحة

عروس ليبيا شهر 4
نرجوسة 7
ريوقة 10
هكى مزبوط وسورى على غلط عروس يعنى نتوكل على الله فى الفيلو راهو رايكن هو الاساس مريانا وعروسة شكرا واجد حبيباتى نبى راى باقى الشلة