الرئيسية ركن العروس تجهيزات و استفسارات العروس ™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

حلمـ ., 17-01-2010 1,103 رد 39,213 مشاهدة
ج
جوهرة2010
عروس نشيطة
23-01-2010 | 12:50 PM
صباح الخير مشكورة يا بيكاتشو ويا ريت تقوليلي على اسشوار من ماركة صح ولو بالصورة يكون افضل
G
Ghado
عروس مبدعة
23-01-2010 | 12:52 PM
صباح الخيرات بنياتي ..


كيف حالكم .. انشاء الله الجمعة عدت عليكم بخير و قضيتوا اجازة حلوة...
:065:


بيكاتشو: بصراحة خشتلي راسي مكواة الشعر .. بالله من وين و بكم حبيبتي لو مافيش مانع؟؟؟


بيسا: الفيلو معقول بس فيه أحلي .. حسيته ملخبط شوية ديزاينه (بمعنى مفيش تناسق بين فوق و لوطا ) يعني لو كان جيهة الصدر مش مطروز كان أحلى بهلبة ..


وبعدين انتي و راحتك و ممكن في اللبسة أحلى .. الفيلو دايماً على اللبسة ..


و أهم حاجة انتي لما لبستيه شيني حسيتي ؟؟ قلتي ايه هادا :093: هو و لا ما زال عندك شك :01: ؟؟؟
ب
بيكاتشو
عروس رائعة
23-01-2010 | 12:58 PM
اهلا جوهرة والله انى السشوار ما نستعملش فيه بكثرة ما نحباش شعرى خفيف ونحس السشوار يحرق فيا
بس اختى عندها واحد حلو بروان وفى هلبه ماركات حلوة المهم نوع شعرك وقوة السشوار ما يكونش اقل 2500 وات

غادو صباح الورد
المكواة انى واخدتها من بريطانيا من boots اللى فى مانشستر تقربيا باقل من 100 باوند
بس اكيد يبعوا فيها هنى والا اشريها من النت .الصراحة روعة وراحة
G
Ghado
عروس مبدعة
23-01-2010 | 01:01 PM
عروس ليبيا;11134320:
خير عليكن عرايسنا الحلوات
تواااااااااااااااا معقوووووووووووووووولة نغيب 4 ايام ولا وحده فيكم تنشد وين عروس ليبيا ااااااااااااااا بجديات والله زعلت منكن كلكن وخاصه اللي ديمه نفتقد فيهن وننشد عليهن
يالله ماعلينا مش مشكله
المهم سامحوني يا بنات اللي سألتوني على الحاجات انا كان عندي ظروف معاش دخلت للنت
بنات تحدد عرسي يوم 14\4\2010 حنتي ان شاء الله ويوم 15\4\الزفه
ادعولي ربي يتمملي بخير ويوفقني والعقبه ليكن كلكن يااااااااااااااااااااااااااااااارب.




عروستنا : ألف ألف مبروك يا عويناتي ... و ربي يكملك على خير انشاء الله :087: ..

و بالنسبة للعوالة و غسل المواعين متخمميش بكل ...
غويدة موجودة و متوفرة شبشب النايلو واتي و التسمال و قفطان الباسمة .. :085:
ن
نرجس الشرق
عروس برونزية
23-01-2010 | 01:12 PM
بنات الليالي السعيدة امنزل ارواب اتجنن شفتهن في العرض انشاءالله بكرة انحصل فرصة ونمشيله ونقوللكن ع الاسعار
ن
نرجس الشرق
عروس برونزية
23-01-2010 | 01:13 PM
بيكاتشو زيرو فريز اديري فيه بعد الاستشوار او قبله
ن
نرجس الشرق
عروس برونزية
23-01-2010 | 01:16 PM
عروس لسبيا الف مبروك يا روحي وهي عاد احكينا ع الاستعدات و شن شريتي وشن مزالك و ديكور الصالة شن تبي لونه
ب
بيكاتشو
عروس رائعة
23-01-2010 | 01:20 PM
اهلا نرحوسة
شكرا والله انت ذوق وحاسة انك انسانة راقية عموما انا نستخدم فيه بعد ما نكمل ونحط فى شوية يعنى نقطة بس
ولو بنخليه يجف عادى اندير فيه وهو مبلول شوية
ن
نرجس الشرق
عروس برونزية
23-01-2010 | 01:53 PM
بيكاتشو;11146809:
اهلا نرحوسة
شكرا والله انت ذوق وحاسة انك انسانة راقية عموما انا نستخدم فيه بعد ما نكمل ونحط فى شوية يعنى نقطة بس
ولو بنخليه يجف عادى اندير فيه وهو مبلول شوية


اسفه ما فهمتش قصدك اديريه قبل ما تبدي في الكوي او بعد الكوي و السيروروم ابتاع لوريال قبل لو بعد حتي هو سامحيني ياروحي ما فهمتش عليك
ب
بيكاتشو
عروس رائعة
23-01-2010 | 02:19 PM
يا نرجوسة نستعمل سروم الحماية من الحرارة قبل التمليس وبعد ما نمكل نستعمل سيروم الرطوبة علشان يحافظ على شعرى نعوووم
ولو ما نبيش نستعمل مكواة التمليس وبنخلى شعرى على طبيعته نستعمل سيروم الرطوبة بس ويكون شعرى مبلول شوية
ا
اموره2062011
عروس مشرقة
23-01-2010 | 02:56 PM
اهلين يابنات وكيف حالكم جميعا
عروس ليبيا الف الف مبروك حبيبتي وربي يهنيك ويسعدك واخيرا تحقق مرادك ربي يعطيك على قيس نيتك

نبي نسأل يابنات على الشناطي اللي بنحط فيهم البتات اني لقيت سيت 4 قطع ماركة بـ 360 شن رايكم في السعر كويس ولا؟؟؟؟؟ وهل لازم ناخدهم حتى هما ماركة ولا حتى عاديات وشكلهم حلو
H
Hayela
عروس مبدعة
23-01-2010 | 03:03 PM
امورة
والله انى نحس فيهم تاخديهم حاجة قنينة خير من الاول .. لان بيقعدولك .. حتا بعدين بتسافرى ولا هكى يستحملوا ..
انى هكى نقول .. واحسن ماركة سامسونايت .. معاهم زى شنطة الدهب وهاند باق وشنطتين وحدة متوسطة لشهر العسل متلا ووحدة كبييييرة للظروف
H
Hayela
عروس مبدعة
23-01-2010 | 03:07 PM
بيسا ..
تبى الحق والله ماحنكدب عليك ..
الفيلو راهو معجبنيش .. دورى مازال فى احلى هلبببببببببببببة
ا
اموره2062011
عروس مشرقة
23-01-2010 | 03:14 PM

امورة
والله انى نحس فيهم تاخديهم حاجة قنينة خير من الاول .. لان بيقعدولك .. حتا بعدين بتسافرى ولا هكى يستحملوا ..
انى هكى نقول .. واحسن ماركة سامسونايت .. معاهم زى شنطة الدهب وهاند باق وشنطتين وحدة متوسطة لشهر العسل متلا ووحدة كبييييرة للظروف


صحيتي حبيبتي هايلة شكرا لتجاوبك معاي يعني تنصحيني ناخدهم ماركة وغاليات
ت
تحكمني قناعاتـي
مشرفة سابقة
23-01-2010 | 03:14 PM
سلامات امورة خطيبها

انا زي كلام هايله ع الشناطي حتي انا

باذن الله نبي ناخذ ست كامل سمسونايت عشان نحبهم

وماركة ممتازة وتتحمل مع الوقت
ع
عروسة ليبيا
مشرفة سابقة
23-01-2010 | 03:33 PM
يا غاليات عليا عرايس ليبياا الحلوة لاحظت اختلاف كبير بين الفيلوات بين بنغازي وطرابلس صح


وفرق ف رايات الناس والذوق العام اصلا يفرق من مكان لمكان ومن بيئه لبيئه صح ف امور كلاسيك وحلوة واجد محد يختلف عليها وتاخذ راي بالاجمع بش مش كل شيء يحصل نفس الانطباع عند الناس الي محيطها وذوقها مختلف


راهو خيارات الفيلووووووووووات ف بنغازي محدوده والناس تركز علا القماش الحلو والطله علا بعضهااااااااااا


وعندنا من الصعب والنادر جدا الوحده تشري فيلوووو ب 4 ومافووووق يعني كثيرررو 3000 وهذي تكون امورها ماديا مرتاحه
لان ورهن جهاز واجد لهن ولحوشهن صالون وكهربئيات وتحف وحاجات المطبخ والحمام وكاتروات وبرويز وهديا عربها ذهب وقصه 1000 ليله وليله


ووالفيلووات ف بنغازي الحلوةوالراقيه برغم بساطتها جدا
لكنها تكون غاليه مقارنه ببياقي السوق لان صناعتهن انجليزي او ايطالي وفرنسواي وتركي



مش كيف تربولي غاااااااااااااااادي مشاء الله تنوووع كبيررر والاذواق والمودلايلالالات وووووووووواجده وكبيره لين تحتار الوحده
والقدره الشرائيه اوسع اكبر
والناس تاجر ف ايجارت توصل ل3000 الليله واقل فيلووو ايجاره 500



يعني حق ايجار افخم فيلوااااااااااااات بنغازي ال500 هذينااااااا


في فرق ف التعاطي مع الموضوع شكلي ومادي
والذوق الشرقي يميل لتطريز والشغل والحركات فالقماش



يعني كليا في فرق فالذوق العام وووومش معناها انو هذا احلا من هذكا او العكس لكن لكل محيط جوه وافكاره وذوقه يفرق علا الاخر
G
Ghado
عروس مبدعة
23-01-2010 | 03:35 PM

بالنسبة للشناطي : يكونوا ماركة و لون واحد خير .. لانه الشناطي يدوموا العمر كله لو بتحافظي عليهم ..


أني 3 سنين زواج و قاعدين ما شاء الله .. و خديتهم 4 أحجام استفدت بيهم حتى لما تصير مناسبة و لا ماشية لحوش حد ...
ا
اموره2062011
عروس مشرقة
23-01-2010 | 03:37 PM

سلامات امورة خطيبها

انا زي كلام هايله ع الشناطي حتي انا

باذن الله نبي ناخذ ست كامل سمسونايت عشان نحبهم

وماركة ممتازة وتتحمل مع الوقت


اهلين حبوبة وصحيتي على التجاوب
وبالتوفيق في الامتحانات يارب
ا
اموره2062011
عروس مشرقة
23-01-2010 | 03:40 PM

بالنسبة للشناطي : يكونوا ماركة و لون واحد خير .. لانه الشناطي يدوموا العمر كله لو بتحافظي عليهم ..


أني 3 سنين زواج و قاعدين ما شاء الله .. و خديتهم 4 أحجام استفدت بيهم حتى لما تصير مناسبة و لا ماشية لحوش حد ...



اهلين غادة شن الاخبار
صحيتي على التجاوب وشن رايك في السعر اللي حاطيته كويس ولا فيه مكانات ارخص من هكي على فكرة ماركتهم رذكاتو والمكان في السياحية قرقارش
G
Ghado
عروس مبدعة
23-01-2010 | 03:54 PM
امورة خطيبي;11147750:
اهلين غادة شن الاخبار



صحيتي على التجاوب وشن رايك في السعر اللي حاطيته كويس ولا فيه مكانات ارخص من هكي على فكرة ماركتهم رذكاتو والمكان في السياحية قرقارش




أمورتي..

و الله بالنسبة للسعر انتي و ميزانيتك .. أني الحق خديتهم مش أصليات 100 في 100 بس ما شاء الله ...

مش شرط تكون حاجة غالية هلبة .. و خصوصاً كان عارفة روحك مش هتستعمليهم هلبة ...

انتي و ظروفك حبيبتي ..

:072:
X