™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

نرجس الشرق;11130456:
بنات باهي لما ناخد كله كريستال السفر شن انديرهن فضيات
و الفضيات الواحد كيف ايحافظ عليهن انا انحس في الكريستال احسن فس المحافظة و الفضيات بالتلميع و انشاءالله

Ghado;11130695:

بنياتي .. صباح الخيرات عليكم كلكم ..

:065:

نرجوسة: الكريستال حلو .. و يطلع عليه السفر الفضيات حلوات هلبة .. و كل حاجة تبي محافظة أهم حاجة الفضة متغسليهاش بالمية باش متسودش ..

اميرة الانسات;11131320:
تحصلت عليك يا بيسا

ياريتك تورى لى صورة الورغان

وبالنسبة للفتاة الانيقة صح معروف بس جنوا غريبة مش مار على فى شارع جمال

Angel Heart 89;11131367:

صبــــــــــــــــاح الخيرات يا أحلى بنات وعرايس

إن شاء الله موفقة في البتات

غويلة،،،،،،ألف ألف مبروك علي فضان مقدما والعقبة للبيان والعرس،،،،،فكرتيني بروحي اني فضانيتي كانت شهر عشرة اللي فات ،،،،، برجالتهم ورجالتنا 20 راجل درنا كسكسي بالبصلة وامبطن وطاجين جبن وسلاطة خضرة ومخلل ومسير ومشروب غازي وبيتري صودا
وفواكه مشكلة هذا بالنسبة للعشاء

اول ماجو شوكلاطة لندت وعصير هافانا،،،،،وهما لما جو جابولي سفرة فضة اللي برجلين معبية بكلاوة وملفوفة بلفة حلوة من فوق فا بعد العشي حطيتها في مترد كبير فضة وكنينكس واللي يجي طالع ياخد وحدة هذا اللي نتفكر فيه انسيتها ههههههههه ايه تفكرت شاهي باللوز بعد العشي :041:

أنجيل : مشاء الله كله عالاصول و كفيتوا و وفيتوا ..

من قبل اسبوعين اخت خطيبي دارت حاجات حلوة في فضانيتها كل راجل لما يجي طالع ياخد كيسة وفيها باكوا فسطه اربعة انواع حلويات وزي سلة صغيرة فيها مكسرات وباكو فيه تحفة مصحف وعليه سبحة و ريحة عود وكل الالوان موحدة ومنسقة

هي فكرة حلوة بالمرة .. و أني درت حاجة مشابهة .. بس كل واحد و ظروفه ..
و في الفاتحة داروا هكي ( شخصياً نحس فيها تمشي في الفاتحة أحلى)

غدو ،،،،، مشيتله مركز تجميل اللي بدور تالث في مبنى عالم نايكي خديت معاهم موعد لجلسة تنظيف بشرة ومشيت أمس بصراحة قنين وارتحت للمكان وللبنت اللي دارتلي تنظيف مدته كانت ساعة ونص وريلاكس هلبة البنات اللي فيه مش عربيات اتحسيهم يوغسولافيات بس كلهم يتكلموا عربي معاملة كويسة وديكور واسع ومنشرح وبنستمر معها بندير اربعة كورسات لمدة اربع اسابيع لان بعدها بشرة تولي ممتازة وتكلفة تنظيف من 85 الى 115 علي حسب بشرة اللي كلفتني 85 ،،،،،

شجعتيني .. و الله نبي جلستين هكي .. انشاء الله ندير عليه طلة ... لكن معندكش فكرة على مواعيد العمل..

يلا بنات اني بنودعكم توا مسافرة بعد ساعتين ان شاء الله نتلاقوا علي خير و ردوا بالكم علي ارواحكم وربي يحفظكم

غولة;11131550:
الله يابرك فيك ياانجل هارت
تعرفي امي قتلي بنديرو كسكسي لانه الرشدة مجربينها في عيلتنا مامشت مع هلببببة البنات يعني الموضوع يتفركش ومش تقولو غولة امتع تشاؤم ولاحاجة والله حق مجربينها اكثر من مرة مع بنات العيلة ومايصيرش منه الموضوع
وطبعا بنديرو معاه الملحقات وعجبتني فكرة المصحف والبخور صحيتي على المعلومات باهي انتي شن بتطيبيلي اسمعي قرضي المعدنوس وخلاص مدامك مسافرة ماياخدش وقت اننايايايا هاهاها