بناااااااااات البحرين أبيكم

ما أمرتي بشي يا وخيتي وآنا اقول لج صار واعتمدي عيني ..

صاجة يا نسيم البرايح:shy:

اهلا ببنات البحرين

عساكم على قوة

والله انج صاجة

لين قلت لكم بنات البحرين خوووش بنات بسرعة رديتو علي الله يخليكم لي ،،، تبون اي موضوع نبتدي فيه

والله فكره وايد حلوه..

ويسعدني أن أشارك معاكم...

والحين أبدأ بأستفسار منكم..

أولا:
اللي جربت برنامج التخسيس عند صالون الجوزاء تخبرنا إذا أستفادت أو
تعرف أحد أستفاد منه.. واللي هو عبارة عن جهاز أرسيس واللف بالطحالب.

ثانياً:
اذا سمعتوا عن "أوباجي".. لأني هذه الأيام أشوف وايد ناس يمدحونه وأستفادوا منه وهو لعمل تقشير وتصفية البشرة.. واللي أستفاد يخبرنا.

ثالثاً:
وين أحسن مكان لإزالة الشعر بالليزر.

نتمنا أن نحصل على ردود ونصائح تفيد الجميع.

وتحياتي للبحرينيات و لكل العضوات.

سلام،،،

انا انتظر اي موضوع علشان انبدي فيه

هلا والله ببنات البحرين حبيت اشارك وهاذي اول مشاركه....

راح اتكلم عن تربية الابناء بحكم تجربتي وهي كالاتي :

1- الرفق والبعد عن العنف .

2- القلب الرحيم .

3- الاعتدال والتوسط .

4- العمل بالموعضة الحسنه .

5- الحلم والتأني .

6- الليونه والمرونه .

7- الابتعاد عن الغضب .


وهناك نقاط مهمه في تربية الابناء :

1- التشجيع وعدم توقع الكمال من الطفل .

2- ليكن دافعك للتقدم هو مرضاة الله ، وليس لأن يكون ابنك افضل من

فلان.


3- انظر ي الى الخطأ على انه اداة مفيده للتعلم .

4- الحرص على منفعة الاخرين والمصلحه العامه.


وبهذا اتمنى للاخوات الاستفاده .

والله الموفق .

بصراحة انا وايد مستانسة لأني لقيت اللي رحب بموضوعي ايه جذيه بردوا على القلب مو هالحر اللي ذبحنا ،،بصراحة بووووووووووووووووسه لكل من شاركني وداوموا لا تقطعون

احسن دكتورة تسوي ليزر سميرة المتروك واذا بتسوين للوجه نصيحة اثناء العلاج لا تحفين لأنه راح يزيد ولا كأنك سويتي شي


انا ابي اسال اللي تعرف عطر حلوووو رجالي مع معطر لملابس الرجال اللي عند أجمل او جنيد تعرفون لازم اخلي زوجي خنين :o فديته

عروسة البحرين عساك دوم عروسة نبتدي بموضوع يشغل المرأة في كل زمان ومكان وهو جمالها وكيفية المحافظة عليه ،، برأيك مع جونا الحار شو نصيحتك للخوات للحفاظ على بشرتهم وش احسن واقي للشمس انا استخدم نيفيا بس ما احس بأي تغيير و عندي شوية نمش مو وايد بوجهي حاليا استخدم الليمون ها شو رايك أفيدونا اللي عندها خبرة


نبتدي من الراس واحنا نازلين لحد الله يعزكم الأرجل

بسم الله توكلنا على الله:cool2:

السلام عليكم
مشكوره نسيم البرايح على طرح هالموضوع الحلو بصراحه احنا من زمان محتاجين لمثل هالامواضيع .

واهلا بنات البحرين كلهم وجميع الاعضاء

باااااااااااااااااااااااااااي

اش يطلع الأوباجي ؟

سامحوني أول مرة أسمع فيه !!

هلوووووووووووووووو


ممكن اساعدكم انا بحرينيه مثلكم



المهم بالنسبه لج بدارة




كانت عندي صديقه تتعالج باليزر



كانت تتعالج عند ( د. غاليه دويغر )


والصراحه استوت الحين روعه راح الشعر الي فيها والبقع والاثار الي في وجها


بس اي شي تبين انا حاظرة عيادة غاليه دويغر في المنامه مقابل سوق اخر فرصه




واذا تبين رقم العياده راسليني ع الخاص وانا اعطيج





سلملم

هلا بك اختي نسيم البرايح انا بعد من البحرين ومستعده اخدمش بعيني بس انتي آمري ولايهمش:D

فكرة وايددددددددددددددد حلوة
والاخت بدارة شلونش .... انا سمعت صديقتي تتكلم عن اوباجي الي في مجمع البحرين وتمدحة لان الكتور الي يجي بين الفترة والاخرة ممتاز مرة وهو الذي يحدد نوع الكريمات التي تناسبك بعد ان يفحص بشرتك
بالتوفيق

السلام عليكم يا بنات ديرتي

أولاً أتقدم بالشكر الجزيل إلى الإخت نسيم البرايح على فكرتها الناجحة. ونصيحتها لي عن الليزر. وأحب أن أشكر كل من رد على أسنفساراتي ونصحني، وأتمنى أن تعم الفائدة على الجميع.

وأحب أشكر أم شاهين على طرح فكرة موضوع تربية الأبناء. لأن عيال ألحين بيغي لهم فن ودراسة في التربية الصحيحة. ونحن في أنتظار هذا الموضوع القيم والمفيد لكل أم.

وأحب أن أسأل عن أحسن صالون لقص الشعر وعمل تسريحات ..ويييين.

وجزاكم الله ألف خير ،،،

:) :) :)

أختي بداره احسن صالون يقص شعر صالون الريجنسي 15 دينار عند نهاد بس صج يستاهل ،،، والتسريحات بعد

ابغي احد يدلني عن مكان يبيع زيت ام الجدايل

الأوباجي محل للعناية بالجسم والبشرة في مجمع البحرين بالدور الأرضي وعندنه بنات في الشغل قاعدين يتعالجون عنده حق البشرة وايد زين.

آبي منكم خدمة وين آحصل مفرش حلو حق السرير يعني طقم كامل معا المخدات الصغيرة غير مجمع السيف.

السلام عليكم جميعا.... جزاك الله خير اختي نسيم البرايح على هالفكره الحلوه... اول شئ اختي بداره في صالون روعه في الفسيله بلازا اسمه الرونق فيه كوافيره اسمها (وحيده) مآشاءالله عليها يدها سحريه متسوى الريجنسي ويمكن أحسن (انا مجربتهم اثنينهم وآرتاح حق وحيده أكثر)..

أختي رانيا البحرين في الشيراتون (مجمع البحرين التجاري) محل اسمه بابيون , ومحل اسمه الغريب , ومحل اسمه فيريتي ومحل في مجمع يتيم اسمه بدايه (هذيلن المحلات مأتقل اسعارهم عن 150 دينار وأكثر).. في محلات اقل اسعار مثل Bhs ودبنهامز... وسمعت عن محل في الرفاع في بكواره اسمه جزيره المفارش ايقولون اييب ساعات مفارش حلوه وسعرها حلو.. اتمنى اكون افدتك...