التجمع الثامن للحوامل اللاتي سيلدن في يناير 2010 (كانون الثاني)

camberlight;10890685:
مرحبتين عبير ..........اخبارنا طيبه حبيبتي ....وربي يتمملج على خير انشالله ........عني انا شفت البيبي بالسونار من اول ما حمل لين اليوم يمكن 9 او 10 مرات بس ليش يا حبيبتي تسالين .؟؟؟؟ لو تبين تتاكدين انه في خطوره او لا ما اظن انه في اي خطوره عادي ترا وربي يقومج باليلامه وتقر عينج بشوفة ضناج :)

بحرينيه عز;10892750:
صباح الخير بنااااااات..

شخبارررركم شمسوين ؟؟

بناااااات تعباااااااانه شكلي بولد مادري شسالفة :'( كل مكان يعورني خلااااااص ولا مكان

صاااااااااحي والم الظهرر قاعد يجيني من البارحة والم تحت البطن ماقدر امشي منه ززين

والحين اكتب لكم وايدي تعوررني ونفسيتيييييي زيرووووووو امس طول الوقت ماكلم زوجي

بدون سبب ومادة البررطم !! وكل ماقال شي سكتتته ماقدر على كلامه يمكن عديتووني

كمبوررة وسيدوون بسس مادري حاولت اصير احسسن واصلي على النبي بس للحين

نفسيتي تعبانه واصيح بدون سبب مو عشان قربت ولادتي نهائيا بس مادري شلي

صارر والنووم حدث ولا حررج تعالو شوفووني ااذا بنقلب من اليميين لليسار يبي لي

ساعه من الثقل والالام ، ادعو لي بنااااااااااااااااااات بليزززززززز اصير احسن ونفسيتي

تعتدل قبل الولاده ..

وردوون فهيمة من احسن الدكاتررة في هالمجال وماسمعت ان غلطت مع وحدة بتحديد

جنس البيبيي ..

البنات قامو يدلعوون ويغيبووون اخر الوقت يوم بولد :-# بعدين مابشوووفهم هالكثررر
وبيوحشووني لاتخلووني اصيح الحين بعد بروحي مايبي لي شي :'(

فديت عمره;10892968:

هلا كروشات صباح الخير شخباركم ..

انا نفس حالتج بحبوحة بالظبط الي تقولينه جنه تتكلمين عني امس زوجي يكلمني وانا مو ماعطته ويه ومشيت عنه ودخلت بيت امي وهو للحين واقف عند الباب كسر خاطري وفقير بعد اتصل بعدين وماكلمته عدل يقول انا زعلتج في شي اقولها لا انا نفسيتي تعبانه واقل شي ينزلون دمووعي وخشمي يستوي احمر وخب على الثقل حدث ولا حرج ماقدر اذا انام او حتى قاعده ماقدر اقووم وايد اتعب لازم احد يقومني اذا قمت بروحي اتالم وايد :(
الا بسالكم وايد بنات نختفين وينهم عسى المانع خير (مونيكا وسارونه وضيوون درينه عنها بخير بس وحشتنا ونبي نعرف حروم ولدت او لااء )

بحبوحة اشوة انج تطمنتي والله يتمم لج على خير ...

كمبورة وسيود حالتكم من حالتنه الله يعديها على خير ...

°• أم السآإدة •°;10893121:
مثل ماوعدتكم المفاجأه :D

هالله هالله بالردود والتقيماات السنعه << شايفه روحها :lol:

أحم

صلوو على النبي أول 8o| !

بسم الله .. تفضلووو بعيونكم اليميين ههههههههههههههه :p


أولا .. دله الماي ((ماحصلت مثل بحبووحه :-#))



..

هذي هدية للعرووسه .. سوت لي اياه رفيجتي شطوورة ما شااء الله عليها :biggrin:

قوولوو ما شااء الله :worn_out: ..



..

وهذاااا من جدها (الله يطول عمره ويعطيه الصحه والعافية فديته :o)

فراااش للسرير (بخليه لسرير بيت ابوي .. شريت لها واحد هناك بكون على طول)




لحاف خفيف ونعوومي (يمكن أخليه للمستشفى للعرووسه)




تشكيله حلوة (مكس)




طقم رووووووووووووووووووووووووووعه :D




وهاي صوورة اقررب للفستاان





بدلاااات كيووووووووووته حدهاااااااااااااااااااااا :adore:















طقم نعوومي وهادئ





ليفة للأستحمام هههههههههه :D نااايس



جذي نخلص هدية جدهااا

نجي أحين للسليب باق الي خذيته





نجي احين لثيابااتي خخخخ :D




البجامات (كم طويل)










وهاي جاكيتاات




وهاي الدشاديش أحيين :study:






<<هذليين من أبووي :o







ومانسيت رووحي (أغراااضي خخخ)




وهاي الشنط جهزت وقفلناها خلاااااص :D





شرااااااااااااااااايكم :adore: ؟؟

mroom;10893407:
وين موني، ابي اشوف توزيعاتها، قالت انهم مغناطيسات وصار خاطري اشوف اشسوت، انتوا اشسويتيون؟؟!!

تأيدون ان الكاكو يكون ويا التوزيعه ولا في صينية بروحه ؟؟ اني اشوف بروحه افضل عشان ما يخرب التوزيعه اذا انشال ، شتشوفون

&*أم علي*&;10893415:
البارحة صاحبتكم سوت روحها فن بتركب السرير برجل وحدة وسريرنا رفيع جان الثقل كله يصير على هالرجل ويصيدها شد هههههههه انتي جوفي روحج قبل فيج شدة حركات اليهال هذي؟؟

ماء الحب;10893837:
شخباركم بنات عساكم بخير

شكلي انا قديمة بالحمل من بينكم هههههههه

ماء الحب;10894009:
بوه ام علي خلج حالج من حالي منقعين بالدوام
الله يعينة والله

انا كل اخاف اولد بالشغل هههههههههههه
واحد ويايي بالشغل يسئلني
يقول: يعني انتي الحين اي وقت تجيش ريح ولادة ؟
قلت له اي في اي وقت
جان يسئلني اذا جاتج الريج وش نسوي خخخخخخخخ
قلت له اذا جفت وجهي عاد هههههههه

فديت عمره;10894188:
وي بنات دخلت التاسع يمه خفت مادري ليش توني منتبهة على التيكر الله يستر ...

°• أم السآإدة •°;10894522:
بآإك ..~

أشيآإء سقطت سهوآإ نسيت أحطها خخخخخ

الشفاطة + اسفنج الصدر




***

جهاز أستماع البيبي + سخان المراضع (ماعتقد أحتاج له :( )




***


لقيااس درجة الحراارة من براون




***

هدية من خالتها (ألبوم) ..




***


هدية من خالها (مجموعه شور + دبدوب )




وبس!

ماء الحب;10894833:
يوه ترى عندي جم صورة الى تجهيزاتي لحظة براويكم

هذول مو كاملين بس اول ماشريت كنت مستانسة فصورت جم غرض خخخخخخخخخخخ

التصوير رديئ لان بتلفوني بس يالله احسن من مافي وتفيدوني اذا قاصر شيئ وهو في اشياء قاصرة ماصورتها

نقول بسم الله الرحمن الرحيم

حمالية البيبي من هرم بلازا سعرها 42 ريال




وهذي من داخل





وهذا السرير شريته بسيط وناعم تكفيه لمدة معينة يمكن سنتين وعقب اذا صغر عليه باخذ سرير اسبشل وهذا سعره ماتتوقعون 15 دينار فقط من السعودية






فراش السرير من هرم بلازا وسعره دينارين


وهذي منوعات هههههههه حلوة منوعات



لقماط ناعم ابيض من سربال وسعره 400 فلس
القبعة البيج من سنتر بوينت وسعرها 900 فلس
القبعة الصفراء والوردية من هرم بلازا وسعر الوحدة 500 فلس
طقم القبعة مع الجوتي من سنتر بونت واعتقد سعرها 2 دينار
الجوارب الواحد 200 فلس بعظهم من سربال والبعض من هرم بلازا
المريلة من سربال والسعر ناسيتنه بس يمكن 300 فلس



المخدة من سنتر بونت بالسعودية وسعرها يمكن 1.500
جهاز تنظيف الانف قيمتها 900 فلس
المرضعة الوردية زجاج من سنتر بوينت في مجمع الواحة وما اذكر السعر
المرضعة البيضة زجاج من السعودية الخبر محل اسمه الحصان والسعر ما اذكره
المرضعة الصغيرة كلش الي في كارتون هذي مالت ادوية وماي وسعرها دينار من محل الحصان بالسعودية واعتبرها ضرورية هالمرضعة وش كثر فادت اختي لان شريت لها وحدة وهيه ولدت قبلي فنفعتها كثير



الفوط الصغيرة هذي حق تنظيف فم البيبي من بعد الرضاعة او عند الترجيع ومن الضروريات لان يقولون كلش مب زين تستخدمين لكلينكس الى البيبي وتحصلونهم في سنتر بوينت وانا عندي من قبل هذول

هذا الشرشف من تحت طربال ومن فوق نفس الفوطة حلو وناعم وخسارة شريت بس واحد تقدرين اتحطيمه على لفراش وقت ماتريحين البيبي من الحفاظ او وقت ماتغيرينه او بس جذي لان شكله حلو والسعر ما اذكر ومشترتنه من سربال




هذا الطقم شريته من سربال بس ما اذكر السعر صراحة بس رخيصة كانت



هذا الطقم الثاني من هرم بلازا وهذا الي قلت لكم عنه واعتقد سعره 3.500 ما اذكر



هذي شارنها زوجي من هرم بلازا وسعرها 900 فلس وخسارة كنت بعد ابي منهم لما رحت مافي خلصوا سعرها عجيب وهيه روعة قطن والوانها فن



هذي شريتها من مركز المدينة محل قبال هرم بلازا على الشارع الثاني وسعرها دينار



الدشاديش الاول من هرم بلازا وسعره يمكن دينار
الاثنثن الباقي من سربال واسعارهم على دينار




الدشاديش شارنهم زوجي من هرم بلازا وما اذكر السعر بس يمكن دينار لكل وحدة



شباكات شتوية من هرم بلازا وسعر الوحدة 500 فلس



الشباك المخطط من مركز المدينة وسعره 500 فلس
الشباك الوسط من سربال وسعره 900 فلس
الشباك الثالث من هرم بلازا ويمكن سعره 500 فلس



الشباكات طقم من سنتر بوينت يمكن سعرهم 4.500



الشباكات من سربال والاسعار نسيتهم



سراولة من هرم بلازا وسعر الواحد 300 فلس






من سربال وقلت عن سعر الدشداشة وسعر لبساط 1.100






كل البسطة من سربال وسعر الواحد 900 فلس




الفوطة الصفراء من سنتر بوينت وما اذكر السعر
الفوطة الوسطية من سربال وسعرها 1.500
والفوطة الاخير لتغيير الحفاظ من سنتر بوينت وما اذكر سعرها



البرنوص الاول من سربال والثاني من سنتر بوينت
وسلامتككم

wardat amal;10895630:

واااااااااااي بنات واجد تعبتوووني ويا الواجب


ماقدر ما اسويه ظميري يأنبني هههههه

:


نووور .. ربي يسلمج حبيبتي .. عدل كلامج ^_^



مروم .. شفيج معصبة علي ههههههه فديتهم اللي يحاتوني .. واني بعد وياج في سالفة الشوكولاته


اني بخليه بروحه في سلة والتوزيعات بروحها



عروووس .. هلا وغلا بكل الغلا شووو اخبارك انتي اني بخيير والحمد لله



حرووم .. عاادي الحين هالايام الكل عنده امور الالام والتعب وجذيه فمنجذي الكل معذور خخخ


وعليها بالعافية البنووته بالهدايا والله يزيدهم ههههه بس اني اقوولج لا تعطرينهم خلي لبعد الاربعين احسن


ايييي والله معليه زيادة الخير خيرين هههههه ويلا جهزي الشنطة مابقى شي وترى ما يبيلها شي بعد


ما بتاخذ منج وقت واجد



خيوووش .. يالدبببببببة ماباقي علي شي جم يوم واني صايرة بالتاسع وياكم لا تحبطيييييني له


اقوووول شكلهم شالو صوووورتج هههههههههههه نياهاهاها قلنا لج غيريها


روحي اعتذري لهم وردي حطي صورة عدلة عاد هههههه



ام فوفي .. حتى لو الدم اوكي بعد اخذي الحديد اني قالت لي الدكتورة جذي ما اقطعه ابدااا لين اولد


وما يوحشج غالي ويلا نزللللللي الصور انتي اللي حديتينا ترى اني بعد عندي صور


بس متعايرة انزلهم ابي تشجيييع خخخ



محبة علي .. هلا والله بهالطلة حياج الله حيا الله من جاانا ^_^



بحبووحة .. هلا حبييييبة البيييييي ما تشوفين شر يالغالية مسكين بو الشباب


تحملي فيييه الفقيرووون مساكين متحملينا بما فيه الكفاية ويا اواخر الحمل


وان شاء الله يارب الله يسهل عليج حبيبتي ولا تحاتيين واهم شي النتيجة طلعت تمام ^_^




سيدوونه .. هلا والله هلا باللي تعدلت نفسيتهم الف الحمد لله


وحالتج مثل حالي ويا زوجي هههههههههههه


مسكين كل يقول لي ما صار عندنا بيبي للحين بس انتي البيبي الحالية ههههههه


من كثر ما كل ابيه صووبي و كل احن عليه مثل ما قلتي


اما السبرااايس وااااااااااااو وتستاهلين احلى تقيييييييييم


كل شي حلووو عليكم بالف عافية انتي والبنوووته


سيدوون الام ام اس رووووووووعه يصير اسرقه ؟؟


اموووت في شي اسمه سمايل هههه


الشفاطة مثل اللي عندي ^_^ بس اني شريتها واجد ارخص


ب10 دينار و 600 من مذركير !! بسألج من وين شريتي قطن الصدر بيجوون ؟؟؟


والالبوم كتيييييير ناييس حتى مجموعة الشاور مهضوومين


وعليها وعليج بالف عافيه فيييهم



ماء الحب .. هلا والله حياااج عاد ويانا له ^_^ ما شاء الله بقى عليج اسبوع الا يوم خخخ


الله يسهل عليج واكلي اجاص واجد زين يكثر ماي البيبي


وشنو تنطرييييييين بتجهيز الشنطة مابقى عليج شي اني الا بقى علي واجد من زمان جهزتهم


جهزيهم يلا بلا بروووود .. وتجهيزاتج حلللللوة تتهنى فيهم البنوته وتقطعهم بالعافية عليها


ويلا خل يصير لج مزاج بلا دلع نبي نشوووف هههههه



فدووونه .. الللللللف مبروك التاسع وييييييلي عقبااااالي مابقى علي شي الاااي



قطوور .. ان شاء الله خير ولا تحاتين دام الدكتورة قالت عادي يعني صيري ريلاااااكس ولا تفكرين


وان شاء الله ربي يهونها عليج



كمبرلايت .. الحمد لله تعدلت نفسيتج وان شاء الله دوووم جان جربتي هالطريقة من زمان ههههه


الله يوفقج ويهون عليج


باقي الكرروشات لكم وححححححشة يالدبااااااااااااااات

ويلا باركووو لي الاسبوع الجديد كلها جم يوم وادخل التاسع ياااااااي وناسة :celebrate::D:lol:

35 weeks


still 35 days to go