التجمع الثامن للحوامل اللاتي سيلدن في يناير 2010 (كانون الثاني)

نبووض تستاهلين سلامة خالتش والنونو

ام الساده، كان ماء الحب سالت عنهم

رحمة والدين له خخخ

mroom;10901941:
ام الساده، كان ماء الحب سالت عنهم

رحمة والدين له خخخ

ههههههههههههههههههههههه

ايي صح :o

تسلميين مروومه بعد قلبي

أنتي هنيي

من مسااع آآنه برووحي أكش ذباان خخخخ

يالله أستأذنج

F:

سيدون على خير خيوه ، توني متفرغه جايه ههه

مراحب بنات

هلا حبيبتي mroom

لا مو سر ولا شيئ حبيبتي انا بروحي محتارة بالاسم
العنود
او
جود

محتارة بين هالاسامي يالله ساعدوني


wardat amal
اغراضج حلوة حبيبتي وماشاء الله جهزتي الشنطة ها يالله انا باجر بحاول اجهزها يمكن اولد هاليومين يوووه بعد لمتى ببقى بكمل التاسع

حبيبتي كامرتج مثل كامرتي وودي اسئلج عنها لان انا توني شارتنها انتي اتحطين التصوير على اي وضع عشان تطلع الصور حلوة ؟؟؟
لان احس احيانا مو اوكي التصوير وساعات وش حلاوتهم


ياربي تعبانة حدي الم بظهري وابي اصيح ومالي مزاج وكل شيئ فيني تتوقعون بولد؟؟

يوه شكروني السلامة اليوم صادني شوط كهرباء والله صحت صياح وحسيت حتى البيبي وصل الشوط بس الله سلمني

بنااات في امل الوحده تربي في الاسبوع 36 ,, لاني ماعرف الطلق شلون بس من دخلت التاسع وانا احس بالام عجيبه من تحت تمسك وتروح وترجع تمسك حزات ادنع من الالم مقدر امشي عدل هاي عادي ولا ليكون طلق وانا مدري

ماء الحب، اختي ذابحتني تبيني اسمي بنتي جود

اي يالله جهزي الشنط لمتى بعد، عجبتني مالي مزاج للصياح ههههه وسلامات من الشوط حاسبي لروحش مره ثانيه

QTR.9

عادي الوحدة من تدخل التاسع خلاص مهيئة اي وقت تولد

ولا تخافين واجد وتخوفينا عاد كلنا بنجرب مثل غيرنا والله المعين


انا خاطري في هالاسم بس بنت اختي اسمها نجود واحس بيكون اسم بنتي مقارب الى اسمها

وش مقررة تسمين ؟

قطوره، في ناس اول ما تعتب التاسع لو بيوم تولد
الآلام تجي وتروح بس انتبهي لتوقيتها ، الفتره تقل ولا متغيره ولا ثابته ، اذا كل مالها تقل يعني طلق

الالم يجيش يشبه الم الدوره بس اقوى بكثير وكانه احد يسحب بطنك لتحت ويعصرها

وان شاء الله تقومين بالسلامه :)

والله شقول لش في سالفة الاسامي هالمره ما اقدر افتي ، ابو الشباب كل ما اقترح عليه اسم عصب علي وقال لا تفتحين الموضوع مره ثانيه، وحزة الولاده انا اللي بملي الاوراق :(

مع ان بساره ولولو كنا متفقين بعد عدة اسماء بس على الاقل عرفت اسمائهم وهم في بطني كنت اناديهم فيها، الا هذي هالمره مو راضي ، اقول له اناديها شنو، احس ما في اتصال بيني وبينها ، قال مو شغلي !!

يالله اهم شيئ السلامة

وانا والله طايحة اسئلة في خواتي كل شوي ارفع التلفون واسئلهم شلون الريح

ماء الحب ، هذا اول حمل لش ، اهو الم يشتد لدرجة ما تقدرين تتحملينها في ناس يصيدهم في الظهر وناس في البطن وناس في الاثنين

اذكر بحملي الاول، ما كنت ادري يعني شنو طلق لأن حتى ريح استقبال ما صادتني، بس اذكر انه الم في بطني وظهري وكنت افتر في البيت على قولتهم كاني دجاجه فيها بيضه خخخ واصلي على النبي وامسح على بطني ولا ادري اشفيني وامي كان عندها ناس ما قدرت تخليهم وتقابلني
بعدين اتصلت على زوجي قلت له خلاصص المستشفى ما اقدر ، ولما رحت قالوا لي مفتوحه 3 سم وابتدى مشوار الولاده خخخخ

انا موعدي كان الثلاثاء قالوا نصف سانتي مفتوحه
بس اليوم احس نفسي غريبة تعبانة وغير شكل اقول يمكن بداية الى الريح

اووه دام قالوا لش مفتوحه يعني خلاص ، ابتدى المشوار خخخ

ما قالوا لش شنو تسوين ، تشربين او تمشين او اي شي؟؟؟

لا والله بس قالوا بنعطيش هالاسبوع بعد جانس وعقب شنو بيسوون يعني ؟؟؟؟؟
انا عندي ولد عمره 6 سنوات بس جبته بعملية فعشان جذي خايفة من الريح بس اتوقع تهون عن العملية لان العملية موت

ان شاء الله تولدين هالمره طبيعي يااااااااارب ، وفعلا الطبيعي اهون من العمليه لأن الطبيعي الم حزة الحزة ومجرد يطلع البيبي يرووح كل الألم ، مثل الليت بي تنزلين الحبه ينطفي، جي، بس يطلع البيبي الألم كله يروح سبحان الله ، بس العمليه ، يقولون يتواصل المها لبعدين

بس غريبه يعطون اسبوع جانس ؟؟!! يالله ، اهم شي السلامه والله يهون عليش :) عاد خبرينا لما تروحين نولدين

هلا كروشات شخباركن؟؟؟ تولهت عليكم اليوم سرت بيت اهلي تغدينا هناك وقبل شوي راجعه البيت بس الله يهديهم عكرولي مزاجي شوي من الحنه قومي طيحي وقومي امشي وقومي غيره قلت وهذا كله وش بيسوي فيني؟؟من متى وانا امشي ما اشوف تغير شي مب حاسه اني بولد كله خايف لا يحطولي طلق صناعي :( الحين من اي شي مزاجي يتعكر وانا ما صدقت على الله يعتدل شوي فتعوذت من الشيطان وسرت يلست بروحي برع شميت هواء وقلت حق ريلي يالله بليز خل نروح ما فيني مزاجي يتعكر وترجعلي الحاله بعد وقالي خلاص طنشيهم دخلي الكلام من هني وطلعي من هنيه وروحنا البيت :(

كمبووره، لا تحاتين وقت اللي البيبي الله طاتب له يطلع بيطلع، يمكن على الموعد بالضبط يطلع، لا تعفسين عكرش وتعورين روحش، بعدين تعابلين البيبي ولا نفسش

الله لا يراويكم العملية يالله موت موت

يبي لش احد بس يخدمش وانا تأخرت بالحمل والسبب اذكر الوجع

ولدش عمره 6 سنين الله يحفظه لكم يعني الحين ممكن تولدين طبيعي وما في خوف اعتقد، فادعي ربش على طول انه يسهلها عليش ان شاء الله وما بننساش من الدعاء