التجمع الثامن للحوامل اللاتي سيلدن في يناير 2010 (كانون الثاني)

افف ياربي ملل متى نخلص من هالدوام

الدوام دوم طويل انا شكلي بشرد

ماء الحب ماشالله وايد حلوين اغراااضج واسعارهم روعه تتنهى فيهم الحلوة..

تسلمين حبيبتي عيونج الحلوة
لو لي مزاج جان صورت لكم اطقم البيبي وباقي الاغراض

انشالله يصير لج مزاج وتصورين لنه ...
انا الساعه ثلاث باشرد خلاص مافيني شدة اتم اكثر ,,,

نور 2;10894476:
كمبرلايت : إنتم بالتاسع ما يعطونكم إجازه ليش والله حرام عليهم وش ها النظام إلي عندكم
عيونه : وينها يا بنات من زمان عنها والله إني أفكر فيها إنشا الله ربي ييسر لها الحمل و الولاده ويتمم لها بخير والجميع يارب

حبيبتي والله لا يعطون اجازه ولا هم يحزنون والحين انا متى ما بغيت سرت ومتى ما بغيت لبستهم ويلست بالبيت الصراحه ما عليي منهم تعبت وش اسوي ما اقدر اتم يالسه 9 ساعات صراحه روحها نفسيتي تعبانه ربي يسهل علينا بس :-#

ماء الحب : الأغراض مره حلوين تتهنى فيهم النونو
فديت عمره : الله يعينك على الدوام وش هذا ما يعطونكم إجازه لو مرضي من المستشفى

فديت عمره و كمبرلايت : كيف و الدكتوره إلي تابعون عندها ما تكتب لكم إجازه مرضيه لما تولدون على خير

والله إني جالسه أفكر بعيونه فيه أحد يعرف عنها شي يطمنا عليها خاصه بعد كلامها عن موية الجنين

خلاص بنات وصلت حدي بقوم امش
حاسة ظهري يتقطع

اوكي بنات نشوفكم على خير حبايبي

نور 2;10894973:
فديت عمره و كمبرلايت : كيف و الدكتوره إلي تابعون عندها ما تكتب لكم إجازه مرضيه لما تولدون على خير

لا والله يا نور لا يكتبون اجازه ولا غيره تصدقين انا يوم قلت حق دكتورتي ابى اجازه كمن يوم من الدوام قالتلي لا ما اقدر اكتبلج انتي ما فيج شي تتخيلين؟؟؟:confused: قتلها كل هذا وما فيني شي ريولي متورمه وبطني شكبره وفالتاسع ودوامي طويل وما فيني شي قالت هيه ما اقدر اعطيج مع انها عياده خاصه وانا اتعالج عندها من سنتين يميع الالاف سحبت مني ما قدرت تعطيني اجازه 3 ايام تتخيلون بس :mad:

المهم بنوتات انا بخليكم الحين بسير اسبح واتكشخ وبطلع ويا زوجي بغير جو عشان ما اتيني حالة الاحباط مادري الاكتأب يا ساتر والله ..........خل اشغل عمري لين الولاده احسلي قبل لا يجن جنوني خخخخخخخخخخخخخ يالله اشوفكم على خير فليل باذن الله F:

خخخ وين يعطونه اجازة مافي مراعاة ابدا
الله كريم ...

يا الله إستودعناكم الرحمن

الله يعينكم والله على الدوام و حسبي الله على ها الدكتوره صحيح مثل ما يقولون الله لا يولي مره علينا

ماء الحب;10894625:
الطقم عجبني من وين شريتيه




وهاي صوورة اقررب للفستاان

هلا حبووبة

ماشريته .. هاي هدية من بااباااتي لعرووستي :D

ماء الحب;10894891:
تسلمين حبيبتي عيونج الحلوة
لو لي مزاج جان صورت لكم اطقم البيبي وباقي الاغراض

ما شااااااااء الله روووووووووووووووووووووووووووووووعه التجهيزاات

يالله نشطي عمرررج وصوري لنا البااجي :p

..

نواااارره كيف الحاال.؟

ماء الحب ونور الله يطمنكم وماراح اروح للمستشفى لاني برضو كلمت امي واختي وقالوا شيء طبيعي لاتروحين يبهذلونك ماله داعي دام مامعك طلق والحمدلله الله يهون علينا

بس ضايق صدري مدري ليه من دخل التاسع وانا احس بضيقه وليليا اصيح يمكن هم الولادة وزادها هم الإختبارات

مااقول الا الله يبعد الضيقه عنا
اشوفكم على خير ياعسولات

ماء الحب;10894009:
بوه ام علي خلج حالج من حالي منقعين بالدوام
الله يعينة والله

انا كل اخاف اولد بالشغل هههههههههههه
واحد ويايي بالشغل يسئلني
يقول: يعني انتي الحين اي وقت تجيش ريح ولادة ؟
قلت له اي في اي وقت
جان يسئلني اذا جاتج الريج وش نسوي خخخخخخخخ
قلت له اذا جفت وجهي عاد هههههههه

هذا حال اللي يشتغلون، اني من التعب مديري يقول لي باقي لش اي كثر اسبوع ، خخخ

فديت عمره;10894188:
وي بنات دخلت التاسع يمه خفت مادري ليش توني منتبهة على التيكر الله يستر ...

لا تخافين ولا شي، اني للحين مو حاسه اني بالتاسع، دوم على بالي اني لسه الدرب قدامي طوييل ، لو ما نبهت روحي كان للحين الشنط ما برزتها، ابتديت ، في شنطي للمستشفى وبيت الوالد وما صكيتهم، البيبي للحين ما جهزت شنطها :worn_out:

QTR.9;10894219:
مرحبا بنات شحالكم كلكم ..

المهم خلني اقولكم عن موعدي اليوم ,, اليوم كان عندي سونار المهم رحت وشافو كل شي الحمد لله تمام وانا من ذكائي الزايد قلت للدكتوره شوفي الحبل السري وين ليكون لاف ع الرقبه المهم شافت وقالت اي بي لفه وحده وهاي عادي 80% من النساء جذي استغربت المهم وبعدين رحت لدكتورتي اراويها نتايج السونار قالت لي الحمد لله كل شي زين بس سالفة الحبل السري قلت لها يعني وشو ممكن ماقدر اولد طبيعي قالت لا ان شاء الله طبيعي بس لو صارت مشكله او حسينا ان البيبي بيختنق ممكن نسرع الولاده نخليها قيصري وانا بطني عورني اهني من الخوف وبعدين حطوني في التخطيط ربع ساعه عشان يشوفون النبض في البدايه كان البيبي نايم وبعدين اسدحوني على جمب يقولون احسن عشان نشوف النبض عدل المهم وبعد الربع ساعه جاتني الدكتوره وقالت الحمد لله البيبي زين بس لازم في الاسبوع مرتين تسوين تخطيط وبعد اسبوعين تسوين سونار مره 2 ...؟؟

المهم بنات يعني سالفه ان الحبل السري ملفوف لفه وحده ع الرقبه هاي خطر مع ان مالت السونار قالت عادي اتهقون يمكن يولدوني قيصري بموت من الرعب ؟؟

في حد قالوله حبل البيبي لاف ع الرقبه لفه وحده ؟؟

وعلى فكره ترى انا في التاسع بس مدري شقصه التيكر مالي مخرف

خيوه دام قالت لش ما يخوف، فعادي ليش تخوفين روحش؟؟!!، وكلي امرش لرب العالمين وان شاء الله تولدين طبيعي :)

عروس نجدية;10894302:
مرحبا كروشات انا من البارح ذابحني المغص واليوم نزلت علي وانتو بكرامه زي القطعه البيضاء بدون دم وش هذي !!!!!!!!!!!!!!!
بسرعه قولي لي اروح للمستشفى والا لا ؟؟؟

قطعه بيضا ولا افرازات ؟؟!! لأن الافرازات شي طبيعي وعادي ، و اذا ما حسيتي بألم فان شاء الله كل شي طبيعي وماله داعي الخوف :)، شوفي لا تولدين قبلي، اني اول خخخ :celebrate:


ماء الحب، حلويييييييييييين التجهيزات، كلش فن حدهم ، ما قلتين شنو بتسمون البنوته ؟؟!!ولا سر ؟؟


سيدون، حلو رسم التكعيبي تبعش، حبيت البنوته ام كبوس والبنات اللي حاملين جرات كانه :)

شرايكم بالنيووو لوووك تبعي :cool: :D ؟!