ريما;10882381:
ادخلي موقع فكتوريا سيكرت قسم البيجامات .. بس مدري اذا يوصلون حق الخليج من النت !!
و دبنهامز .. ينزلون بيجامات حلوه ..
و بي أج أس تلقين عندهم بجامات حرير ..
^_
ريما;10887101:
:D طيبب أنا عندي سؤال ..
قريت إن مقاس الثياب الي بوديعم المستشفى و الي بلبسهم في اول ايام النفاس ..
بتكون نفس مقاسي الي كنت البسه في الشهر السادس من الحمل !!
هل هالكلام صحيح ؟؟
:| و في عضوة سئلت عن أشاء بصراحه ما فكرت فيها بعمق ..
الملابس الداخلية .. فترة النفاس .. الأحسن تكون قطن !!
لأني وقت الدوره ألبس النوع الي مثل الاسترج و مرات اضطر البس عليه شورت
علشان ثيابي ما تتوصخ !!
هل ينفع هذا مع النفاس .. و لا مايصلح اضغط على المنطقة !!
و الفوط الصحية .. هل في فوط خاصة للنفاس ..
أنا حبيت أولوز الي حق الليل و النوم .. لأنها كبيره .. هل هذي تنفع !!
zahary;10887323:السلام عليكم
حبيت الموضوع وايد
بالأول بخبركم عن برنامجي لفترة النفاس بولدي الأول
طبعا شريت بجامات قطن وجوارب لأني ولدت في الشتا
و ملابس داخلية قطن لفترة النفاس بس بعد شريت اطقم حق بعد النفاس
ما نسيت الخلطات خذيت كذا خلطة من بنت عذاري يجازيها خير و كم خلطة من عندي
للبشرة ولليدين والقدم و الجسم كااامل لي البراطم
و شعري كنت كل مرة اسبح اجففه واسشوره
كنت ألبس مشد بس اول اسبوه بعدين تمللت منه
وبعد الاسبوعين صرت ألبس ثياب غير البجامات يعني جينز وبلوزات ضيجة
و اللي ساعدني ان جسمي ما تغير وايد
وبالنسبة للأكل طبعا الوالدة الله يحفظها ما قصرت بالأكل : الأكل الخاص بالوالدات والبتغذيتي بشكل عام يعني كانت الله يحفظها تييب لي وجبة متكاملة
و كنت ملكة عندها ربي يخليها
ولما رجعت شقتي تفاجأت ان زوجي سوى تغييرات
و انا بعد غيرت في الديكور و بعض الاشياء بس مو وايد
وناوية هالمرة اغير اكثر بالشقة بعد الولادة ان شاء الله
امممممم واذا تذكرت بعد شي برجع لكم :hysterical:
~أم فاطمة~;10900311:
هلا عرايس عروس الحلوين ،،
آآه على التجهيزات اللي بعد الولادة ،،
كل نشتري للبيبي وننسى روحنا ،،
هذا كان ببنتي الاولى ،، ولما طلعت من الاربعين كانت النفسية متدمرة ،،
رحت قصيت شعري وسويت حمام مغربي وشريت ليي ملابس جديدة ،، وتعدلت النفسية شوي ،،
بس احين مع ولادتي الثانية احس جسمي يبي ليه من احين تعديل ،، ما متحملة اصبر لين ما اطلع من الاربعين ،،
تمللت من ملابس الواسعة ،، ومن اشوف موضوع التخفيضات خاطري اطلع واتسوق ،،
انا بعد قصيت شعري قبل ما اولد فما ابي اقصه مرة ثانية ،، بس شكلي بصبغه لكن ما اقدر اخلي بنتي فترة طويلة ،،
يبي لي اشياءات واشياءات ،،
مملكة بلقيس;10908560:
خيتوو القصة تعتمد على حسب الوجه اذا وجهش دائري قصته بتكوون غير البيضااوي وثااني شي لون الصبغ اني انصحش تسووين لوون واااحد ااحلى وهاللون بعد يعتمد على لوون بشرررتش شووفي انتي المجللااات و المسلسللات يمكن تحصلين لش لوون حلو يطاابق لون بشررتش اني هالمرة نااويه اصبغ شعرري مثل نانسي عجرررم لون وااحد بني فاااتح حلووو برراوي الصورة اللي بتصبغه اذا نااسب كان بهاا واذا ما نااسب بغير اللون
روحي لزوجي;10917946:
تسلمييييين ياقلبي على الموضوع
Gahadaa;10919685:
انا بقص وبصبغ شعري قبل الولادة بشوي
وعقب الولادة بروح الصالون اسوي صنفرة او حمام مغربي اشيل الطبقات وبسوي مساج لما يرجع جسمي وعظامي والحوض مكانه الطبيعي ،، واكيد الحف والبدي كير والمنكير بكون قبل الولادة مع قص الشعر
جهزت فرش جديد للسرير واضاءات جديدة غير فرش الاستقبال
بما انه ولادتي اول الصيف بسجل بنادي رياضي لأن المشي رح يكون مستحيل بالحر
طبعا لبس جديد وقمصان نوم جديدة وبيجامات جديدة وعطور جديدة مع النيو لوك انشاءالله اتحسن ،، بس ليحين ما جهزتهم
وطبعا نستفيد من خبراتكم وبرامجكم
°• أم السآإدة •°;10938480:
بآإك ..~
البجامات (كم طويل)
وهاي جاكيتاات
وهاي الدشاديش أحيين :study:
ومانسيت رووحي (أغراااضي خخخ)
وخلااااص خخخخ
