تجمعنا السوريات لشهر محرم والسنة الهجرية الجديدة وينعاد على الجميع بكل صحة وعافية

MONOSTEPS;10935334:
مسائوووووو


بسم الله عليكم حوالينا ولا علينا شو صارلكم كلكم دخلتوا مع بعض :066:

المهم والله دخلتكم بترد الروح وينكم من زمان عن جد بس حطوا رد لتحيوا الشات هههههه


اخباري لا جديد فيها الحمدلله على الروتين الحلو :093:






مو مشكلة حبوبة المهم انه تجربيها لو بعد مية سنة وتعجبك ما اكتر
وان شاء الله ناوية هالفترة نزل موضوع بالمطبخ عن الكب كيك بدي اعمل كب كيك بالجزر والجوز
ويمكن اعمل بفانيل وبالشوكولا وجوز الهند متل الباونتي ان شاء الله واذا الله يسر






يا عيني على حفلات التخرج والنتائج والامتحانات ودعايات مع نيدو ربيوا الاولاد الصغار هههه
لا والله حلو هيك متل ما قالت بيرل كله للذكرى وبتحتفظي فيها وهو بينبسط كتير
ويا عيني كمان على حرق المفاجئات عصبتيني هيك هلأ جايبة الهدية وعاملة
فيلم اكشن مشان اخر الشي تقدميها قبل بوقت :098:
ومشان البلوغ ما بعرف شو القصة يمكن كمان لانه كنت قبلها تعبانة بالعزيمة
وكلامك صح عن جد الشغل الزايد بيقصر العمر بس شو بدي اعمل سوسة
المهم ان شاء الله الله بيسرلك تشتري القوالب وتجربيهم
قولي انا عم اعملهم كب لانه الفرن اللي بهالبيت بهدلة قد ما بدك وحرارته ما منيحة
لهيك جربت الكب كيك وعم شغل الفرن من فوق وتحت ليزبطوا يعني شغلانة
بس شو بدي اعمل والله بحب الكيك وما بنقدر من دونه هههههه
بس انتم ما قصرتوا لما اكلتوا الكيك من المصدر مباشرة شو لكن بفكره انه رح يغلبكم :085:









يسعد الصباح والمسا والله مشتاقتلك
وكل سنة وانتم بالف خير وبتبقى ايامكم كلها اعياد وانبسطت انكم غيرتوا جو واحتفلتوا
عن جد متل ما قلتي هون اذا ما كان في حدا يشاركك العيد بيمرق متله متل اي
يوم تاني وسلامة قلبك يارب شو هالجو الخيالي اللي عندكم عن جد من سيرته بتمرضي
لانه ناقصك كريب انت فوق شغلك وتعبك الله يعينك
انبسطت اكتر بالعصفورة اللي رح تجي ويصير اسمها متلك :083:الله يقوم مرت اخوك
بالسلامة يارب ما قلتيلي اي مرت اخ حامل اللي عندها الصبي ولا اللي عندها البنوت؟
ومشان البلوغ معك حق والله ما بعرف عن جد كل ما الوحدة بتكبر لو سنة بيتغير جسمها
شو بدنا بالحكي يعني عن جد بتفرق







ما شاء الله الله اكبر الله يهنيكم شو هالترتيب والتنظيم الحلووووووو عن جد انا بحب
هالشغلات كتير وبحب الذوق والفن بالضيافة المهم الله يتمم معهم على خير
والله يسرلك وتوصلي بالسلامة لعند ابن عمك ( استودع الله دينك وامانتك وخواتيم اعمالك)
ومعك حق يحلحل التعب لانه كنت الفترة الماضية مشغولة كتير الله يعطيك العافية
ويالله كتري من هالحكي وروحي وعيني والله يدوم المحبة لانه الرجال بيغاروا لو ما بينوا
ومعلشي بنوتك الصغيرة بتتحمل فدا امها ههههه بس والله يعني الدنيا يوم هيك ويم هيك
ولما بتتزوج اكيد رح تعذرك









يالله متت من الضحك لما قرات النورية هههههه الله يسامحك والله البنوتات امامير
شو بدك تعملي دلوعين بس حلوين
ومنيح الحمدلله انه حاببها لانه الحب بيختصر كتير شغلات وبيوفر كتير مشاكل
لما بيصير اختلاف بوجهات النظر بقى الله يخليهم لبعض:032:
اي انا عندي فيس بوك وببعتلك هو على الرسائل الخاصة بهاليومين ان شاء الله لشوف
اذا متذكرة الباس ورد هههههه لانه عملت وما نزلت فيه صور ولا شي
بس ان شاء الله ناوية والله صير شارك لانه هيك شي بيستهويني
لانه حابة شوف شو عاملة فناتك بالحفلة :077:






يا هلا بام الحلوة وبعرف انه بعد شباب يعني هالتصريح كان بس الكم اما لابو الشباب
هيدي اشاعات مغرضة :03:
ومشان الكيك انا كنت متلك والله بالمرة تخبيص على الاخر هههههه بس كان العلة من الفرن
قوليلي كيف فرنك بركي بساعدك ان شاء الله مشان يزبطوا
وكنت كمان ما اعمل شي بالحلو بس هي الحمدلله عم اتعلم والنت ما خلت حدا ما بيعرف
اي بعرفها لهي القدرة صحة ومية هنا يمكن اسمها الكامل القدرة الغزاوية صح ؟؟

[/CENTER]

تسلمي لقلبي عيونك الحلوين:025:

فكرك يكون الفرن هو السبب لانو مرة ماما اشتغلت عليه و حكتلي فرنك ما بفش البال يعني شكلو مو حامي كتير لانو صغير :047:


هي القدرة الاصلية بقولولها قدرة خليلية بس هيدي الغزاوية ما بعرف عنها:01:

ما بدك تنزليلنا صورة لبنوتك من زمان ما شفناها:087:

اهلين شامية كيفك

وانا متلك عم اقرأ واعمل ردود ههههههههههه

يا محاسن الصدف

يا ويليييييييي على الجو شو برد و ضباب و شتا الحمد لله الواحد ما بدو غير يبقى بهالبيت في الدفايات و ياكل كستنى و بطاطا حلوة و ينصح ههههههههههههه

بس سؤال تطفلي شوي انتي هيدا اول حمل الك و شو عم تاخدي مانع لاني جبت اول بنت و اخدت بعديها حبوب على طول و الكل عم يخوفني منها بس انا ما رديت على حدا...........راسي يابس

اي أنا أول حمل ومشان المانع طبعا الكل حذرني من المانع الغير طبيعي مشان هيك عم نستخدم واقي بأيام الاباضة طبعا بعمل احتياطي كم يوم قبل وكم يوم بعد

بتعرفي الدكتورة أصرت علي أني آخد حب ياسمين قال ما بيأثر شي هي بدها ياني آخدو مشان تنظيم الدورة وبنفس الوقت مانع بس ماما ماخلتني

الله يتمملك على خير ان شاء الله هنن الاولاد مع كل غلبتهن بضلو حلوين

انا كنت بدي اعمل متلك بس الكل ما خلاني و حكيت جيب اول واحد و بعدين باخد الحبوب حتى ما حدا يعتب علي
و مع هيك ما خلصت من النق و الحكي بس هالمرة ما رديت على حدا لانو انا يلي عم اتعب مو هنن صح؟؟؟

انا يلي باخدها حبوب متل يلي حكيتي عنها و الي سنة عم اخدهم يعني على طول بعد ما ولدت,,,و الله اعلم يلي عملتو صح ولا لا؟؟؟

هو انا جوزي كان موافق بس ما حبيت يسمع حكي من هون ومن هون و انا كمان يمكن انتي وضعك غير لانو مو بيناتهن من غير شر

وانا هيك حكيت يعني مو اقل من 3 سنين لاني كنت عم اشتغل و تركت لاني تعبت على الحمل و هلا عم دور على شغل

و يلي كاتبو الله بصير الحمد لله

اهم شي هلا ديري بالك على حالك و بس تتوحمي بنبعتلك اياه بالبريد السريع ولا يهمك

ستي لا تردي على حدا المهم انتو متفقين يلي بدو ولاد يجيب هو خخخخخخخخ

مين يلي عم يتعب

مسائووووووووووووو يمكن هي اخر رد الي قبل السنة الجديدة

جد بنات عص قلبي على هالسنة ما بعرف ليش ؟؟؟ يمكن لانه حسيت سنة من عمرنا راحت

الناس بتحتفل براس السنة بس بتصور انه لازم نزعل !!!

بعرف عم تقولو شو هالمونو النكدة :070: هههههههههههههههههههه

المهم التفائل حلو وتفائلو بالخير تجدوه والله يجعل هالسنة خير علينا وعلى اهالينا

واحبابنا ويارب يتحقق كل شي بتحبوه وانا كمان ناوية ان شاء الله حط خطة جديدة

متل الشامية لازم رتب اموري شوي واصلا عم فكر ان شاء الله على بداية العام

الدراسي الجاية دور على شي مدرسة مجرد فكرة بس عم تلمع كتير براسي

لانه اذا هل وضعنا المادي عادي يمكن لما تكبر شوي رورو تصير اصعب وخصوصا

انه ما عنا بيت بسوريا يعني بقصد عنا التزامات جدية قلبتا دراما هههههههه :057:

بس مين الي غيركم احكيله ؟؟ :016:

شامية للعظم;10943274:
مسالخير للجميع :087::025:

كيفكم بكرا آخر يوم بالسنة كل عام وأنتو بخير جميع والله ما بتذكر ايمتى وكيف مرت الشهور وخلصت السنة

ياجماعة عم نكبر ها لما كنا صغار كنا مو مصدقين ايمتى نصير صبايا نلبس ونتمكيج ونقعد بجلسات النسوان وهلأ لما بقعد مع بنوتات بال17 18سنة بقول رزق الله لما كنت قدن صحيح مو كبيرة كتير بس عم حس حالي عم أكبر بسرعة وصرت على بواب التلاتينات يعني منتصف العمر 33 سنة هيك بيقولو يعني باختصار وصلت للقمة وقريبا رح بلش أنزل بنزول خخخخخخخخ
ولي ساويت حالي ختيارة شو بدها تقول ماما وستي

المهم لازم حط لحالي خطة لها السنة مشان حس حالي انجزت شي انجاز

المهم صبايا اليوم لما فتحت الشات انبسط لأني شفت ردود من الأغلبية

أول شي دمشقية مشان حلاوة السميد أنا حطيت 5 كاسات مي لكاسة سميد وسكر على رغبتك يعني أقل من نص كاسة أكيد بتعرفي أنو هدول عالبارد منحطن بعدين منشغل النار تحتن ومنحرك على فكرة هالمرة جربت حطلها مازهر آخر شي قبل ما أسكبن طلع طيب والله

بس أنا بحطن بصينية ألمنيوم بالبراد أفصل من الجاطات البيريكس لأنو الأمنيوم بيساعد على تبريدها أكتر وبتجمد بسرعة بعدين بقطعها وبحطها بالجاط يلي بدي ياه بغطيها وبحطها بالبراد

جربتها مرة بالبيريكس ما جمدت منيح أما بالألمنيوم اتقطعت والقطع متماسكة تمام يعني عادي بتاكل بالشوكة والله زوجي بيحبها كتير

ومشان ابنك فعلا كلام بيرل صحيح كتير حلو تعمليلو ألبوم لأبنك وتحطي صور المدرسة كل سنة بسنتها

كلامك بالصميم عن جد متل ما قلتي عم نكبر ولما بقعد مع حدا صغير مثلا اخواتي
بقول ايييييه شو بدكم لسه لتكبروا بتعرفي انا عندي اخت صغيرة لانه عمرها 8 سنين
وعندي اخت صف تاسع واخت عمرها 20 واخوي اصغر مني بسنة بقى بتلاقيني
ام الكل هههههه يالله كيف الايام بتمر

CATS_ANGEL;10943322:
تسلمي لقلبي عيونك الحلوين:025:

فكرك يكون الفرن هو السبب لانو مرة ماما اشتغلت عليه و حكتلي فرنك ما بفش البال يعني شكلو مو حامي كتير لانو صغير :047:


هي القدرة الاصلية بقولولها قدرة خليلية بس هيدي الغزاوية ما بعرف عنها:01:

ما بدك تنزليلنا صورة لبنوتك من زمان ما شفناها:087:

اي معناتها الغلط من الفرن طالما مامتك قالت ( بوثق بكلام الامهات الشاطرين بالطبخ )
والقدرة ما بعرف شو اصلها المهم انه مطرح ما يسري يمري ومطرح ما ياسس يبني:027:
واليوم اخدت رورو على الحديقة واخدت لها صورة بركي ان شاء الله ببعتلك ياها
على الخاص انت وباقي البنات لانه ما عم نلتقى بوقت واحد لحطها على العام
وانت كمان بعتيلي صورة بنوتك :049:

شامية للعظم;10943477:

مونو الكيك رح جربه أكيد باذن الله يالله نزليلنا مواضيع اسمك فضيتي شوي أتحفينا والله باين أنك مو سهلة بالطبخ

بس شكلك بتعتمدي أكتر ع الأكل يلي مو عربي بس حلو التغيير والله وأنا بحب أتعلم كتير بس شو أنا برغب كتير للأكل الصحي والمفيد ويلي في خضار كتير
بعدين تعي لقلك شو هالبيتزاية يلي حاطة صورتها شكلها كتيييييير حلو بس ياستي هي اذا بياكل الواحد قطعتين منها بيزيد شي كيليين والله كل مالهن عم يتفننو بشكل البيتزا بس شي حلو والله

أما عن أخباري مافي شي جديد غير أني الشهر الجاية رح اترك المانع وان شالله أحمل من أول شهر مشان أولد عالعاشر ومجرد ما حملت أول ما بحس بالوحام اجا دغري على سوريا بضل هيييييييييك لأولد وطبعا زوجي بيلحقني بعد فترة آخر طبخاتي ولا شي حاليا صارلي يومين عم أكوي خخخخخخخ ما فضيت للحلو

يالله سلاااااااام بكرا أكيد ما أقدر ادخل يمكن للسبت

تسلمي على كلامك الحلو :065:
وهو انا بحب الشرقي والغربي بس الغربي مميز شوي عن اللي متعودين نعمله
لهيك بحب جرب فيه وحتى بحب بنمط ضيافتي اني غير ونوع
والله يتمم موضوع الحمل على خير ويرزقك الذرية الصالحة يارب وتنزلي على سوريا
زمنيح اللي ما اخدتي الحبوب حتى لو الدكتورة قالت لانه شوفي لقلك احيانا
لاسمح الله ممكن مثلا تكون الامور عادية عندك وطبيعية بس الحبوب بتطلع اي شي مخفي
يعني اذا عندك قابل لضعف الاباضة او التكيس برجع وبقول لاسمح الله بقى الحبوب
بتطلعها يعني الحبوب ماهي بحد ذاتها المضرة اما لما بتتعود المبايض على النشاط
واستقبال النطاف وبتحملي خلص باذن الله مافيها اي ضرر

شامية للعظم;10943609:

ليكي ياسمين كل الناس بتشكر منو لأنو ما بيزيد الوزن ولا بيعمل دوخة وفي فيتامينات

ليكي أنا الكل معارضني لأني مأجلة وبدن ياني جيب بسرعة بس أنا وزوجي متفقين وهو موافق خلص والحمد لله أني بعيدة عنن لأني كنت ما خلصت من النق أنا صارلي متزوجة 7 شهور وفتت بالتامن


لاء الله يخليلك بنتك ولساتها صغيرة لتفكري هلق بولد تاني يعني أقل شي سنتين تلاتة هي اذا كنت متفرغة ومو موظفة

انا ضليت سنة و8 شهور لحملت وطبعا التاخير كان لظروفنا المادية هلكنا من حكي الناس
وانه اكيد فيهم شي او اكيد ما بدهم يقولوا ومن هالحكي بس ما ردينا
هي حياتنا وبكرة لما بنجتاج فلوس الشاطر من اللي فتح تمه بصرف علينا :011:
وهلأ كما اذا الله راد ويسر ان شاء الله مأجلين الحمل الى اجل غير مسمى
ويمكن يمد لاكتر من 3 او اربع سنين لبينما نزبط امورنا واللي بده يحكي
يحكي ليشبع بس يشترك بخدمة 3 ارقام من سيرياتيل مشان التخفيض هههههههههههه