شامية للعظم;10889950:
يسعد مساكن وأوقاتكم جميع ببلش من الأخير من عند مونو الله الله اي شو هالابداع ياعيني لاء شي بيبيض الوش والله
اشتهيت اسناولي شي يالنجياية تكون حامضة غير شكل الله يعطيك ألف عافية شفنا التقديم كتير حلو صفي ندوق بقى لنحكم تمام
ودخيل زوجك التقليدي أنا ان شالله عجبو الأكل ؟؟؟؟؟؟
عكس زوجي دايما بيقلي ابدعي مع ماجي بيقلي جربي هيك جربي هيك بيحب يغير كتير
دمشقية بيرل حتلعبو بعقلي ها والله يعني الفكرة لمعت براسي تبع المطعم وينك أنا مجازفة ومن طول حياتي شجاعة بس هون باليمن حاسة حالي كتير مرة خخخخخخخخخخخخخ
لأنو حياتي القديمة كانت بنت على شب على ولد يعني بالبيت وباللبس والحكي بنت برا البيت بالشغل والتعامل مع العالم بالقوة والشخصية شب ومع الولاد ولد متلن
بقى ممكن ليش لاء شجعوني شوي وشوفو
دمشقية بانتظار تدخلي وتطمنينا عن الأوضاع عنكن
تسلمي على ذوقك وياريت لو جنبي كنت بعتلك صحن يالنجي ما وحدة بسF:
وزوجي كل البنات بيعرفوه تقليدي بالاكل بس لانه انت لسه جديدة ههههههه
عن جد شامية ذوقه على قد مانه سهل على قد مانه صعب يعني السهل الممتنع
بيحب كل اكلة على اصولها القديمة من دون تغيير والشي الحلو انه ما بيدقق على شغلة
الطبخ يعني في اكل ولا مافي اكل طبخت ولا ما طبخت عادي بالنسبة له لهيك
شي بيغطي على شي
ومشان فكرة المطعم براي متل ما قالت الدمشقية شوفي شي مطعم
توزعي عليه من شغلك كبداية لبينما تنشهري وعلى كل الاحوال مشروع حلو
بس بده فضاوة كتير يعني لازم يكون مزاجك عالي بكل مرة عم تطبخي فيها
وكل مرة لازم يكون الاكل ناجح وبتصور هي من اصعب الشغلات
أم نونية;10890024:
يازين اليلنجي والاكل السوري من يدينك الحلوين
وبالعافية على قلب احبابك ....
<<<<داخلة عرض هههههههههههه
ولووو يا ام نونية صدر البيت الك والعتبة الي انت غالية والله
بنات ام نونية متل اخت لي هون بقطر وحتى زرتها انا وماما وقت اللي كانت هون
بنت اصول ما شاء الله عليها :L:
الدمشقية;10893585:
يسعد صباحكم جمييييع
مونوماشالله ماشالله شو هالعزومة الحلوة شي بيرفع الراس والله يعطيكي الف عافية
ماشالله شكل الكبسة بيحنن وكل شي والله تسلم الايادي .... شو هاد بدجز مدري شو اللي مع الجزر والريش ؟؟؟
والمعكرونة شكلها رووووعة ..كيف بتعملي الكريما على ايدك ولا من السوق ..؟؟ ولا تنسي تعطينا طريقة الكب كيك الله يرضى عليكي بالتفصيل
لو سمحتي
ونحنا الحمد لله بخير وعافية يعني هالمطرة عدت على خير ان شالله هيك قالو نحنا ماشفنا شي ههههه
الله يسترنا الدنيا اخر وقت .. والله يتلطف فينا يارب
&&&&&&&&&&&
شامية حبيبة قلبي نحنا بخير الحمد لله تسلميلي يارب
وانا والله بشجعك ادرسي المشروع منيح وشوفيه من كل النواحي وجربي ليش لاء الشغل مو عيب ابدا ونحنا بغربة
يعني اذا شايفة حالك قد الشغلة ابدئي وتوكلي على الله وجربي انتي كبداية بكميات قليلة وممكن تخللي زوجك يسئلك عن حدا
يبعلك الشغل اللي بتعمليه او ممكن جاراتك او تعملي بروشور فيه اعلان عن شغلك وفطايراتك الطيبين مع رقم جوال او بيت
وتوزعيه هون وهنيك وهيك يعني تبدئي على شي ديق وبعدين بتنشهري وبتتوسعي والله بيفتحها ان شالله عليكي والله مبارك بالشغل الحر سبحان الله
وبتدعيلي يااما بتدعي علي هههههه
(( شلوني معك بقدر اقنع ولا لاء ))
تسلمي يا ام محمود على المدح احم احم :o
اول الشي الويدجز هي بطاطا بسلقها 5 دقايق بالعدد طبعا بكون مقطعتها متل التفاحة
وببهرها ببودرة التوم وبابريكا او فليفلة رش وملح وشوية اوريغانو وطحين نتفة للتغطاية الرقيقة
وبقليها واخدت الطريقة من النت
وكريما المعكرونة جاهزة وانا ما بجيب كريمة بجيب قشطة بوك وبضيف عليها نص كاسة مي سخنة او اكتر بتصير متل الكريما بس الفرق انه هي طعمتها مركزة اكتر واطيب
طبعا القشطة فرش مو العلب
اول الشي بحمس شوية بصل ناعم بزبدة وبضيف فوقه الروبيان المغسول والمسلوق شوي
وبعدين بحط الفطر العلب المقطع اذا بدك جيبي فرش بس انا ما بجيب لانه العلبة بتنكب معي
يعني ما بعرف كيف بحفظ اللي بيبقى وصارت معي مرتين لهيك جبت المعلب
وحسيته نفس الطعمة ما فرقت كتير اي وبعدين حطي ماجي لكل علبة قشطة مكعب ماجي
والقشطة واكسريا بمي خليها تغلي لتعقد شوي ويممممممم
ممكن تحطيها فوق المعكرونة وممكن تعملي جنبها رز ابيض اطيب
نسيت قلك حطي معها بهار ابيض ليجيب طعمة الكريما
الكب كيك ( بدها تسامحني بنوتة من الاول هي اللي طلبت الطريقة بس والله ما فضيت)
2 بيض
1 كاسة طحين
3/4 كاسة سكر
1/2 كاسة زيت
علبة زبادي صغيرة( لبن بلهجتنا )
برش ليمون
ملعقة بكينج باودر
ملعقة فانيلا
2 ملعقة كبيرة كاكاو ( اذا بدكم ياها على شوكولا )
واعملوها بطريقة الكيك العادية وقبل ما تسكبوها بقوالب حطوا بكل القوالب الصغيرة
ورق البليسيه تبع الكيك واسكبوا الخلطة بقلبهم وحطوهم بالفرن ليستوا
والكريما هي كريما الزبدة
2 كاسة سكر ناعم بالخلاط مع 3 ملاعق مي بالعدد بس تشوفوهم صاروا لا انهم سائل
ولا انهم ماسك ضيفوا عليهم الزبدة حوالي كاسة تكون لينة ما ماسكة او باردة
ولا انه سايحة لا لينة وطرية اي واخلطوها طبعا اذا بدكم بتحطوا الوان صناعية مشان
تلونوها او بدكم تتركوها هيك على راحتكم وانا متل ما شفتوا حطيت لها كاكاو
CATS_ANGEL;10895250:
تسلمي لقلبي يا دمشقية و ان شاء الله دايما تجهزي حفلات الك و لجوزك و لولادك و تبقي مبسوطة بيناتهم يا رب
عملت الحفلة و الحمدلله بس صدقو ما انبسطت فيها ابدا الحمدلله بس يلي بهون انو المعازيم انبسطو بس انا قضيتها عم امسك تالا من هون و من هون و عم ضيف هيدا و هيدا و عم لاحق اغراض البيت بين الاطافيل الله يعطيهم الصحة يا رب جوزي صحيح ما قصر بس قد ما كان بضلو رجال :'( و صورت الحفلة فيديو و يلي استلم يصور ما حسن يصور منيح و تالا ما لحقت صورها فوتغراف بين العجئة يا دوب صورتين و مانن زابطات ما بعرف بشو غلطت بس يلا عم اتعلم
نقيت كتير ما ;)
على كل عم فكر عيدها انا و جوزي بس و على راس السنة لحتى صور تالا على الاقل كم صورة للذكرى و نحنا معها
حرام الله يعينك والله وجعني قلبي عليك وعارفة انه هيك بده يصير من الاول
لانه قلت لك رح تصير عزيمة وضيافة اكتر من انه حفلة يالله الله يبيض وجهك
ويعطيك العافية يارب وكل سنة وهي بالف خير حبيبة قلبي
( انا ما بحتفل براس السنة لانه حرام لانه حتى عيد الميلاد حرام ههههه بقى على الاقل
بوفر من المناسبات المكروهة لهيك ما بقدر فيدك )
CATS_ANGEL;10895543:
شووووووووووووو هيدا يا مونو عن جد ما شاء الله عليكي و الله يعطيكي العافية
خلص ما عاد قلك حطي صور حتى ما احسدك مع انو عيوني مانن زرق هههههههههههه
ما شاء الله اللع يعطيكي الف عافية هو العزومة لحالها شغل غير البنوتة الله يحميها يا رب
و انا يضم صوتي لدمشقية و بدنا طريقة الكب كيك و يا ريت بسرعة اذا ما فيها غلبة بس بتوقع الكريما متل دريم ويب ما هيك
و فعلا يا هيك العزايم يا بلا ما شاء الله
تسلمي لقلبي يارب على كلامك الحلو متلك :L:
وليش لتحسديني ولو نحن اخوات وتكرم عيونك حطيت لك طريقة الكب كيك
بردي على الدمشقية واي شي بدك انا حاضرة بامرك
لولية;10897457:
مسا الخير يا صبايا يا حلوات لا تؤاخذوني صرلي فترة ما طلعت بس والله مشغولة كتير بالتحضير وما عم وصل لليل لحتى كون هلكانة ومستوية بس بيجي لنام ما بيجيني نوم وأنا عم فكر على كل الخطبة بإذن الله بكرة بالليل هي مو خطبة بس رح يقرأوا الفاتحة ويلبسوا الدبل والخطبة بإذن الله بشهر اتنين ورح أعمللها اياه بشي أوتيل
حبيت بس إطلع كرمال تدعولي الله يبيض وجهي بكرة أمانة ها وبس خلص هالمناسبة برجع بحكيلكن شو صار بس ادعولي الله يخليكن
الله يتمم معهم على خير يااااااارب وييسر لهم ويمر هاليوم على خير
والله يجعل وجهكم دائما ابيض F:
والله مشتاقين لك بس بنعرف ظروفك وناطرين تقوليلنا شو صار معكم
