تجمعنا السوريات لشهر محرم والسنة الهجرية الجديدة وينعاد على الجميع بكل صحة وعافية

يا اهلييييين مونو دايما مغلبينك معنا بالضيافة تسميلي حتى فكرت هالفطور كتييير حلوة ما بدها غير صحن واحد بخفف جلي هههههههههههههههههه

خلص ان شاء الله اليوم كل وقتي تجهيز لعيد الميلاد حتى زوجي ما رح احكيلو شو بدي اعمل حتى تطلع مفاجأة للكل

و الله يعطيكي العافية و هي عن جد قعدة البيت حلوة بس اوقات بتمنى اني لسى عم اشتغل لانو جوزي هالايام ما عم يفضى ابدا ودايما عم حوص بالبيت انا وتالا ما عرفين شو بدنا نعمل خصوصا انو الجو ما بشجع انو نروح و نيجي لنتسلى الحمدلله
وان شاء الله بتتوفقي بعزيمتك و ما بنخاف عليكي دايما بتيضي وجهنا هههههههه
وما بدك توصاي بالصور

مراحب ياحلوين كيفكن يلي رح ينتبه منكن على توقيت مشاركاتي رح يقول ولي هي شو بقة صبح ضهر مسا بالليل وش الصبح شو ما بتنام خخخخخخخخخ والله ياجماعة عم يصيبني قلق

المهم مونو يعطيك ألف عافية وتكرم عينك ياستي طريقة الشاورما تبعي كتير سهلة لا لبن ولا نقع من قبل بيوم ولا شي وعنجد طيبة وبنص ساعة بتكون جاهزة للأكل أنت ممكن تجربيها وتدوقيها اليوم المسا واذا عجبتك ضيفي منها بالعزيمة

المهم صدرين جاج أنا بعمل صدر ونص مع العلم أنو الصدورة عنا صدورة صيصان مو جاج خخخخخخخخخ

اي منرجع لموضوعنا صدرين جاج بتقطعيهن مواس مواس طويلة ورفيعة متل شكل شاورما السوق وبصلتين كبار كمان بتقطعيهم مواس شرحات يعني

هي هي المقادير والسر بالبهارات ويلي هي ملعقة صغيرة قرفة وملعقة صغيرة كمان بهارات كاري بتحطي نص البهارات بالجاج ونصهن بالبصل قبل ما تحطيهن عالنار طبعا الملح نفس الشي ملعقة صغيرة نصها بالبصل ونصها بالجاج

بتحطي بالمقلاية شوية زيت نباتي وبتقللي البصلات مع البهارات تبعهن وشوية ملح بس يدبلو تمام بتنزلي الجاجات وبتحركيهم حتى شرحات الجاج تبيض وبس تبيض كلها بتغطيهن وبتتركيهن شي ربع ساعة ليستوو بتطفي النار هلق السر الأساسي الاساي هو بأنك بس تطفي النار بتحطي ملعقة كبيرة دبس رمان وبتحركيهن تمام ليوصل دبس الرمان لكل قطعة جاج
عنجد طعمتها كتير طيبة

طبعا بعدين بتجيبي الخبزة بتفتحيها وبتدهني شوية مايونيز فيها لا تكتري شوي وبتحطي شوية جاج وبتلفيها وبتصفيها بصينية فرن وبس تخلصي لف السندويشات قطعيهن متل سندويشات الشاورما العربي بقطاعة البيتزا وادهني وشهن بشوية زيت زيتون وحطيهن بالفرن واشعليه من فوق بس ليتأمرو ودوقي مبارح ساويتها وبعتت لجارتي طار عقلها فيهن

وصحتين وعافية مع تحيات مطبخ شامية العالم خخخخ

لك أهلين كات يالله ماشالله كلو مشغول بالأكل فعلا الطبخ متعة ياجماعة أنا قبل ما اتزوج كنت ادخل على قسم التجميل والبشرة والعروس والمكياج سبحان الله بس اتزوجت أكتر قسم بفوت عليه بالمنتدى هو المطبخ وقسم التجمل يعني بالشهر مرة اذا شدني عنوان شي موضوع

والله فعلا صحيح ذكرتينا مونو صورينا ابداعاتك لنشوف وبانتظار النتائج

شامية للعظم;10870277:
لك أهلين كات يالله ماشالله كلو مشغول بالأكل فعلا الطبخ متعة ياجماعة أنا قبل ما اتزوج كنت ادخل على قسم التجميل والبشرة والعروس والمكياج سبحان الله بس اتزوجت أكتر قسم بفوت عليه بالمنتدى هو المطبخ وقسم التجمل يعني بالشهر مرة اذا شدني عنوان شي موضوع

والله فعلا صحيح ذكرتينا مونو صورينا ابداعاتك لنشوف وبانتظار النتائج

يا مليوووووووووون هلا

هو انا ما بحب الطبخ بس زي ما تقولي واجب و بعملو حتى ما بخلي فرصة ممكن انها تريحني من الطبخ:D
بس الغريب اني بحب اتفرج على ناس بتطبخ لهيك فتافيت هي فناتي المفضلة ما بعرف ليش

صباح الخيرات يا بنات كيفكن جميعا عساكم بصحة وخير

متل ما وعدتكن رح حط لكم صور الشجرة اللي ببيتي و هي نفذت وعدي رح تشوفوا صور مختلفة بين السنة و السنة الماضية بس هي شجرة وحدة بس كل سنة منزيد عليها شوي ان شاءالله تعجبكن

دمشقية ماشاءالله هداياك كتير حلوة ومرتبة ان شاءالله بيتهنى فيهم و ايامكم كلها اعياد يارب و بالنسبة للكعك ما عرفته بصراحة و بهالأيام ماعاد حدا عذب حاله بالحلويات اللي بالبيت كلهم عم يعتمدوا على الجاهز مع انه حلوة تحسي بالعيد شوي انه تعملي شي على ايدك و تحتفلي بس اللي صاير انه الواحد ما بيوصل عالعيد الا منتهي من كتر الشغل لهيك بيخففوا على حالهم شوي وانا عندي حلويات عربية واصلتني تازة من سوريا شي بياخد العقل بقى ليش بدي عذب قلبي و اقعد اشتغل ههههههههههههههههههه

شامية كيفك ان شاءالله هدي القرص شوي ههههههههههههههههه فكرتك كتير حلوة بس انا رأي ازرعي شي حوض نعناع بالصالون مادام كل هالشي فيه قرص كتير و يمكن بيكتر هلأ لأن الواحد بيفتح شبابيك و بالنسبة للبالوظة كتير طيبة و طيبة كمان لحالها بدون مهلبية ماما كانت تعملها لنا بدون مهلبية ذكرتيني فيها و طريقتك بالشاورما متل طريقتي بالكبدة أنا بعد ما اقليها بطفيها بدبس رمان الله جربوها يابنات و ادعوا لي

مونو حياتي الله يبيض وجهك و ان شاءالله على طول يارب و هلأ اكيد بتشتغلي وانت مرتاحة مو متل قبل ملهوجة و عم تركضي وما عم تلحقي المهم الله يعطيك العافية يارب و ما تنسي تقولي لنا شو عملت أصناف

كاتس بالظاهر مصرة انك تعملي حفلة الله يعطيك العافية و العقبى لكل سنة يارب و والعقبى لما تشوفي لها اخوة واخوات و تركضي ما تلحقي هههههههههههههههه

PEARL2000;10877593:
صباح الخيرات يا بنات كيفكن جميعا عساكم بصحة وخير

متل ما وعدتكن رح حط لكم صور الشجرة اللي ببيتي و هي نفذت وعدي رح تشوفوا صور مختلفة بين السنة و السنة الماضية بس هي شجرة وحدة بس كل سنة منزيد عليها شوي ان شاءالله تعجبكن

دمشقية ماشاءالله هداياك كتير حلوة ومرتبة ان شاءالله بيتهنى فيهم و ايامكم كلها اعياد يارب و بالنسبة للكعك ما عرفته بصراحة و بهالأيام ماعاد حدا عذب حاله بالحلويات اللي بالبيت كلهم عم يعتمدوا على الجاهز مع انه حلوة تحسي بالعيد شوي انه تعملي شي على ايدك و تحتفلي بس اللي صاير انه الواحد ما بيوصل عالعيد الا منتهي من كتر الشغل لهيك بيخففوا على حالهم شوي وانا عندي حلويات عربية واصلتني تازة من سوريا شي بياخد العقل بقى ليش بدي عذب قلبي و اقعد اشتغل ههههههههههههههههههه

شامية كيفك ان شاءالله هدي القرص شوي ههههههههههههههههه فكرتك كتير حلوة بس انا رأي ازرعي شي حوض نعناع بالصالون مادام كل هالشي فيه قرص كتير و يمكن بيكتر هلأ لأن الواحد بيفتح شبابيك و بالنسبة للبالوظة كتير طيبة و طيبة كمان لحالها بدون مهلبية ماما كانت تعملها لنا بدون مهلبية ذكرتيني فيها و طريقتك بالشاورما متل طريقتي بالكبدة أنا بعد ما اقليها بطفيها بدبس رمان الله جربوها يابنات و ادعوا لي

مونو حياتي الله يبيض وجهك و ان شاءالله على طول يارب و هلأ اكيد بتشتغلي وانت مرتاحة مو متل قبل ملهوجة و عم تركضي وما عم تلحقي المهم الله يعطيك العافية يارب و ما تنسي تقولي لنا شو عملت أصناف

كاتس بالظاهر مصرة انك تعملي حفلة الله يعطيك العافية و العقبى لكل سنة يارب و والعقبى لما تشوفي لها اخوة واخوات و تركضي ما تلحقي هههههههههههههههه

اهلين بيرل الله يهنيكي يارب وكل عام وانتي بخير بس اول كم صورة ما طلعو عندي بس بابانويل كتيييييييير حلو حبيتو:L: وما شاء الله الشجرة لحالها بتحسسك بكل الاعياد

انا مو مصرة بس الكل بقى يتصل و يسأل عن عيد الميلاد خصوصا اهل جوزي و انا انحرجت كتير فبدك تقولي عزمو حالهن بحالهن لانهن مبسوطين فيها:D وزي ما حكيت ما رح عزب حالي غير في زينة البيت وكلو جاهز ان شاء الله

كاتس الله يسلمك ويسعدك يااارب وانتي كمان ان شالله بتفرحي بالحلوة وتصيري حماااية خخخخخ ولنشوف شو بدك تآهري بصهرك ههههه

وتسلميلي يااارب وانتي بالف خير وصحة وسلامة انتي واحبابك يااارب وربي يخليلك امك ويحفظها يارب
كاتس حبيبتي صوريلنا شوي من حفلة الامورة ... يعني خلينا معاكي وعيشينا الجو انا كتيير بحب هيك حفلات ودائما محافظة اني اعمل لولادي وزوجي
حفلاتهم مابعرف مابحب قصر من هالناحية ... الله يخليهم الي ويخليلكم احبااابكم

&&&&&&&&&&&&
شامية باليمن هههه حلو الاسم .... شامو حبيبتي حلوة كتيييير فكرة الزريعة عن جد ساويها وبتعطي ريحة حلوة والاحلى تجيبي ريحااان شامية كتييير حلو وافضل بالنسبة للناموس
والحمد لله انبسطتلك بالبيت الله يجعلو يااارب قدم خير وبركة ورزق عليكم..... بالفعل البيت النضيف والتغيير كتيير حلو ومطلوب واذا جارة كويسة ياعيني
يعني شي تماام الله يديمها نعمة عليكم

وبالنسبة للمطاعم اي بعرف قالتلي اختي لا نض.... ولا اهتمام ولا حتى اكل طيب ...فالله المستعان ... شورايك تفتحيلكم مطعم شامي
وتورجيهم الاكل على اصولو ههههههه ... الله يعينك

وبالنسبة للهدايا اكيد الشغلة مو بالكم والقيمة بس كمان مو معقول اجيب شي مالو طعمة او شي خفيف والحمد لله كنت موفرة مبلغ حلو
وحلوة الهدية تكون تنفع وتستخدم بتلاقي صدى وتاثير اكبر مو ؟؟؟ ههههه عم اتفلسف مو
والشغلة بدها شجاعة ياشامية يعني بشوف هالنسوان كيف عم يفتلو لحالهم بالسوق ومن كل الجنسيات ... بس نحنا خويفات وكمان بالنسبة
الي ماعودت جوزي اني اطلع وفوت لحالي ... منشان هيك بلاقيها صعبة كتييير

وتسلم ايدك على البالوظة على فكرى انا ابدااااا مابحبها واذا اكلت باكل ملعقتين مابعرف يعني بحسها اكل ولاد صغار
بس بحب الرز بحليب والكراوية هدول عشقي ... وطريقة الشاورما حلووووة انا بعملها غاليا زوجي بحب نكهة دربس الرمان
وكمان بالعيد عملناها على كبدة على قولة بيرل كتيييير طيبة مابينشبع منها بنكهة الدبس

مون الحلوة تسلم ايدك يااارب على الاكلات الطيبة شي ناااهي
والله يبارك فيكي ويسعدك ... طمنتوني يعني حلوين الهدايا الله يجبر خاطركم
وبالفعل مون الرجال بحب الهدايا متلنا تمااام وبحب كمان الحركات الانتحارية لما خبرتو ضحك وانبسط لاني اخدت ابن اختو قللي هيك معليش اما لو كنتي لحالك كنت زعلت ... الله لا يزعلو .... عدا الموضوع على خير خخخخخ

وانتي الله يقويكي ياااارب على العزومة وربي يبيض وجهك اكتر واكتر
والله انا عندي كم واجب رفيق زوجي ومرتو اللي عزمونا على منسف بدي ارد العزومة وكمان ان شالله على نص الشهر الجاي جايني بيت خالي كلهم
طبعا هنن جاييت لبنتهم العروس بس اكيد العزايم راح تبدأ بقى الله يقوينا جميييع ونبيض وجوهنا مع ضيوفنا

&&&&&&&&&&&&&&&&&&&&&&&&&7

بيرل ماشالله كتيير حلوة الشجرة بتجنن وتزينك رووووعة كلك ذوووق والله
ينعاد عليكي بالخير والمسرات وتحقيق الاحلام وكل الامنيات يااااارب .... وصحة والف هنا على الحلويات التازة
وقولتك والله ماعاد حدا غلب حالو وخصوصي مافي اكيلة .... والكعك اللي قلتلك عنو كتيير طيب بيجي شكلو متل الاساور
وقولي امهاتنا وجيلهم كللو لازم يغلبوا حالو ويعملوا على ايدهم مو متلنا هههههه
الله يعطيهم الصحة وطولة العمر يااارب
وعيدكم سعيييييييد

ندااااااااااااء الى لولية .... والله اشتقناااالك
يارب تكوني بخير وقلبنا عندك ... وطمنينا عن اخباااارك

مساء الخير كيفكون يا امامسر والله عم اشتقلكون
كل عام وانتم بخير بمناسبة السنة الهجرية الجديدة لكل الصبايا ان شاء الله بتحققو امانيكون

بيرل حبيبة قلبي وبنت بلدي ميلاد مجيد وكل سنة وانتي سالمة
F:


دمشقية عيلاد زواج سعيد وحلوين الهدايا اللي جبتيون لزوجك وبكفو وبوفو ان شاء الله مبروكين ويتهنا فيهم
بتعرفي عيد ميلاد خطيبي 1/1 ومحتارة شو بدي جبلو بهالمناسبة
انا قبل بمرة جبتلو قميص وجبتلو العفو منكم شحاط للسجادة وجبتلو بارفام ومن يومين جبتلو صوف عم اعملو كنزة شغل ايدي
والله محتارة شو بدي جيب بهالمناسبة اذا شي وححدة منكم عندها شي فكرا تخبرني عنها

مون اخبارك ايه حبيبي وشو اخبارك وكيف القعدة بالبيت غير شكل ما هيك يعني بعدك ما مليتي
رورو كيفها عم تعذبك

صبايا بنت اخي عمرها 2 سنة و9 اشهر طالعتلي ضرة دايما بتقلي عن خطيبي انو خطيبها ومو خطيبي وبتعمل حالها عم تحكي معو بالتلفون وبصير بتوصي ع اغراض وبتقلو انا بحبك وتعا لعنا وشو بعرفني بقى شو رأيكون بهالجيل اللي شاقق الارض وطالع

شامية انا عم بتخيلك كل يوم حاملة بخاخ البف بف وعم تقولي يا ناموثة وينك وينك .... وينك وينك يا ناموثة هههههههه
الله يكون بعونك كتير صعب قرص الناموس بالذات بهالايام القرصة بتلتهب وبتحك

لوليتي وينك شو اخبارك ليه ما عم تبيني
تعي احكيلنا شوي ع صهرك واعملي حماية والله اشتقتلك

والان حان وقت النشرة الجوية
الطقس عنا متقلب بعني بالنهار دفا والمسا كتير برد
ومبارح كنا عم نمشي عند القلعة انا خطيبي ع الساعة 11 حسيت حالي اتجمدت
بيرل المدينة كلها مزينة وبتجنن وكأنها بعرس
ينعاد عليكون

سلام بشوفكون بخير
:K:

وييييييييييين رايحة خلاص

سمورة ينعاد عليكي ياااارب وتسلميلي كلك ذوق
وكل عام وخطيبك بالف خير يارب بالنسبة للهدايا
ممكن تجيبي .... محفظة وساعة ... ممكن بوط رياضة وملابس رياضية من اديداس او بوما (( هنن الرجال بحبو هيك اشيا ))
ممكن كمان ماكينة حلاقة براون او باناسونيك .. مرة جبتها هدية لزوجي كتير انبسط والى الان كل مابيحلق بيدعيلي خخخخ
ممكن ميدالية لمفتاح سيارته بحرفك وحرفه او اللي تكون مكونة من قسمين الك واله اما قلب ومفتاح او نص قلب بنص قلب ههههه هيك الموضة
او ممكن الهدية تكون رومانسية يعني دبدوب على قلب احمر على شوية شوكولا وبون بون وهدية معهم صغيرة
والله يوفقكم يارب

هلا دمشقية
شو اخبار واخير لقطت حدا
شكرا ع الافكار عجبتني فكرة الساعة
بشوف شو بجيب وببقى بخبرك

الظاهر انك رحتي
:hysterical:

ههههه لا انا هون معك
الله يختارلك الخير وتجيبيلو احلى هدية
خبريني عنك كيف الجهاز معك مع هالجو الظريف هههه الله يعينكم والله نحنا قبل شوي الشوارع عم تسبح كانت والكل عم يدعي ربو وخايف من شي سيل متل المرة الماضية لا قدر الله ... بقى الله يتلطف فينا بس عموما الجو خيااال كتير حلو