دموع انثي;10883366:
السلام عليكم صبايا
انا اول مره اشارك معاكم بالموضوع هنا
فهل ممكن تقبلوني معاكم اخت وصديقه
ولا اروح اجري جنب الحائط وابكي
هههههههههه
عموما انوش معلوماتك تجنن
ماشاالله عليكم بجد
وانا عندي استفسار انا شعري مكسر او مموج وجاف اخر حاجه +انه مقصف بطريقه تخنق
وكمان مش كنت باستخدم ليه اي كريمات او شامبوهات او زيوت
بس بدات الستخدمه وافضل اعمل في لبخات سوري خلطات لحد مابرميها بالاخر لاني بازهق
وسمعت كتير عن كريمات الفرد لان بنت خالتي بتستخدم جلات لانها بتقول كله زي بعضه شهور وبيبوظ
بس انا مش عارفه اعمل ايه
ممكن تفيدوني
ولا اخري اجيب شعري ع الزيرو واخلص منه
مع العلم ان خامه شعري حلوة وكمان الخصله قويه
منتظره الرد
وجزاكم كلكم خير بجد عن المعلومات دي
اهلا يا سكر منورانا
لا خليكي معانا هو دخول التجمع زي خروجه ولا ايه ههههههههههه
بوصي يا حبيبتي انا كنت بستخدم جلات لمده 6 سنين تقريبا بمعدل مره كل 6-7 شهور
ومن خلال تجربتي ليه اقدر اقولك جلات أو اي كريم فرد كيميائي الوصف الوحيد ليه هو دمار و خراب مستعجل وموت بطيء لمعالم شعرك
لو دلوقتي عندك تموجات في شعرك فا بعد استخدام الكريمات دي مرتين تقريبا التموجات هتتحول لتجعيد وخشانه والشعر هيبووووز وهيقع بكميات غبيه والبصيلات هتضعف من الاخر هيتعدم
فا ابعدي عنه تمااااااامااااااااا وخلي كمان بنت خالتك تبطله وتنقذ ما يمكن انقاذه
انا دلوقت بقول لنفسي كان مالها التموجات فيها ايه يعني الشعر مموج دي مارلين مونورو كانت بتموج شعرها مادام فتله شعرك حلوة وقويه يبقى خلاص احمدي ربنا وسيبك من انك تلعبي في طبيعه الشعر
بالنسبة للتقصف لازما وحتما ولابد من القص ولكن مش تقصيه وتسكتي لان القص عامل اكنك عالجتي الشعر خارجيا لكن سبب المشكلة الرئيسي مازال موجود وبتالي هيعد اسبوع وتلاقي الشعر اتقصف تاني
فا قبل ما تبدأي تقصي شعرك لازم تعالجي السبب اللي بيخلي الشعر يتقصف وعلى فكرة معنى تقصف الشعر انه مش بيوصله تغذيه زي الزرع بالظبط لما بيدبل بسبب قله المايه
فا لو بعد الشر عليكي عندك انيميا عالجيها .. لو نظام اكلك مفيهوش فاكهه وخضروات يبقى لازم تظبطي نفسك وتدي جسمك قدر كافي من الفتيامينات و كمان البروتين مهم جدا لان هو اللي بيكون حاجه اسمها الكيراتين والكيراتين دا هو جزيئات الشعر نفسها والضوافر
وكمان انتي بتقولي انك مش كونتي بتستخدمي لا شامبوهات ولا كريمات ولا زيوت طيب تفتكري لما اقل قدر من الاهتمام انتي اهملتيه يبقى عايزه ايه غير ان شعرك يكون جاف ومقصف؟
احمدي ربنا ان عندك شعر لحد دلوقت هههههههههههه
لازم تشوفي نوعيه شامبو لطيفه وطبيه وفي شامبو اسمه بروتي كير طبي ناويه اجربه بأذن الله لما اخلص بتاعي
هاتي بلسم وبرشحلك هير كير بتاع دكتور شبراويشي رخيص وعبوته كبيرة وحلو جدا بيطري الشعر
هاتي حمام كريم زي جارنييه فراكتوز او كاريتاس او بوناويل
اعملي مساج لفروه راسك بزيوت خفيفه زي دابر املا او زيت عافيه بتاع الاكل اللي بالدره
ضروري يكون عندك كريم تصفيف للشعر وزيت لفروه الراس
وفي كريمات تصفيف كتيرة زي فاتيكا و ايفا بالعسل وهير سكسي من بالمرز
والزيوت في دابر املا حلو جدااا وضيفي عليه شويه زيت خروع واستخدميه كادهان لفروه الراس بسسس مش الشعر لانه تقيل وتحطي حبه صغيره يعني مقدار معلقه اكل كبيرة وتدلكي بيها فروة راسك
كريمات التصفيف متحطيهاش على فروة راسك هي بتستخدم عشان تطري الشعر نفسه
نفس الكلام على البلسم وحمامات الكريم كل دول مش تقربيهم من فروة الراس .. بتستخدميهم على نص الشعر اللي تحت
لما تعملي كده وتقصي شعرك ان شاءالله مش هيتقصف تاني لانه هينمو على اساس وقاعده سليمة
وكل الحجات اللي قولتهالك فوق دي مهمة جدا انا بحاول قدر الامكان انفذها عشان عالاقل ارجع شعري زي ما كان واعالج الخساير الرهيبة اللي كانت سببها كريمات الفرد والحمدلله في تحسن لحد ما وربنا يكملها على خير
اتمنى كون افدتك ولو عندك اي استفسار هيسعدني ارد عليكي فيه (:
