مرموم;10870125:
أليكس منوّره بأصحابها يا أنوش :L:
بس للأسف مش هقدر آجي..و هبعت أختي إن شاء الله ..و بما إنها رايحه...هل في حاجه تاني تنصحيني بيها من عند أصاله ؟
الزيت ده عايزاه لبنتي... عندها ما شاء الله 5 سنين...شعرها طلع كيرلي بس كان طري و كله لمعه و حيويه...
أنا بقى قلت لأ إزاي كيرلي...لازم بنتي شعرها يبقى ناااعم و سايح و مفرود...و لعبت فيه و لخبطت الدنيا...و للأسف دلوقتي بقى ناشف و هايش...يعني بنتي حبيبتي بوظتلها شعرها...
لذلك قلت أجرب مجموعة الزيوت دي و أستمر عليها لأنها طبيعيه...مع شامبو و بلسم أوريفليم بجوز الهند...يمكن المسائل تتعدّل...
دعواتكم :)
معلش يا حبيبتي ربنا يخليهالك وتفرحي بيها يارب
بوصي من الحجات اللي بحبها اوي فمنتجات اصاله هي الاسكرب بتاع البشرة خصوصا لو بشرتك دهنية
مكوناته
عسل نحل جبلي
شمع عسل طبيعي
حبيبات بحرية خشنة غنية باليود والاملاح المعدنية
زيت جنين القمح
جلسرين
منتول
كريم حمام العروسة
مكوناته
نبات السعد المصري
اكسيد زنك
شمع عسل طبيعي
بانثينول
اهميته انه بيرطب الجلد بعد ازاله الشعر وبياخر من ظهور الشعر مره تانيه
وانا بضيف عالكريم زيت زتون وبستخدمه لمده 3 ايام بعد ازاله الشعر ادهن مره صبح ومره بليل وممتاز بيقلل من الشعر وظهروه
في كمان كريم ترطيب لمنطقة حول العين مكون من شمع عسل وزيت جنين قمح ميزته انه لايت ومش بيدهنن وبيقلل من الهالات السودا
نفس المكونات موجوده في كريم ترطيب البشرة
شمع عسل طبيعي
زيت جنين القمح
فيتامين E
عسل نحل جبلي
زيت بقدونس
زيوت طبيعية
وانا بستخدمه حاليا كامرطب ليلي لانه مغذي ومش بيدهنن ابدااااا
(: