emoosmsm;10882138:
يابنات نصيحه سمعتها مش فكره من دكتور ولا من خبير تجميل
خلي شعرك يتنفس ويفرز زيوته هو الطبيعيه
يعني عدي اسبوع كامل اغسلي شعرك عادي فيه وبعدها متحطيش اي حاجه لا زيت ولا غيره اديله فرصه يفرز زيوته الطبيعيه
حاولوا تعملوا الموضوع ده مرتين ف الشهر ع الاقل
ومحدش يسرررررح شعره كتير مش عمّال ع بطّال يعني
وع فكره انا جيت اداوم ع الحنه لقيت كميات من شعري بتقع والحنه نوعها حلو ومن اسوان
معرفش بقى لو داومت عليها لمده اسبوعين هبقى قررررررررررعه ولا ايه:|
انا مشكلتي مع الحنه تساقط شعري وانا بغسله مع انها بتكون طريه اوي وبتنزل بسهوله من شعري بس شعري بيقع جامد وهو بيتغسل مش عارفه ليه بس مش كنت كده الاول لما كنت بعملها علي طول كل اسبوعين كان عادي وبعدين بطلتها خالص حوالي سنه من ساعتها كل ما اعملها الاقي شعري بيقع بكميات صعبه وانا بغسله
AnNoSha;10883890:
اهلا ببنات المنصوره منوره التجمع ياقمر وانوش مقصرتش معاكى فى اى حاجه بجد ربنا يكرمها ويرزقها بابن الحلال يارب هيا وانا وكل بنات المسلمينF::adore:
لو عاوز اماكن اى حاجه قوليلى انا تحت امرك عشان انا جبت بلسم هير كير وحمام كريم بانويل ولسه مجربه كريم تصفيف برت وشامبو دوف حلوين معايا الحمد لله;)
وشامبو بانتين كان كويس بس معرفش عمل ايه فى الاخر ههههه نشفلى شعرى موت:(
واوعى من الفرد دا ربنا يحفظنا هههههه المهم بقى هحاول اعمل زيوت لانى مش بحبهم واشوف هجيبهم منين ولو تعرفى عطار نضيف وكويس ياريت تقوليلى:)[/CENTER]
لو حسيتي شعرك بيبوظ من الزيوت بيهيش او بيقصف او بيتساقط بطليها مش كل الشعر بيحب الزيوت في ناس الزيت بيدمر لها شعرها
ام نغم(ندى);10886476:
ممكن يا بنات حد يقولى نجيب زيت كيشور دهنى او تراشوب ده منين فى مصر اصل البنات بيشكرو فيه اوى وعايزين نجرب بمأن شعرنا بقى حقل تجارب هههههه:D
ههههههههههههه اه والله ده احنا مجانين بنجرب تجارب عجيبه ده انا امبارح حطيت علي شعري عسل اسود :lol: لقيت عسل النحل قرب يخلص قلت اوفره للذبادي علي ما بابا يجيبلي وحطيت عسل اسود
نور الهدى;10889450:
جزاك الله خيرا يا انوشه بجد ربنا يكرمك على الاهتمام
انا برضو عايزة اعرف حاجة بتعمل كيرلى ويكون الشعر شكله ويت حتى بعد ما ينشف مش يبقى شكله مجانين :) على رأى منة
وسؤال عبيط انا من النوع اللى بحب اعمل الحاجة من غير متعب خالص وده مش بيخلينى اهتم بنفسى ومن الحاجات دى حمام الزيت وانا بدلك الزيت فى الفروة شعرى بيتعقد وبيزهقنى حد عنده حل للحكايه دى طريقة يعنى مش تخليه يتعقد
على فكره يا بنات انا بقالى شهر اهو باخد فيتامين وشعرى لسه بيقع جامد هو مفروض يقع لغايه امتى:confused:
يمكن الفيتامين مش حلو او مش مناسب يعني او ممكن انتي اصلا مش محتاجه فيتامين وسبب التساقط حاجه تانيه وممكن لسه شويه علي ما نتيجته تظهر اختاري اوبشن من دول وابعتي الاجابه علي 0900
أنوش;10889604:
طيب ما تجربي البيبي اويل جونسون بتاع الجسم
احلى وأأمن من الجيل
اغسلي شعرك عادي وحطي البيبي اويل وسرحي شعرك وسبيه وهتلاقي شعرك لما بينشف بيعمل كيرلي ممتاز وناعم جدا :thumbs_up:
طيب لو الشعر مش فيه تموجات خالص واتبعت الخطوات السابقه شعري هيكون كيرلي برضو ولا ايه ؟ انا هموت واكرللوه (اعمله كيرلي يعني )
AnNoSha;10889941:
العفو ياحبيبه قلبى ربنا يكرمك يارب:o
انا لما اجى ادلك شعرى بكون لافاه طاقيه قبلها الموضوع دا بيفرق جامد شعرى لا بيتلكفت ولا بيتعقد ولا اى حاجه بفك الطاقيه واسرحه براحه وبيبقى مفرود وناعم وبراحه خالص بدخل صوابعى بين شعرى وابدا ادلك براحه واطلع ايدى واعمل من عند االجبهه كدا يعنى وبعد اما اخلص بسرحه تانى واعمله كحكه
لكن حكايه الكيرلى دى مش جربتها عملتها مره لما طلعت من الحمام بس مكنتش حطه حاجه ومطولتش يعنى نص ساعه وسرحته;)
بالنسبه للفيتامين البنات تفيدك اكتر انا مش جربت
الناس كلها بتلف شعرها طاقيه علشان يكون ناعم وجميل ومفرود وانا بلف شعري (علشان الطاقيه بتنشفه بسرعه ) واجي افك شعري الاقيه منكوش ورايا زي المجانين (هههههههه في حد قال كده وعجبتني الجمله اووووووووي) مش عارفه ليه بتبوظ شعري وتنعكشه ؟ محدش يعرف يتبرع ويوصفلي هي بتتعمل ازاي يمكن انا بعملها غلط
وسؤال كمان علي الطاقيه هي حقيقي بتقصف الشعر ؟
الحب هو الحياة;10890142:
اولا انتى قبل ما تعملى حمام الزيت تسرحى شعرك وتسلكى من الكعبلة
تانيا تحضرى الزيوت وتدفيها على النار
ثالتا تتدهنى الفروة وبعدين الشعر وتلفى شعرك طاقيه
رابعا تحطى البونية وتمشر الاستشوارع لى شعرك او تحطى فوطة دافية وتغيرها كل ما تبرد
خامسا تسيبه لمدة ساعتين مش اكتر
سادسا تشطفى شعرك كويس من الزيوت بماء دافيه وبعدين تستخدمى الشامبو وتحطى البلسم او حمام الكريم وبعدين لما تتطلعى من الحمام متسريحش شعرك تعمليه طاقية ومتحطيش ايشارب تسيبه لحد ما يبقى مندى بسيط تفكيه وتسريحة وتحطى الكريم المرطب وتعملى فيه اللى تحيبه
لما بتسرحى الشعر وهو مبلول بيكون ضغيف اوى من المية فانتى بتجهدى الفروة
واى سوال معاكى ياقمرة
اول مره اسمع ان غلط نسرح شعرنا وهو مبلول انا بسرحه اول ما اخرج من الحمام هو ليه غلط ؟ مش فاهمه يعني ايه بنجهد الفروه يعني بيحصل ايه ؟
AnNoSha;10890950:
هههههههههه يخرب عقلك ياتوتى والله نار ياحبيبى نار :lol:
متفكرنيش ملقيتش زبده عندنا خلصت المره الجايه هجيب واخبيها ليا انا بس يعنى كدا شعرى مش هيبقى ناعم ولا ايه...؟؟ يالهوى ضاع التعب ;)
انا دايما بسرق شويه زبده واخبيهم في الفريزر
بس هو في فرق بين الذبده والسمن؟
يعني لو حطينا بدل الذبده سمنه مش تعمل نفس النتيجه ؟ ما هي ذبده متسيحه ومش عليها اي اضافات