kitty_kity;10914933:
ازيكم يابنات
انا النهارده عملت فيها سبع رجاله ف بعض وقولت بدال ماشتري من الراجل الي جنبنا انزل السوق الي قصادنا واعدي الطريق السريع بقى وامري لله
وروحت فعلا
انا كنت عارفه اننا بنتقرطس بس ماكنتش عارفه ف كام ههههههههههههه
الطماطم شارياها امبارح ب2 جنيه جبتها من السوق ب1 وربع
اليوسفي جايباه ب3 جبته النهارده ب2 جنيه
البطاطس شارياها ب4 جنيه جبتها النهارده ب2
البسلة كانت ب2 جنيه بس انا ماجبتش
العجوى بجيبها ب6 جنيه جبتها ب4
العدس بجيبه ب13 جبته ب10
المكرونة لقيتها ب3 برده فقولت هبقى اجيب من الي جنبي اسهل وكمان جربت بتاعته
شوفتوا بقيت شاطرة ازاي ههههههههه
دايما شاطرة يا كيتى انتى بتعجيبينى عشان عندك ارادة قوية وكويس انك عملتى المقارنة دى جميل جدا التوفير اللى انتى عملتيه
yasmine84;10915649:
ازيكم يا بنات :) انا متابعاكم من بداية الموضوع بس ماشاء الله الصفحات بتجرى هوا ... :)
موضوع رائع بجد و كلنا محتاجينه..حتى لو هتوفرى مبلغ بسيط فانتِ أولى بيه..احسبها صح تعيشها صح :cool:
انا بحاول أطبق نظام و ان شاء الله امشى عليه الشهر الجديد .. ان حاجة البيت كلها تيجى مرة واحدة فى الشهر ..عشان اوفر وقت نزول السوبر ماركت كذا مرة و كمان لو نزلت كذا مرة عينى هتزوغ على حاجات مالهاش لازمة فكده أحسن..اما الحاجات اللى ممكن تيجى اسبوعيا فهى العيش و الزبادى و الخضار و الفاكهة بس..انما الباقى كله ممكن ييجى ف مرة واحدة ف الشهر.. ايه رأيكم؟
كلام مية مية:thumbs_up: صح الواحد المفروض يجيب حاجته بالشهر أو كل أسبوعين عشان يظبط الميزانية بكده مش حنقول لا ده انا روحت وعينى زاغت واضطريت أشترى وكده الا بقى لو وفرتى مبلغ كويس وحبيتى تاخدى بردك جزء منه ;) تجيبى بيه حاجة كده رفاهية يبقى حتى على الأقل عرفتى انتى ممكن تحوشى كام وبكده تعرفى تتندشى نفسك ودلع نفسك يا عطوة :D
انووووش;10916119:
باقى 4 ايام على معركة اول الشهر عندى :hysterical: ياما انت مسكين ياأول الشهر :(انشاء الله انا ناويه اكتر من الفراخ عشان احنا زهقنا من اللحمه شويه بس هجيب كيلو او اتنين على حسب اللى موجود عندى الفريزر وبصو بقى انا لما بشترى الفراخ بعمل ايه بشترى 6 فرخات بيطعلو تقريبا 10 كيلو على حسب سعر الكيلو دلوقتى ب 9 او 9.5 الكيلو بخلى الراجل ينضفهم ويسيبلى 3 فرخات سليمه والباقى يخليلى الصدور والوراك وكمان الاجنحه والكبد والقوانص كل حاجه لو حدها ويبقى كده وفرت انى اجيب منه كل حاجه بسعر غير التانى وجبتها كلها بسعر واحد ايه رايكم فى الفكره :D والخضار بجيبو بالاسبوع وساعات ماما تجبهولى من عندها ولما انزلها بخدو والعيش يقى ده تخصص بابا وماما بيجبولى ب 1.5 فى الاسبوع والمنظفات بجيب بالشهر
والله برافو عليكى الحركة دى ده انتى شاطرة كده فعلا بدل ما الواحد يحسب الفراخ صحيحة ولا البانيه أو الكبد والقوانص لوحدها يبقى نخلص فى شروة واحدة وربنا معاكى
mitcy;10916920:
ميرسي حبيبتي.
بس انا اصلا لسه ما نضفتوش بعمله ناو...
بس انا عاوزه اعرف يا بنات لو عاوزه اعينه في الفريزر لان طبعا الكيلو كتير علينا انا وزوجي.اعمل ايه
اعينه في الفريزر محشي ولا مش محشي؟؟؟؟؟لانه ممكن يعد شهر مثلا عبال ما ناكل الباقي
فعلا زى ما البنات قالوا نضفيه حلو وحطية فى ملح وخل واشطفيه بميه وقسميه أكياس وطلعى على اد الطبخة واحشيه يا جميل وبالهنا والشفاF:
kitty_kity;10917335:
ميتسي ياقمره
العيش البلدي في افران بتبيع عيش زي العيش الي هو البلدي الألي ده
عارفاه؟؟
مش العيش البلدي ده الي هو معمول بالردة او كدا؟
في منه نوعين
فرن عادي وفرن الي
العادي الي هو لو ماتاكلش ف ساعتها بيبقى وحش
والألي ممكن يتحط ف الفريزر صح؟؟
انا بقى اعرف مخابز بيبيعوا الي هو النوع التاني ده كان ليا ابن خالتي غاوي يجيبه هههههههه
بصي غالبا هتلاقي جنب محلات الفول والفلافل
لان المحل الي هو بيجيب منه بعيد عنك
عموما هوصفهولك
عارفه شارع المستشفى؟؟ قرب تقاطعه مع شارع الظهران كدا
في شارع بيودي على مركز الدمام للتسويق
ف التقاطع بقى الي فيه مركز الدمام ده في محل فول وفلافل وجنبه محل عيش من الي بقولك عليه
طبعا وصف زبالة بس هحاول اجيبلك اسامي الشوارع من بابا وهسأله على مخبز قريب منك
:)
ايوة يا كيتى انتى قصدك على العيش اللى بيسموه بر (بضم الباء) ده جميل فعلا ده يتاكل سخن كده غير العيش التانى الأبيض ده ممكن يستحمل يتحط فى الفريزر وتطلعيه على اد الاكل وتسخنى ويبقى زى الطازة
kitty_kity;10917966:
ميكو
الحاجات المجمده ف السعودية غير مصر خالص حتى لو نفس الماركة ونفس المصنع
لانهم بيودوا الحاجات المستوردة دي احسن حاجه:)
صحيح الكلام ده فعلا لو كده يبقى كويس يعنى
كوباية مايه;10922846:
بنحاول اهو متحبطوناش بقى :098:
بنات انا اهو فاضل على الشهر 4 ايام وانا بحاول اخلص كل حاجه فى الفريزر والتلاجه عشان اجيب الشهر دا على بيااااااااض ونفسى مسحبش حاجه من مصروف الشهر الجاى قبل بداية الشهر زى كل مره عشان الموضوع دا بيحبطنى جدااااااا
امه الرحمن : هههههههههههههه انا جوزى لما عرف بالموضوع دا فى الاول كان زى جوزك كدا وبعدين بدأ يطمع انى احوشله 200 جنيه فى الشهر :041:
هم الرجالة دول مش بيعجبهم حاجة نبذر يقولوا مش شاطرين ونحوش هم اللى يبذروا ومش بيعرفوا قيمة التحويش ده ان ممكن ينفع فيه حاجات تانية للمستقبل كماليات للبيت اقساط شقة أو عربية أو ندخل جمعية نجيب حاجة للاولاد مثلا للى عندهم اولاد أو نحطهم فى دفتر توفير عشان تعليم الاولاد أألخخخخخخخخخخخخخخخخخخخخ
كوباية مايه;10923336:
انا بحاول يا بنات اظبط ميزانيه جديده واحسبها بالاكلات يمكن يبقى فيها توفير لان التزماتى هتكبر ان شاء الله لما اولد ومش عارفه اعمل ايه
بفكر اشيل من كل 100 جوزى يديهالى اشيل منها مبلغ يعنى لو مثلا هيدينى 500 جنيه هاخد من كل 100 جنيه 10 جنيه
مش عارفه هظبطها واقولهالكم
الواحد مش عارف يجيبها ازاى تجيبيها كده :039:هى كده مرة بحساب الوجبات ومرة بتحويش جزء من الفلوش ونسيانه يا رب تنفع المحاولات ويكفيكى يا رفيقتى شرف المحاولة:082:
lifedrop;10927510:
في فكرة جت في دماغي وكان مصدر الهامي ناني فيبس حبيبتي:
ان اخر الشهر نيدي وسام لأكتر واحدة ظبطت ميزانيتها
واكتر واحدة خربتها (اكيد مش ناني خالص)
علي فكرة:
انا اقللت مصاريفي شوية انا وجوزي الحمد لله و ناويين نكافئ نفسنا ان شاء الله بأكلة برة
ايه ده بقت نانى فيبس هى مصدر الالهام فى موضوع الوسام :025:ايه ده شعر يا ولاد شوفتى بقى يا نانى عشان تعرفى بس انتى عملتى فى لايف ايه :I:
وماله يا حبيبتى طبعا عاوزين مكافأة :08::08:بس طبعا كل واحد بظروفه يعنى لو التحويش ده ينفع نجيب بيه حاجات لينا فى البيت زى كماليات أو ديكورات أو حاجات نجدد بيها البيت يبقى تمام ونخنصر جزء نتفسح بيه على ادنا كده
kitty_kity;10931205:
تقريبا ب30 يابسبس او حاجه و30
لايف دروب
انا عن نفسي بحاول اوفر عشان احسن نوع الحياة
اللايف ستايل
يعني بنصرف 4 الاف من غير مانخرج ولا نتفسح ولا اي حاجه
معنديش مانع اصرفهم بس اتمتع بيهم
فانا معاكي ف انك تكافئي نفسك
وتخرجي حتى لو صرفتي الي حوشتيه
الا لو كنتي محتاجاه طبعا
بنات انا ماما هتبوزلي الميزانية
لحد امبارح الحمد لله كنت ماشية تمام
لقيتها جايه جايبالي حاجات من فتح الله وجايبالي جبنه ههههههههههههههههه
رومي وبيضا وزبادي كتير
صوتلها طبعا قالتلي بقولك ايه مش عايزة تدفعي تمنهم ماتدفعيش
دفعت تمن الحاجات الي داخله ف الاكل بس لاني ماسكة ميزانيةالاكل والشرب بس
والحمد لله مابازتش اوي يعني بس انا بقى عاقبتها ههههههههههههه قولتلها الحاجت الي مش مهمه هخصمها من مصروفك ههههههههههههههه
كانت عسل وهي بتقولي مش عايزة تدفعيهم متدفعيهمش
اصل كنت زمان لما اشتري حاجات كتير عجيبة من فتح الله واروح احاسبها على الفاتورة تقولي ايه كل ده اقولها ادفعي الي يعجبك والي مش عايزاه انا هدفعه
فحسيت ان انا الي مامتها بقى ههههههههههههههه
معلش يا قمرايا انتى ادها وادود والنظام نظام ده انتى حتظبطى جوزو حلو أوى :ok::03:
كوباية مايه;10931419:
طيب ومتعرفيش سمنة روابى ال 2 كيلو بكام؟؟؟؟؟
يا كوباية انا جبت من فترة سمنة حلوب نباتى بطعم الزبدة الصفراء 2 ك ب 15.5 جنيه
ناني فيبس;10934058:
انا عن نفسي بحب اوفر عشان حاجات كتير
اجيب ديكورات احسن واغلي وافخم لبيتي
لبس وميك اب
وخروج كل يوم وغدا برا كل يوم وكمان فطار لو ينفع هههههه
ايوة يا نانى طبعا الواحد بيحوش عشان يعيش كويس الحمد لله يعنى بالنسبة للديكورات والكماليات انا معاكى عشان التجديد ولكن الميكب آب وكده مش هو البند اللى كل ما حنحوش نجيبه او كل شوية لان فيه حاجات بنجيبها بتقعد عندنا شهور يا جميل ، وخروج كل يوم ووجبات طول اليوم برة لالالالالالالالا انت عاوزة لايفدروب تعمل فيكى ايه تانى ده انتى بقيتى مصر الالهام يا بنتى:042: