اللى عايزة تظبط مصروف البيت تتفضل بسرعة لو سمحت

kitty_kity;10924253:
من بند المصروف الشخصي ياميتسي :)

يعني الكام ريال اللي الواحد يطلع بيهم. يروح يشتري بيهم الحاجات دي؟؟؟؟
انا قبل ما يبقي معايا مصروف البيت.كنت اقول لزوجي ابقي جيبلي معاك من الصيدليه واطلب بقي اللي انا عايزاه.
دلوقتي بقي اجي اطلب يقولي ايدك علي الفلوس....

ناني فيبس;10924993:



الحاجات دي برا مختلفة عن مصر

بس بصراحة انا مجربتش

ههههههههههههههه ايوة جينا للي مكناش عاملين حسابه

ماهو دة اللى بقول عليه من الصبح

دة بالنسبه لي انا عملاله بند اسمه شوبنج 500 في الشهر بس نفسي اخليهم 200 بس

كتير اوي يا ناني 500 ليه؟؟؟؟بتيجيبي ايه كل شهر
اصل مش كل شهر هنشتري كل حاجه...لان مش كل اللي عندنا بيخلص في شهر
ممكن كل شهر حاجتين مثلا

* كلاسيك *;10923510:
امة الرحمن

شطووووووورة جداً

زيي ساعات كتييييييييييير بعمل كده

كل ما يكون نفسي ف حاجة بس مش ضرورية اوى

اقسمها على الشهور يعني كل شهر حاجة

يارب نبقى شاطرين ف بيوتنا بقى :)

ناني فيبس;10918025:
طبعا مش هينفع تظبطي من اول شهر ولا 3 شهور حتى

لكن ركزي فيهم واكتبي كل اللي بتشتريه في اجندة لمدة 3 شهور ومنها هتعرفي انتي استهلاكك قد ايه بالظبط وتبداي تحطي خطه وميزانيه تمشي عليها





هههههههههه كيتي جوبت

هو زي الكب كيك وبيتحط فيه فاكهه واحلى نوع اللى بالبلوبيري
واللاتيه دة مشروب قهوة باللبن

وطبعا دي رفاهية الرفاهية واستهبال بس والله بحاول ابطل التفاهات دي
يارب ماتكونش لايف هنا :060:



ماهو الوسام دة بقى بالذات هو اللى كرهني في التوفير وخلاني مسرفه يعني لايف هي السبب في اللى انا وصلتله دة :066:



انتي ممكن تشيليه كدة عادي بعد ما يتنضف او ممكن تحشيه وتسلقيه وتشيليه

انا عملته كدة وشيلته شهر او اكتر وطلعته قاليته وكان حلو اوي مجارلوش اي حاجة



وانا بعمل العيش في الفرن مش في الطاسه زي ميتسي

دقيق وميه وخميرة و1رة ملح واعجن واسيبه يخمر واقطعه وافرده على ردة واسيبه يخمر وادخله الفرن على حرارة 270 وهو بيترفع ويبقى زي بتاع الفرن بالظبط ولسه عامله النهاردة على فكرة وطلع هايل



انا بقى الشهر لسه مبداش وبدات اسحب من مصروف يناير لان مصروف ديسمبر خلص خلاص

جبت حاجات من السوبر ماركت ب 60 درهم

وجبت حاجات من اجمل

واتغدينا برا النهاردة :033:

في فكرة جت في دماغي وكان مصدر الهامي ناني فيبس حبيبتي:
ان اخر الشهر نيدي وسام لأكتر واحدة ظبطت ميزانيتها
واكتر واحدة خربتها (اكيد مش ناني خالص)
علي فكرة:
انا اقللت مصاريفي شوية انا وجوزي الحمد لله و ناويين نكافئ نفسنا ان شاء الله بأكلة برة

lifedrop;10927510:
في فكرة جت في دماغي وكان مصدر الهامي ناني فيبس حبيبتي:
ان اخر الشهر نيدي وسام لأكتر واحدة ظبطت ميزانيتها
واكتر واحدة خربتها (اكيد مش ناني خالص)
علي فكرة:
انا اقللت مصاريفي شوية انا وجوزي الحمد لله و ناويين نكافئ نفسنا ان شاء الله بأكلة برة

ههههههههههه اهو اللى حوشتوه هتصرفوه فى الخروجه :039::039:

بنات انا دلوقتى عملت تعديل فى الجدول بتاعنا عشان انا اكتشفت اننا مش بناكل سمك اصلا غير ناااااااادر جدا فا زودت عدد اللحمه والفراخ على الاساس دا لانى مش هخليهم قرديحى كمان يبقى الشهر كله قرديحى وبحاول اظبها تانى اهو بس قولولى الزيت بكام والسكر وكدا بس لو حد يعرف زيت كريستال ال 3 لتر بكام يقولى

السكر من 4 او 4.5
الزيت كريستال 1 لتر 13.5 تقريبا 3 لتر مش عارفها هسالك يا بسبس

tobe;10931085:
السكر من 4 او 4.5
الزيت كريستال 1 لتر 13.5 تقريبا 3 لتر مش عارفها هسالك يا بسبس

تسلميلى يا بطه يارب

تقريبا ب30 يابسبس او حاجه و30

لايف دروب
انا عن نفسي بحاول اوفر عشان احسن نوع الحياة
اللايف ستايل
يعني بنصرف 4 الاف من غير مانخرج ولا نتفسح ولا اي حاجه
معنديش مانع اصرفهم بس اتمتع بيهم
فانا معاكي ف انك تكافئي نفسك
وتخرجي حتى لو صرفتي الي حوشتيه
الا لو كنتي محتاجاه طبعا

بنات انا ماما هتبوزلي الميزانية
لحد امبارح الحمد لله كنت ماشية تمام
لقيتها جايه جايبالي حاجات من فتح الله وجايبالي جبنه ههههههههههههههههه
رومي وبيضا وزبادي كتير
صوتلها طبعا قالتلي بقولك ايه مش عايزة تدفعي تمنهم ماتدفعيش
دفعت تمن الحاجات الي داخله ف الاكل بس لاني ماسكة ميزانيةالاكل والشرب بس
والحمد لله مابازتش اوي يعني بس انا بقى عاقبتها ههههههههههههه قولتلها الحاجت الي مش مهمه هخصمها من مصروفك ههههههههههههههه
كانت عسل وهي بتقولي مش عايزة تدفعيهم متدفعيهمش
اصل كنت زمان لما اشتري حاجات كتير عجيبة من فتح الله واروح احاسبها على الفاتورة تقولي ايه كل ده اقولها ادفعي الي يعجبك والي مش عايزاه انا هدفعه
فحسيت ان انا الي مامتها بقى ههههههههههههههه

ههههههههههههههههههههههههه كيتى ماسكه الميزانيه بقبضه من حديد هههههههههههههههههههه


بقلكم ايه انا عملت ليسته باكلات الشهر عشان اعرف استهلاكى

بس عايزين نعمل ليسته بالاكلات عشان نختار منها عشان انا احترت جدااااااااااااا عقبال ما عملتها

انا هنزل كام اكله كدا واللى عنده زياده يعمل اقتباس لمشاركتى ويزود عليها واللى يلاقى تانى يعمل اقتباس لاخر تعديل وهكزا احسن

هنزلها فى مشاركه لوحدها عشان اللى عايز يعملها اقتباس

كريستال عباد 3 لتر ب 25 ونص

1- صينيه بطاطس بالفراخ
2- صينيه بطاطس باللحمه
3- كشك مصرى
4- كوسه مطبوخه
5- فاصوليا مطبوخه
6- قرنبيط
7- مسقعه باللحمه المفرومه
8- مندى فراخ
9- فتة لحمه
10- ورقة لحمه
11- بسله مطبوخه
12- باميه مطبوخه
13-فراخ محشيه مشويه
14- فراخ مشويه
15- ملوخيه
16- فراخ بانيه
17- ميكسيكان تشيكن
18- محشى كنرب
19- محشى ورق عنب
20- محشى مشكل
21- مكرونه بالبشاميل
22- بوفتيك
23- جلاش باللحمه
24- جلاش بالخضار
25- جلاش بخلطة البيتزا
26- رقاق باللحمه
27- رقاق ساده
28- ممبار محشى
29- فراخ فى الفرن
30- مقلوبة فراخ
31-شيش طاووك
32-حمام محشى
33- جمبرى صينيه
34- جمبرى مقلى
35- سمك صيديه فى الفرن
35- سمك فى الفرن
36- سمك مشوى
37- كفتة الحاتى
38- شاورما لحمه + فته شاورما
39- كفتة داوود باشا
40- كبيبه شامى
41- كباب حله
42- لحمه بالبصل
43- كباب عراقى
44- كشرى
45- شوربة عدس اصفر + فتة عدس اصفر
46- كبسة فراخ
47- فراخ كنتاكى
48- خضار سوتيه
49- خضار تورلى
50-عرف روستو


اللى فى دماغها اكله تانيه تقول بس تكون اكله بتتاكل مش تبقى حاجه نعملها واجوازتنا متتقبلهاش

ميرسى يا مورو تسلميلى

طيب ومتعرفيش سمنة روابى ال 2 كيلو بكام؟؟؟؟؟

ياللا يا بنات شدوا حيلكم باقى من الزمن يومين على الشهر الجديد و السنة الجديدة كمان

الاكلات حلوة يا كوباية ماية انا هحاول انقى منها و هفكر و ازود عليها بس انا عاوزة اقول ان احنا ممكن نحتاج فى الشهر اقل من 30 وجبة لان فى اكلة ممكن تقعد يومين مش شرط كل يوم اكلة جديدة يعنى

RAINBOW2000;10931524:
ياللا يا بنات شدوا حيلكم باقى من الزمن يومين على الشهر الجديد و السنة الجديدة كمان

الاكلات حلوة يا كوباية ماية انا هحاول انقى منها و هفكر و ازود عليها بس انا عاوزة اقول ان احنا ممكن نحتاج فى الشهر اقل من 30 وجبة لان فى اكلة ممكن تقعد يومين مش شرط كل يوم اكلة جديدة يعنى

انا مقولتش كل يوم وجبه جديده انا بكتب كل الوجبات عشان الشهر دا عملت اصناف ويبقى الشهر اللى بعديه فى اصناف مختلفه يعنى وبعدين احسن لما تبقى قدامنا كل الاكلات بدل ما اقول هعمل اكل ايه بكره

بنات ياحبايبي
قولوا دوار الشمس مش عباد يابنات لان كل حاجه بتعبد ربنا يابنات

كيتي ايه الشطاره دي
انا بحكي لماما عليكي قعدت تضحك وبتقولي والله شاطره

بسبس حلوه القايمه بتاعتك دي قوي

صح يا بنات كلام كيتي حرام شرعا اننا نقول عباد الشمس

بنبونه بتدحكي الناس عليا ههههههههههههههه
يابنتي اصل انا قولتلها انا هزبطلك الميزانية شهرين تلاته وهكتبلك بعدها استهلاكنا الشهري ولو عايزة ترجعي تمسكي انتي المصروف بعدها ماشي
انما التوهان ده مش نافع
يعني هي جابت جبنة والي عندنا لسه ماخلصتش
وانا اساسا بقولها عهد الجبنة انتهى ههههههه
بقيت اعمل فول وطعمية وحاجات ماكانتش بتدخل بيتنا من ايام الهكسوس ماطلعوا من مصر

كوباية مايه;10931562:
انا مقولتش كل يوم وجبه جديده انا بكتب كل الوجبات عشان الشهر دا عملت اصناف ويبقى الشهر اللى بعديه فى اصناف مختلفه يعنى وبعدين احسن لما تبقى قدامنا كل الاكلات بدل ما اقول هعمل اكل ايه بكره

ايوة طبعا و يا ريت نزود افكار تانى دى بس كانت ملحوظة للبنات عشان و هما بيفكروا هيطبخوا ايه يعنى

أنا حبيتكوا أوى ، ماشاء الله نيتكوا جميلة ، وبإذن الله لينا جميعا ثواب عظيم لمجرد إننا عندنا النية إننا نحافظ على الفلوس وكده


أنا عجبتنى فكرة إن نخصص ميزانية لحاجات التجميل ، بما إنى لسه مش متزوجه فبهتم بالحاجات ديه المهم ، أنا الباقى من مرتبى حوالى 150 جنيه ، تفتكروا لو خصصت 50 جنيه كل شهر لحاجات التجميل والكريمات وكده ... تفتكروا كده كتير ؟؟ ولا أقللها شوية ؟