قلب البتول;10919035:
خذي لج بجامات قطن للبيت وش لج بالستان القطن افضل وادفى لج وروحي طابا بالسعودية بتحتارين بالبجامات القطن عندهم حلوة
عجبتني بجامع ستان شفتها على وحده من اهلنا في نفاسها وماخذه من الكويت محل بمجمع النقره تخيلي الوحده ب12 و14 وحدهم راقيين وشغل عدل بس الحين مستحيل احد يوديني ، وخبروني عن محل في مجمع فينيسيا في السعوديه اسمه قصر الجلابيات اظن وبعد عنده من هالسوالف بس ادري محد بيساعفني بحاول الويكند الياي ...
طيف 22;10919482:
هلا كروووشات شلووونكم طمنوني عنكم انه صج قليلة بالردود بس ترا دايما متاااابعتكم
واخباري اني ليحين ماشريت شي انشاءلله باااروح السعوديه هالكم يوم وبااخذ كل اغراااضي باذن الله لانه هناك ماتحتارين كل شي موجود وبكل الاسعار
وخذت موعد عند فهيمه المطوع حق ال4 دي يوم 4/1 انشاءلله قبل موعدي مع الدكتوره موزه باسبوع تقريبااا عشان تشووف كل شي انشاءلله خير وتطمنااا والله يرزقنا شووفة عيالنا يااااااااااااااااارب ويكونون بصحه وسلامه ياااارب
ان شاء الله تروحين وتردين بالسلامه وتخلصين كل اغراضج من هناك ، ويارب تتطمنين بموعدج انا بعد بروح حق فهيمه نهاية السابع بداية الثامن حق ال4 دي وايد حبيت المكان وعيادتها وجهازها متطور خاطري اشوف البيبي ...
زين البراري;10919595:
هاااااااااااااااااااي بنات اشلونكم وشخباركم ............
انا والله في الاجازه استغليت فرصة ان بيتنا مسافرين وخليت اعيالي مع الخدم وطلعت مع زوجي واول يوم الي هو يوم الجمعة رحت bhs وشريت للبيبي جم قطعة وشريت لي انا من هناك بيجامه ستن راقية للمستشفى مو من ضمن التخفيض بس اعجبتني قيمته 21 دينار واهي راقيه
وبنات بالنسبه للفساتين الي فيهم فتحه مو عمليين وانا انصحكم تاخذون بيجامات الي بنطلون وقميص وافضل القطنيات لانهم عمليين اكثر بس الستان اخذوهم للمستشفى واذا احد بيزوركم ...
وبالنسبه للبنطلون افضل للمرأه في النفاس ان تلبس بنطلون .....
وبقيت اقولكم روحو صوب البيجامات الي في ماركس ان سبنسر او بي اش اس او دبنهمز افضل من المحلات الي يستغلونه وايسون الفساتين بأسعار خياليه وما يسون انا جربت وسويت في ولادتي البجر تفصيل والواحد منهم كان 48 دينار و50 ما يسون وفي ولدي الثاني شريت جاهز من هالمحلات وليحين استخدمهم وعملين وارقى بعد ........
عليج بالعافيه ، يبيلنا طله على هالأماكن وانتي الصاجه التفصيل غالي ومايسوى ، مساعه كنت في الرفاع ومريت كم محل (سيكرت ، بست موم ، كارت بلانش) ارخص شي ب45 وحدها بسيطه يعني لو اروح خياط عادي يمكن يسويها لي احلى وارخص بس انا مالي بارض اروح ادور خلق وشلش وهالسوالف احب الاشياء الجاهزه فشكلي بمر ماركس وبي اتش اس وبشوف، اهم شي خذت لي وحده احسها اوكي حق اول يوم هي تيي قطعتين من كارت بلانش بحاول احط لكم صورتها بعد شوي ....
јǿđ;10920680:
صباح الخير
شخباركم؟!!
شمسويين!
صباح الورد جود، كل سنه وزوجج طيب ، ربي يديم عليكم الاناسه ويخليكم حق بعض ان شاء الله :065:
لوليكي;10922401:
السلام عليكم كيفكم صبايا؟اشتقتلكم.:025:
مابعرف شو صايرلي صايرة عصبية زيادة عن اللزوم هاد غير التعب وصعوبة التنفس خاصة بعد الاكل.
اليوم كان عندي موعد والحمد لله كل شي تمام وزدت كيلو واحد.
اهلين لوليكي ، واحنا مشتاقين لج اكثر حبيبتي :072:
العصبيه صايره فينا كلنا والنوم متعب وايد ، بس انا لاحظت روحي خف اكلي كثير عن قبل ، الحمدلله انج تطمنتي بموعدج وعلى ليوونه وزين انك مازدتي وايد ...
