التجمع الخامس للحوامل اللاتي يلدن في شهر 3 (مارس- اذار) 2010

جود ليش ما تشربين الحبوب مهم ترى حبوب الحديد للحامل والاكل مو كفاية هذا الحبوب يمتص الحديد إلىي في الاكل شربيه ولا بتحصلين لج:011:
إنجينيرا إي أقدر آخذه من الصيدلية بس صار له يومين من كمل فقلت الخميس موعدي باخذه من المستشفى يلى بصبر للسبت
زم هلا والله وينج وش هالغبة عاد مو حلو جذي تعودنا عليش ولا تتغلين ;)

دلوعة جفت اليوم إعلان التخفيض السنتربوينت في الجريدة وستانست 50% :03: واجد زين بروح أخم السوق.
بحرينية هلا والله بيج صباح الورد والياسمين والعنبر

قلب البتول;10944375:
افا عليج عمري تأمرين اجي انظف شقتج بشرط نشتغل مع بعض تدرين ان الواحد لما يشتغل مع غيرة بسرعه ينظف المكان والواحد اسولف ويمشي الوقت علية على قولتهم ايد بأبد بركة جوفيني بروحي اشتغل بالشقة اتلاقيني بسرعه اتملل من الشغل اسوي شيء واقعد لين ما ترجع النية للشغل مرة ثانية

شخبار دبتج واللي داخلها ؟؟؟؟؟؟؟

الحمدلله دبتي تسلم على دبتج .. واللي داخلها زين الحمدلله .. :037:

الحلم الأزرق;10948059:
اليوم كان عندي موعد بس أجلته ليوم السبت لان الدكتورة غيرت مواعيدها من الخميس الصبح إلى العصر وعطوني الموعد الساعة3:30:mad: واجد من وقت حاولت أغيره لوقت متأخر شوي على الأقل 5:00 ما رضوا أجلته ليوم السبت الساعة 8 الليل وقالوا حقي تقدرين تجين قبل بندخلش

خسارة جان بتلاقى وياج .. انا موعدي السبت الساعه 12 الظهر .. :01:

engineera83;10948278:
جانزين انا من الساعة 6 في الدوام

بس كل يوم اطلع من الشغل اروح الجامعة اراجع او اقعد هني اراجع فما يكون عندي وقت اسولف معاكم بس اليوم قلت باخذ بريك من المراجعة

بصراحة حي مضغوطة مع الجامعة خصوصا انه ما بقى شي على امتحاناتنا النهائية

6 في الدوام ... !!! :047: الله يعينج .. وين تشتغلين اللي من هالحزة في الشغل .. ؟!!!
والله يوفقج في دراستج يارب ..

لوليكي;10948282:

جود انا بصراحة محتارة اي مانع اخذه,ياحرام صاحبتي ولدت بشهر 7 وامبارح بعتتلي مسج انها حامل شكلها ماشية عالمانع الطبيعي.

الله يعينها و يقدرها على تربيتهم .. اللي أعرفه ان القيصرية لازم تريح روحها سنتين على الأقل .. و الحين في ناس يقولون سنة ..

јǿđ;10948429:
صباح النور بحرينيه
شخبارج وشخبار حملج!

هلا والله بالجود .. الحمدلله بخير نسأل عنج ..

لوليكي;10948529:

صباح الفل هلا حبيبتي كيفك؟:083:

أهلين لوليكي .. الحمدلله بخير .. والله يعينج على النقل .. ان شاءالله ترتاحين في السكن الجديد ..
بس خذي بكلام زوجج و خلي خادمة تساعدج في التنظيف بس انتي خلج على راسها عشان تنظف مثل ما تبين .. أريح لج عشان ما تعبين ظهرج

بحرينية_حلوة;10948617:

أهلين لوليكي .. الحمدلله بخير .. والله يعينج على النقل .. ان شاءالله ترتاحين في السكن الجديد ..
بس خذي بكلام زوجج و خلي خادمة تساعدج في التنظيف بس انتي خلج على راسها عشان تنظف مثل ما تبين .. أريح لج عشان ما تعبين ظهرج

جود ان رايي إن ما في أحسن من المانع الطبيعي أمان لصحة الوحدة هالحبوب ما وراه إلا المضاعفات ويخلي الوحدة عصبية دوم وينفخها اللولب والابر بعد يخوفوني سمعت إن اللولب يسبب إلتهابات وسمعت عن اللصقات بس ما أعرف إذا كانت اوكي أو لا ان إستخدمت بعد ما ولدت ندوي مانع طبيعي والحمدلله ندى ما حملت عليها إلا لما صار عمرها 4 سنوات وشهر تقريبا

رفيجتي تستعمل اللزاقات
وتقول مدحوا لها ومن بعد نفاسها صارت تستخدم
وتقول وايد زين وماشي معاها

\\

الحلم الازرق ان شاء الله باخذ حبوبي بكرة

بحرينية_حلوة;10948702:

اي والله انا وياج اختي .. أحسن شي المانع الطبيعي بس المشكله يخرع شوي .. ما تدرين شيصير .. من زود ما نسمع ان وحدة حملت على ولدها و اهوه توه صغيره و تقول لج بالغلط ..

بس الحبوب اكيد نشيلها من بالنا .. و اللولب رفيجتي حطته بهدلها .. نزيف كان اييها وقت الدورة .. شالته ما قدرت تستحمل ..

شكلها اللصاقات زينة .. بس يبي لنا نسأل عنها أكثر

خل يصك ال 2000 مشاركة وخلينا نفتح تجمع جديد يكون افضل

يلا شابات روحوا هناك اقصد كروشات