بروكولي;10915544:
مرحبا بنات كيف الحال
قلب البتول والله نور التجمع برجوعج
عيون المها
حلوين التوزيعات وطريقة وطع الشرايط جدا ناعم
جود
الله يسهلها ان شاء الله وبجوفين وقت اللي بشرف البيبي بهل عليج الخير من حيث لا تحتسبين وانتي سوي مثل ماقالت لج قلب البتول اخذي الاشياء الاساسية وانا جفت لستتج وجفت فيها كذا شي مو مهم تاخذينه قبل الولادة وفي اشيا مو مهمة اصلا
واول شي البانيو تراه مو مهم في البداية لان مستحيل اتقدرين تحممين البيبي في البانيو وهو توه مولود هذي البانيو حق عقب شهرين تقريبا والترمو متر لقياس درجة حرارة الماي بعد مو مهم انتي باللمس بتعرفين الدرجة المناسة
فأهم شي تاخذينه حاليا وقبل الولادة هو التبانات الداخلية اللي تي بدون كم واللي بكم قصير والافرول المسكر بس مو بالكمية اللي ذكرتيها لان 15 افرول وايد ولان البيبي بسرعة يطول وعقب البيبي مابعرف يحرك ريوله ويشاغبه وغير ان مكان الحفاظ مابيتسكر هذي كانت غلطتي ببنتي وتفاديت هالغلط في ولدي فانتي اخذي ثلاث من 0-3 وواحدة من 3-6 شهور وبعد من الاشياء المهمة ادوات النظافة واهم شي مايكون جونسون لان جونسون يسبب حساسية لمعظم الاطفال وخصوصا اذا كان عندكم وراثة في الحساسية اخذي السيباميد او موستيلا مكتوب عنهم في المنتدى هني
وبالنسبة لجونسون اكيد وقت الولادة بيعطونج كيس فيه البودرة والشور جل واللوشن والشامبو كلهم بالحجم الصغير هذا في ولاداتي لازم يعطوني بس ما اعرف اذا للحين يعطون او لا
وبعد القبعات ثلاث وفي في ماكس جفت انواع حلوة تجي معاها القفاز وجوراب القدم كلهم في كيس واحد وسعرهم جدا مناسب
اتوقع هذي اهم الاشياء اللي لازم تكون متوافرة قبل الولادة في حالة الحالة المادية الصعبة وانا بعد مثلج صار لي فترة كل مرة اخذ شي والحين اذا صار تخفيض سنتر بوينت قلت باكمل الاغراض
وبالنسبة للمولود ان شاء الله ينولد بصحة وسلامة وراح اتيه هدايا فلوس وانتي اخذي له الاشيا الناقصة بالفلوس مالته
اتمنى انك تستفيدين من خبرتي المتواضعة في هالمجال
هلا بروكلي النور نورج يا حلوة وانتي ما نجوفج الا كل شهر مرة وين منخشة شخبار الحمل معاج يلا قولي هالمرة بنت او ولد انتي عندج الاثنين يعني ما تفرق معاج حتى لو سويتيها مفاجئة لوقت الولادة حلو عاد اذا ما كنتين فضولية مثلي ما اقدر لزما اعرف شنو فيني هههههههههههههههههههههه يلا ان شاء اللة انقوم بالسلامة