خطبني .. حبني .. غربلني .. كرهني ... ويبغي يطلقني !!

حبيبتي هديل الصمت

لا تزعلين ولا تشيلين في بالك حبيبتي تعرفي فيه بنات يلوموا لاختلاف العادات بالمناطق , بس انت مو سويتي شي حرام وانس الموضوع حبيبتي , وانا خبرتك سابقا الشي الي صار يمكن خير من ناحية انك اكتشفتيه على حقيقته في وقت مبكر , يمكن لو ما كان دخل عليك كان ظل يعاملك بلطف ولين لغاية بعد الزواج تكتشفينه وتكونوا حملتي منه, فالحمد لله ان بعدكم على البر , لا تضايقي روحك حبيبتي لا انت اول ولا اخر وحدة تنفصل , موفقه باذن الله والله يرسلك كل خير وامييييييييين

اختي اني قريت موضوعش والردود ...وماعليش من الي يلومونش هذا شي صار وخلاص واهم شي انه بالحلال انتي ماغلطتي في شي ..الشيء الثاني خطيبش عمره 26 سنه كلش مو صغير علشان يسوي جدي ويكلم بنات ويطيش !! هالسن المفروض عقل خلاص واستقر عاطفيا بس هو لازال يسوي حركات الطيش يعني "بو طبيع مايجوز عن طبعه " وبعدين اهو ماخله كلمه الا واهانش ابها يعني مسح بكلامتش البلاط ..اسمح لي هذا انسان سافل ومنحط يوم انه اهان زوجته لان شان الزوج من زوجته !! ولا عنده غيره على مشاعرش ..هذا حطي في بالش بعدين لو تزوجتون وجبتون ولاد .. لا انتين ولا اولادش ليكم اهميه واعتبار !!! هو مايجوف ولا يهتم الا ابروحه مونس روحه وعايش حياته عالاخر ..اختي انتين بعدش صغيره وماعليش من الكلام مابتزوج بعدين ومادري شنووو اي اهم راحتش النفسيه وكرامتش ولا الزواج ؟؟؟
خل نكون واقعيين شوي ياجماعه البنيه قاعدين يلعبون باعصابها كل يوم ويهينونها ... الحين هو مسوي فيها امير ومادري شنو واهو الي يبي يقرر اذا يطلق او لا؟؟؟ وين رايش في الموضوع وين كيانش ؟؟؟ ولا القهر انه قاعد يدرس الموضوع ..يعني على باله انش ميته عليه تحارسينه يكنسل ولا بتموتين لاسمح الله من عقبه !!! تفكيره اسمح لي متخلف ورجعي جدا هذا انسان محد بيقدر يعاشره والي يعاشره يضيع عمره وياه
حاط في باله لين بغاش او سوري لين جيتين على باله يدليش ولين مو على باله يرميش !!!

وفي الاخير اختي تذكري اختي هالايه :قل لن يصيبنا الا ما كتبه الله لنا ""

خله يعرف انش لش كيانش وشخصيتش المستقله ومن عافش عيفيه هذا انسان مايستحق ظفر من اظافرش ...والله يفرج لش همش انشاالله

مشكورين خواتي اليوم ابويي بيتصل لهم وبياخذ منهم الجواب .. لوعو جبدنا وهم ساكتين

الله يكون في عونج

بس انتو للحين عالبر مثل مايقوولون ياينصلح يا ان هالشخص مستحيل ينعاش معاه
لاتذلين نفسج له وشوفي اذا مايجي يركض وراج الا اذا لاقدر الله كان مايحبج فمابيهمه
اذا تبين تعرفين يبيج ويحبج ولالاء لاتكلمينه ولاتروحين له اذا ياج معناها يبيج اذا ماياج فللاسف معناته ان مو مهتم فيج


الله يفرج همج بحق محمد وال محمد

مشكورين

بصراحه
شو بدك بوجع البال؟؟؟؟؟؟؟؟؟
اذا خاطبين وهيك كيف لما تتزوجوه
صلي استخارررررره وانا برائي اتركيه
وبيجيكي احسن منه لساكي صغيرررررررررررره

حبيبتي الله يسوي الا فيه الخير ياااارب
والله يهد الجميييع
وصلى الله على محمد وعلى آل محمد

طبعا العين والسحر حق محد يقدر يقول غير هالكلام بس اعتقد موضوع خطيبج مختلف لانه انتي بنفسج قلتي انج سامعه عنه هالكلام من قبل ارتباطكم حتى ومن بداية خطوبتكم وانتي تكتشفيين حركاته وعلاقاته مع البنات يعني لو كان حسد او عين صايبتكم او صايبه علاقتكم مع بعض جان صار عقب خطوبتكم بس واضح انه المشكله في خطيبج نفسه مو قادر ينسى حبه القديم وبنفس الوقت قاعد يتخبط بعلاقات يحاول ينساها او يتناساها وانتي المتضرر الأول والاخير وانصحج ما ترديين تروحيين لهالمره لانه اللي يعالج بالقرآان يعرف مجرد الانسان مسحور او محسود مو يعرف التفاصيل ويخربط عليج بهالخرابيط ولو تبي تعالجه المفروض ترقيه بالرقيه الشرعيه بدل ما تودينه له قميصه تقره عليه وكانه تتبع اثره..
خطوتج يوم تخبريين اهلج يتدخلون بالموضوع وخصوصا الوالد كانت جيده بس المفروض يحاولون ياخذون منه حل وقرار نهائي بدل ما قاعد يماطل ويلعب باعصابج بهالطريقه لا تخليين نفسج لعبة بين يده يقرر اهو اللي يبيه خلي لج قرار وكلمه عشان يحس بقيمتج ويحس انه وراج ظهر ..
حسسي انج مو تحت رحمة قراراته وانه انتي واهلج بعد لكم راي وقرار مو بس ناطريين اهو شنو راح يحكم وشنو راح يقرر لانه لو شافكم بهالسلبية ورغم انه اهو الغلطان وبعد منتظريين قراره ورايه حتى لو رجع لج ورجعتو اوكي بعرف نقطة ضعفج وراح يرد لحركاته معاج لازم تحسسينه انج قويه مو بالصراخ والهواش لكن بالتفاهم والمنطق ولو ما قدرتي انتي خلي اهلج يتصرفون وحتى لو فكرتي ترجعيين له وتعطينه فرصه ثانيه رجعتج له لازم تكون بشروط انه ما يرجع لحركاته وينسى الماضي ويحاول يبدي حياته معاج من يديد..
وللأسف اغلب البنات اللي يسلمون نفسهم لخطيبهم قبل موعد الزواج او الدخله تكون هذا تصرفات الخطيب يموت الشوق تموت اللهفه لانه حصل اللي يبيه بكل سهوله صحيح انه مو حرام شرعا لكن كل شي بوقته حلو وما صار هالشي غير مقبول عرفا واجتماعيا إلا لاسباب مقنعه واولها جزء من تصرفات خطيبج والمشكله اللي صارت لج..
وكثري من الدعاء والاستغفار واستخيري لو كان استمرار علاقتج معاه خير لج فاكييد رب العالميين بيهدييج لطريج اللي فيه الخير لج بإذن الله..
قلبي معاج حبيبتي يارب الله يسخر لج خطيبج ويهديه

عجبتني رد الاخت
حبيبتي سالفه انش تنشرين الغسيل ما انصحش صح انه غلطان بس الله تعالى كبير كوني انتي احسن منه عشان تكبرين في عيونهم وتكوني انت ارقلى بتعاملج ولا تنزلين لمستواه او مستوى الهمج انت مؤمنه وخلي كلام الناس ما يمهج بصراحه مالي حق اتدخل ولا اقول او انصح لاني ما مريت في تجربتج ولا اني متزوجه بس خبرتي في الحياه حبيبتي انج تقرين الواحد او اعائج بمعاملتج الحسنه وطيب اخلااقج ورقييج حبيبتي وصدقيني الكل راح يتمدح فيج وطريقه تعاملج والزواج حظ ونصيب وهذا نصيبج حاولتي تصلحين امورج وشفت كل الردود والقصص وفهمت ان هلانسان ما يستاهلج واتمنى تكونين احسن عنه لانه بيحس ع دمه وهو بيعترف بذنبه ويبوس ايديش ترجعي له بس ما راح ينفع الندم لانج فاهمه وعاقله بتكبرين في عيونه وتحسسيه انه صغير
الله كبير كثري من الاستغفار والقران والله يوفقش يارب
وادعي بالهدايه يااارب
مشكوووره واسفه ع اطاله

الصراحة وايد تعاطفت وياش وما أملك الا الدعاء ليش الله يرزقش بزوج صالح يعوضش عن كل اللي قاسيتيه معاه:'(

طمنينا عليكى وخبرينا بالتطورات

هديل الصمت;10737888:

مرررررررحبا والف هلا في خواتي

اشكر ربي مليون مرة ان في احد مهتم لموضوعي لهدرجة
وتسألون
مافي تطورات خواتي ولا شي
بس اليوم اختته اتصلت لي واتقول وحشتينا
واحنا متفشلين منج مو عارفين شنو انقولج
اتقول كلمناه وتعبنا .. الموضوع حاليا انتشر شوي
عرف فيه اخوانه كلهم وامه
وكلهم مو راضيين .. اتقول منحرجين منج
وقلنا له توكم 5 اشهر والحب بجي مع الايام
وهو مو راضي يغير رايه
وبعدين اتقولي .. وش بتقولين اذا انفصلتين .. قلت لها بنشر غسيله .. قلت لها اي احد يسألني ليش انفصلتين .. بقول الي جفته كامل .. الا اتقول لا عاد هو كان زوجج بس قولي ما تفاهمنا .. قلت لها كاااااااااااااااان زوجي واذا طلقني مافي شي يربطني فيه .. والي بيسألني بقوله عن اعماله وسوالفه كامل .. وعقب سألتني اذا يبغي يرجعج بترجعين؟
قلت لها لو فكرت ونزلت من قدري وكرامتي وقررت اني ارجع .. ما برجع مني والدرب .. برجع بشرووطي والي ابغيه هو الي يصير .. وكانت علي محاضرة في الجامعة.. قلت لها مسامحة عندي محاضرة .. وصكيته وما ردت اتصلت

بس هذا الي صار ؟؟ مدري وش اتشوورن علي خواتي؟

شصار الحين؟

للحين سكوت .. محد اتصل ولا قال شي
ابوي قال بيتصل امي قالت له .. خلهم هم يتصلون ليش احنا نتصل
وبس!!

هديل الصمت;10754603:
للحين سكوت .. محد اتصل ولا قال شي
ابوي قال بيتصل امي قالت له .. خلهم هم يتصلون ليش احنا نتصل
وبس!!

انتين شنو مقرره حاليا؟
استخيري وقعدي فكري وفكري

Hi
sorry to write with english but my keyborad only write with english ,i've read all the answers that they give you to your praplom some of them said the corrcet way and some give you the wrong way , any way let me back home and i'll give you the right idea to your's ,hopefull that you don't take the wrong way and hope that you will get the right way

best regards,

Amoora Shajen

waiting for you

مرحبا حبوبة ..
انا وعدتج اني الاقي لج الحل وكاني اوفي بوعدي ، اول شيراح اقولج المشكله من كل نواحيها علشان توصلين للحل بكل قناعه ،انا طبعا قريت كل المشكله مع الردود كلها ومنهم من قال لج انج غلط ومنهم من قال انج صح ،اولا احب اقولج انج انتي غلطانه في هذه النقاط بحكم انج صغيرة وما تعرفين للحياة الزوجية وطبعا مع عدم توافر الخبرة
((بس لا تزعلين مني انا ابي مصلحتج))
1.انج لما سمعتي من صاحبتج انه هو شاب مو زين وعنده حركات ورحتي قلتي له انه عندك علاقات وعندك خرابيط هذا هز له الباقي من شخصيته وخصوصا من عقب حبه اللي اندثر وما بقى عليه من الزمن غير سراب وكان في امكانج انج تعالجينه دام انج وافقتي عليه .
2. النقطه الثانية انج تسرعتي في الرد عليه من خلال ايام بسيطه ما تقدرين تحكمين فيها عليه من غير ما تحاولين تتعرفين عليه اكثر على الاقل لمده شهر ويكون بعلم الاهل
3. يوم وافقتي عليه وبدأت الحياة بينكم بشكل رسمي وجد انه عطيته مجال يمارس ضعفه عليج بشكل قوة وانتي سمحتي له ،ما حاولتي تاخذين ضعفه سبيل قوة لج انج تعززين مكانتج عنده وتحاولين تكسبين مشاعره ولو كانت بالشي البسيط ، بتقولين اشلون وانا كنت اسوي اللي يبيه واداري عليه انتي اهني غلط لازم مرة اتشدين الحبل ومرة اترخين الحبل بحيث انه لما اهو ايشوفج جذي يحسب لج الف حساب ،غير انج تسببتي على روحج وعليه بمصيبه اكبر من اللي كان فيها لانج ومن غير ما تدرين طبعا والسبب راجع لعدم الخبرة في الحياة الزوجيه حطيتي ليمون وملح على جرح كان للحين ما برى وفتحتيه مرة ثانية وخليته يتذكرها من جديد على الرغم اهو من داخله يمكن كان ناوي يفتح صفحه جديده والدليل انه جى وتقدم لج ،والنقطه الثالثة اللي بعض الخوات قامو قالو لج انه عطيته حقه الشرعي وانه هذا هو السبب هذا ابدا مو سبب لان حتى ولو فرضا الزوج حصل هاي الشي قد يكون سبب لبناء علاقة جديده معاج وخلي ايكون في علمج انه الرجل مثله مثل المرأة ما تعطي جسمها الا للشخص اللي تثق فيه ، وهو غلطان من الناحية الثانية انه كان يلعب ويقط عليج اهانات ويقعد ايقولج لج انه احلى منج او ابيض منج وما شابه تدرين كان ايقولج هاي الكلام كان محتاج لحنانج وفي نفس الوقت كان محتاج للبؤة اللي تربي الاسد على الرغم من انه الاسد ملك الغابة الا انه اللبؤة ملكه الغابة وسيدتها ،فلما كان يقط عليج هاي الكلام كان يطلع النقص اللي تسببت له فيه حبيبته سابقا ،والشي الاكبر اللي سويته انج قمتي اتشكين فيه في البداية بطريقة غير مباشرة وعقبها بطريقه مباشرة لدرجه انج واجهتيه ،نصيحه لج حبوبة ولكم خواتي انه الرجل مهما كان لعوب ومهما كانت درجه خيانته الا انه ما يحب يتواجه وخصوصا من الطرف الاخر اللي هي المرأة لان بجذي اتكون كسرت كل الحواجز واهانت كبريائه ،انا ما ادافع عنه ولا ادافع عنج لان في النهاية انتوا الاثنين غلط 100% وكبرت المشكله لما وصلت الى انه اهو بياخذ القرار وبيرد عليج وعقب لما كلمتج اخته وقلتين اليها انه لو صار انفصال انج راح تفضحينه وانج راح اتخبرين الكل عنه وكنتين من خلال كلامج شبه جازمة بان قراره هو الطلاق ويمكن كان اتصال اخته لج جس نبض للرجوع ،فالحل حبوبة الحين انج عقب كل هاي اللي صار وعقب ردات الفعل اللي بدرت منج ومنه على كل اللي صار وعقب معرفه اهلج واهله باللي صار انج اول شي اتبدين اتسوين الخطوات التالية وراح اتلاقين النتيجه بشكل سريع سواء كان رزقج ونصيبج او كان مو نصيبج بس اكيد راح ايصير لكم انتوا الاثنين الصلاح لكم وتاكدي يا حبيبتي هذا الكلام من واقع تجارب شفتها بعيني وتجارب عشتها ....

الحل الامثل :

اول شي لازم تتقربين من الله سبحانه وتعالى ،وثاني شي لازم تبداين تغيرين من نمط حياتج سواء العلمي او العملي او حتى الحياتي ، فمثلا حاولي دايما اتكونين مثقفه وواعيه ،حاولي تتجملين وتعتنين بنفسج وتظهرين له جمالج الانثوي حتى لو كان من بعيد لبعيد لان الدنيا صغيرة وصدقيني اهو قاعد يتقطس احوالج من بعيد لبعيد ومن غير ما تحسين لان الرجال بطبعه فضولي ويحب يستكشف قبل الكل ويسمع قبل الكل حتى لو بين لج انه عديم المبالاه وعديم الاهتمام ،وحاولي دايما اتكون لج شخصيه قوية علشان في وقت اللزوم تقدرين تستخدمينها بس يكون بالعقل وفي نفس الوقت خلج الحنونه اللي تعطي من حنانها من غير انتظار لمقابل لان حتى لو تاخر المقابل مرده راح ايجيش ،وحاولي انش ما تتصلين عليه ولا تخلين احد يتصل اليه خليه يفكر ويفكر ويفكر وانتي نفس الشي وفي خلال الفترة اللي راح اتفكرين ويفكر فيها راح تبدأين تغيرين في نفسج وحاولي اتشدين على روحج وتعوضين في الفاينل علشان ما تخسرين الجامعه ،وبعد ابي منج اتحطين نقاط السلبية ونقاط الايجابية في خلال الخمسة اشهر اللي مريتي فيها وياه ...حطيها قدامش في ورقه وقلم ...حطي ايجابياتش وسلبياتش ونفس الشي حقه لان ما في احد ما عنده ايجابيات وكله سلبيات ،ومشكله الناس اللي اتقولج طلاق وما طلاق ترى للعلم الطلاق والزواج قدر ومكتوب عند رب العالمين ومحد يدري عنه غيره سبحانه وتعالى فتاكدي لو كان الطلاقج هو الحل لج وله راح رب العالمين يعجل به ولو كان انتي تبقين زوجته راح ترجعين له ان طال الزمن او قصر ...وغير هاي وهاي دائما تذكري قول الامام علي سلام الله عليه (تفائلوا بالخير تجدوه) والخير مو شرط ايكون طلاق ولا شرط ايكون زواج لان الخيرة دائما فيما اختاره الله عزوجل والشي اللي ابيج تفهمينه وتحطينه حلقه في اذنج انج لما الله يكتب لج وترجعين له اتحاولين اتغيرين نمط حياتج وياه بحيث انج تعززين مكانتج عنده وفي نفس الوقت تكسبين ثقته وتعطينه احساس بالثقة لان الرجل طالما حس بالثقة وخصوصا من الزوجه لو كان اسوأ الناس فان راح يتغير ولو كان بالبطيء..ولو الله كاتب لج انج تنفصلين عنه اكيد رب العالمين خاش لج شي افضل منه ولازم تتعلمين من تجربتج كل الاخطاء اللي صارت منج ومنه علشان تقدرين تكملين حياتج الجديده ...تقبلي تحياتي حبوبة والسموحه اني كنت وايد صريحه وياج ...ونصيحه اخيرة دايما كوني اللبؤة اللي تربي الاسد وفي نفس الوقت الغزاله اللي يركض وراها الصياد والفرس اللي تحنو على حصانها ......وخبريني عن تطوراتج كلها والله الموفق يا عمري وربي يهديكم ويصلحكم ويعدل الحال بينكم واذا كان رزقج يرجع لج وان كان مو رزقج يعوضج رب العزة باللي افضل منه واحسن منه .وبعد حبيت اضيف لج انه لو صار ورجعتين له لازم الصفحه القديمه تشقينها وتقطينها في البحر وتبداين صفحه جديده ايكون فيها قواعد وشروط لكم انتوا الاثنين علشان تقدرون اتعيشون

باختصار هذي خطيبج امبين عليه عيييار و ايعرف اشلون يفلت من كل صيده اتصيدينه فيها !