خطبني .. حبني .. غربلني .. كرهني ... ويبغي يطلقني !!

الله بفرج همج الغالية


وبجد ريال ما ينشد فيه الظهر


أبد لا تحسفين عليه ... همجي الى أبعد الحدود

امركم غريب يالبنات
كلكم تقولون لعيب ومثله ينعاف !! لانه كلم بنات قبل !!
ترى اغلب الشباب يكلمون بنات ومو معناه يصير بينهم شي بس تدرون الحين بعالم النت والمنتديات
واصلا حتى البنات كل وحدة في مسنها عشرة واذا بتنخطب ماتبي واحد كلم غيرها قبل

المفروض تحلين هالشي بينش وبينه مو سيدة تقولين لاخته تعالي شوفي اخوش وتجي تهاوشه قدامش
انتين بهالتصرف حطمتين شخصيته وسويتينه مثل الاطفال وهالشي جرحه والجرح صعب يطيب
احس تصرفاتش غلط وكل زعل وماضل احد اللي قلتين له خواته واخوانه وامش وابوش !!
هو ماقصر معاش ويراضيش ويحاول يبين لش انه صار احسن
المفروض تحاولين وياه وبهدوء واذا ماشفتينه تعدل بعدين تكلمين طرف واحد قريب منكم يحل المشكلة بينكم مو فضيحة قدام الكل
انتين هزيتين شخصيته وجرحتينه قدام الكل وخليتين كل من يجي ويتدخل واحد يقط عليه كلام مني وواحد كلام مناك
وبالنسبة للمسج اللي شفتينه من وحدة قالش هذي قبل بس انتين فعلا مثل ماقال شكاكة


كلمة اخيرة هو طفش منش ومن شكش ولانش دخلتين الكل باللي يصير
وحتى لو تركهم وبدل ارقامه وبدل اميلاته عمره مابينسى اللي صار لانش قلتين السالفة للكل وتدخل ليما صارت شخصيته مهزوزة وماله حساب عندهم
وآسفة على الصراحة بس مو جدي المشكلة تنحل


ونسيت عن البنت اللي كلمتينها كلش غلط هالشي حتى لو اقرب صديقة عندش
ترى احس منها ومن كلامها ابتدت المشكلة وحتى لو صديقة عمرش موتقولين اليها كل شي
وبعضهم وياش سنين لكن بقلوبهم غيير وحقد ويحبون يخربون على غيرهم

اختي .. اني كل الي جفته منه قبل حاولت احل مشاكلي بيني وبينه .. على حركاته وكلامه وغروره .. اني جبت لكم المشاكل الريئسية
ما قلت لكم عن اسلوب التطنيش ..اتصل ما يرد وهالطريقة الي اتطفش !! ما قلت لكم عن كلامه .. انا ابيض انتي سمرة مع اني مو سمرة ابدا
انا جامعي انتي للحين ثانوية ,, انا الناس يقولون عني حلو انتي يقولون عنج عادية

بس الصدق ينقال النار ما تحرق الا رجل واطييها ... صبرت واجد وكل الي صار ما قلت لاحد عنه .. بس لهني وطفشت !! مدري اذا انتي عندج صبر غير عني تحملي كل الي صادني في 5 اشهر .. وعقب تعالي كلميني مثل الكلام الي اتقولينه

حاولت بشكل كبير احل مشاكلي معاه بروحي .. هو يرد يرجع لها .. شلون تبغين احلها وياه .. واذا سكتت عنه بيتمادى ابدا مو من النوع الي يتفشل من تصرفاته !!

كل الي صار قبل كتمته في قلبي .. انزين لي متى اكتم واسكت واخليه يتمادى ,, لين اجوف البنت في غرفة نومي مثلا!!

استغفر الله

عالعموم مشكورة ع الرد

هديل الصمت;10715490:
مدري اذا انتي عندج صبر غير عني تحملي كل الي صادني في 5 اشهر .. وعقب تعالي كلميني مثل الكلام الي اتقولينه

الحمدلله صبرنا ومابقول اكثر

الله يوفقش

اولا حبيبتي كالعاده اهم شي لازم تهتمين فيه اللجوء لله والاستخاره والاستغفار والدعاء لله

ثانيا" -- ((شوفي يالغلا انا ما برضى لك فالموضوع الا اللي برضاه لنفسي))

وتبين الجد والله لو انخطب لشخص بهالمواصفات ما استمر معه دقيقه لأني راح اعييش معه عمر وراح يكون ابو لعيالي وراح أأمنه على نفسي وبيتي

ابيه يكون رجل بمعنى كلمة رجل 00 ابيه يكون بعيد تماما عن طرق الحرام والبنات وهالخرابيط 00

ومن واقع قصتك هالشخص يكلم ماسن ويكلم جوال وله علاقات وسبق وحذرتك منه وحده من البنات 00

ف وش حاجتك بشخص فيه هالمواصفات المقززه اللي ماتستحملها اي بنت 00 وش حادك عليه دامك باقي على بر الامان ؟؟؟

دامك ماتزوجتيه احمدي ربك

الولد من الاساس صفاته متدنيه انتي مو مجبوره تكملين معاه وتتحملين متاااااعب صعب تستحملينها 00

وترى لجوءك للحرمه اللي وصفت حالتكم وهالسوالف وقالت فيكم شي حراااااااااااااااااااااااااااااااااااااااام وهالدرب تمشين فيه خطا

لأن من ذهب لكاهن ولم يصدقه لم تقبل صلاته 40 يوم 00

* اللي يروح لكاهن له 3 حالات راح اذكر لك منها حالتين تناسب موقفك 00

قول الشيخ ابن عثيمين رحمه الله

" والذي يأتي إلى الكاهن ينقسم إلى ثلاثة أقسام :
القسم الأول : أن يأتي إلى الكاهن فيسأله من غير أن يصدقه ، فهذا محرم ، وعقوبة فاعله أن لا تقبل له صلاة أربعين يوماً ،

كما ثبت في صحيح مسلم (2230) أن النبي صلى الله عليه وسلم قال : ( مَنْ أَتَى عَرَّافًا فَسَأَلَهُ عَنْ شَيْءٍ لَمْ تُقْبَلْ لَهُ صَلاةٌ أَرْبَعِينَ لَيْلَةً ) .

القسم الثاني : أن يأتي إلى الكاهن فيسأله ويصدقه بما أخبر به ، فهذا كفر بالله عز وجل ، لأنه صدقه في دعوى علمه الغيب ،

وتصديق البشري دعوى علم الغيب تكذيب لقول الله تعالى : ( قًُلْ لا يَعْلَمُ مَنْ فِي السَّمَاوَاتِ وَالأَرْضِ الْغَيْبَ إِلا اللَّهُ ) النمل/65 .

ولهذا جاء في الحديث الصحيح : ( من أتى كاهناً فصدقه بما يقول فقد كفر بما أنزل على محمد صلى الله عليه وسلم ) .


فأستغفري الله من هذا الدرب مشيتي فيه وعشان منو عشان واحد مواصفاته متنديه لهالدرجه؟؟؟

وهو من الاساس كذا مو سالفة عين او سحر

وهذا الوااااااضح من سردك للقصه

اتركي الشخص هذا عن قنااااااعه دامك باقي مملكه قبل تتزوجينه وتندمين ندم عمرك 00

واذا مصره تستمرين وياه بوجه لك هالاسئله وجهيها لنفسك وبعدها اتخذي قرارك

* راح تستحملين اللف والدوران منه مع البنات ؟؟؟؟

اذا راح تستحملين ومافيك غيرة نساء وافقي عليه

* اذا راح تضمنين هالشخص اللي كان بيطلقك وقت الملكه وبقناعته تضمنينه بعد الزواج وهو انسان طايش ماتكفيه وحده ؟؟؟

اذا ضمنتيه وافقي عليه

---

فكري زين واستخيري الله لعلك تجدين الشخص التقي اللي يصونك وتملكين حياته ومايكون فحياته غيرك 000


هذا رأيي بكل صراحه اعذريني عليه

لا تتركين عاطفتك تدهورك مع هالشخص 00
ولاتصدقين البنات اللي كاتبين لك ان كل الرجال يكلمون لا مو صحيح فيه من هداه الله اذا اختار بنت الناس

وفيه اللي مايعرف طريق الحرام اساسا" 000 والدنيا ماوقفت على هالشخص (( المراهق )) اللي تكلمتي عنه 00

واولا" واخيرا" الجأي لله سبحانه فهو اعلم بالخير لك اذا كان هذا الشخص خير لك من غيره كتب نصيبك معه

وان راى ان هناك من هو خير لك منه صرف عنك هذا الشخص واختار لك الخير

الله يوفقك يالغلا وفكري زين 000 واسأ ل الله العظيم رب العرش العظيم لك التوفيق


تقبلي مروري ومشاركتي لك بكل صراحه --

دمتي بود وبحفظ الرحمن

الله يوفقك اختي لما فيه خير

والله حبيبتي ما اعرف شاقولج بس ربي يسهل لج امورج وان شاء الله الي فيه الخير راح يصير والله كريم .

ربنا معاكى و يفك كربك

حبيبتي الغاليه
انا قريت موضوعك كامل وقريت كل الردود بس الي لفت نظري اكثر في مشكلتك هالجزء
من كلامك يعني حتى لو ما يكلم بنات او انه ما يطنش ويقولك انا احلى وانا جامعي وانا ابيض
ويحاول ينقص من شأنك ويهينك بأسلوب رخيص اعتقد المفروض رميتي الدبله بوجهه
من اول ما حسيتي انه يعايرك او انك مو ماليه عينه.
هالنوعيه يموت بالمدح ومدمن مغازل وبنات ويحس انه جميل بالشكل لكن هو من داخل مسوس واسود وماكر جداااا .
صدقيني خطيبك لاهو مسحور ولا محسود السالفه ومافيها خطبك ودخل عليك واخذ غرضه
وانتهى موضوعه معك يعني يحاول يطفشك ويتقصد انك تشوفين صور البنات سواء في جهازه
او الميموري يعني بذمتك هو ما يقدر يمسحهم لو كان فعلا يحبك؟؟؟؟؟؟؟؟؟؟
اولو كان يخاف على شعورك ؟؟؟؟؟؟؟
صدقيني هو عمره ماحبك هذا يسمونه زير نساء يحب يتمتع بكل انواع البنات ومايفرق بين حلال وحرام يعني ما تفرق عنده يلعب مع بنات بالحرام او زيك بالحلال.
انصحك لو كنتي تحبي نفسك وتحترمي كرامتك افسخي الخطوبه فوراااااااا
وبالطقاق الي فات ما يهم حتى لو اخطيتي معه بشئ الله يغفر الذنوب
المهم تصلحي غلطتك وتنسي هالأنسان نهائي ..
ولو انا مكانك كنت قبل ما اتركه اسويله درس عمره ما ينساه واعلمه هو مين بالضبط
علشان يوقف عند حده وما يلعب على بنت جديده غيري.
تحياتي

( ام عبدالعزيز );10713419:
الله يساعدج اختي
لاتوقعين بس زوجج اللي عنده هالسوالف الحين تقريبا كل الشباب عندهم نفس اللي يسويه زوجج انتي حاولي قد ماتقدرين تصبرين عليه وتغيرينه للأحسن ويهد عنه هالبنات والشات والمسنجر وغيره لانه من سببهم الواحد يخترب
واقري على نفسج المعوذات من عيون الحساد الناس مو مخليه الواحد في حاله الله يوفقج معاه وتتيسر امورج على خير والله يهدي زوجج

حاولت معاه بس مافي شي يتغير .. ع طول اقرى المعوذات
مشكورة خيتو ع المرور
الله يحفظج

ما قصرتو معاي بنات بالردود الي تبرد القلب وتريح

انه من قبل عندي قناعة ان رب العالمين ما يضيع احد
والي فيه صلاح من رب العالمين قابلة فيه
مشكوورين والله .. الله يفرج هم كل مهمومة ويباعد عنكم ولاد الحرام
واكيد هو راح يرد خبر علينا بكرة ولا بعد بكرة

دلوعة حناني شنو الدرس الي اعلمه ؟؟ خبريني بأفكارك ؟

الله يقدملك الخير نصحتى ابعدى عنه اتقلى علية التفتى لمستقبلك لما يراكى قويه وجميله راح يتمسك بيكى الرجال كدا اهتمى بنفسك وبدراستك ومستقبلك وهو مش اخر الرجال طلما عندك شخصية ما يهمك حد لاتندمى على شىء سويتيه معاه دا زوجك وهو عرف كيف نقطه ضعفك استغفرى وعليكى بقيام الليل والدعاء لينصلح الحال

الله يكتب لك اللي فية الخير

الله يكون معك
بس هذا رجل مو صالح
وعمايله تخليه ينعاف
يمكن راح تتالمي بعد الانفصال
بس بعد شوية راح تحسي براحة مو طبيعية وان شاء الله الله يعوضك
وادعي بهذا الدعاء: اللهم أجرني في مصيبتي وأخلف لي أحسن منها
كل شي كان قدامك اللي يدل على انه مو صالح ولا مستقيم وخاااااااااااين
مافيه اي شي يجذب بصراحة والجمال جمال العقل والأخلاق
خلي يشوف جماله وين راح يوصله
لما اقرى هيك مشاكل على هالرجال اعيفهم ولو كانوا بجمال اللؤلؤ
احص عليهم << مو كلهم اقصد اللي مثله
الله يوفقك ويكتبلك اللي فيه الخير يارب
الله يبعد علينا اولاد الحرام يارب

الله كريم

انا رأيي اتركي والله يعوض احسن منو
هذا ما ينفع تبني معاه عيلة وتعيشي العمر كلو وياه
ح تتعبين في البداية لكن اخر شي برتاتحين والله
صلي الاستخارة