خطبني .. حبني .. غربلني .. كرهني ... ويبغي يطلقني !!

ان شاء الله تنحل كل مشاكلج ياااارب والله يسهل ويسر لج الله يرده اذا كان فيه الخير ويبعده اذا كان راح ياذيج ان شاءالله

الله كريم

حبيبتي عندي لش نصيحة تساوي ذهب

اغتسلي وتوضي وفرشي سجادتش وصلي ركعتين قربة لله وادعي ربش بدعاء خاااااااااالص وقلب خاااااااشع وعين داااااامعة

اذا لش خير ويا هالانسان الله يسر لش امرش معاه ووفق بينكم اما اذا مالش خير ولا صلاح معاه ادعي ربش الله يفكش منه ويسر امرش ويا اللي احسن منه

ووكلي امرش لله والله يفرج همش ياااااااااااااارب بحق محمد وآل محمد

الله يوفقش اختي ويسر امورش

ويكتب لش الي فية صلاح لكم اثنينكم

الغالية أنا اءيد فسخ العقد دام انه بعدكم على البر وخااااااصة انه اصلاً انسان لعاب وعمرة ما راح يعتدل وهذا كلام اخوه فإذا انتي تقدرين تواجهين الخيانات في المستقبل توكلي وكملي معاه إذا انتي ما راح تتحملين وهذا طبعا ما في اي وحدة بالعالم بتتحملة اتركيه والله المستعان وعوضك على الله ..ز

العتب

حبيبتي هديل الصمت

انا رديت عليك سابقا بس ما كنت بصراحة اخواتي الاخريات الي قالن لك افسخي الخطوبة وهذا الي كنت ابي اقوله , بس بغيت انصح نصيحة وسط

بس بعد ما شفت ردود البنات اقولك عزيزتي حاجة , اولا لا تفكري بغلطتك يفترة الخطوبة خلاص شي وصار بعد ليش نندب علية وانت مو سويتي شي حرام بس كان درس وانتهى لا تجلسي تلومي نفسك , هذا من زاوية ويمكن كان خير من زاوية اخرى انك قدرتي تكتشفي هذا الانسان على حقيقته في فترة مبكرة قبل ما ترتبطي معاه باولاد

عزيزتي والله من خاطري اقولك ومو اقصد اواسيك او اخفف عنك بس فعلا اذا هذا الانسان طلقك قولي الحمد لله حمدا كثيرا طيبا مباركا فيه كما ينبغي لجلال وحهه ولعظيم سلطانه , واياك ثم اياك تتحسفي علية , والله اتحسف على فشل خطوبتي من انسان محترم ويقدر الحياة الزوجية مو انسان مثل هذا واعذريني ع صراحتي بس والله ترا اذا طلقك حبيبتي انت مو خسرانه شي ابدا بالعكس انت الربحانه والله , واخوة بنفسك يقولك اخوي مو ينفعك شنو تريدي بعد اكثر من كذا , بس حبيبتي بغيتك الحين تهتمي بنفسك وبهواياتك وبتثقيف نفسك اكثر , طوري من نفسك اشتغلي كملي دراستك كوني متميزة اكثر وخلي الناس يحبوك اكثر خليه يعرف ان خسر كثير لمن خسرك

موفقه عزيزتي

اختى الله وراك اكثر من مره علامات عن هالانسان لكن انتى لسى صغيره ماتفهمين الحياة هذاانسان مافيه طب لانه ابو بنات ولايحب المسؤليه يبي الغزل والعلاقات ابعدي عنه والله يعوضك اخير منه

السلام عليكم أختي

الله يكون في عونج

بس البنت الذكية المفروض ما اتبين لزوجها إنه كان يعرف بنات وغيره ..

حتى يوم موضوع الفلاش .. المفروض ما اتقوليله شفت فيه صور وغيره .. المفروض كنتي تمسحينهم وخلاص .. ولا كأنج مسوية شيء ..

هو حاول يدافع عن نفسه بطريقة إنتي ما فهمتيها .. لأنه بنظره إنتي حطيتيه تحت ضغط كل ما كنتي تفصحين له عن موضوع البنات والمسجات وماضيه الجديم ..

عمرج لا تبينين للريال إنج ضعيفة .. وإنه هو كل اهتماماتج وإنه لو طلقج بتموتين وبتصيحين وبتكونين حزينة طول عمرج ..

انا رأي من رأي الاخت كمام الأمل
و بلز خبرينا شو بيصير معك
و يا رب اذا كان في خير الله يقربو منك و اذا كان في شر الله يصرفو عنك

ياناس خذوها قاعده اولا الرجال مايبي المراة الي تراكض وراه
ثانيا صراحه احس انه من الافضل انه علاقة المراة بزوجها فترة الملكة ماتكون بهذه الجراءة والميانه الزايده الرجال فترة الملكه يحب الحياء اكثر في فترة الملكه وكل مالاحظ حياءها كل ماتمسكها فيها اكثر (هذه نصائح اخواني )
انصحك بالاستخارة خاصه والله يعوضك بالافضل منه . لاتخاطرين لانه بتعيشين معه عمر .

اختي ،
رجاءً راعي لظروف البنية ،
اهيه تبي الكلمة اللي تخفف عنها مو اللي تزيد همها هم ،،
وبعدين ،
احنا في البحرين عادي ،
يفضل ان مايدخل عليها بس عادي لو دخل عليها ، في النهايه اهوه زوجها
ومثل ما قالوا خواتي ، احنا بعد الملجة نطلع وندخل ونقعد ونبات ويه رياييلنا ، مافيها شي شرعا
ومو شرط الريال يبي بس هاي الشي
لو هدفهم كلهم الجنس فقط جان كل من تزوجت تطلقت ،
والواحد يرتبط في الوحده عارف اصلها وفصلها وانها بنت ناس ،
مو ماخذ وحده من الشارع فيكون واثق فيها
واذا ماوثق فيها مايكون ريال
لانه مو ماخذها من الشارع ،
والبنية مو مشكلتها ان دخل عليها لان اهلها يعرفون بكل شي ،
موفقين ،،
وطمنينا عليج حبيبتي ،
الله يهدي بالج ويكتب لج اللي فيه الخير ،

اختتتي ريللج صرااحة ابو بنات ولا يستغن عنهم يحب يكلللم وعنده علاقات كثييرة قبل الزوااج زلا فكككر يتركها او يقفل امييله او يبدل رققمه او يمسسسح صوررهم ..او اهو عنده حب قدييم مو قادر ينساااه فعلى شنو انتي متمسسكة فيييه داامج انتي الحين بنت دللوعة ونعومي وفي عز شباببج ما يبييج وباييعج وخووونج عييل لين عرستي وكبررتي شووووي وشببع منج بقققققطج قققطة ..اختي انسيييه وخلييه اطلق على شنو متمسسكة فيه مدري ما يسسوى لاتنزليين كرامتج له

في هالفترة انه وديت فانيلة له .. لمرة تقرأ عليها بالقران .. والي صدمني ان المرة قالت لي كل شي صدق .. قالتي لي عن مشاكلي معاه .. عن اسلوب الحقران الي يتبعه وياي .. عن كلامه الجارح لي بدون احساس .. وقالت لي مسوين لي وله عمل .. وهو شارب شي او ماكل شي او دايس على شي .. وقالت لي بعطيج ماي مقري عليه .. واشياء بس كل شي بالقران يعني مافي شي بالمشعوذلين ولا الاسحار


حبيبتي :: مافي أحد يعرف الغيب الا الله تعالى ::
ومافي ساحر يقول أنا ساحر ولا كان محد مسل يروح له ..
بالتالي أنا انصحك وانصح نفسي وكل الاخوات .. اتقوا الله ولا ترروحون لهالأشكال يضحكون عليكم ويضيعون دينكم

اذا انتي مصرة انا مو ساحره .. أجل كيف عرفت ؟ ؟
أولياء الله تعالى ما يعرفون الغيب.. مايعرف الغيب الا الله تعالى ..

والولي يعرف باتباعه للكتاب والسنه

هذه ملاحظه بالنسبة للفقرة الي كتبتيها بارك الله فيك

وأنا أحب البحرين وأهل البحرين ولهجة أهل البحرين وبنات عمي بالبحرين
اتمنى كلامي يكون خفيف على قلبك ..

هديل الصمت;10737888:

قلت لها لو فكرت ونزلت من قدري وكرامتي وقررت اني ارجع .. ما برجع مني والدرب .. برجع بشرووطي والي ابغيه هو الي يصير .. وكانت علي محاضرة في الجامعة.. قلت لها مسامحة عندي محاضرة .. وصكيته وما ردت اتصلت

بس هذا الي صار ؟؟ مدري وش اتشوورن علي خواتي؟

حبوبة انا اتابع مشكلتج منالبداية الى الحين بس انا ماقول غير ربي يهونها عليي وعليج ويسر اللي فيه الخير لنا كلنا

بالنسبة انج ترجعين له بشروط بصراحة اشك انه يلتزم بهاي الشروط يعني احس نوعية هالرجل اسمحي لي بهالكلمة هو ما يحشم احد ضارب كل شي بعرض الحائط مثل مايقولون يعني لو هو يحشم احد اقله ما يكلم بنات في بيتهم وهو ماسك الموبايل يعني هاي اقل شي يدل انه عنده ضمير

انتي قلت الى اخته انج لو لا قدر الله وانفصلتي عنه انج راح تنشرين غسيله وبتقولين كل شي عنه انا ما انصحج فيها ياقلبي لانها بتصير نقطة عليج مو لج بكرة بيقولون هاي وحدة فشاية اسرار وغيره واتني تعطيهم بهاي الطريقة المجال انهم يشوهوون سمعتج

انتي قلتي انه حماتج كلمتج واللي فهمته من الحوار اللي انتي كتبتيه انج اخذتي موقف الا هو" الانفصال" وضفتي عليها لو رجعتي شنو بتسوين واذا انفصلتي شنو راح تسوين
وقلتي انها ما رجعت اتصلت اتوقع في 2 حل بيمشون عليه اما انهم يساندون قرارج بالانفصال او انهم يضغطون على الولد ويقبل بشروطج ويواصل معاج عشان ماتنشرين الغسيل

انا ماقدر انصحج بشي محدد بس شوفي لو فرضا اتصلوا عليج وقالوا لج اوكي بيرجع وموافق على شروطج خوش شي وجربي شهر معاه شوفي اعتدل خير وبركة ماعتدل توكلي على الله بس عشان لايقولون ماعطتنا فرصة لااهله و لااهلج ولاحتى انتي تلومين نفسج

السموحة على الاطالة ان شاء الله الحال يعتدل وتصفى النفوس مابينكم واللي فيه الخير يقدم ربنا

اختج وجوه الخير