؛ التجمع السادس للحوامل اللاتي سيلدن في ديسمبر 12/2009 ؛

شمس الهيام;10683800:

الحمد لله أنتي والبيبيه تمام وأنا مثلج بموعدي اللي طاف

قالت لي وصل الراس بالحوض وهذا المطلوب واستعدي للولادة بس عليج بالمشي البنوته
تبي تطلع بس تقول لكم مشوووني :)
أنا للحين ما شيكت دمي كان 10 مدري اخاف نزل :(

عليج بالكيوي والرمان والكبده والبقدونس والجرجير والسبانخ والله يسهل على الجميع F:

عروس فريجهم;10676162:

الشاطر اللي بيفهمها ع الطاير

::

عروس فريجهم;10676199:

المهم يالغاليات

طبعا اليوم الصبح رحت موعدي وكنت متفائلة خير
وكلكم تدرون ان حولوني ع الفاتح
المهم رحت وجفت الزحمة تضايقت وايد
خذت رقم وكان رقمي 91
خذت الوزن وجيكو لي الضغط وتحليل البول كل شي كان تمام
وقعدت انطر وانطر وانطر
اجوف اللي عقبي يو وخلصو وانه للحين مكاني
رحت اسالهم الا وحده ترد علي بنفس خايسه محد قالجاتيين هالحزة
قلت لها من قال اني توني يايه
انه من الصبح عندكم وين كارتي
الا تقول روحي دوريه في الحجر
انه كنتع الدكتور عبدالله رحت طقيت باب الغرفه طلعت لي ممرضه الا تقولي مافي الفايل وارجع اسال الغبيه وتحقرني حدها نرفزتني شوي الا مناديني على غرفه غير وكانت دكتورة قلت يلا صلاح انه مابي دكتور
دخلت عليه جافت تقاريري واوراقي
جيكت بطني وكل شي الاتقول انتي الحمدلله كل شي فيج طبيعي
بس عندج مشكله اللي اهيه الالتهابات فعشان جذي انتي لازم تترقدين
وفي احتمال ان نولدج حق سلامتج وسلامة الجنين
قلت لها لا مابي قالت لازم لانه الشرج مفتوح وهالالتهابات ممكن ترتفع حق الجنين فتسبب له تسمم
وانتي بعد تتسممين فنخسرج انتي والياهل انه اهني مت من الخوف قلت لها اوكي
لاني تذكرت امي يوم تودلباختي كان عندها نفس هالحاله وترقدت شهر لانه الالتهاب وصل لها وكانو ببدلون دمها بس الحمدلله طلع كل شي تمام
المهم انها خذت رقمي وقالت العصر بيتصلون لي عشان اروح
برقدوني عندهم
ادعو لي بنات انه حدي خايفه

ادعو حق ولدي الله يحفظه وان شاءالله اجوف واهوهب احسن حال وبصحه يارب

مخرخشة;10677713:
فللتجربة راح أنزل بعض أغراض البيبي ..

بس أول صورة بشوف وبعدين أكمل ..


جوتي حبوبتي ..

GIRL_U;10683520:
بنات سؤال الوحدة لما ترد البيت كيف تحمم البيبى .. اخلى جو الغرفة مناسبة وازهب اغراضة كلها وبعدين اشوف الماى مناسب ولالا بس ابغى اعرف الى عندهم خبرات فى امور لازم انتبة الها ..
ياريت حد يزيد من معلوماتى انا اذكر اعيال اخوى بس اختى كانت تسبحهم بس نونو اخاف هههه وكم مرة نحممة ومن هاى الامور


فى امان الله

مخرخشة;10676340:
الظااااااااهر والله أعلم بحرينية عسل وشمس الهيام ولدووووا وجابوا كل وحدة توووووووم :hysterical::lol::D:cool:..

مخرخشة;10677790:
والقماط 2 ..

مخرخشة;10677822:
القماطين مع بعض ..






ومجموعة من القبعات ..

مخرخشة;10677874:
مدري شنو يسمونهم هذولا بس ثياب المهم :lol: ..

مخرخشة;10677897:
وهذي بعد مدري شيسمونها :-# ..
في عندها وايد بس ماصورتهم للعيارة .. واحد كفاية ..;)

مس بحرين;10668836:
صباح الخير حوامل شخباركم
الله يسهل عليكم يارب وتقومون بالسلامة وتشوفون بيبياتكم في حضنكم
شكرا لكل الي بارك لي
طبعا صديقتي واختي محتارة شسميه خبرتكم اني ولدت تاريخ 16-11 يعني شهر تقريبا قبل موعدي
ان شاء الله راح اقول لكم التفاصيل واقول لكم عن الاشيا الي تسوونها عشان ولادتكم بادن الله تكون سهلة

مخرخشة;10677980:
وفانيلة للنوم ..







وتبان كم طويل بما إنه شتاء ..








وفانيلة كيوت ..






وجوراب كيوت ..







وبس تعبتتتتتتت بقوم أغسلهم تجهيزاً للولادة .. لأن البيبي مايتحمل أي أشياء خارجية غريبة .. بغسلهم وبحط فيهم ديتول وهيك :biggrin: ..

وإن شاء الله عجبوكم ؟؟:woo:
واللي عجبها تدعي لي بالتسهيل وتدعي لروحها ولجميع البنات في التجمع :cool: ..

زهرة السعادة;10683177:

ان شاء الله اجمعين
اممم .. ماكس بكل فروعه منزل بيجامات شتوية
حلوة و الوانها احلى منها الوردي و الاصفر و الازرق و الاخضر

و سعرها 4.200 دينار بس .. روحي جوفيهم يمكن يعجبونج :thumbs_up:

زهرة السعادة;10683435:

هلا و غلا
الحمد لله بخير .. انتي شخبارج ؟؟
الحمد لله كل امورج تمام و البنوتة بعد تمام :thumbs_up:
اهتمي باكلج و اخذي الحبوب و ان شاء الله يرتفع يا رب