ام يسوور;10659051:
بالنسبه للشنطة انا مو عارفه شاحط بس الي حطيتهم حق حبيبي اهو مشابيك منوعه يد طويلة ويد قصيرة وحفره فوطه وبرنوص و3 مهادات وخرجتين الي يحطونهم فوق المرقد والمرقد ومشط ومرضعة بيجون صغيره للماي ودشاديش وافرولات مسكره بس شرايكم احط افرولات مفتوحة في الرجل ولا بس مسكره وبس هاذي الي حطيته وماسكرت الشنطة عشان اذا تذكرت شي احطه ونسيت اقولكم حطيت قبعات اكييد
رؤى85;10659076:
السلام عليكم كيفكم يا حلوين
وكيف الحمل معكم
مبروك ولادة مس بحرين وعقبالنا
اليوم عندي موعد للدكتورة ورح اعمل التراساوند واطمن على ماي الجنين لانه صاحبيتي دكتورتها ما انتبهت على ماي الجنين ولما راجعت دكتورة ثانية انتبهت وعلى طول دخلتها ولادة وهي عاملتلي رعب تتصل على اتقولي روحي اتأكدي
الله ييسر امور الجميع بصراحة انا خايفة كتير خصوصا اني رح اولد لحالي من غير امي واهلي وبفكر كتير بالموت والنفسية مو تمام
الله يهونها علينا
~أم فاطمة~;10659639:
هلا امهات المستقبل ،،
نشاطكم الله يزيده ،، من تولدوا بيتحول الى شي عجيييب ههههه
الله يتمم على الكل بخير يا رب ،، ومبروووك لمس بحرين ،، الحمد لله على سلامتها ،، وسلامة يسوف ،،
شخباركم ها في ترقب للي يولد ،، الله ييسر لعروس فريجهم وترتاح بالسلامة يا رب وتشوف البيبي سالم صوبها ،،
جهزت شنطتي وشنطة البيبي وطبعا لانها المرة الثانية فحاولت استفيد من التجربة الاولى ،، وآخذ احتياطاتي ،،
في شنطة البيبي حطيت:
4 بجامات (2 مسكرة كامل ، و2 سروال مع فانيلا)
و4 شباحات بدون اكمام
و2 لف ، وفوطة كبيرة وصغيرة
والمرقد و2 اللي يخلونه فوقه
ومشط وصابونة جونسون ومرضعة صغيرة
حفاضات حجم صغير
وكلينكس
وقبعتين وقفاز
هذين اللي اتذكرهم ،،
يلا اشوفكم على خير
عروس فريجهم;10679336:
للحين ماردو علي ولا ياني اتصال
انه وايد متوترة
وشعوركم والله صيحني
انه وايد خايفه خصوصا اني اول مرة
انه مابي منكم الا دعواتكم وان شاءالله بخبر اميسوري عن كل شي يصير لي اذا اتصلو لي
اليوم العصر نزل علي ماي مع افراز لونه ابيض
والله يستر
::
و غارت الحور;10660705:
بنات أشوفكم حاطين أشياء كثيرة في شنطة البيبي حق المستشفى :eek: ما أدري بس في المستشفيات عندنا هم يلبسون البيبي كل شي من عندهم و حتى اذا لبسناه شي من عندنا اذا جا دكتور الأطفال وله سبحوا البيبي بشيلوا ملابسه و برجعوا يلبسوه من عندهم يعني ماشي فايدة أنا عن نفسي باخذ بس طقمين كاملين واحد حق لما أطلع من المستشفى و واحد احتياط بخليه معاي و ممكن بامبرز لأني مايعجبني مال المستشفى صراحة ابدا و ممكن مشط عشان اذا كان بشعر كثيف مثل أيوتة و لفة و مهاد بس هذا الي باخذه للبيبي :D وقت ولادتي بآية شلت معاي أشياء كثيرة و بالآخر كله رجع البيت مثل ماهو :cool:
بحرينيه عسل;10683285:
صباح الخيرات شخباركم حبيباتي وحشتوووووووووووووووووني وااااااااااااااااايد ما شاء الله ما شاء الله الصفحات زايدة الي يعيني على الواجب.;)
عروس فريجهم;10663937:حرااااااااام عليكم 10 صفحات وين اقراهم
احب اطمنكم اني بخير والشكر لكل من سال عني
بس مااقدر اطول بالقعده معاكم لانه القعده اتعبني وان شاءالله ارجع واقولكم شنو صار وياي
::
مسااا الورد
كيف الحال؟؟ ان شاء الله مش متعذبين بالحمل؟؟
انا اخر اخباري جاهزه للولاده بأي وقت
والدكتور طلب مني امشي ... وصاري اسبوع وانا امشي وان شاء الله خير.
ادعولي ان شاء الله مااطول والله يسهل علي الولاده
هلا بنات
امس مشيت مشي في مول دبي..قلت اكيد الليله بربي..بس مافي شي ابدا خخخخ
باجر ان شالله بدش الاسبوع ال 38
الصراحه ابا اولد وافتك و نفس الوقت خاااااااايفه :(
اليوم البيبي احسها كسوووله..ما تتحرك و اذا هزيتها تتحرك شويه و ترد تنام
انتوا شو مسوييييييييييين
بديتوا تحفون في الصالونات ولا بعدكم
باجر بسير احف ويهي و اسوي حلاوه لريولي...
مادري بعيد في البيت ولا في المستشفى....الله كريم :)
انتو ماجيتوا تاكلوا قلت خلاص باكله كله :worn_out: ان شاالله بشوف لج صورة من النت و بنزلها :cool:
عروس فريجهم;10664146:بقولكم شنو صار لي
يوم الاربعه جفت ان الماي مستمر معاي
بس بعد بكمية خفيفه لكن قلت اروح اتطمن احسن
رحت مستشفى الهلال
دخلت ع الدكتورة وقلت لها فقالت لي لازم نسوي لج التراساوند عشان نجوف وضع البيبي
وممكن يكون الماي ماي ولادة:-o
او ماي الجنين :(
او التهابات ^o)
المهم قالت ان الاله عندهم خراب فلازم اروح حق فوزية كمال بس فوزية تكون صاكه الساعه 7
قالت بتكشف علي
كشفت علي جافت دقات القلب اوكي وتالي خذت عود ودخلته عزكم الله تحت وقالت لي كحي كحيت وقالت لي مافيج شي بس لازم تروحين حق فوزية تجوف ماي الجنين
اتصلت حق امي قالت لي لاتنطرين لي باجر انتي ماتدرين شنو يصير فروحي اريف او السلمانية احسن طبعا كلامها خوني بس ماكنت مرتاحه حق الاثنين وقلت بنتظر لي يوم ثاني وبروح حق فوزية كمال بس قامت افكار توديني وافكار اتييبني انه وزوجي فقالي مستحيل ارجعج البيت الحين نروح اريف بحكم انه اجرب مني مناك وافقت
واول ماوصلنه المستشفى نزلت من السيارة حسيت ريولي ترتجف كنت حدي خايفه طقيت الجرس دخلت كلمتني الممرضه عطيته الورقة وعطول نادت دكتورة اسمها وفاء مالت توليد وتخيلو انه في الغرفه الي يمي وحده تطلق وتصارخ وانه قلبي يرقع بس لما سمعت صوت الياهل واهوه يصيح دمعت عيوني
المهم يات الدكتورة وجافت الاوراق اللي عندي وخذت كارتي قالت لي الحين انتي 35 اسبوع بلاس واحنه في هالعمر نعتبر الجنين خديج بس مابنقدر نسوي لج ولا شي انه بققت عيوني كملت كلامها واهيه تقول احنه مانقبل الا من 37 اسبوع وانتي لازم تروحين السلمانية بس قبل بكشف عليج
دخلتني غرفه وقالت لي انبطحي ويابت لي اله شكلها مثر الفير ودخلتها لي تحت وانتو بكرامه ماتتخيلون الالم اللي حسيت فيه قعدت اصارخ واتالم واهيه تقولي ماعلي حبيبتي اسفه اسفه وتالي دخلت يدها ونادت وحده ثانيه وقامت تفتح الاله ودخلت لي عود وقالت لي كحي وجافت انه مافي شي وخوفتني قالت لي هذي يمكن التهابات ومن الممكن انها ترتفع حق الجنين فانتي لازم تروحين السلمانية وتترقدين
انه ماحبيت فكرة الرقاد كلش لاني اخاف من السلمانيه بس قلت بروح بسوي تحليل وتلفزيون وبتطمن
المهم رحت هناك خذني سستر ثنتين قاسو لي الضغط طلع اوكي والحرارة نازله دخلوني غرفه وقالو بنكشف عليج قلت لهم كشفو علي في اريف قالو لا لازم احنه نكشف بعد كشفو علي وطلع العود لونه بني او احمر بس المهم تغير لون العود انه اهني خفت قلت لها شنو في قالت هذي ماي جنين اهني انه مت من الخوف خصوصا اني بروحي ومحد وياي حطو علي جهاز التخطيط وطلع اوكي بعدين دخلت ع الدكتور وانه كلش اتالم يعني ضربتين في الراس تالم مابالكم 3 ضربات
انه كنت منحرجه واتالم يعني دكتور حدها فشيلة تخيلو شقالي
قالي تره النتيجه اللي طلعت لنه ويك بوستف يعني مابين التهابات ومابين ماي الياهل اهني خوفني زود وقالي لازم نعيد لج الكشف فرفضت نهائيا قالي لازم تترقدين فقلت له مابي الا يقول اي بروحه المستشفى تمرض وانه لو مكان زوجج ماانصحج ترقدين بس لاتقولين الدكتور قال فهو اللي خلاني اقتنع اني ارجع بيتنه
عطاني موعد يوم الاحد على الفاتح وعطاني مضاد وكريم ورجعت البيت وانه اتالم بشكل ماتتصورونه وصياح ونياح وزوجي خايف اول مرة يمر بهالموقف
رجعت البيت ع الساعه 2ونص الساعه 3 وشي حسيت اني بدخل الحمام عزكم دخلت وحسيت بالم فظييييييييع احس اشيه تتقطع احس جنه في جرح قعدت اصرخ ماتحملت الالم طلعت من الحمام الا زوجي واقف خايف مو عارف شسوي قالي نرجع المستشفى قلت له لا وحاول يهديني وانه من الام موقادرة
يوم ثاني رحت عند امي واول ماجفتها ضميتها وقعدت اصيح وقامت تصيح وياي تقولي شخليتي لي حق يوم الطلق ويه ابوي وضمني وقعد يصيح اهني ماتحملت وقعدت اصيح
ولي اليوم وانه اتالم اذا بدخل الحمام
ومااعتقد اني برجع حق السلمانية او اريف الا اذا بولد
هذي كل قصتي
اسفه ع الاطاله
::
مخرخشة;10664382:
وأخيييييييييييييييييييييييييييييييييراً ..
باركوا لي دخلت التااااااااااااااااااااااااسع :adore::D:lol::biggrin:..
رؤى85;10664627:
السلام عليكم كيفكم يا بنات امبارح كان عندي موعد التراساوند واعطتني موعد ولادة جديد هو 18\12 وانا هلا دخلت التاسع ووزن البيبي 2.8 كليو وراسه تحت والماي حولين الجنين تمام والحمد لله
الله ييسر اموركم يا رب ويهون علينا الولادة