تجمعنا السوريات لشهر ذو الحجة وينعاد عليكم بالصحة والعافية

صباح الخير يا حلوات الشات كيفكن
أنا آسفة انقطعت فترة بس كان النت مو شغال مو تاري التلفون عليه فاتورة ومو عرفانين أنا لأني ما بستعمل التلفون الثابت نهائيا والبيت والتلفون جداد لذلك ما منعرف ايمتى الفاتورة بالصدفة عرفت مبارح زوجي دفعها واشتغل النت

لولية ألف ألف مبروك والله وصرتي حماية عقبال ما تصيري جدة ان شالله
ليكي والله الصهر غالي واذا كان ظريف بيكون أحن وأحسن من ولد بتحسيه ابنك ليكي ماما بتحب زوجي كتير والله وبتدلله دلال لما بيزورها خيرات الله الطبخ والحلو والنقارش والكلام الحلو طبعا هو بيقدر هالشي وأصلا الصهر مالازم يشوف الا الشغلات الحلوة من بيت حماه لأنو هيك بيعرف أنو البنت بنت عالم وعايشة أحسن عيشة يالله الحمد لله الله يوفقهن ويسعدهن

دمشقية أنا ماعم ادخل ومونو الصبح مو فاضية تيتمتي مو؟؟؟؟ على كل حال البركة بباقي الصبايا
ياستي والله الكم وحشة

مونو الله يعطيك العافية مابدنا كسل بتفيقي بكير وبتفتحي الشات لو ساعة الصبح قبلانين المهم تحطي الفطور وندردش شوي ابقي احكيلنا عن العرس القطري منتعرف على ثقافات العالم

بيرل الرجل الحديدي الله يمدك بالصحة والعافية

بنوتة دعيتيلنا بالحج الحمد لله على سلامتك وان شالله عقبال العودة

كيفكن يا بنات ربي يبارك فيكن كلكن وعقبال ولادكن يا رب
أخباري أنا متل العادة بفيق الصبح قبل الشحادة وبنتها ومنروح أنا وبناتي على النادي وبعدين بوصلهن على جامعاتهن وببلش الفعي بشوف شو عندي شل برة هلأ بقى زاد عندي شغل إضافي للعريس على اليوم بدو يجي وشو بدك تقدميله ضيافات وجيبي وودي وبكرة افتتاح محله بقى قضيت النهار نترددة شو آخدله على حفلة الإفتتاح شي قلت شقف زريعة رحت لقيت نخلة بالم ظريفة عمرها 7 سنين اترددت جيبها والا لا خفت يتلبك فيها بعدين قلت باقة ورد كبيرة دخيلك بدي ادفع حقها 150 دولار وأبو كم يوم بتموت فلقيت أحسن شي رحت على بالتشي اشتريتله صحن كريستال كبير وعبيتها شوكولاة باتشي ولفولي اياها لقيتها ظريفة ومعقولة
وبكرة حفلة الإفتتاح بقى اتفضلوا شرفونا
هي هي أخباري المعته ماهيك
ياسمينه وينك يا حلوة ماعاد طليتي
بنوتة ليكي أنا سمعت كتير عن البيك بس ولا مرة دقته بس قالولي طيب كتير
شامية ايه والله الصهر بيصير متل الإبن بس طول ماهو عم يدللك بنتك بس إذا مادللها والله دمه بيصير حلال عندي

صباحووووووو صباحكم ورد الجوري

على فكرة انا كل يوم بفيق على 5 ونص مع زوجي على الشغل وحتى لما كنت اشتغل
كمان كنت قوم يعني غيابي الصباحي ما كسل بس كل ما في الموضوع انه رورو بتفيق بكير
وبعلق فيها وبالركض وراها ههههههههههههه والمشكلة هي ماللة لانه كانت تروح
على الحضانة بقى هلأ بتلاقوها كل الوقت ضجرانة وعم تتلزق فيني للعبها


عن العرس بيجوا الناس على 8 بالغالب بتكون في موسيقى سلو حلوووة وفي منهم
بيحطوا دي دجي طبعا الكوشة كلاس كتير وقدامها في المنصة طويلة متل عرض الازياء
بتمشي عليها العروس للكوشة وهي اللي بيرقصوا عليها البنات والطاولات تزينهم رااائع
والساعة 9 ونص تماما بيبلشوا الطق ههههه
يعني الغناء بتكون فرقة بدفوف وطبلة وحااااااالة قسما بالله اول ما بلشوا حسيتهم
عم يدقوا بقلبي من كتر الازعاج ههههههه بس بعدين بتتعودي
طبعا العروس بتتدخل على 10 والمعرس ( متل ما بيقولوا ) على 11 لانه ما بيدخلوا سوا
طبعا ممنوع العروس ترقص ولا حتى مع العريس عيب ومنكر ورجس من عمل الشيطان
هههههههههههه قلت لرفيقتي معناها عرسي كان كله مناكر لانه ما هدينا انا والعريس :thumbs_up:
العريس بيدخلوه الرجال على الصالة وبيرقصوله بالسيف والبارودة بيكون لابس بشت
فوق التوب هو وابوه وغيرهم لا ههههههههه
والبوفيه بعد ما بيروحوا الرجال من الصالة على 11 ونص تقريبا وبعدها الناس بتتعشا
وبتروح والعريس والعروس بيطلعوا على الاوتيل طبعا العرس كان في الانتركونتينينتال
بس ما بعرف بقى وين بيروحوا بحالهم اذا ما كان بفندق هههههههههههههههه
نسيت قلكم انه طول ما البنات عم يرقصوا بيكبوا عليهم فلوس قال بيحيوهم
قلت لرفيقتي والله ما حدا يكب فلوس على وحدة عم ترقص عنا لتصير مدابح :confused:
ليش شو هي رقاصة ولا عم تحي الحفلة بس هن هيك عندهم سبحان الله على
اختلاف العادات

*همس الحراير*;10752051:
مونو

لج وحشه عسولتي

اخبارج واخبار الحلوووه

وانت والله وحشتيني كيف احوالك
انا الحمدلله بخير وتركت شغلي وصرت ربة منزل :D

PEARL2000;10754719:
صباح الخير على عيونكن جميعا

لولية الله يهنيهم و يقدم لهم اللي فيه الخير يارب و العقبى لبناتك التانيين و متل ما قلت مزبوط انا بعرف من اهلي والله بيحبوا زوجي و زوج اختي متل اخواتي و بتصيري بتحبيه اكتر لما تشوفيه عم يدلل بنتك و يشيلها بعيونه و الله يعينك على فراق زوجك و مادام السفرة قصيرة هالمرة من غير شر يا دوب تجهزي حالك مشان الطلبة الرئيسية
بنوتة الحمدلله على السلامة يا حجة شو جاية ايديك فاضية مو جايبة معك تمر و مسابح هههههههههههههه
دمشقية كيفك يا قمر شو اخباركن ان شاءالله تكون المور هديت شوي و رجع كل شي لوضعه الطبيعي هي الحكاية بدها وقت لهيك الله يعينكم والله
مونو يا مونو انا كنت عارفة انه ما رح تقدري تدخلي الصبح هههههههههههههه يعني اذا مو نايمة رح يطلع لك شغل بالبيت و النت رح يكون ثانوي و الأولوية للبيت و لرورو المهم هلأ تكوني مبسوطة و مرتاحة و ايمتى ما دخلت بتنوري و ان شاءالله بتنبسطي بالعرس بس بتعرفي عن جد حلو هيك العرس يكون على وقت مو متل عنا اي والله العروس و اهلها و بيت حماها ما بيوصلوا لآخر النهار غير هلكانين من التعب و مضطرين يوقفوا كل الوقت مشان يوجبوا المعازيم يعني بهالتوقيت العرس بينفض على وقت و الكل بيبقى مرتاح و على القل العرسان يكونوا مرتاحين ما يروحوا على الآوتيل و يكونوا فايتين بمية حيط هههههههههههههههههه على كل حال العقبى لبنتك ان شاءالله
البنات الجدد منرحب فيكن بتجمعنا و منتمنى نتعرف عليكن شخصيا و مية اهلا و سهلا فيكن
اما انا كانت عطلتي مزحومة كتير متل ما قلت لكن الخميس كان عندي ضيوف و الحمدلله انبسطوا كتير بالضيافات اللي قدمتها و ماطلعوا من عنا للساعة 2 و طبعا انا لبين ما لميت الدنيا و جليت و نظفت ما نمت للساعة 3 ونص و كنا اتفقنا نحن وهنن نطلع الصبح نفطر برا و هيك صار قمنا الصبح وانا مكسرة تكسير فطرنا بمطعم و بعدها تدرجنا بالسوق و ما رجعنا البيت للساعة 6 ونص بس شو انا ساعتها لا من تمي و لامن كمي هههههههههههههه كملت شوية شغلات كانت علي من قبل بيوم و مبارح جيت عالدوام كتير تعبانة يعني كنت عم نام عالمكتب الله الوكيل لأن فوق شغل البيت على يومين كان في مشي طويل بالأسواق وانا صار لي زمان ما مشيت هيك لهيك حسيت بهالتعب المهم غيرنا شكل و الحمدلله لأن صار لنا زمان ما طلعنا هيك طلعة

ما شاء الله يهنيكم تعبتي كتير الله يقويك يااااارب
وتسلميلي انتا اللي فاهمني ههههه فعلا والله ما عم اقدر ادخل الصبح من رؤى
ومن شغل البيت والطبخ يعني والله ما بشوف الا صارت الساعة 12 الضهر
وفعلا الاعراس القصيرة احلى يعني ما بعرف شو العبرة من عرسكم دمشقية <<
خلص علقت بلساني هههههههههههههههه

بنت الشام المعذبه;10759871:
مساء الفل على خدود الكل.........كيف الحلوين

بيرل الله يعطيك العافية والله حاسه فيك بذكريني بأختي بتلعب ميت دور بالنهار الله يعينكم

دمشقية الله يحميكم والواحد مافي غير بيسمع سمعات اشكال ألوان .........مبارح اخي وصل من جدة وجايبلنى من مطعم البيك اكيد بتعرفي والله شي بيضحك بس من حبه

مونو دخيل ست البيت المشغولة إن شالله بتنبسطي بالعرس انا حضرانه عرس بقطر العرس بالكثير على 12 بخلص اذا الوحدة بدها تتعشى

شاميه إن شالله تكوني تركنتي ..

ياسمينه سلامت أخوك الحمدلله أنو الله حماه

لوليتي الف مبروك وحبيبتي على فكرة لصار معكم كثير عادي نحن العيد الماضي أختي شافت العروس بشهر 8 وبعد بأسبوعين قالتلها أنو ابنها بدو يشوفها مرتين وبس والعيد الماضي زوج أختي تعرف على ابوها وإن شالله يوم الخميس بدهم يطلبها رسمي ...........ولي كأنهم بخترعوا شي




أنا الحمدلله لهلأ بأجازه اسبوع وعبحضر لزيارة ابن أختي الله يتمملوا على خير أختي ماعندا غيرة .....ومشتاقتلكم

تسلميلي مشتاقين لك والله ييسرلك ويخلي لكم ابن اختك
ومشان الشوفة والخطبة هلأ هو هيك بيصير بالعادة متل ما صار مع اختك لما بتشوفي
بنت لاول مرة وعم تدوري بس الشب صهر لولية مقتنع
بالبنت والمفروض بعاداتنا السورية فوووووورا يطلبوا بعرف من حالي يعني طلعوا النسوان
وفورا طلبوني لانه مافي داعي للشوفة بس شكله العادات عندهم غير

شامية للعظم;10762522:
صباح الخير يا حلوات الشات كيفكن
أنا آسفة انقطعت فترة بس كان النت مو شغال مو تاري التلفون عليه فاتورة ومو عرفانين أنا لأني ما بستعمل التلفون الثابت نهائيا والبيت والتلفون جداد لذلك ما منعرف ايمتى الفاتورة بالصدفة عرفت مبارح زوجي دفعها واشتغل النت

لولية ألف ألف مبروك والله وصرتي حماية عقبال ما تصيري جدة ان شالله
ليكي والله الصهر غالي واذا كان ظريف بيكون أحن وأحسن من ولد بتحسيه ابنك ليكي ماما بتحب زوجي كتير والله وبتدلله دلال لما بيزورها خيرات الله الطبخ والحلو والنقارش والكلام الحلو طبعا هو بيقدر هالشي وأصلا الصهر مالازم يشوف الا الشغلات الحلوة من بيت حماه لأنو هيك بيعرف أنو البنت بنت عالم وعايشة أحسن عيشة يالله الحمد لله الله يوفقهن ويسعدهن

دمشقية أنا ماعم ادخل ومونو الصبح مو فاضية تيتمتي مو؟؟؟؟ على كل حال البركة بباقي الصبايا
ياستي والله الكم وحشة

مونو الله يعطيك العافية مابدنا كسل بتفيقي بكير وبتفتحي الشات لو ساعة الصبح قبلانين المهم تحطي الفطور وندردش شوي ابقي احكيلنا عن العرس القطري منتعرف على ثقافات العالم

بيرل الرجل الحديدي الله يمدك بالصحة والعافية

بنوتة دعيتيلنا بالحج الحمد لله على سلامتك وان شالله عقبال العودة

والله يا ابلة عم فيق ههههههههههه بس شو بدي اعمل ما عم افضى
بتصور بس فترة وبتمر ان شاء الله
وما مشكلة مشان قطعت النت بس استفئدنالك والله

لولية;10767388:
كيفكن يا بنات ربي يبارك فيكن كلكن وعقبال ولادكن يا رب
أخباري أنا متل العادة بفيق الصبح قبل الشحادة وبنتها ومنروح أنا وبناتي على النادي وبعدين بوصلهن على جامعاتهن وببلش الفعي بشوف شو عندي شل برة هلأ بقى زاد عندي شغل إضافي للعريس على اليوم بدو يجي وشو بدك تقدميله ضيافات وجيبي وودي وبكرة افتتاح محله بقى قضيت النهار نترددة شو آخدله على حفلة الإفتتاح شي قلت شقف زريعة رحت لقيت نخلة بالم ظريفة عمرها 7 سنين اترددت جيبها والا لا خفت يتلبك فيها بعدين قلت باقة ورد كبيرة دخيلك بدي ادفع حقها 150 دولار وأبو كم يوم بتموت فلقيت أحسن شي رحت على بالتشي اشتريتله صحن كريستال كبير وعبيتها شوكولاة باتشي ولفولي اياها لقيتها ظريفة ومعقولة
وبكرة حفلة الإفتتاح بقى اتفضلوا شرفونا
هي هي أخباري المعته ماهيك
ياسمينه وينك يا حلوة ماعاد طليتي
بنوتة ليكي أنا سمعت كتير عن البيك بس ولا مرة دقته بس قالولي طيب كتير
شامية ايه والله الصهر بيصير متل الإبن بس طول ماهو عم يدللك بنتك بس إذا مادللها والله دمه بيصير حلال عندي

يا عيني يا عيني اي شو هالقصص الحلوة والاصهرة ما شاء الله الله يهنيكم يارب
وحلوة كتير فكرة الشوكولا يسلموا ايديك والله يجعل وجه هالمحل خير عليه
ويفتح عليه ابواب الرزق وما شاء الله عليكم من الصبح على الرياضة شطورين الله
يدومها عليكم لهالنعمة
وعن جد الصهر متل الابن واعزززز هي انا زوجي بيحب ماما كتير وصهري كمان هلأ
وعن جد بنعتمد عليهم

اتفضلوا الفطور حياكم وبياكم <<< متأثرة بالقطري هههههههههههههههه
بس بعدولي هالكاسة البيضا والا بتصيروا مدري نو مدري عو ههههههههههه

مرحبا صبايا
كيفكون
بنةتة حبيبة قلبي حجتنا الصغيرة حج مبرور وعقبال العودة والله يكتبلك الاجر والثواب

لولية تقبشيني صرت حماية واخيرا ان شاء الله تتهنى بنوتك ويتهنى صهرك بهالحماية الامورة والتمام على خير
وعقبال فرحتك بالباقيين

دمشقية

طمنينا عن اخبارك والله مو قليل يلي عم نشوفو بالاخبار شي بفزع يالطيف الطف
قلبي معك

صبايا نحنا عنا اليوم ما شاء الله ما وقفت مطر والجو كتير برد
وانا مافي غير عم البس وسمك لاني كتير بريدة يعني من كتر ما بلبس بصير متل الدبة بس بقول احسن ما ابرد

صباح الورد للحلوين يارب الكل بخير


دمشقية ............ وينك وين غاطة طمنينا عنك


الياسمينة ........ ما شاء الله نيالكم بالمطر والبرد عقبالنا امبارحة نف شوية مطر بس 3 دقايق ووقفت
الله يجعلها سقيا رحمة ويارب ينزل اكتر حابة شتي



البنات وينكم ؟؟؟؟ بيرل ... شامية ... لولية .... بنوتة .... كاتس ؟؟؟؟؟؟

اتفضلووووا

مرحبا يا احلى بنات كيفكن وشو أخباركن ؟

مونو كيفك حياتي أكيد غير شكل القعدة بالبيت الله يهنيك و ان شاءالله تكوني انبسطت بهالعرس بس عن جد سبحان الله العادات كيف بتختلف من بلد لبلد يعني حتى هون ضمن الخليج بتختلف العادات بس ضحكتني أكتر شي رش الفلوس على اللي بيرقصوا وانت ما بتقدر بلا تعليقاتك يعني لازم تقولي لها اياها هههههههههههههههههههه
لولية الله يهنيه صهرك بالمحل الجديد و ان شاءالله فاتحة خير يارب والله يوفقه و هديتك كتير مناسبة وحلوة
ياسمينة الله يبعت الخير يارب ماتنسي انه نحن بكوانين و هالبرد هذا جاية باوانه
دمشقية وين غاطة مو مبينة هالأيام ان شاءالله يكون خير يارب ؟
اما عن اخباري ما في شي جديد غير ضغط الشغل شوي زيادة لأن قربنا على نهاية السنة و باول شهر و بآخر شهر من السنة بيبقى فيها ضغط زيادة لهيك قلت دخلتي عالنت شوي بس اكيد كل ما بيسمح لي الوقت رح ادخل وسلم عليكن لأن ما بستغني ابدا

مواضيعي :
1- http://forums.3roos.com/showthread.php?t=499415

2- http://forums.3roos.com/showthread.php?t=499457

3- http://forums.3roos.com/showthread.php?t=498427

4- http://forums.3roos.com/showthread.php?t=478972&page=6

يسعد مساكن يا أحلى بنوتات عم اشتألكن كتير والله متمنايه يكون أي حدا منكن حوالي حاسة فيكن كإنكن صرتوا أهلي معقولة
وبتمنى تيجوا توقفوا معي بخطبة بنتي لإنه من غير شر ماعندي حدا هون يلا بسلامة راس أبوها بس ترى أمانة اللي بيحسن يجي لعندي ما يقصر وأهلا وسهلا فيه بس والله متلبكة كتير حتى اتصلت بماما مارح تقدر تيجي لإنه بابا تعبان شوي
حددنا اليوم أنا وأم العريس ايمتين قراءة الفاتحة وتلبيس الدبل بعد 10 أيام وهون هني عندهن حفلةالخطبة مع كتب الكتاب فبكرة بدنا نحددها ايمتى يعني ممكن تكون بعد شهرين بقى ادعولي
مونو يبعتلك الهنا والله ضحكتيني من قلبي على رش المصاري على قولة بيرل ما بتحسني تمرقيلن ياها واتضلي ساكتة بس بدي اسألك دخلك هالفلوس بعدين مين بياخدها يعني البنات رقصوا وتعبوا وعملوا جهدهن بس الغلة لمين بتروح

السلام عليكم يااحلى واغلى بنات والله الكم وحشة
الله يخليلي ياكم يااارب
بيرل لك تؤبشي قلبي دخيل اللي بيسئل عني يارب اطمن عنك على طووووول بالعافية انا بخير الحمد لله بس والله مشغولة شوي هالايام باختبارات محمود بتعرفو اول اختبار والله شي صعب بس ان شالله بتهون عليه يارب والاختبارات لاسبوعين متواصل فدعواتكم
ويخليلي ياكي ماانحرم منك ومن ايميلاتك بتجنننننن

مون وشامية وسمورة ولولية ربي يسعدكم ويقويكم ويعطيكم الف عافية
مون حلوووووة العادات متل عادات الشام بالنسبة للوقت اما رشرشة الفلوس هههههه عجيبة والله بس على قولة لولية مين بياخدهم بالاخر

شامية الله يسعدككمان انتي عم تغطي وتطولي علينا شكلنا كبرنا والمسؤوليات عم تكبر معنا ههههههه
لولية يارب الف الف مبروووووك لبنوتك التمام لخير يااااارب وياريتنا قراب والله لنكون معك بكل خطوة .... وانتي غااالية والله علينا وقريبة لقلبي كتييير الشاهد الله


كانت اليوم عزيمتي للعروس وزوجها وبنتو وامو واخوه واختو وزوجها وولادها واختي وزوجها وولادها ونحنا ههههههههههه ماشالله عزومة غير شكل
الحمد لله انبسطنا كتييير بس الاولاد صرعووووووونا الله يحميهم يعني عشر اطفال فعم اكتبلكم وراسي هالقد ادوووو
تصبحوا على خير واشوفكم على خير

يسعد لي اوقاتكن يارب ان شاءالله ايامكن كلها فرح و سعادة

لولية شايفة كيف بهالتجمع منصير متل الأخوات و ما منقدر الا نطل كل فترة و نحكي حتى لو غطينا شوي مالنا غنى عن بعض المهم الله يتمم لبنتك على خير يارب يعني منفهم من كلامك انه عرسها قريب كمان ولا بس هلأ خطبة و العرس مو باين لأن اذا هيك يادوب تركضي و تجهزي و مهما قالت الوحدة ما بدي كتر ما بتقدر الا تلملم من هون ومن هون المهم العقبى لأخواتها ان شاءالله

دمشقية ان شاءالله بيتك عامر على طول ماشاءالله جمعة مرتبة والله ومتل ما قلت انا بالنسبة لي يجتمع عندي 10 اشخاص وما يكون ولد واحد لأن عن جد بيقوم البيت و بيقعد وما بتعودي بتوعي على شي يمكن لأن ما عندي اولاد بمل اكتر ما بعرف والله
المهم ياستي لا تقولي اول امتحان ولا آخر امتحان لأن رح تبقي هيك متوترة ومشدودة طوال ما عم يدرسوا حتى يتخرجوا من الجامعات يعني منعرف من اهالينا طوال ما عنا امتحانات كانهم هم اللي عم يقدموا و عم يتعبوا على طول اعصابهم مشدودة بس يمكن انت لأن اول تجربة عندك عم تلاقيها شي جديد عليك المهم الله يوفقه يارب

باقي البنات وينكن لا حس و لاخبر طلوا علينا اشتقنالكم
مونو بتطلع بالليل وبتحط لنا فطور هههههههههههههههههههه
حياتي من اليوم ورايح الوقت اللي بتدخلي فيه بتحطي له الوجبة المناسبة لو سمحت يعني اذا دخلت الضهر حطي لنا غدا و اذا دخلت بعد الظهر حطي لنا سناك هههههههههههههههههه شحاد ومشارط كمان

يسعد مساكم جميع اشتقتلكن كتير والله يا دمشقية ليش عم غط ما بعرف يعني جد ماعندي تفسير هيك الدنيا بتاخدنا مدري كيف يعني أوقات عم اطلع اتمشى عالبحر أنا وزوجي أوقات شغل بهالبيت يعني لسا ما اجاني ولاد وهيك الله بيعين هلق صحيح أنا ما بكتب ردود بس بفتح بقرأ ردودكم وبقول المسا برد المسا عم انشغل
اليوم نزلت عالسوق أنا وجارتي قلت لحالي بما اني نزلت لحالي بدون زوجي لازم اشتريلو هدية على عيد ميلادو صحيح مطول باقيلو أكتر من شهر بس اليوم صحتلي فرصة ولازم استغلها المهم اشتريتلو كلابية جديدة من عند الأصيل وفوقها عباية هون بيقولولها دشداشة طبعا هدول حلوين يوم الجمعة لما يروح عالجامع أو حتى بسوريا لما يستقبل العالم وهو زوجي ما شالله طويل ومليان مرة قاس تبع صهري زوج أختي كتير طلعت حلوة عليه وهو عجبتو المهم حبيت غير عن القمصان والعطورات والساعات يعني الهدايا التقليدية والمتوقعة هي مارح يتوقعها أبدا ورح ينبسط فيها بظن أصلا هو مارح يتوقع اني اهديه أبدا لأنو ما بيعرف أنو معي مصاري وبيعرف أنو ماعندي فرصة أني اشتريلو شي ولا بيتوقع أني ممكن اشتريها قبل بشهر وشوي من عيدو على كل حال هو هداني موبايل سامسونج كان عيد ميلادي ب 22/11 كتير حلو لونو وردي وموديلو جديد
بتعرفو صبايا لازم نتفق ونعمل صبحية يعني نحدد موعد نكون الصبح كلنا عالنت ونحكي عالشات يعني زيارة عالنت هيك ندردش مابعرف اذا عجبتكم الفكرة منتفق يلي عندها ارتباطات بامكانها هي تحدد اليوم لأنو نحنا فاضيين وقاعدين بالبيت بقى ما بتفرق معنا والساعة ممكن تكون 10 الصبح انسب شي

بانتظار ردكم صبايا

سلاام

مسائووووووووووو <<< وش خجلان من دخلاتي القليلة

PEARL2000;10781229:
مرحبا يا احلى بنات كيفكن وشو أخباركن ؟

مونو كيفك حياتي أكيد غير شكل القعدة بالبيت الله يهنيك و ان شاءالله تكوني انبسطت بهالعرس بس عن جد سبحان الله العادات كيف بتختلف من بلد لبلد يعني حتى هون ضمن الخليج بتختلف العادات بس ضحكتني أكتر شي رش الفلوس على اللي بيرقصوا وانت ما بتقدر بلا تعليقاتك يعني لازم تقولي لها اياها هههههههههههههههههههه
لولية الله يهنيه صهرك بالمحل الجديد و ان شاءالله فاتحة خير يارب والله يوفقه و هديتك كتير مناسبة وحلوة
ياسمينة الله يبعت الخير يارب ماتنسي انه نحن بكوانين و هالبرد هذا جاية باوانه
دمشقية وين غاطة مو مبينة هالأيام ان شاءالله يكون خير يارب ؟
اما عن اخباري ما في شي جديد غير ضغط الشغل شوي زيادة لأن قربنا على نهاية السنة و باول شهر و بآخر شهر من السنة بيبقى فيها ضغط زيادة لهيك قلت دخلتي عالنت شوي بس اكيد كل ما بيسمح لي الوقت رح ادخل وسلم عليكن لأن ما بستغني ابدا

اهلين بحبيبة قلبي بيرل والله قعدة البيت حلوووة عن جد حاسة حالي مرتاحة
مع انه ما عم نام كتير وعم قضي كل وقتي تنضيف من ورا رؤى بس الحمدلله
بيكفي بالي فاضي وما عم فيق مستعجلة وانا ببالي مية شغلة وشغلة ولازم لحقها
وانت الله يعطيك العافية ويقويك والله ما قليل هالضغط اخر السنة
ومشان رش الفلوس يا اختي الا بدك تحكي ههههههههههههه يعني ام العروس داخلة
وعم ترشرش على هالبنات وفلانة وعلتانة حتى مرت اخو رفيقتي قالتلي اذا رقصوا
بناتي لازم رشلهم والا عيب يعني ما عملت قيمة لرقصهم ههههههههههههههه
عوينات اهل البلد يشوفهم كانوا نشحوهم هههههههههههههههههههه

لولية;10785057:
يسعد مساكن يا أحلى بنوتات عم اشتألكن كتير والله متمنايه يكون أي حدا منكن حوالي حاسة فيكن كإنكن صرتوا أهلي معقولة
وبتمنى تيجوا توقفوا معي بخطبة بنتي لإنه من غير شر ماعندي حدا هون يلا بسلامة راس أبوها بس ترى أمانة اللي بيحسن يجي لعندي ما يقصر وأهلا وسهلا فيه بس والله متلبكة كتير حتى اتصلت بماما مارح تقدر تيجي لإنه بابا تعبان شوي
حددنا اليوم أنا وأم العريس ايمتين قراءة الفاتحة وتلبيس الدبل بعد 10 أيام وهون هني عندهن حفلةالخطبة مع كتب الكتاب فبكرة بدنا نحددها ايمتى يعني ممكن تكون بعد شهرين بقى ادعولي
مونو يبعتلك الهنا والله ضحكتيني من قلبي على رش المصاري على قولة بيرل ما بتحسني تمرقيلن ياها واتضلي ساكتة بس بدي اسألك دخلك هالفلوس بعدين مين بياخدها يعني البنات رقصوا وتعبوا وعملوا جهدهن بس الغلة لمين بتروح

والله نحن كمان هيك يعني انتم متل اخواتي تماما وبحكي وبفضفض وعن جد
بعتبركم رفقات واعز والله يهنيكم ويتمم مع بنوتك على خير والله ياريت كان فينا نحضر
ما فيني لساني بيحكني اذا ما حكيت هههههههههههههههههههههههه
والفلوس بياخدوها فرقة الطق يعني الطقاقات لانه قال هن اللي عم يرقصون
منطق عجيب ^o)

الدمشقية;10787090:
السلام عليكم يااحلى واغلى بنات والله الكم وحشة
الله يخليلي ياكم يااارب
بيرل لك تؤبشي قلبي دخيل اللي بيسئل عني يارب اطمن عنك على طووووول بالعافية انا بخير الحمد لله بس والله مشغولة شوي هالايام باختبارات محمود بتعرفو اول اختبار والله شي صعب بس ان شالله بتهون عليه يارب والاختبارات لاسبوعين متواصل فدعواتكم
ويخليلي ياكي ماانحرم منك ومن ايميلاتك بتجنننننن

مون وشامية وسمورة ولولية ربي يسعدكم ويقويكم ويعطيكم الف عافية
مون حلوووووة العادات متل عادات الشام بالنسبة للوقت اما رشرشة الفلوس هههههه عجيبة والله بس على قولة لولية مين بياخدهم بالاخر

شامية الله يسعدككمان انتي عم تغطي وتطولي علينا شكلنا كبرنا والمسؤوليات عم تكبر معنا ههههههه
لولية يارب الف الف مبروووووك لبنوتك التمام لخير يااااارب وياريتنا قراب والله لنكون معك بكل خطوة .... وانتي غااالية والله علينا وقريبة لقلبي كتييير الشاهد الله


كانت اليوم عزيمتي للعروس وزوجها وبنتو وامو واخوه واختو وزوجها وولادها واختي وزوجها وولادها ونحنا ههههههههههه ماشالله عزومة غير شكل
الحمد لله انبسطنا كتييير بس الاولاد صرعووووووونا الله يحميهم يعني عشر اطفال فعم اكتبلكم وراسي هالقد ادوووو
تصبحوا على خير واشوفكم على خير

الله يعينك خلص متل ما قالت بيرل صرتي مسؤولة عنه يعني اختبارات وغيره
انت بوش المدفع ههههههههههههههه والله يقويك على العزيمة ما شاء الله بيت عامر
ما قلتيلنا شو عملتي لهم سيرة الحب هههههههه
وفعلا الاعراس هون متل عنا ما بتختلف بالنمط بس بالرفاهية ماشاء الله :celebrate:

PEARL2000;10789436:
يسعد لي اوقاتكن يارب ان شاءالله ايامكن كلها فرح و سعادة

لولية شايفة كيف بهالتجمع منصير متل الأخوات و ما منقدر الا نطل كل فترة و نحكي حتى لو غطينا شوي مالنا غنى عن بعض المهم الله يتمم لبنتك على خير يارب يعني منفهم من كلامك انه عرسها قريب كمان ولا بس هلأ خطبة و العرس مو باين لأن اذا هيك يادوب تركضي و تجهزي و مهما قالت الوحدة ما بدي كتر ما بتقدر الا تلملم من هون ومن هون المهم العقبى لأخواتها ان شاءالله

دمشقية ان شاءالله بيتك عامر على طول ماشاءالله جمعة مرتبة والله ومتل ما قلت انا بالنسبة لي يجتمع عندي 10 اشخاص وما يكون ولد واحد لأن عن جد بيقوم البيت و بيقعد وما بتعودي بتوعي على شي يمكن لأن ما عندي اولاد بمل اكتر ما بعرف والله
المهم ياستي لا تقولي اول امتحان ولا آخر امتحان لأن رح تبقي هيك متوترة ومشدودة طوال ما عم يدرسوا حتى يتخرجوا من الجامعات يعني منعرف من اهالينا طوال ما عنا امتحانات كانهم هم اللي عم يقدموا و عم يتعبوا على طول اعصابهم مشدودة بس يمكن انت لأن اول تجربة عندك عم تلاقيها شي جديد عليك المهم الله يوفقه يارب

باقي البنات وينكن لا حس و لاخبر طلوا علينا اشتقنالكم
مونو بتطلع بالليل وبتحط لنا فطور هههههههههههههههههههه
حياتي من اليوم ورايح الوقت اللي بتدخلي فيه بتحطي له الوجبة المناسبة لو سمحت يعني اذا دخلت الضهر حطي لنا غدا و اذا دخلت بعد الظهر حطي لنا سناك هههههههههههههههههه شحاد ومشارط كمان

شايفة على فصولي الناقصة شو بعرفني بقول بجهز لكم الفطور من الليل ههههههههههههه
خلص لا شحاد ولا شي تكرمي رح حط الوجبة تبعا للوقت المحلي ههههههههههههههه

شامية للعظم;10793445:
يسعد مساكم جميع اشتقتلكن كتير والله يا دمشقية ليش عم غط ما بعرف يعني جد ماعندي تفسير هيك الدنيا بتاخدنا مدري كيف يعني أوقات عم اطلع اتمشى عالبحر أنا وزوجي أوقات شغل بهالبيت يعني لسا ما اجاني ولاد وهيك الله بيعين هلق صحيح أنا ما بكتب ردود بس بفتح بقرأ ردودكم وبقول المسا برد المسا عم انشغل
اليوم نزلت عالسوق أنا وجارتي قلت لحالي بما اني نزلت لحالي بدون زوجي لازم اشتريلو هدية على عيد ميلادو صحيح مطول باقيلو أكتر من شهر بس اليوم صحتلي فرصة ولازم استغلها المهم اشتريتلو كلابية جديدة من عند الأصيل وفوقها عباية هون بيقولولها دشداشة طبعا هدول حلوين يوم الجمعة لما يروح عالجامع أو حتى بسوريا لما يستقبل العالم وهو زوجي ما شالله طويل ومليان مرة قاس تبع صهري زوج أختي كتير طلعت حلوة عليه وهو عجبتو المهم حبيت غير عن القمصان والعطورات والساعات يعني الهدايا التقليدية والمتوقعة هي مارح يتوقعها أبدا ورح ينبسط فيها بظن أصلا هو مارح يتوقع اني اهديه أبدا لأنو ما بيعرف أنو معي مصاري وبيعرف أنو ماعندي فرصة أني اشتريلو شي ولا بيتوقع أني ممكن اشتريها قبل بشهر وشوي من عيدو على كل حال هو هداني موبايل سامسونج كان عيد ميلادي ب 22/11 كتير حلو لونو وردي وموديلو جديد
بتعرفو صبايا لازم نتفق ونعمل صبحية يعني نحدد موعد نكون الصبح كلنا عالنت ونحكي عالشات يعني زيارة عالنت هيك ندردش مابعرف اذا عجبتكم الفكرة منتفق يلي عندها ارتباطات بامكانها هي تحدد اليوم لأنو نحنا فاضيين وقاعدين بالبيت بقى ما بتفرق معنا والساعة ممكن تكون 10 الصبح انسب شي

بانتظار ردكم صبايا

سلاام

يا هلا شوفي والله شغل البيت بيلهي والله عن جد وقلت من الاول قعدت ببيتي سنة كاملة
ما مليت ولا اشتكيت وقتي كان مليان مع انه ما كان في نت
ومبروك الهدية شطووووووووووووورة انت متلي تماما بجيب الهدية من قبل بشهر او احيانا
اكتر يعني بعمل ميزانيتي لانه ما كل الاحيان بتقدري تنزلي على السوق
وصارت فيني مرة ما قدرت جيب هدية للمناسبة ومشان التوقيت حلوو ومناسب

الساعة عندي 6 وتلت تقريبا ما بعرف قلت شو رايكم تتحلوا

يسعد أوقاتكم بيرل لولية مونو دمشقية ياسمينتنا الله ييسرلها وبنوتة كات خانم وسورية اشتقنالكم والله

صباح الخير للجميع أنا عم اشرب متة من عند الصبح من زمان ما شربتها الصبح قلت لحالي بتغسل الكلاوي ع الريق ومشتهيتكم والله معي


حبيت صبح عليكم بس

مسا الورد للحلوين شو وين الكل مختفي


شامية ........ صحة وهنا على المتة وهي اول مرة بعرف انها بتغسل الكلاوي ؟ انا ولا مرة دقتها على فكرة




اتفضلوا العشا بما انه سهرة شاورما