تجمعنا السوريات لشهر ذو الحجة وينعاد عليكم بالصحة والعافية

كيفكن ياحلوين
لك شو وين يابنات الشام ما عم شوفكن بالمنتدى عم دور عليكن كتير
نشالله كل عام وأنتو بألف خير ونشالله ينعاد علينا وعليكن بالخير

صباح الخيرات على احلى بنات كيفكن شو أخباركن

صباح العطاء و الخير يارب على الجميع المطر صار له من مبارح ما وقف ماشاءالله الله يبعت الخير بس اكتر من مبارح وقت اللي قمت الصبح كانت الدنيا سودا عن جد حسيت حالي فايقة بالليل من كتر العتم و كانت عم تمطر بس عالخفيف بس بعد شوي قويت كتير و لحد الان ما هديت أبدا الله يبعت الخير
مونو اليوم اول يوم الها بالسعادة البيتية هههههههههههه الله يهنيك يارب و ان شاءالله بتكسري هالروتين اللي كنت عايشة فيه شوي من تعب و زهق و ارهاق و تفرغي لبيتك و لبنتك بس طلي علينا ما تقطعينا
دمشقية اليوم وقفة العيد و اكيد ملتهية ببيتها الله يعطيك العافية
وباقي البنات كلهم مشغولات اليوم و اللي رايحين مشاوير الله يهنيكم يارب و ان شاءالله بترجعوا بخير و سلامة قصدي شامية و بنوتة و لولية
ياسمينة بتكون معجوقة بخطيبها و بتجهيزات العيد ان شاءالله العيد الجاية بتكوني ببيت عريسك
ان شاءالله ماكون نسيت حدا
على كل حال كل عام وانتوا بألف خير و ان شاءالله بينعاد عليكن و على عائلاتكن بالخير و الصحة و العافية يارب

اهلين ليين يسعد صباحك نحن موجودين هون على طول بس يمكن ما عم تشوفينا أو ما عم تدخلي على تجمع السوريات بس يمكن ما منلتقى بنفس الوقت يعني اللي فاضية بتدخل بتسجل تعليق و بتطلع
على كل حال انا ما متذكرة اذا دخلت قبل بمرة ولا لا واذا كانت اول مرة لو سمحت عرفينا عن حالك أكتر يعني وين مقيمة و الحالة الاجتماعية بتشتغلي ولا ست بيت يعني من هالحكي

لولية;10699620:
مسا الخير يا بنوتات يا حلوات لا تؤاخذوني انشغلت كتير هالفترة بس بتعرفوا ابن عمي بالبلد بقى وما عم نقعد بالبيت أبدا وبإذن الله بكرة مسافرين شو أسبوع على تركيا اسطنبول
كل عام وإنته بألف ألف خير يا رب وينعاد عليكن وعلى عيلتكم بخير وسلامة
انبسطوا بهالعيد وابسطوا ولاد عمكن وديروا بالكن عليهم
ادعولي

الله يسرلكم ويهنيكم وينعاد عليكم بكل خير وعافية
معذورة ولا يهمك بس مشتاقين لك F:

leeean;10701702:
كيفكن ياحلوين
لك شو وين يابنات الشام ما عم شوفكن بالمنتدى عم دور عليكن كتير
نشالله كل عام وأنتو بألف خير ونشالله ينعاد علينا وعليكن بالخير

اهلين فيك بالتجمع بتشرفينا
ومتل ما قالت بيرل لو سمحتي معلومات عنك ^o)

PEARL2000;10702901:
صباح الخيرات على احلى بنات كيفكن شو أخباركن

صباح العطاء و الخير يارب على الجميع المطر صار له من مبارح ما وقف ماشاءالله الله يبعت الخير بس اكتر من مبارح وقت اللي قمت الصبح كانت الدنيا سودا عن جد حسيت حالي فايقة بالليل من كتر العتم و كانت عم تمطر بس عالخفيف بس بعد شوي قويت كتير و لحد الان ما هديت أبدا الله يبعت الخير
مونو اليوم اول يوم الها بالسعادة البيتية هههههههههههه الله يهنيك يارب و ان شاءالله بتكسري هالروتين اللي كنت عايشة فيه شوي من تعب و زهق و ارهاق و تفرغي لبيتك و لبنتك بس طلي علينا ما تقطعينا
دمشقية اليوم وقفة العيد و اكيد ملتهية ببيتها الله يعطيك العافية
وباقي البنات كلهم مشغولات اليوم و اللي رايحين مشاوير الله يهنيكم يارب و ان شاءالله بترجعوا بخير و سلامة قصدي شامية و بنوتة و لولية
ياسمينة بتكون معجوقة بخطيبها و بتجهيزات العيد ان شاءالله العيد الجاية بتكوني ببيت عريسك
ان شاءالله ماكون نسيت حدا
على كل حال كل عام وانتوا بألف خير و ان شاءالله بينعاد عليكن و على عائلاتكن بالخير و الصحة و العافية يارب

يسعد صباحك وكل ايامك والله اليوم فايقة وعندي اسبوع المرور هههههه
جسمي مكسر تكسير يعني عيدت قبل العيد وفطرانة سبحان الله مالي
نصيب صوم الله يكتبلي ياه
وانا عم اقرا على الطقس عندكم عم قول ما شاء الله ما شاء الله ما بدي
صيبكم عين ههههههههههههه بس عن جد نيااااااال قلبكم نحن لو شتت
بعمرا ما بتوصل لهالدرجة الله يجعلها سقيا رحمة
وتسلمي يا مذوقة وانت بالف خير وزوجك ويارب كل ايامك خير

كل سنة وانتم بالف خير وينعاد عليكم بكل صحة اعوام واعوام
وكل عام احلى من عام

مشقية وسورية طمنونا عنكم وحياة الله
قسما بالله نزل قلبي بالارض لما شفت صور جدة
الله يكون معكم الله يجيركم في هالمصيبة
اللهم اجعله صيبا نافعا اللهم اجعلها سقيا رحمة يا ارحم الراحمين

السلام عليكم ورحمة الله
الدنيا عيد والكل سعيد قصدي مشغووول ... ينعاد عليكم جميييع
بيرل الله يبعت الخير يارب على الجميييع يااارب تكوني بخييير ومبسووووطة
لييين اهلا وسهلا فيكي معنا
لولية الله يسعدكم يااارب وتروحي وترجعو بالسلامة وعيدك مبااارك
مون حبيبة قلبي ينعاد عليكي يارب محنا بخير انا وسورية ربيي يسعدك المد لله ماصابنا شي ونحنا كتييير بعاد عن هالمنطقة المنكوبة الله يعينهم وصلت ضحايا الامطار ل 90 شخص واكثر الله يرحمهم يارب ..... هي مطرة كم ساعة وهيك عملت فينا منشان هيك ربنا حارمنا المطر لان رحمة لاهل هالبلد مساكين
كيف العيد معك ؟؟

شامية ان شالله تكوني مبسوطة بصنعا طلعتي بالمظاهرة ولا لاء هههههه
سمورة وكاتس وبنوتة ينعاد عليكم يارب وعلى اهاليكم

بنوتة الله يتقبل حجك وترجعي بالسلامة

دمشقية ....... الحمدلله انه اتطمنت عليكم الله يكون معكم
وعن جد وجعني قلبي عليهم سبحان الله الدنيا عيد الله يجعلها اجر وثواب لهم
والعيد ماشي حاله الحمدلله اول يوم طلعنا المسا لفينا بسوق واقف اللي حكيت لكم عنه
سوق قديم وكلله مقاهي وكافيات ومطاعم مع سوق شعبي وطبعا كان ملياااان ناس وحتى الاجانب معيدين معنا هههههه
ورحنا بعده على المول قال زوجي لازم يشتري لرورو لعبة العيد
وتاني يوم الصبح رحنا فطرنا برا البيت ورجعنا وطبعا خلص العيد عنا لانه زوجي راجع على الدوام ان شاء الله
وان شاء الله ناوية هالاسبوع شن حملة تنضيف واسعة بدي مشط فيها كل البيت هههههههههههههه
والمفروض اذا الله عطان القوة انه خلص على يوم الخميس والله ييسر

وانتم كيف كان العيد معكم ؟

يسعد صباحكن يا أمورات يا حلوات أنقل إليكم سلامي هذا من استانبول والجو خارجا ممطر غائم جزئيا والحمدلله مبسوطين ومكيفين
كيفكن يا حلوات الله يديم علينا وعليكم الصحة والعافية
دمشقية منيح اللي تطمنا عليكي والله وقت شفنا الأخبار فورا خطرتي ببالي والحمدلله على سلامتكن
مونو صدقيني هلأ وقت بتبلشي التعزيل بتكوني مبسوطة كتير ومستمتعة سبحان الله فعلا المرأة مكانها الطبيعي البيت وما بتحس بحالها غير جواتو
سلامي للجميع فردا فردا

يخليلي ياكي يااارب مون ويخليكي لحبابك يااارب ونتطمن عليكي بالعافية دووم يارب
... ستي المهم انبسطتو وغيرتو جو العيد هون بالسواق والمطاعم ومباركة اللعبة لرورو
نحنا هيك والله اول يوم فطرنا الصبح بالبيت مع بيت اختي سورية غيرنا جو وبالليل طلعنا اتغدينا بالمطعم او بالاحرى عشاورجعنا عند اختي سهرنا
وتاني يوم رحنا زيارة عند اخت زوجي وطلعنا اتعشينا بمطعم ورجعنا البيت
واليوم ناويين نروح على كمان مطعم خخخخ بس على البحر ان شالله وناكل سمك وجمبري خخخخخخخ
يعني هاد هو عيدنا اجمالا والجو والنكبة اللي صارت خلتنا نصرف نظر عن التخييم على البحر واكتفنا تمشية وبس

&&&&&&&&
لولية سلميلي على نور ومهند بتركيا ولميس كمان اذا شفتيهم ::::: الله يسعدكم يارب وتسلميلي يااارب نحنا بخير الحمد لله
وان شالله تنبسطوا وترجعولنا بالخير يارب

صحيح مون الله يقويكي ياااارب على التعزيل شطووورة والله
بدها همة الشغلة بس وانتي عم تشتغلي بطلعي كل الكبت والهمة وبتنبسطي هههه الله يعينك ويعطيكي العافية مقدماا

صباح الخير على أحلى بنات و ان شاءالله بينعاد عليكن يارب بالخير و الصحة

دمشقية حبيبة قلبي الحمدلله انه اطمأنيت عنك لأن ماكان صاير لي افتح النت بالبيت ولا لحظة بهالعطلة و اليوم الصبح مجرد مادخلت عالمكتب قلت أول شي بدي شوف اذا الدمشقية باعتة شي رد و الحمدلله انكم بخير
مونو ان شاءالله أيامكن كلها أعياد يارب يالله طالعي المستخبي بهالبيت و نكشي على راحتك ما في مين يلحقك و الله أنا بهالعطلة في شغلات كتير كانت مأجلة و الحمدلله اني خلصت منها كمان الله يهنيك بقعدة البيت و فعلا متل ما قالت لولية الست مالها غير بيتها و مرجوعها تقعد بالبيت
لولية ان شاءالله تكون رحلتكن ممتعة يارب و ان شاءالله على طول مجموعين بالفرح يارب و ينعاد عليك وعلى عيلتك بالخير
وباقي البنات اللي غايبين صار لهم فترة كل عام وانتوا بالف خير و لاتطولوا الغيبة علينا
المهم يابنات كان عندي عطلة يومين بالاضافة للجمعة اول يوم كان عندي عزيمة و طبعا كنت مبلشة بتحضيراتها من قبل بيومين و ضيوفي الحمدلله انبسطوا كتير و ماطلعوا من عندا للساعة 7 ونص و بعدها بلش التعزيل بالبيت
تاني يوم قمت لا من ايدي و لامن رجلي عن جد يمكن كل الليل مو نايمة من تعبي و ما طلعنا برا البيت للمسا رحنا لعند اصحابنا عايدناهم و بس اما البارحة كمان قضينا قبل الضهر بالبيت و المسا رحنا على كارفور تسوقنا شوي و هي كانت عطلتي و بصراحة اللي ما بيشجع على الطلعة الطقس
على فجأة قلب برد فظيع وأمطار غزيرة من يوم الخميس حتى يوم السبت و يمكن لو ما في مصارف هون و آخدين احتياطاتهم للأمطار كان صار فينا لا سمح الله متل جدة لأن ماشاءالله 3 ايام ورا بعض ما صحيت الدنيا ابدا غير كم ساعة بس الحمدلله على النعمة

مسا الفل بعتذر ما عم ادخل الصبح بس والله هي تاني يوم بالتعزيل
والمشكلة بينقطع شي من رورو وشي لتحضير غدا وهكذا وعن جد
بتلاقي حالك كل ما رح تخلصي طلعلك شي جديد على كل حال الحمدلله
خلصت غرفتين النوم مع الخزانات والستاير وبكرة ان شاء الله عندي الصالون

لولية;10713364:
يسعد صباحكن يا أمورات يا حلوات أنقل إليكم سلامي هذا من استانبول والجو خارجا ممطر غائم جزئيا والحمدلله مبسوطين ومكيفين
كيفكن يا حلوات الله يديم علينا وعليكم الصحة والعافية
دمشقية منيح اللي تطمنا عليكي والله وقت شفنا الأخبار فورا خطرتي ببالي والحمدلله على سلامتكن
مونو صدقيني هلأ وقت بتبلشي التعزيل بتكوني مبسوطة كتير ومستمتعة سبحان الله فعلا المرأة مكانها الطبيعي البيت وما بتحس بحالها غير جواتو
سلامي للجميع فردا فردا

ما شاء الله تتهنوا يارب واييييه على هيك جو
على فكرة الحمدلله الطقس اليوم ابتدا يبرد عنا
وعن جد متل ما قلتي انا وعم اشتغل عم قول الحمدلله اني تركت
والله يوفقني بقراري لانه عن جد فرق كتير يا عمي متل ما بقول البيت
مملكة الوحدة

الدمشقية;10714017:
يخليلي ياكي يااارب مون ويخليكي لحبابك يااارب ونتطمن عليكي بالعافية دووم يارب
... ستي المهم انبسطتو وغيرتو جو العيد هون بالسواق والمطاعم ومباركة اللعبة لرورو
نحنا هيك والله اول يوم فطرنا الصبح بالبيت مع بيت اختي سورية غيرنا جو وبالليل طلعنا اتغدينا بالمطعم او بالاحرى عشاورجعنا عند اختي سهرنا
وتاني يوم رحنا زيارة عند اخت زوجي وطلعنا اتعشينا بمطعم ورجعنا البيت
واليوم ناويين نروح على كمان مطعم خخخخ بس على البحر ان شالله وناكل سمك وجمبري خخخخخخخ
يعني هاد هو عيدنا اجمالا والجو والنكبة اللي صارت خلتنا نصرف نظر عن التخييم على البحر واكتفنا تمشية وبس

&&&&&&&&
لولية سلميلي على نور ومهند بتركيا ولميس كمان اذا شفتيهم ::::: الله يسعدكم يارب وتسلميلي يااارب نحنا بخير الحمد لله
وان شالله تنبسطوا وترجعولنا بالخير يارب

الله يهنيكم والمهم انه عم تطلعوا وتدخلوا يعني انكسر الروتين شوي
ومو مشكلة مشان التخييم بسيطة
نسيت قلك انه نسيتي ما تسلمي على يحيى كمان ههههههههههههههه

الدمشقية;10714023:
صحيح مون الله يقويكي ياااارب على التعزيل شطووورة والله
بدها همة الشغلة بس وانتي عم تشتغلي بطلعي كل الكبت والهمة وبتنبسطي هههه الله يعينك ويعطيكي العافية مقدماا

الله يعافيك يارب وعن جد حلو الشغل وحاسة عن جد اني ست بيت
وزوجي مضغوط بالشغل واليوم طلع من الصبح من 5 وهلأ صارت 9 ولهلأ ما اجا
الله يقويه بقى ركزت اليوم بالشغل منيح اكتر من امبارحة

PEARL2000;10716817:
صباح الخير على أحلى بنات و ان شاءالله بينعاد عليكن يارب بالخير و الصحة

دمشقية حبيبة قلبي الحمدلله انه اطمأنيت عنك لأن ماكان صاير لي افتح النت بالبيت ولا لحظة بهالعطلة و اليوم الصبح مجرد مادخلت عالمكتب قلت أول شي بدي شوف اذا الدمشقية باعتة شي رد و الحمدلله انكم بخير
مونو ان شاءالله أيامكن كلها أعياد يارب يالله طالعي المستخبي بهالبيت و نكشي على راحتك ما في مين يلحقك و الله أنا بهالعطلة في شغلات كتير كانت مأجلة و الحمدلله اني خلصت منها كمان الله يهنيك بقعدة البيت و فعلا متل ما قالت لولية الست مالها غير بيتها و مرجوعها تقعد بالبيت
لولية ان شاءالله تكون رحلتكن ممتعة يارب و ان شاءالله على طول مجموعين بالفرح يارب و ينعاد عليك وعلى عيلتك بالخير
وباقي البنات اللي غايبين صار لهم فترة كل عام وانتوا بالف خير و لاتطولوا الغيبة علينا
المهم يابنات كان عندي عطلة يومين بالاضافة للجمعة اول يوم كان عندي عزيمة و طبعا كنت مبلشة بتحضيراتها من قبل بيومين و ضيوفي الحمدلله انبسطوا كتير و ماطلعوا من عندا للساعة 7 ونص و بعدها بلش التعزيل بالبيت
تاني يوم قمت لا من ايدي و لامن رجلي عن جد يمكن كل الليل مو نايمة من تعبي و ما طلعنا برا البيت للمسا رحنا لعند اصحابنا عايدناهم و بس اما البارحة كمان قضينا قبل الضهر بالبيت و المسا رحنا على كارفور تسوقنا شوي و هي كانت عطلتي و بصراحة اللي ما بيشجع على الطلعة الطقس
على فجأة قلب برد فظيع وأمطار غزيرة من يوم الخميس حتى يوم السبت و يمكن لو ما في مصارف هون و آخدين احتياطاتهم للأمطار كان صار فينا لا سمح الله متل جدة لأن ماشاءالله 3 ايام ورا بعض ما صحيت الدنيا ابدا غير كم ساعة بس الحمدلله على النعمة

تسلمي يارب والله يعينك على العزيمة وكمان بعدها تعزيل والله كتير الله يقويك
وما شاء الله الله يجعلها سقيا رحمة لكم كمان وعقبالنا بالخير يارب
الحمدلله اليوم بلشت اللسعة الباردة عنا بتصور بلشنا ان شاء الله

مساء الخير يا أمورات شو رجعتو للروتين والا لسه بأجواء العيد
أنا الحمدلله أخباري تمام وبكرة بإذن الله راجعين بالليل على بيروت والله حلوة الإجازة بس حلوة الواحد يرجع على بيته الله لا يحرمنااياه يا رب
يا بنات في خبر حلو بدي إلكن ياه يوم الخميس إذا الله راد قراءة فاتحة بنتي الصغيرة هيك نحنا الحماصنة منبلش بالعكس منجوز الصغيرة قبل الكبيرة لكن شو اسمنا مختلفين المهم نرجع لموضوعنا الله يخليكن بدي اياكن تدعولها بالتوفيق وإنه إذا فيه خير هالشخص يتتمملها ربي بالخير والسعادة والله يا بنات قلبي من جوه فرحان شعور بيجنن ما تصورت إنه رح اشعر فيه ووقت عم يقلها كلمة حلوة عم حس كإنه هالكلمة عم تنقال لإلي وعم حس بفرحة
بس بدي إسألكن أبو العريس جاي لأول مرة على بيتنا وبدهن يشوفو زوجي لأول مرة وبدهن يطلبوها ويقرأوا الفاتحة إذا الله راد بقى شو الأصول إني ضيفهن والله ما عندي خبرة بهيك أمور وحاسه حالي ملبكة كتير كتير بقى حدا عندو فكرة ومنردلكن ياها يوم بتخطبوا بناتكن يا رب

السلام عليكم ورحمة الله
راجعة ارد على الجميييييع
بس لولية حبيبة قلبي الف مبرووووك لبنوتك ربي يتمملها بالخير ان شالله
انا بقترح اول مايجو طبعا عصير وبعد العصير بشوي قدمي شاي مع كاتو يكون جاهز وشكلوا سبيسيال مميز بقصد ههههه
واخر شي مابتخلص الجلسة وما بيحلى الكلام الا بالقهوة التركي
انا برايي هدا احسن تقديم لهيك نوع من الضيوف
ويااارب يكتبلها الخير ويتمملها على خير ان شالله ومادخل حماصنة ولا شوام ولا غيرررر انا اتجوزت قبل اختي وكل شي على القسمة والنصيب

لك مسالخير ويسعد أيامكم وكل عام وأنتو بألف خير اشتقتلكن كتير كتير

وان شالله الأفراح عامرة لولية خانم

اشتهيتكم بصنعاء اتسلينا كتير الجو كان بارد انبسطت اني لبست شتوي وشعلت صوبيا

اي والله اشتقت للشتا

المهم صحيح كان برد مو بس هالبرد القاسي متل يلي عنا بسوريا يعني حلو مقبول

وبالنهار شمس دافية

والله تسوقنا تمام الحمد لله زوجي اشترى طقم رسمي وكل توابعه واشترى بوط رياضة

وأنا اشتريت كمان كم شغلة يعني صرفنا راتب الشهر واجينا

بالرجعة مرينا على تعز

وهلق أنا ببيتي اشتقتلو والله

لولية انبسطت كتير والله مشانك

ومشان الضيافة متل ما قالت دمشقية هيك نحنا ضيفنا وقت خطبتي والله وفي حل تاني

كونها الدنيا عيد تستبدلي الكاتو بحلو العيد بس المهم يكون غير شكل يعني الانطباع الأول

بيتاخد على كل التفاصيل شو ضيفتي وبشو ضيفتي وشو لبستو وشو بعرفني من هالقصص

يعني بتصدقي على قد مافي ناس بتدقق بهيك مواقف في وحدة مرة صديقة

ماما قال قلبها ما انشرح للعروس لأنها ما لبست برجلها كانت الدنيا شتا ومادين البيت والعروس

فاتت حافية هههههههه

دمشقية اشتقت لحكياتك والله تقبشي قلبي الحمد لله على سلامتكن

مونو حبيبتي شو أخبارك انهرو ايديك ولا لسا والله أنا رجعت من السفر ونازلة شغل كأني صارلي

شي شهر تاركة البيت غسيل وكوي ومسح البيت والغبرة الله يعطيك العافية

فعلا صدقو يلي قالو العمر بيخلص والشغل ما بيخلص

ياجماعة ونحنا عالطريق كمان شو صار معنا قصة متنا رعبة قلت لحالي هي آخر مرة بطلع فيها على صنعاء

زوجي ما رضي يسافر بالسيارة السواقة هون كتير كتير صعبة لأنو البلد كلها جبال والطرقات وعرة وضيقة وكلها طلوع

وفيها لفات وكواع كتير اتخيلو الطريق متل بين الشام وحماه بياكل 9 ساعات بقى منسافر

بالبولمان أأمن مشان قطاع الطرق كمان وهونيك بصنعاء في سيارات كتير للشركة ومعظم الشباب تركو سياراتن وسافرو على سوريا

المهم ونحنا عالطريق مدري رصاصة طايشة مدري حجر انضربت بالبلور تبع البولمان وانكسر

وشو صوت انفجار متنا رعبة وكان في أطفال ياحرام شو رعبة أكلو المهم رجعنا ربع البولمان بلا بلور

الحمد لله ما انأذا حدا بس اجا الزجاج على وش شباب كانو قاعدين والأحلى من هيك ونحنا

بصنعاء كنا حاجزين للرجعة واذا منسمع أنو مجهولين قاطعين الطريق بين صنعاء وعدن قمنا أجلنا السفرة

بقى حسيت حالي روبن هود على قد ما صار معي مغامرات بهالسفرة ان شالله ما بقى تنعاد

مع أنو هونيك في شغلات أحلى بكتير من عدن وهون بعدن مستحيل مستحيل اشتري شي

لأنو مافي شي

صباح الخير يابنات كيفكن اليوم ؟

الحمدلله على السلامة للي رجعوا من السفر و الحمدلله انكم قضيتوا وقت حلو مع عائلاتكم

لولية الف مبروك خطبة بنتك ان شاءالله بتتهنى و العقبى لأخواتها يارب و ما تقولي صغيرة ولا كبيرة كله قسمة و نصيب ومشان الضيافة بعتقد متل ما قالت لك الدمشقية هيك كتير مناسب ومرتب بس بحب الفت انتباهك لعادات البلد اللي عايشين فيها لأن نحن اغلبنا هيك بيضيف بس ممكن العادات بلبنان بتختلف شوي لهيك حاولي تعرفي و تراعيها هلأ أنا يوم اللي اجوا طلبوني بيت حماي كانت تقريبا نص خطبة لأن العدد كان كبير تقريبا اكتر من 50 شخص بين عيلتنا و عيلة زوجي و بتذكر يومها كنا عاملين صحون مليانة حلو ومالح مع العصير و بعدين قهوة تركي و بعدها ضيافة ناشفة بس تقيلة
شامية الحمدلله على السلامة من هالرعبة والله ماكون محلك كان وقف قلبي و يمكن كنت بطلت روح مرة تانية بس ماشاءالله عنك باين انك شجاعة ومبروكين الأغراض اللي جبتوهم و الله يعينك على تنظيف البيت معلش كله بحساب يعني مو بس تطلعي تنبسطي لازم ترجعي تشتغلي كمان هههههههههههههههههههه
دمشقية حياتي كيفك وشو اخبارك و شو الأوضاع عندكن ان شاءالله هديت الأمور شوي والله اللي عم نسمعوا بالأخبار شي ما بيطمن كتير الله يخليكن انتبهوا لحلكن لأن سمعت انه لسه الوضع خطر و ممكن يصير انهيارات أكتر من قبل الله يستر و يحميكن و يحمينا و يحمي الجميع يارب

السلام عليكم ويسعد صباااكم واوقاااتكم (( هناااااا جدة )) خخخخخ
المهم والله اشتقتلكم كوووومااااياااااااات
بيرل حبيبة قلبي يااااربي نطمن عليكي دووووووم بالعافية نحنا الحمد لله بخير بس والله متل ماقلتي الوضع ابدا مابطمن والدنا بتخوف هون صايرة بين امراض وفيضانات واوبئة الله يبعدها عن الجمييييع
والله هالمطرة اللي صارت لهلأ الناس عم بتعاني منها الله المستعان وبتعرفي راح ضحايا كتير ناس واضرار مادية اكتر والخوف هلأ من بحيرة موجودة بجدة مهددة بالانفجار وياريتها مياه نضيفة كنا سبحنا وجهزنا عدة الغوص خخخخخخ بس للاسف هالبحيرة عبارة عن تجمع 30 سنة من الصرف الصحي العقو لجدة
الله يجيرنا يااارب
يالله مبارح على اليوتيوب شفنا حالات السيل اللي صارت بجدة والقصص والغرقى والاموات والاطفال قسما بالله شي بوجع القلب عن جد تسونامي جدة
يعني مابعرف شو قول يمكن رب ضارة نافعة حتى العالم اللي هون يفتحوا عيونهم ويشوفوا الوضع اللي كنا فيه ويبلشو يعملوا بنة تحتية زي الناس ...........

يعني لو شو ماكتبت وطولت لا تلوموني لان الوضع عن جد كان صعب كتييير ومخيف والله يستر من اللي جاية

شامية مية اهلا وسهلا وحشتنا هالطلة الحمد لله اللي انبسطتو ورجعتو بالسلامة لان الوضع عنكم كمان مخيف بس من ناحية تانية الله يحميكم ياااارب
هالدنيا فااايرة كنو اخر وقت الله يسترنا ويرحمنا برحمته

مبروووكين الاغراض والله يعوض عيكم ياااارب المهم انكم كسرتو الروتين وغيرتو جو ويالله ياحلوة كملي تنظيف البيت هههههه الله يعينك والله قولتك الشغل مابيخلص

ضحكت على قصة العروس وانها فايتة حافية خخخخخخخ اي من جد الرتابة حلوة يااختي
اي تلبس ان شالله سليبر تبع البيت احسن من انها تدخل حافية خخخخخ ..... يااختي لازم يعملوا موسوعة على قصص الشوام وعوايدهم بالخطبوالزواجات خخخخخ

مون الحلوة الله يقويكي ويسعدك ياست البيت الشاااطرة على مهلك على حالك شوي شوي مو تتعبي حالك
كمان صحتك عليكي حق .....وحلو الجو المتوسط يعني لا برد ولا حر احلى من الرطوبة وزنخ البحر بس انتو يمكن متلنا مابيجيكم برد ابداااا مو ؟

المهم انتبهي على رورو لانها بتتأثر اكتر وحدة فيكم من هالجو وتقلباته

يالله بنات شجعو المنتجات الوطنية خخخخخخ
http://forums.3roos.com/showthread.php?t=497660

وبالمرة تعالوا خدو العيدية

http://forums.3roos.com/showthread.php?t=497923