تجمعنا السوريات لشهر ذو الحجة وينعاد عليكم بالصحة والعافية

دمشقية حبيبة قلبي الله يكون معكم يارب صدقيني كل ما بشوفك عم تكتبي و تسجلي دخول قلبي بينشرح و بطمن عنك كمان انا هي البحيرة اللي كنت سامعة عنها وعم احكي فيها الله يستر ما تنفجر و ان شاءالله بيلحقوا يرمموها او يزبطوها شوي بس بتعرفي الحمدلله انه اجت هالشغلة و الناس كلها معطلة و ببيوتها لأن نحن ياما تكون صايرة معنا انه نكون برا و يجي متل هيك مطر و الدنيا قايمة قيامتها وحتى التصريف ما يلحق و ياما غرقت سيارات المهم الله يحميكن و صدقيني ما حدا بيعتب عالتاني بهالملف لأن كل وحدة وظروفها
دخلت على مواضيعك و رديت عليك الله يعطيك العافية يارب

http://forums.3roos.com/showthread.php?t=497427http://search.conduit.com/?SearchSource=10&ctid=CT2233703

مسا الكراسي يا ورد قاعد على الكراسي ههههههههههههههه
كيفكم ؟
انا منيحة الحمدلله ويا دوبك بدخل بتصفح تصفح سريع وبطلع



بيرل .............. كيف يا حلوة وكيف الشغل الجديد معك وكيف البردات :L:

لولية;10725490:
مساء الخير يا أمورات شو رجعتو للروتين والا لسه بأجواء العيد
أنا الحمدلله أخباري تمام وبكرة بإذن الله راجعين بالليل على بيروت والله حلوة الإجازة بس حلوة الواحد يرجع على بيته الله لا يحرمنااياه يا رب
يا بنات في خبر حلو بدي إلكن ياه يوم الخميس إذا الله راد قراءة فاتحة بنتي الصغيرة هيك نحنا الحماصنة منبلش بالعكس منجوز الصغيرة قبل الكبيرة لكن شو اسمنا مختلفين المهم نرجع لموضوعنا الله يخليكن بدي اياكن تدعولها بالتوفيق وإنه إذا فيه خير هالشخص يتتمملها ربي بالخير والسعادة والله يا بنات قلبي من جوه فرحان شعور بيجنن ما تصورت إنه رح اشعر فيه ووقت عم يقلها كلمة حلوة عم حس كإنه هالكلمة عم تنقال لإلي وعم حس بفرحة
بس بدي إسألكن أبو العريس جاي لأول مرة على بيتنا وبدهن يشوفو زوجي لأول مرة وبدهن يطلبوها ويقرأوا الفاتحة إذا الله راد بقى شو الأصول إني ضيفهن والله ما عندي خبرة بهيك أمور وحاسه حالي ملبكة كتير كتير بقى حدا عندو فكرة ومنردلكن ياها يوم بتخطبوا بناتكن يا رب

ان شاء الله بتوصالوا بالسلامة والف مبرووووووووووووووووووووووك
الله يهني الكنارات الصغار وييسر لهم وعقبال فرحة الباقين ياربF:
هلأ شوفي بما انها زيارة رسمية وقراية فاتحة وطليبة يعني مانها مجرد شوفة
او زيارة عادية براي حطي شي تقيل وضيفي شي مرتب
اذا بتحبي اول شي موالح مع شاي وتاني شي فطاير او ميني ساندويتش مع تبولة
بصحون لكل شخص يعني مو بوفيه او سفرة وتالت شي الحلو مع العصير
والقهوة ما بفهم فيها لانه ما بحبها بقى شوفي وين خرج تحطيها هههههههههه
بس براي خلي الضيافة شي محرز احلى بحقكم

شامية للعظم;10726386:
لك مسالخير ويسعد أيامكم وكل عام وأنتو بألف خير اشتقتلكن كتير كتير

وان شالله الأفراح عامرة لولية خانم

اشتهيتكم بصنعاء اتسلينا كتير الجو كان بارد انبسطت اني لبست شتوي وشعلت صوبيا

اي والله اشتقت للشتا

المهم صحيح كان برد مو بس هالبرد القاسي متل يلي عنا بسوريا يعني حلو مقبول

وبالنهار شمس دافية

والله تسوقنا تمام الحمد لله زوجي اشترى طقم رسمي وكل توابعه واشترى بوط رياضة

وأنا اشتريت كمان كم شغلة يعني صرفنا راتب الشهر واجينا

بالرجعة مرينا على تعز

وهلق أنا ببيتي اشتقتلو والله

لولية انبسطت كتير والله مشانك

ومشان الضيافة متل ما قالت دمشقية هيك نحنا ضيفنا وقت خطبتي والله وفي حل تاني

كونها الدنيا عيد تستبدلي الكاتو بحلو العيد بس المهم يكون غير شكل يعني الانطباع الأول

بيتاخد على كل التفاصيل شو ضيفتي وبشو ضيفتي وشو لبستو وشو بعرفني من هالقصص

يعني بتصدقي على قد مافي ناس بتدقق بهيك مواقف في وحدة مرة صديقة

ماما قال قلبها ما انشرح للعروس لأنها ما لبست برجلها كانت الدنيا شتا ومادين البيت والعروس

فاتت حافية هههههههه

دمشقية اشتقت لحكياتك والله تقبشي قلبي الحمد لله على سلامتكن

مونو حبيبتي شو أخبارك انهرو ايديك ولا لسا والله أنا رجعت من السفر ونازلة شغل كأني صارلي

شي شهر تاركة البيت غسيل وكوي ومسح البيت والغبرة الله يعطيك العافية

فعلا صدقو يلي قالو العمر بيخلص والشغل ما بيخلص

ياجماعة ونحنا عالطريق كمان شو صار معنا قصة متنا رعبة قلت لحالي هي آخر مرة بطلع فيها على صنعاء

زوجي ما رضي يسافر بالسيارة السواقة هون كتير كتير صعبة لأنو البلد كلها جبال والطرقات وعرة وضيقة وكلها طلوع

وفيها لفات وكواع كتير اتخيلو الطريق متل بين الشام وحماه بياكل 9 ساعات بقى منسافر

بالبولمان أأمن مشان قطاع الطرق كمان وهونيك بصنعاء في سيارات كتير للشركة ومعظم الشباب تركو سياراتن وسافرو على سوريا

المهم ونحنا عالطريق مدري رصاصة طايشة مدري حجر انضربت بالبلور تبع البولمان وانكسر

وشو صوت انفجار متنا رعبة وكان في أطفال ياحرام شو رعبة أكلو المهم رجعنا ربع البولمان بلا بلور

الحمد لله ما انأذا حدا بس اجا الزجاج على وش شباب كانو قاعدين والأحلى من هيك ونحنا

بصنعاء كنا حاجزين للرجعة واذا منسمع أنو مجهولين قاطعين الطريق بين صنعاء وعدن قمنا أجلنا السفرة

بقى حسيت حالي روبن هود على قد ما صار معي مغامرات بهالسفرة ان شالله ما بقى تنعاد

مع أنو هونيك في شغلات أحلى بكتير من عدن وهون بعدن مستحيل مستحيل اشتري شي

لأنو مافي شي

الحمدلله على سلامتكم وكانت معكم مراسلتنا من قلب الحدث شامية هههههههههههه
ولي شو هيدا شو هالمغامرات عن جد شي بيوقع القلب على كل حال مبروكين
الاغراض تتهنوا فيهم وطبعا رح ترجعي على الشغل ما الغبرا هون على افا مين يشيل
هههههههه وانا منيحة بالشغل مهترية واكتافي والله ما عم حس فيهم الحمدلله
بس بقول الحمدلله هانت باقيلي المطبخ وبخلص ان شاء الله
ومشان هديك العروس انا ما بحب التدقيق الزايد المهم اخلاقها
وعلى فكرة انا ضدددد جملة وتفصيلا الشلح من الرجلين بغرفة الضيوف سواء
للضيوف ولا لاهل البيت لانه ما حلوة بحقهم
والنضافة والطهارة ما رح توقف على هالغرفة8o|
المهم باقي البيت مرتب ونضيف وما بيندعس فيه

الدمشقية;10727732:
السلام عليكم ويسعد صباااكم واوقاااتكم (( هناااااا جدة )) خخخخخ
المهم والله اشتقتلكم كوووومااااياااااااات
بيرل حبيبة قلبي يااااربي نطمن عليكي دووووووم بالعافية نحنا الحمد لله بخير بس والله متل ماقلتي الوضع ابدا مابطمن والدنا بتخوف هون صايرة بين امراض وفيضانات واوبئة الله يبعدها عن الجمييييع
والله هالمطرة اللي صارت لهلأ الناس عم بتعاني منها الله المستعان وبتعرفي راح ضحايا كتير ناس واضرار مادية اكتر والخوف هلأ من بحيرة موجودة بجدة مهددة بالانفجار وياريتها مياه نضيفة كنا سبحنا وجهزنا عدة الغوص خخخخخخ بس للاسف هالبحيرة عبارة عن تجمع 30 سنة من الصرف الصحي العقو لجدة
الله يجيرنا يااارب
يالله مبارح على اليوتيوب شفنا حالات السيل اللي صارت بجدة والقصص والغرقى والاموات والاطفال قسما بالله شي بوجع القلب عن جد تسونامي جدة
يعني مابعرف شو قول يمكن رب ضارة نافعة حتى العالم اللي هون يفتحوا عيونهم ويشوفوا الوضع اللي كنا فيه ويبلشو يعملوا بنة تحتية زي الناس ...........

يعني لو شو ماكتبت وطولت لا تلوموني لان الوضع عن جد كان صعب كتييير ومخيف والله يستر من اللي جاية

اذا بقلك انه الصبح والمسا بفوت لاعرف اخبار جدة بتصدقي !!!!
قسما بالله مشغول بالي لانه عن جد شي صعب صعب الله يكون معكم
اللهم انا نستودعك اهل جدة يامن لا تضيع ودائعه الله يرحمكم برحمته

الدمشقية;10727760:
مون الحلوة الله يقويكي ويسعدك ياست البيت الشاااطرة على مهلك على حالك شوي شوي مو تتعبي حالك
كمان صحتك عليكي حق .....وحلو الجو المتوسط يعني لا برد ولا حر احلى من الرطوبة وزنخ البحر بس انتو يمكن متلنا مابيجيكم برد ابداااا مو ؟

المهم انتبهي على رورو لانها بتتأثر اكتر وحدة فيكم من هالجو وتقلباته

يالله بنات شجعو المنتجات الوطنية خخخخخخ
http://forums.3roos.com/showthread.php?t=497660

وبالمرة تعالوا خدو العيدية

http://forums.3roos.com/showthread.php?t=497923

هلأ نحن ما كان يبرد الجو بس هديك السنة مر الشهر 12 يعني هيدا
وكان زمهرير هون بس ما اكتر من شهر بعدين الامور بترجع خريفية
وهديك السنة كنت اجازة وما عشت هالجو هون لهيك واعدة حالي ان شاء الله
انه قضيه هالشهر
ورح طل على المواضيع اهم شي العيدية يرضالي عليكي ههههههههههههههه:D

عودة ثانية ههههههههههههههههه
خلصت الحمدلله تعزيل المطبخ دخلت 1 طلعت 3 وربع بسم الله خمسة وخميسة هههههههه
البرادات نضاف والكمودينات مرتبة بس شلت الاغراض والزجاج ونفضت الغبرا وتحت المجلا نضيف
بس كمان عملت الشراق والتكييف وورا الغاز ( لانه فرني كهرباء ما بجره دائما بخاف من الشرايط )
اتذكرت كلام بيرل انه ما قول انه تعزيل فعلا كلامك صحيح الحمدلله طلعت ما مقصرة
ورضيت هلأ عن ادائي البيتي خلال فترة اللي اشتغلت فيها الحمدلله
الحمدلله بقدر قلكم اني خلصت تعزيل والبقيان شوية رتوش :)

صباح الخيرات لأجمل بنات كيفكن شو أخباركن ؟

الله يعطيك العافية مونو الحلوة و تسلم ايديك قال يعني على اساس ما رح يرجع كله يتوسخ و ترجعي تعزلي ليش بيخلص شغل البيت والله كل يوم اله شي جديد

انا اليوم جايتني عروس المسا يعني هي وزوجها بس انه عروس عالبلد و كنت معشمة حالي انه ما عندي شي بطلع المسا شي مشوار هلأ هيك ارتبطت بالبيت و بلشت التحضيرات من مبارح
قمت فورا لحقت صينية بسبوسة اسبانية و لحقت سوكسيه و حطيته بالتلاجة و عملت نوع حلو اسمه مدام شارلوت والله كيف لحقوا معي ما بعرف كنت مخلصة كل شي بين 8 و ال 10 و نص تقريبا وهلأ بس روح رح اعمل عيار كاتو و جاط جيلي ووصيت زوجي يجيب لي فواكه و عندي برتقال رح اعصره فريش و عندي مكسرات كمان يعني احترت شو بدي اعمل لها ضيافة برأيكن هيك كويس ولا كمان ؟

مسا الخير كيفكون وش اخباركون ان شاء الله قضيتو عطلة حلوة ومريحة

لولية مبروك خطبة بنوتك يا رب وان شاء الله يكون ابن حلال يسعدها ويهنيها وهيك سنة الدنيا وكلو قسمة ونصيب وعقبال الباقيين
كيف قضيتو العطلة وكيف كانت سفرتكون ع تركيا اكيد حلوة لانو ما في احلا من هيك رحلات خصوصا مع العيلة دايمين ع بعض ان شاء الله

مون كيفك وكيف لقيتي قعدتك بالبيت اكيد غير شكل بتعرفي انا بأيام العطلة كنت مكيفة اقل شي شبعت نوم

دمشقية وشامية ينعاد عليكون العيد وعلى كل الصبايا بالخير والبركة

شامية الله يعينك على هالرعبة الحمد لله على السلامة
بتعرفو نحنا يوم الوقفة شو ارتعبنا رعبة على اخي
اخي شغلو بالشام وجاي بسيارتو نحنا اتصلنا في عم نستفئدو ولا عامل حادث ومحبوس بالسيارة مو قادر يطلع منا لانو الابواب ما عم تنفتح معو والحمد لله هو ما في شي ابدا بس سيارتو انجعكت جعك وشالوها بالرافعة ونحنا ما عاد نصدق انو مافي شي لحتى وصل ع حماه عن جد الله لا يدوقها لحدا هالرعبة

دمشقية كيفكون ع الامطار اللي صارت ان شاء الله ما تضررتو بتعرفي نحنا عنا بالعيد كان الجو حلو بالنهار بس بالليل يصير سقعا وكتير برد وما في امطار ولا غيرها
بس يكون عم يعجبوكي الايميلات ؟؟؟؟؟؟؟؟؟؟؟؟؟؟؟...............
شامية مشكورة ع نصايحك بتعرفي بلشت بالجهاز وتقريبا رح خلص وما عم كتر متل ما نصحتوني انتي والصبايا اما مشاكل بالبشرة ماعندي الحمدلله بس شوية تعب وارهاق واضح ع وجهي يمكن من التعب وقلة النوم
وبلشت بدي خيط فستان العرس من شان امن علية ورح يكون نقوط من ماما وهي يلي رح تخيطلي ياه مع انو عرسي مطول يعني لشهر 7 هيك عم يقول العريس واذا تيسرت معنا قبل ممكن يصير قبل ما بعرف حسب التيسيير
صبايا اعذروني اذا ما عم رد عليكون بكلشي بس ما عم لحق اقرا كل كتاباتكون

ومن شان النحافة عم انحف لحالي من دون ريجيم ولا شي
صرت نحفانة شي 3 كيلو من دون اي مجهود

مساءكم نور خير إن شالله صارلي يومين راجعه من الحج بس كنت كثير تعبانه حتى طواف الافاضة طفت على الكرسي...........مشاء الله كان كثير زحمة بعكس المتوقع ......الله يطعمنا وإياكم العودة شعور صعب ينوصف مثل يوم القيامة الله يرحمنى .......


دمشقية ..مونو ..شامية .. بيرل.. ياسمينه .. لولية الحمدلله انكم بخير وإن شالله كل سنه وأنتوا سالمين

مسا الفل والجوري


دمشقية ........... طمنينا حبوبة كيف الوضع عندكم ؟

PEARL2000;10734455:
صباح الخيرات لأجمل بنات كيفكن شو أخباركن ؟

الله يعطيك العافية مونو الحلوة و تسلم ايديك قال يعني على اساس ما رح يرجع كله يتوسخ و ترجعي تعزلي ليش بيخلص شغل البيت والله كل يوم اله شي جديد

انا اليوم جايتني عروس المسا يعني هي وزوجها بس انه عروس عالبلد و كنت معشمة حالي انه ما عندي شي بطلع المسا شي مشوار هلأ هيك ارتبطت بالبيت و بلشت التحضيرات من مبارح
قمت فورا لحقت صينية بسبوسة اسبانية و لحقت سوكسيه و حطيته بالتلاجة و عملت نوع حلو اسمه مدام شارلوت والله كيف لحقوا معي ما بعرف كنت مخلصة كل شي بين 8 و ال 10 و نص تقريبا وهلأ بس روح رح اعمل عيار كاتو و جاط جيلي ووصيت زوجي يجيب لي فواكه و عندي برتقال رح اعصره فريش و عندي مكسرات كمان يعني احترت شو بدي اعمل لها ضيافة برأيكن هيك كويس ولا كمان ؟

ما شاء الله كويس كتير الله يعطيك العافية يارب ويقويك
يعني ما قليل التجهيز لزيارة وانت بالشغل كل يوم بيت عامر يارب
ومشان شغل البيت اي والله يوميا لازم ترتبي الحمدلله عن جد الشغل ما بيخلص

الياسمينة السمرا;10736975:
مسا الخير كيفكون وش اخباركون ان شاء الله قضيتو عطلة حلوة ومريحة

لولية مبروك خطبة بنوتك يا رب وان شاء الله يكون ابن حلال يسعدها ويهنيها وهيك سنة الدنيا وكلو قسمة ونصيب وعقبال الباقيين
كيف قضيتو العطلة وكيف كانت سفرتكون ع تركيا اكيد حلوة لانو ما في احلا من هيك رحلات خصوصا مع العيلة دايمين ع بعض ان شاء الله

مون كيفك وكيف لقيتي قعدتك بالبيت اكيد غير شكل بتعرفي انا بأيام العطلة كنت مكيفة اقل شي شبعت نوم

دمشقية وشامية ينعاد عليكون العيد وعلى كل الصبايا بالخير والبركة

الياسمينة السمرا;10737043:
شامية الله يعينك على هالرعبة الحمد لله على السلامة
بتعرفو نحنا يوم الوقفة شو ارتعبنا رعبة على اخي
اخي شغلو بالشام وجاي بسيارتو نحنا اتصلنا في عم نستفئدو ولا عامل حادث ومحبوس بالسيارة مو قادر يطلع منا لانو الابواب ما عم تنفتح معو والحمد لله هو ما في شي ابدا بس سيارتو انجعكت جعك وشالوها بالرافعة ونحنا ما عاد نصدق انو مافي شي لحتى وصل ع حماه عن جد الله لا يدوقها لحدا هالرعبة

دمشقية كيفكون ع الامطار اللي صارت ان شاء الله ما تضررتو بتعرفي نحنا عنا بالعيد كان الجو حلو بالنهار بس بالليل يصير سقعا وكتير برد وما في امطار ولا غيرها
بس يكون عم يعجبوكي الايميلات ؟؟؟؟؟؟؟؟؟؟؟؟؟؟؟...............
شامية مشكورة ع نصايحك بتعرفي بلشت بالجهاز وتقريبا رح خلص وما عم كتر متل ما نصحتوني انتي والصبايا اما مشاكل بالبشرة ماعندي الحمدلله بس شوية تعب وارهاق واضح ع وجهي يمكن من التعب وقلة النوم
وبلشت بدي خيط فستان العرس من شان امن علية ورح يكون نقوط من ماما وهي يلي رح تخيطلي ياه مع انو عرسي مطول يعني لشهر 7 هيك عم يقول العريس واذا تيسرت معنا قبل ممكن يصير قبل ما بعرف حسب التيسيير
صبايا اعذروني اذا ما عم رد عليكون بكلشي بس ما عم لحق اقرا كل كتاباتكون

الياسمينة السمرا;10737151:
ومن شان النحافة عم انحف لحالي من دون ريجيم ولا شي
صرت نحفانة شي 3 كيلو من دون اي مجهود

اهلين بعروستنا الحلوة والله يتمم معك على خير يارب
والحمدلله على سلامة اخوك والله يعينكم على هالرعبة
منيح بالحديد ولا فيه

بنت الشام المعذبه;10738813:
مساءكم نور خير إن شالله صارلي يومين راجعه من الحج بس كنت كثير تعبانه حتى طواف الافاضة طفت على الكرسي...........مشاء الله كان كثير زحمة بعكس المتوقع ......الله يطعمنا وإياكم العودة شعور صعب ينوصف مثل يوم القيامة الله يرحمنى .......


دمشقية ..مونو ..شامية .. بيرل.. ياسمينه .. لولية الحمدلله انكم بخير وإن شالله كل سنه وأنتوا سالمين

الحمدلله على السلامة وتقبل الله طاعتكم حجتنا F:
يا حرام على تعبك وكله باجر وثواب اهم شي اديتي الفرض والله فرحت لك
كتير بهالروحة الله يطعمنا يارب

ممكن تقبالونى معاكم
انا عرق(اب) مصرى وعرق(ام) لبنانى

بنوتة حج مقبول وذنب مغفور ان شالله ... الحمد لله على سلامتك وكل تعبك ان شالله اجر وثواب الله يطعم كل مشتهي يارب
لان الحج فعلا يعتبر من الرووووائع

سمورة اهلا وسهلا فيكي والله يتمملك على خير وان شالله فستان الفرح بيطلع متل مابدك واحلى .... والحمد لله على سلامة اخوكي السيارة تفداه المهم سلامتو ....

بيرل حبيبة قلبي اكيد خلصت عزومتك للعروس واكيد انو وجهك ابيض على طووول ماشالله عنك مابتقصري
انا متلك اجتنا عروسة ابن بنت حمايي والعروس بتكون بنت خالي خخخخخخ ويوم الاربعاء ان شالله عندي عزومة ببيتي على شرفهم فدعواتكم

مونو الله يعطيكي الف عافية النضافة مافي احلى منها والاحلى بس تخلص وتشوفي الانجاز بتنسي تعبك مو؟؟
الله يقويكي وعلى مهلك على حالك كمان جسمك الو عليكي حق متل ماقلت سابقا

شامية وينك ياحلوة غرقانة كمان بالتعزيل طللي علينا وطمنينا عنك لان الاوضاع باليمن كمان ما بتطمن الله يسترنا بس

dew.dew اهلا وسهلا فيكي بتنوري الشات ولوووو

اما عن اخبار جدة واوضاعنا فلله الحمد على كل حال شو نعمل ...والله الدفاع المدني والوزارات عم يحذرو الشعب هون بمسجات على الجوال وبالاخبار من يوم الجمعة والسبت والاحد من الامطار اللي متوقعة انها تكون غزيرة وخطيرة اكتر من اللي شفناه وقت الكارثة والله اعلم
واليوم عدا بسلام ولله الحمد مع انو نزلت المطر بس خفيفة مو قوية والله يسترنا من اللي جاي قولو امييين

سلاام الله عليكم
وينكم ياحلوات وحشتووووونا والله ... ان شالله تكونو بالف خير

مسا الخير على أحلى بنوتات كيفكن قريت أخباركن كلها بس والله دمشقية شغلتي بالي ان شاء الله خير وما يصير شي يا رب يا لطيف الله لا يقدر
بيرل الله يلبسك توب العافية يا رب والله غلبتينا نحنا اللي قاعدين بالبيت برافو عليكي
رح احكيلكن يا بنات شو صار معنا يوم الخميس ايجوا أبو العريس وأمه والعريس وكان زوجي موجود واتعرفوا عليه وقعدوا شي ساعتين وكانت القعدة جدا مريحة وبعدين بالأخير قال الأب كيف رضاكن عن ابنا قام قلو زوجي والله حبينا وصار ابنا كمان فقال أبوه يالله الله يوفقهن وبعدين وهو عم يسلم على زوجي سأله ايمتى رح ترجع تيجي قله زوجي يعني ممكن على إجازة الكريسمس قام أبو العريس سلم على زوجي بإيديه الإتنين وقله لا لازم تيجي على الكريسمس نحنا بدنا اياك وبس ومشيوا
بصراحة أنا وزوجي انفقسنا إنه شو هاد ما طلبوا رسمي ولا قرأوا الفاتحة شو يعني واتضايقنا كتير بس ما بينا أي شي للبنت المهم تاني يوم عم إسأل رفيقتي لبنانية قال ايه هادا الشي الطبيعي عندهن وما لازم يطلبوا من أول مرة وهي الأصول ردينا سألنا ناس تانيين وكان جوابهن نفس الجواب
بقى سبحان الله بسبب اختلاف العادات كنا أنا وزوجي رح نبطل بس المشكلة البنت حبته وهو حبها كتير فبالليل بعد ما صليت صليت صلاة استخارة سبحان الله ما شفنا غير العريس بيصل بيقلها أنا مافيني اصبر أكتر من هيك بدي اطلبك رسمي وأعمل خطبة أول ما أبوكي يرجع بقى الحمدلله ربي عطاني نتيجة صلاة الإستخارة والله يا بنات مافي مرة عملتها غير ربي بينلي كلشي وأول مرة وقت زوجي تقدملي صليت استخارة ونمت وحلمت إنه عم يطعميني خبز ولبن
المهم سافر زوجي اليوم الصبح من غير شر وطبعا نفسيتي ما بخبركن بالحضيض الحضيض بس سب
وشوفو شو قدمتلهن أول شي جبت أنواع عصير فريش شي رمان شي رمان مع أناناس شي كوكتيل وحطيت نقرشة على الطاولات وبعديت كنت شاريه صينية فضة عبيتها حلو عربي وقدمت مع الشاي يعني حسيت أنا وزوجي إنه هيك الضيافة أكابرية ومرتبة ومالازم قدم أكتر لإنه زيارة رسمية
شو رأيكن باللي صار من هلق ورايح رح تطلع روحكن مني على هالقصص بس والله يا بنات سبحان الله ماكنت متصورة حب الصهر هيك لك بيصير بتحبيه متل ولادك

مسا الفل كيف الجميع

طبعا بعتذر هالفترة عن الدخول الصباحي وان شاء الله بنظم وقتي وبنرجع متل ما كنا
بكرة يعني اليوم عند اللي دخلوا الصبح هههه معزومة ان شاء الله على عرس قطري
بقى دعواتكم ان شاء الله تكون الروحة ميسرة بس هون الاعراس بتبلش بكير ما متل
اعراسكم دمشقية شروي غروي هههههههههه كاتبين على بطاقة الدعوة 7 ونص
وانا رح كون على 8 اذا الله ييسر طبعا معزومة من طرف عمة العريس وفينكم تقولوا انها
متل امه وانا وياها صحبة كتير بقى معتبريني من اهل البيت وهيدا اللي شجعني روح
وقلت لزوجي انه حابة احضر العرس للاخر ان شاء الله يعني شوف كل الطقوس ههههههه
طبعا بس روح بجبلكم التقرير المفصل ان شاء الله

dew.dew;10743231:
ممكن تقبالونى معاكم
انا عرق(اب) مصرى وعرق(ام) لبنانى

اهلا وسهلا فيك طبعا بنقبلك عرفينا عن حالك
ربة منزل ولا موظفة ووين محل اقامتك حاليا

الدمشقية;10746669:


مونو الله يعطيكي الف عافية النضافة مافي احلى منها والاحلى بس تخلص وتشوفي الانجاز بتنسي تعبك مو؟؟
الله يقويكي وعلى مهلك على حالك كمان جسمك الو عليكي حق متل ماقلت سابقا


اما عن اخبار جدة واوضاعنا فلله الحمد على كل حال شو نعمل ...والله الدفاع المدني والوزارات عم يحذرو الشعب هون بمسجات على الجوال وبالاخبار من يوم الجمعة والسبت والاحد من الامطار اللي متوقعة انها تكون غزيرة وخطيرة اكتر من اللي شفناه وقت الكارثة والله اعلم
واليوم عدا بسلام ولله الحمد مع انو نزلت المطر بس خفيفة مو قوية والله يسترنا من اللي جاي قولو امييين

الله يجعلها سقيا رحمة يااااااارب وصيبا نافعا وحواليكم ولا عليكم يااااااارب
عن جد قلوبنا معكم والله يأمنكم بأوطانكم
كيفك وكيف ايامك ؟
والله يعافيك جد بتحسي براحة نفسية الحمدلله

لولية;10751617:
مسا الخير على أحلى بنوتات كيفكن قريت أخباركن كلها بس والله دمشقية شغلتي بالي ان شاء الله خير وما يصير شي يا رب يا لطيف الله لا يقدر
بيرل الله يلبسك توب العافية يا رب والله غلبتينا نحنا اللي قاعدين بالبيت برافو عليكي
رح احكيلكن يا بنات شو صار معنا يوم الخميس ايجوا أبو العريس وأمه والعريس وكان زوجي موجود واتعرفوا عليه وقعدوا شي ساعتين وكانت القعدة جدا مريحة وبعدين بالأخير قال الأب كيف رضاكن عن ابنا قام قلو زوجي والله حبينا وصار ابنا كمان فقال أبوه يالله الله يوفقهن وبعدين وهو عم يسلم على زوجي سأله ايمتى رح ترجع تيجي قله زوجي يعني ممكن على إجازة الكريسمس قام أبو العريس سلم على زوجي بإيديه الإتنين وقله لا لازم تيجي على الكريسمس نحنا بدنا اياك وبس ومشيوا
بصراحة أنا وزوجي انفقسنا إنه شو هاد ما طلبوا رسمي ولا قرأوا الفاتحة شو يعني واتضايقنا كتير بس ما بينا أي شي للبنت المهم تاني يوم عم إسأل رفيقتي لبنانية قال ايه هادا الشي الطبيعي عندهن وما لازم يطلبوا من أول مرة وهي الأصول ردينا سألنا ناس تانيين وكان جوابهن نفس الجواب
بقى سبحان الله بسبب اختلاف العادات كنا أنا وزوجي رح نبطل بس المشكلة البنت حبته وهو حبها كتير فبالليل بعد ما صليت صليت صلاة استخارة سبحان الله ما شفنا غير العريس بيصل بيقلها أنا مافيني اصبر أكتر من هيك بدي اطلبك رسمي وأعمل خطبة أول ما أبوكي يرجع بقى الحمدلله ربي عطاني نتيجة صلاة الإستخارة والله يا بنات مافي مرة عملتها غير ربي بينلي كلشي وأول مرة وقت زوجي تقدملي صليت استخارة ونمت وحلمت إنه عم يطعميني خبز ولبن
المهم سافر زوجي اليوم الصبح من غير شر وطبعا نفسيتي ما بخبركن بالحضيض الحضيض بس سب
وشوفو شو قدمتلهن أول شي جبت أنواع عصير فريش شي رمان شي رمان مع أناناس شي كوكتيل وحطيت نقرشة على الطاولات وبعديت كنت شاريه صينية فضة عبيتها حلو عربي وقدمت مع الشاي يعني حسيت أنا وزوجي إنه هيك الضيافة أكابرية ومرتبة ومالازم قدم أكتر لإنه زيارة رسمية
شو رأيكن باللي صار من هلق ورايح رح تطلع روحكن مني على هالقصص بس والله يا بنات سبحان الله ماكنت متصورة حب الصهر هيك لك بيصير بتحبيه متل ولادك

يسعد هالمسا اهلين وسهلين وسلامة نفسيتك له يا ام اللول والله فراق المحبوب صعب
بس هيك الدنيا الحمدلله
وغريبة هيك هالعادات سبحان الله كل بلد ولها تقاليد ومنيح اللي صليتي الاستخارة
وخلص طالما بيحبوا بعض الله يقرب اللي فيه الخير وييسر لكم
وشكله الشب لبناني حتى ماشي على التقاليد والله يقويكم على الضيافة مدللة

بعرف تقبروا قلبي من زمان ما فطرتوا يمكن انحرفت صحتكم مو هههههههههههههه

هي احلى فطور لعيونكم

مونو

لج وحشه عسولتي

اخبارج واخبار الحلوووه

صباح الخير على عيونكن جميعا

لولية الله يهنيهم و يقدم لهم اللي فيه الخير يارب و العقبى لبناتك التانيين و متل ما قلت مزبوط انا بعرف من اهلي والله بيحبوا زوجي و زوج اختي متل اخواتي و بتصيري بتحبيه اكتر لما تشوفيه عم يدلل بنتك و يشيلها بعيونه و الله يعينك على فراق زوجك و مادام السفرة قصيرة هالمرة من غير شر يا دوب تجهزي حالك مشان الطلبة الرئيسية
بنوتة الحمدلله على السلامة يا حجة شو جاية ايديك فاضية مو جايبة معك تمر و مسابح هههههههههههههه
دمشقية كيفك يا قمر شو اخباركن ان شاءالله تكون المور هديت شوي و رجع كل شي لوضعه الطبيعي هي الحكاية بدها وقت لهيك الله يعينكم والله
مونو يا مونو انا كنت عارفة انه ما رح تقدري تدخلي الصبح هههههههههههههه يعني اذا مو نايمة رح يطلع لك شغل بالبيت و النت رح يكون ثانوي و الأولوية للبيت و لرورو المهم هلأ تكوني مبسوطة و مرتاحة و ايمتى ما دخلت بتنوري و ان شاءالله بتنبسطي بالعرس بس بتعرفي عن جد حلو هيك العرس يكون على وقت مو متل عنا اي والله العروس و اهلها و بيت حماها ما بيوصلوا لآخر النهار غير هلكانين من التعب و مضطرين يوقفوا كل الوقت مشان يوجبوا المعازيم يعني بهالتوقيت العرس بينفض على وقت و الكل بيبقى مرتاح و على القل العرسان يكونوا مرتاحين ما يروحوا على الآوتيل و يكونوا فايتين بمية حيط هههههههههههههههههه على كل حال العقبى لبنتك ان شاءالله
البنات الجدد منرحب فيكن بتجمعنا و منتمنى نتعرف عليكن شخصيا و مية اهلا و سهلا فيكن
اما انا كانت عطلتي مزحومة كتير متل ما قلت لكن الخميس كان عندي ضيوف و الحمدلله انبسطوا كتير بالضيافات اللي قدمتها و ماطلعوا من عنا للساعة 2 و طبعا انا لبين ما لميت الدنيا و جليت و نظفت ما نمت للساعة 3 ونص و كنا اتفقنا نحن وهنن نطلع الصبح نفطر برا و هيك صار قمنا الصبح وانا مكسرة تكسير فطرنا بمطعم و بعدها تدرجنا بالسوق و ما رجعنا البيت للساعة 6 ونص بس شو انا ساعتها لا من تمي و لامن كمي هههههههههههههه كملت شوية شغلات كانت علي من قبل بيوم و مبارح جيت عالدوام كتير تعبانة يعني كنت عم نام عالمكتب الله الوكيل لأن فوق شغل البيت على يومين كان في مشي طويل بالأسواق وانا صار لي زمان ما مشيت هيك لهيك حسيت بهالتعب المهم غيرنا شكل و الحمدلله لأن صار لنا زمان ما طلعنا هيك طلعة

مساء الفل على خدود الكل.........كيف الحلوين

بيرل الله يعطيك العافية والله حاسه فيك بذكريني بأختي بتلعب ميت دور بالنهار الله يعينكم

دمشقية الله يحميكم والواحد مافي غير بيسمع سمعات اشكال ألوان .........مبارح اخي وصل من جدة وجايبلنى من مطعم البيك اكيد بتعرفي والله شي بيضحك بس من حبه

مونو دخيل ست البيت المشغولة إن شالله بتنبسطي بالعرس انا حضرانه عرس بقطر العرس بالكثير على 12 بخلص اذا الوحدة بدها تتعشى

شاميه إن شالله تكوني تركنتي ..

ياسمينه سلامت أخوك الحمدلله أنو الله حماه

لوليتي الف مبروك وحبيبتي على فكرة لصار معكم كثير عادي نحن العيد الماضي أختي شافت العروس بشهر 8 وبعد بأسبوعين قالتلها أنو ابنها بدو يشوفها مرتين وبس والعيد الماضي زوج أختي تعرف على ابوها وإن شالله يوم الخميس بدهم يطلبها رسمي ...........ولي كأنهم بخترعوا شي




أنا الحمدلله لهلأ بأجازه اسبوع وعبحضر لزيارة ابن أختي الله يتمملوا على خير أختي ماعندا غيرة .....ومشتاقتلكم