تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

عن عائشة رضي الله عنها قالت: كان النبي صلى الله عليه وسلم يكثر أن يقول في ركوعه وسجوده: ((سبحانك اللهم ربنا وبحمدك، اللهم اغفر لي)) ... متفقٌ عليه

zozokah;10789965:
يعني ياكتكوت ادفع 75000 كل سنه بالتقسيط علشهور ولا كله مره وحده

طب هي ال 75000 بمصر تعتبر رقم بسيط ولا كبير :-#

موضوع التقسيط ده بصراحة مسمعتش عنه خالص في النوادي، اللي اعرفه انه بيبقي كاش المبلغ بالكامل وده عشانتعملي عضوية جديدة خالص وبتدفع اول مرة بس، وبعد كده بيبقي اشتراك رمزي بقي بس كام دي بقي بتختلف حسب السنة اللي اشتركتي فيها، يعني الأعضاء الجداد غير القدام وغير عدد الأفراد اللي في الأسرة المشتركة.

75 تعتبر كبيرة بردو علي نادين بس هو الأغلبية بقوا كده دلوقتي.
بصي النوادي الغالية هاتبقي الجزيرة والصيد والاهلي وهيلوبوليس والنوعية دي اللي هما من زمان وهايبقوا اغالي من كده كمان، بس لما بيفتحوا فروع جديدة ليهم في المناطق الجديدة زي مدينة نصر والتجمعات وكده بيبقي ليهم اشتراك منفصل وارخص بمراحل من الفرع القديم الأصلي.

يعني عندك نادي الصيد مثلا فرع القطامية الجديد ده اول ما فتح كانوا عاملين الاشتراك فيه ب 35 الف.

التاني بقي كان من سنيييييييييين بس مش فاكرة اد ايه كان ب 120 شوفي دلقوتي وصل لكام بقي.

ونادي الشمس بقي ب 75 من 2009 بس وكان ب 50 من 2005

بقلكم
ليه الحركه بحس بيها مش كتير الحمد لله حد يعرف

مين قال يا بسبس محدش بيكمل التاسع انا كملت التاسع كله فى منه الله وكنت لسه كمان مفيش علامات ولاده لغايه اما الدكتور قال خلاص كفايه كده اوى وولدنى

CuTie KaTkOoTa;10789860:
هو انتي عايزاه من غير وش ولا ايه؟؟
انا عملته بالطريقة دي بالظبط:
اولا بتغسلي الرز وبعدين بتسيبيه منقوع شوية في مية يعني نص ساعة او تلت ساعة كده، وبعدين تكوني في نفس الوقت سخنتي اللبن وحطيتي فيه ملح وفلفل وقرفة وبهارات لو حبيتي وممكن ملح وفلفل بس عشان كل واحد بيحب طعم معين، وتكوني سالقة اللحمة من قبل كده وممكن تحطي بدالها كبد واوانص او كبد وكلاوي اي حاجة، المهم هتدهني البرام سمنة خفيفة، وبعدين تحطي الرز وقلبي فيه معلقة قشطة ولو مش عندك خليها سمنة وبس، يعني اللي في الصورة ده انا مكنش عندي قشطة فعملته كله بالسمنة وبس، بس طبعا القشطة بتدي طعم اكتر وبتعمل وش باين اكتر كمان من ده، وبعدين ما تقلبيها فيه حطي عليه مقدار اللبن كأنك بتعملي رز ابيض عادي بس بدل المية لبن وهو سخن كده، واللحمة دخليها في نصه او قسمي الرز طبقتين، يعني طبقة رز وبعدين الحشو وبعدين رز عشان تختفي خالص وتستوي فيه كويس وتاخد الطعم، واخر حاجة اللبن، ودخليه الفرن ولما يبتدي يغلي واللبن يتشرب شوية، طلعيه وادهني الوش قشطة او سمنة ودخليه تاني عشان يكمل سوا ويعمل الوش اللي فوق الاحمر ده وبس كده

.

هى القشطة دى بتاعت اللبن؟ لو مش عندى ممكن اجيب قشطة جاهزة واحطها؟:D

فتافييت السكر;10789917:
الله يسلمك ويسلمها ترجع بالسلامه يارب


ازيك يابيبو

الحمد لله ازيك انتى يا جميل

فتافييت السكر;10789932:
بنات في كريم من بالمرز لبعد الولاده ان شاء الله بيشد البطن في 6 اسابيع حد شافه في مصر

بصى فى كريم بتاع التشققات ده موجود عادى وانا بستعمله حتى من دلوقتى ماعرفش ده اللى قصدك عليه ولا ايه

zozokah;10789965:
يعني ياكتكوت ادفع 75000 كل سنه بالتقسيط علشهور ولا كله مره وحده

طب هي ال 75000 بمصر تعتبر رقم بسيط ولا كبير :-#

;كتير جدااااااااااا وحرام الفلوس دى تروح فى نادى
شوفى انتى شقتك فين وحاولى تاخدى نادى قريب منها ويكون سعره اقل من كده

دودى كات
ازيك اولا
بصى اعملى تمارين الولاده
اللى هيا تنزلى وتطلعى
بصى ادخلى على اللينك ده فيه تمارين كده
خصوصا بتاع انك تطلعى وتنزلى مقرفسه
بس بسرعه علشان اشيل اللينك

بيبو ده اللي بيتحط وقت الحمل ده سعره كام في مصر؟

صباح الفل يا سالاد نورتى
سالاد شوفى بقالى كام سنه بعرفك ونفسى اقولك قوليلى اسم تانى ليكى اناديكى بيه غير سالاد

mashimaro16;10790033:
دودى كات
ازيك اولا
بصى اعملى تمارين الولاده
اللى هيا تنزلى وتطلعى
بصى ادخلى على اللينك ده فيه تمارين كده
خصوصا بتاع انك تطلعى وتنزلى مقرفسه
http://forums./thread143783
بس بسرعه علشان اشيل اللينك

اللينك مش شغال يا قمر بيدينى صفحة بحث
بس جزاكى الله خيرا

كتكوته شكرا ليكي ياقمر الله يجزيكي خير يارب

DodyCat;10790046:
اللينك مش شغال يا قمر بيدينى صفحة بحث
بس جزاكى الله خيرا

حبعتهولك على الخاص علشاان شالو اسم المنتدى التانى

ماشي يابيبو بس انا عايشه بمدينة نصر بالمساكن اللي مقابيل ارض المعارض عارفاها

طب محدش يعرف في ايه نوادي كويسه هناك

ماشاء الله عليكم انتم زاغيين قوييييي هههههه
انا لما كنت حامل مكنش في تجمع حوامل ياخساره

بتعملي ايه يا هدي هنا وانا عماله ادور علي حد هناك
سيبيني لوحدي هناك

Eng. BoB;10790029:
هى القشطة دى بتاعت اللبن؟ لو مش عندى ممكن اجيب قشطة جاهزة واحطها؟:D

;كتير جدااااااااااا وحرام الفلوس دى تروح فى نادى
شوفى انتى شقتك فين وحاولى تاخدى نادى قريب منها ويكون سعره اقل من كده

اه ينفع عادي يا بيبو ، بس انا قلت اكيد اللي من عند اللبان هاتبقي احسن او اطعم بس مش عارفة بقي.

وانا معاكي في موضوع النادي ده، فعلا حرام لو حد هايشترك لسه جديد وفي بداية حياته، في حاجات تانية اولي بكتير، بس مش كل النوادي كده طبعا، في نوادي رخيصة زي اللي بيبقي في كل منطقة لوحده ده خاص بيها او زي ما قلتلها لو فرع جديد لنادي قديم بيبقي ارخص بردو.

أجمل ايام العمر;10790006:
هو القرب مينفعش غير سيكو بيكو ...؟؟؟

انا جوزى فعلا كدة يا بسبس

و بالنسبة بقى هو بقى ليه كدة الله اعلللللللللللللم

لا مقصدش يا هدى انا افترتك بتقولى انه ممتنع عنك فهمانى مكنتش فاهمه انه قصدك التعامل العادى بين الزوجين وكدا وبعدين بصى احكمى على جوزك بعد الاربعين وشوفيه هيفضل كدا ولا ايه وحاولى لو هو طنش طنشى انتى لان فى رجاله تحب تطنش عشان الستات تترمى عليهم انما لما يلاقى الست مطنشه يبقوا هيتجننوا عليهم

انا عارفه لما افضل دلع فى جوزى مثلا وكدا الاقيه يضل يبين بقى انه ال يعنى عايز يتفرج على التى فى او حاجه ولما اعمل عبيطه واطنشه يفضل يقول يا عيتى عليا مراتى مطنشانى ويفضل ينكش فيا لغاية لما ارجع

فتافييت السكر;10790043:
بيبو ده اللي بيتحط وقت الحمل ده سعره كام في مصر؟

حاجة واربعين جنيه

zozokah;10790060:
ماشي يابيبو بس انا عايشه بمدينة نصر بالمساكن اللي مقابيل ارض المعارض عارفاها

طب محدش يعرف في ايه نوادي كويسه هناك

اعتقد اقرب حاجة ليكى هتبقى نادى الزهور ونادى الأهلى بس بصراحة ماعرفش تفاصيل

صوت العيون;10790057:

يامممي يامممممي عايزة منها او فراولة حتي بس :D:D

zozokah;10790060:
ماشي يابيبو بس انا عايشه بمدينة نصر بالمساكن اللي مقابيل ارض المعارض عارفاها

طب محدش يعرف في ايه نوادي كويسه هناك

Eng. BoB;10790082:
حاجة واربعين جنيه

اعتقد اقرب حاجة ليكى هتبقى نادى الزهور ونادى الأهلى بس بصراحة ماعرفش تفاصيل

كنت لسه هقولها بردو علي الزهور ومدينة نصر الرياضي والاهلي دول اللي فكراهم دلوقتي في مدينة نصر والصيد فرع القطامية

هدى على فكرة هو بس مشغول بلولى مش اكتر اديله فرصة هو كمان يتعود على الحياة الجديدة

daloo3t_hemo;10790031:
مين قال يا بسبس محدش بيكمل التاسع انا كملت التاسع كله فى منه الله وكنت لسه كمان مفيش علامات ولاده لغايه اما الدكتور قال خلاص كفايه كده اوى وولدنى

يا بنتى بنشجع البنوته بس مش اكتر ههههههههههه وبعدين انتى حد اعرفه وغير اسمه؟؟؟؟؟؟؟؟