تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

انتوا مش قالقانين من السينما ياعيال؟
انا بقيت موسوسه قوي


كتكوته
قوليلي انتي الرز المعمر ازاي عملتيه من غير قشره علي الوش؟

ايه العيال دى انتوا مطنشنى ليه كدا؟؟؟؟؟؟؟؟؟؟؟ ولا حد حد قالى صباح النور غير مورو ماشى متشكرين :(

ازيك يابسبس متزعليشي ممكن تلاقي البنات بيقروا اللي فاتهم

حد راح سينما

كوباية مايه;10789789:
هدى متزعليش يا حبيبتى ومتضايقيش كدا وافرحى بالنونه بتاعتك وبعدين هو انتى مش لسه فى الاربعين؟؟؟ عايزاه يقرب ازاى بقى؟؟؟ وبعدين انا لقيت واحده داعيه فى التى فى بتقول ان الست ليست على طهاره لغايه لما الاربعين يخلص حتى لو توقف نزول الدم

مش لازم يا بسبسة يقرب تقريب جامد يعني :lol::lol:
ممكن علي خفيف كده ، وكمان هدي بتتكلم علي طريقته نفسها في التعامل والكلام مش التقارب وبس.

كوباية مايه;10789806:
ايه العيال دى انتوا مطنشنى ليه كدا؟؟؟؟؟؟؟؟؟؟؟ ولا حد حد قالى صباح النور غير مورو ماشى متشكرين :(

صباح الانوار هو احنا نقدر منردش عليكي او نطنشك :confused: ده انتي الخير والبركه بس تلاقي البنات منتبهوش وانا قاعده بفطر :D

أجمل ايام العمر;10789730:
يارب يا توتا يارب

انا خايفة قوووووووووووووووووى

و متضايقة من شعور انى زعلانة انى راجعة بيتى و كان نفسى قوى اكون فرحانة





معتقدش يا منار

ماهو احنا سافرنا لوحدنا ورحنا الساحل الشمالى و انا حامل و مكنش بيعبرنى قال ايه خايف على البيبى

دلوقتى خايف على مين ...؟؟؟:lol:

:lol: خايف احسن البت تشوفكم ولا حاجه تتعقد يا حرام :lol:
بصى تفائلى خيييييييييييييير تجديه ان شاءالله
انتى بس استغفرى وادعى ربنا كتير وطلعى صدقه وكده وان شاءالله الامور تتغير

صوت العيون;10789743:
حد راح سينما

نووووووووووووووو بقالى قرن مش رحت بس فعلا خايفه اروح علشان التجمعات
ده انا بخاف من اخواتى اصلا علشان بينزلو وبيركبو المتروووووووووو
احسن ينقلولى عدوه ولا حاجه
بقولهم انتو ممكن تبقو مجرد وسييييييييط

sweetylolla85;10789331:

صباح الخير ياام لولي بلبله الصغنونه عامله اييييييييييييييييييييييييييييييييييه العسل دي ربنا يحفظهالك يارب

مش عارفه ليه الوحم متعب اوي كده

مالك يالولا

CuTie KaTkOoTa;10789815:
مش لازم يا بسبسة يقرب تقريب جامد يعني :lol::lol:
ممكن علي خفيف كده ، وكمان هدي بتتكلم علي طريقته نفسها في التعامل والكلام مش التقارب وبس.

بصى يا كتكوته انا اعرف ان فى نوع رجاله مش بتحب التقرب من بعيد دا عشان بيضايقهم بعد كدا لما ميحصلش حاجه حتى لو كان القرب دا حضن مش اكتر بس لو هى على الكلام والمعامله كدا يبقى عندها حق تتضايق بس هو فى ايه ماله ليه بقى كدا يا هدى؟؟

بسبس صباح الفل

فتافييت السكر;10789800:
انتوا مش قالقانين من السينما ياعيال؟
انا بقيت موسوسه قوي


كتكوته
قوليلي انتي الرز المعمر ازاي عملتيه من غير قشره علي الوش؟

هو انتي عايزاه من غير وش ولا ايه؟؟
انا عملته بالطريقة دي بالظبط:
اولا بتغسلي الرز وبعدين بتسيبيه منقوع شوية في مية يعني نص ساعة او تلت ساعة كده، وبعدين تكوني في نفس الوقت سخنتي اللبن وحطيتي فيه ملح وفلفل وقرفة وبهارات لو حبيتي وممكن ملح وفلفل بس عشان كل واحد بيحب طعم معين، وتكوني سالقة اللحمة من قبل كده وممكن تحطي بدالها كبد واوانص او كبد وكلاوي اي حاجة، المهم هتدهني البرام سمنة خفيفة، وبعدين تحطي الرز وقلبي فيه معلقة قشطة ولو مش عندك خليها سمنة وبس، يعني اللي في الصورة ده انا مكنش عندي قشطة فعملته كله بالسمنة وبس، بس طبعا القشطة بتدي طعم اكتر وبتعمل وش باين اكتر كمان من ده، وبعدين ما تقلبيها فيه حطي عليه مقدار اللبن كأنك بتعملي رز ابيض عادي بس بدل المية لبن وهو سخن كده، واللحمة دخليها في نصه او قسمي الرز طبقتين، يعني طبقة رز وبعدين الحشو وبعدين رز عشان تختفي خالص وتستوي فيه كويس وتاخد الطعم، واخر حاجة اللبن، ودخليه الفرن ولما يبتدي يغلي واللبن يتشرب شوية، طلعيه وادهني الوش قشطة او سمنة ودخليه تاني عشان يكمل سوا ويعمل الوش اللي فوق الاحمر ده وبس كده

كوباية مايه;10789806:
ايه العيال دى انتوا مطنشنى ليه كدا؟؟؟؟؟؟؟؟؟؟؟ ولا حد حد قالى صباح النور غير مورو ماشى متشكرين :(

احنا نقدر يا بسبسة بردو.

ربنا يخليكوا يا قمرات وزوزو الف هنا وشفا يا جميله

يا بنات ميراميرو بتسلم عليكم وبتقولكم:
سلميلى على كل البنات يا ايمى كللللللللهم
و وقولى لهم وحشونى اووووى
وهي هترجع عند مامتها الاسبوع الجاي ان شاء الله.

ازيكم عاملين ايه

بقولكو انا فاضلى 9 ايام على التاسع أبدأ أمشى دلوقتى ولا ايه؟

صباح الفل يا دودى

اسكتى يا دودى مش اخت جوزى شافت الكيكه بتاعتك ودوقتهالها وعجبتها جدااااااااااا وبتقولى حلوه اوى وهشه وروحت عملتها لجوزها عشان يفطر بيها

يابنات انا دلوقتي لو عايزه اشترك بنادي ادفع كم وازاي يعني في مقدم بالالوف وبعدين اشتراك شهري ولا ازاي ممكن تفهموني عشان انا معرفش نظام النوادي بمصر وحتى جوزي عشان بباه ضابط فكانو بيدخلو بنوادي الجيش ببلاش

فانا عايزه اشترك علقليله اغير جو شويه هناك وكمان ممكن اتعرف على ناس عشان انا لغاية دلوقتي معرفش حد حتى جيراني معرفش شكلهم ايه

محدش رد عليا

لا يا دودى ابتدى اتمشى من اول التاسع يوم بعد يوم لمدة ساعه وعلى فكره انا الدكتور قالى انى ابدأ ادلك الحلامات على الرضاعه بزيت لوز او زيت زيتون ولو فى افرازات لازم تتنضف الحلامات كل يوم الدكتور قالكم كدا؟؟؟