التجمع الثالث للحوامل اللاتي يلدن في شهر 3 (مارس- اذار) 2010

سوي لج تحاليل جيكي السكر والضغط ويمكن فيج فقر دم لازم تسوين تحاليل وانا الحين بادي معاي بعد مثل تيبس بالبطن وكتمه وقلبي يدق بسرعه كاني باذله مجهود

بحرينية_حلوة;10592068:

حياج الله أختي .. تبين انيي نساعدج ؟!!! :tongue:

تسلمين قلبي فيج الخير انا ابيكم اتجون لي بس مو عشان التنظيف لا حق السوالف والاكل حلو القعدات اللي فيها اكل ودج ما تقومين منها وضروري فيها شاي او قهوة وبعدين جوفي السوالف ما تخلص ههههههههههههههههههههه

مشكلتي انا رفيجاتي ما يحبون يتجمعون في شقتي تصير تجمعاتنا كلة في شققهم اقولون شقتي صغيرة على شققهم لان هم ما شاء اللة شققهم وايد كبار فيقولون اليهال احسن لهم مكان واسع واحنا ماشاء اللة كل وحدة عندها عيال اصلا بعد كم سنه ما في مكان بيناسبنا غير الكورنيش ما بنحصل اوسع منه

وانا اللي استنتجته ان عمر الشغل ما يخلص لو تدبحين روحج من الشغل ما يخلص وليش ندبح روحنا صحتنا مهمة ومحد بيعطينا صحتة فكل واحد يشتغل على قد قدراته

بحرينية_حلوة;10592463:

بنات جود تسلم عليكم كلكم و تقول لكم وحشتوها ..

الحمدلله سوت العملية بس تقول تحس بألم في أسفل ظهرها و تحت تكرمون ..

الله يقومها بالسلامة يا رب :)

بشرج اللة بالجنة يا بحرينية على الخبر الحلو والالم لا بد منه احنا لو جرح بسيط من سكين يألمنا اشلون ربط الرحم لازم فية الم بس كم يوم وتتعود

عي المها ون;10593014:
شلونكم بنات انا كنت طالعه اتغدى مع ريلي ورحنا سوق واقف اكل هندي احس كثرت بس الي بتي الدوحه انصحها تروح مطعم رويال تندور تراه فضيع
امس طلبت لي ملحف للولاده من ماركس اند سبنسر وتقول لي اختي في محل يجهز لغرف الولاده 1200 ريال يعتبر ارخص محل يمكن بعدين اسوي عنده اما تجهيزات البيبي للحين ماشتطيت لها قلت بعد العيد

بالعافية عيون انا وزوجي من عشاق الاكل الهندي وادعي لنا بسرعه يستوي الجسر بين البحرين وقطر عشان نجي نزوركم كل فترة اقولون بتكون المسافة وايد قصيرة وبعدين عاد بتنشحن البحرين من القطريين هم من سوا جسر السعودية واحنا ايام الاجازات السعوديين بالهبل عندنا فشلون لو فتحوا جسر قطر

كل الخليج ما عندي اعتراض بجيتهم حياهم اللة بس مشكلتنا البحرين صغيرة ما تكفي العدد الموجود خاصة بالاجازات من كثر الغصة في الشوارع لا نحصل حجوزات في مطاعم ولا باركات في اي مكان

اي بتغرق البحرين بعدين من الناس انا ابيالجسر اسرع لي حق زيارة الاهل وقت المناسبات

ماعطيتني رايكم بالاغراض الي شريتها

عي المها ون;10593055:
طلبت نفس ذي باللون الوردي
3D Rosebud Cushion - Red - Marks & Spencer
وهذي الملحف Corsage Bedlinen Collection - Marks & Spencer

صراحة حلو وما في تعليق علية بس هالملحف كلة بكون لون واحد او لونين

انا قلت يمكن اشتري مخده لون وردي او احط ثرو وردي عليه لانه ابي قميص النوم لونه وردي يعني مابي اكثر اللون في الفراش

عي المها ون;10594306:
ماعطيتني رايكم بالاغراض الي شريتها

يا عمري عليش انا توني موصلة لردودج كنت اقرأ اللي فاتني انا قررت اني اشتري الملحف من معرض الخيف اذا صار عندنا لان اخر حمل لي اشتريت منه وكان حلو وسعرة حلو

وانتي اللي اخترتية الملحف ناعم وحلو ويبي لج قطع ثياب تناسب الملحف ناعمين انا اقول اشتري لج روب يناسب الملحف بس مو نفس اللون عشان تكسرين اللون

اتصدقين عيون انا في المستشفى اثيابي لما يجوني الضيوف ما يبينون عدل مديلاتهم لان معظم الوقت يدخلون رجال يسلمون علي فلازم اتستر فقلت هالمرة بشتري لي اشياء ناعمه للمستشفى والاحلى للبيت على الاقل في البيت بأخذ راحتي باللبس

*النرجس*;10593874:
اهلين بنات شو اخباركم

الحمدالله على سلامت جود والله يقومها بالسلامه ويثبت البيبي ببطنها ويسهل عليها حملها وولادتها يارب
طول انا بالجامعه قاعده افكر فيها اقول يالله دخلت الحين العمليه ولا لا الله يعينها

بسئلكم تجيكم بعض الاحيان نوبات تعب فضيعه كنك تركضين مسافه طويله ونبضات قلبك سريعه انا احسها بعد ماارجع من الجامعه وانام ولما اقوم من النوم تجيني هالحاله تخدرني

تخيلو اليوم كلمت الدكتوره اللي براجع عندها قلت لها اني اخذت معك موعد الخميس الصبح عشان تسوي لي اتراساوند عشان اعرف جنس الجنين قالت انا دوامي مو الصبح من العصر الى العشى

طلع المستشفى النصاابين حاطيني مع مدري مين ويبون فلوس وبس عشان يقولولي الجنين مب واضح تعالي بعد شهر سوي اتراساوند ثاني وادفعي والله انهم نصابين يقهرون

رحت على طول غيرت موعدي للمغرب وكلمتها يعني الحين انا كلمتها كذا صدفه لو ماكلمتها كان رحت الخميس الصبح وطقيت مشوار على الفاضي حسبي الله عليهم مره مقهوره

اي هالمستشفيات على كثر ما نعطيهم بعد يخادعون ما يحمدون ربهم تقهرني هالحركات التجارية لهم ما همهم الا الفلوس

وعلى الحالة اللي تجيش سألي دكتورتج احسن بس انتي اذا بعد النوم ما تقدرين اتقومين وراسج صداع فضيع اغلب الظن ان عندج نزول ضغط او دم لان انا تجيني ساعات هالاعراض وانتي من تلاقين نفسج بهالوضع اكلي اشياء مالحة و سكريات احتمال اكون عندج هبوظ لان شكلج ما تاكلين وايد بالجامعه مقارنه بالمشي اللي تمشينه هناك

انا في المستشفى محد يدش علي غريب من ريايل وبعد الولاده اللي يجون يجيكون علينا النرسات ولا دكتورات وانا كنت شاريه حق عرسي من السعوديه دانيل وعليه لولو قلت باشوف لي اهني انا ولادتي لقبليه شريت واحد بس اغلى من مال عرسي بس صج كان فخم بس عطيته حق وحده حق عرسها والحين قلت باشتري 2 والبقيه جلابيات خفيفه وبجامات واتصلت حق مال التجهيزات اللي قالوا لي 1200 قال هذي اسعارنا قديمه الحين نبتدي 2500 قلت شدعوه كلها باقة ولا باقتين ورد والبقيه اصيصات باشتريهم وباخلي لي حق بعدين

عي المها ون;10594498:
انا في المستشفى محد يدش علي غريب من ريايل وبعد الولاده اللي يجون يجيكون علينا النرسات ولا دكتورات وانا كنت شاريه حق عرسي من السعوديه دانيل وعليه لولو قلت باشوف لي اهني انا ولادتي لقبليه شريت واحد بس اغلى من مال عرسي بس صج كان فخم بس عطيته حق وحده حق عرسها والحين قلت باشتري 2 والبقيه جلابيات خفيفه وبجامات واتصلت حق مال التجهيزات اللي قالوا لي 1200 قال هذي اسعارنا قديمه الحين نبتدي 2500 قلت شدعوه كلها باقة ولا باقتين ورد والبقيه اصيصات باشتريهم وباخلي لي حق بعدين

انا حبيبيتي احنا عندنا في رجال يدخلون اسلمون وايد بحكم ان عاداتا فيها هالشيء في ناس يدخلوا يضيفوا ويمشواوناس لا تأذن للبيبي في اذنه وناس تضيف برى الغرفة ما تدخل

واذا احنا الاسعار نار عندنا اشلون انتو بقطر

سلام عليكم
شخباركم كلكم

قلب البتول وكل اللي ردو علي مشكورين وانا بالنسبة للتطورات الحمل وياي بصراحة متعب جدا ثقل غير طبيعي والحمد لله على كل حال وصادتني من اسبوعين او اكثر فلونزا قوية ذبحتني ورحت المركز الصحي وعطوني مضاد وعقب يومين زاد علي دقات قلبي صارت سريعة وماكنت اقدر اتنفس وشكيت في روحي قلت يمكن هذي فلونزا الخنازير واكيد بموت وركيض رحت طوارئ السلمانية ومباشرة من قلت لهم الاعراض مباشرة دخلوني الغرفة الخاصة للمشتبه فيهم وحبسوني من الساعة سبع وربع المغرب للساعة وحدة وخمس بدون اكل بدون ماي حتى يوم بغو يسحبون مني دم ماحصلو اي وريد حق يسحبون لان كانت اكلتي من الغدا وتمت الممرضة تغز في يدي اليسارة كذا مرة وماطلع دم وعقب يدي اليمين وماحصلت بعد واخر شي سحبت مني على جنب جريب الكوع وكان يالم حده الله لايعيده من يوم وكل ما ابي اطلع لزوجي مايرضون يقولون مسؤلية لدرجة اني كنت خلاص بشرد لان الدكتورة كانت سخيفة مو راضية تجي تكشف علي وحبستني هناك بروحي وارتفع عندي الضغط واختفى صوتي حزتها من الكحة واخر شي طلبو لي دكتور مختص من الطوارئ وقسم الباطنية لان دقات قلبي مو طبيعية لان سوو لي مرتين تخطيط وطلعو مو اوكي

وعقب عطوني تحويل حق قسم القلب ومن كم يوم رحت الموعد وعطوني موعد حق يركبون علي جهاز للقلب لمدة 24 ساعة وارجع فيه البيت ويوم ثاني اروح المستشفى حق يشيلونه وبعد موعد ثاني حق الايكو والله يستر وييسر حملي وحملكم ان شاء الله

ادري وايد هذرت بس يزعم اطلع حرة الايام اللي ماقدرت ادخل المنتدى كان مخاصمني ههه

اي وبالنسبة حق جنس البيبي عرفته وبقول لكم في الخاص لان اختي مشتركة في المنتدى واكيد بتقرى ردودري لانها تبي تعرف وانا هالمرة قلت ماباعلم احد هههه

اي صج بنات المتواجدات حاليا نسيت اسألكم بكرة عندي اول موعد في المركز الصحي قسم الحوامل توني متفرغة لان كنت اتعالج في الخاص والطوارئ المهم موعدي الساعة 9 الصبح اروح نفس الوقت والا اللي يروح قبل يدخلونه قبل لان مستشفياتنا خبري فيها اللي يروح قبل صح والا انا غلطانة؟
وبعد شنو بكون في اول اسبوع الاجراآت يعني اخذ وياي عينة بول وانتو بكرامة؟

انا رحت موعدي اليوم وتطمنت على كل شي الحمدلله وطبعا بالزور الدكتوره حصلت النبض مثل كل مره وانا قلبي احسه بيطيح في بطني من الوسواس والحين حدي دايخه وبنام تصبحون على خير بنات اشوفكم على خير بكره ...

بروكولي;10594672:
اي صج بنات المتواجدات حاليا نسيت اسألكم بكرة عندي اول موعد في المركز الصحي قسم الحوامل توني متفرغة لان كنت اتعالج في الخاص والطوارئ المهم موعدي الساعة 9 الصبح اروح نفس الوقت والا اللي يروح قبل يدخلونه قبل لان مستشفياتنا خبري فيها اللي يروح قبل صح والا انا غلطانة؟
وبعد شنو بكون في اول اسبوع الاجراآت يعني اخذ وياي عينة بول وانتو بكرامة؟

نا بقول لج نظام مركزنا

اول موعد ما تدخلين على الدكتورة مجرد تكملين معلوماتج ويسوون لج فايل وكرت للمتابعه ويعطونج تحاليل دم تسوينها بيسحبون منج دم لفحص اللتهاب الكبد الوبائي والزهري و نسبة الدم وبيعطونج موعد للمرة الثانية لا بجيكون لا ضغظ ولا ووزن ولا فحص ولا بول

الموعد الثاني تطلع النتايج وفي فحص للبول وللوزن والضغظ ونسبة الدم وبتدخلين للدكتورة وبتسمعين دقات القلب واذا لج ابرة الحمل وادوية بتكتب لج

انا بحملي القبلي اللي يروح قبل احط كرته واللي يجي قبل اكون موعدة قبل
اللحين مركزنا لا بالوقت انا مرة رحت سبع وموعدي 9 واللي موعدهم قبلي جو متأخرين دخلو قبلي وخلصوا وانا للحين لما سألتها قالت نمشي بوقت الموعد لج

اما عن مركزكم ما ادري انتي وين تتابعين ولا تنسين قبل ما تطلعين تأخذين معاج غراش للبول وانتي بكرامه للموعد الجاي لاني ما احب استخدم حمامات المراكز

Daloo3t_Obooy;10595090:
انا رحت موعدي اليوم وتطمنت على كل شي الحمدلله وطبعا بالزور الدكتوره حصلت النبض مثل كل مره وانا قلبي احسه بيطيح في بطني من الوسواس والحين حدي دايخه وبنام تصبحون على خير بنات اشوفكم على خير بكره ...

نوم العوافي روحي ارتاحي والحمد للة يوم ارتحتي وسمعتي الدقات انا انتظر موعدي بشوق تعبت وانا انتظر

سألتي دكتورتج عن الابرة بتعطيج اياها او لا

يتصفح الموضوع حالياً: 4 (4 من الأعضاء و 0 من الزوار) ‏قلب البتول, ‏جوهرة من الماس, ‏شقوره

جوهرة وينج ما تشاركينا انتي معانا بالتجمع بس ما تسولفين نبي نتعرف عليج

شقورة شخبارج اليوم قاعدة اكل ابو فروة اذا تشتهين ههههههههههههه

هلا فيج قلب البتول عليج باالعافيه تصدقين احس اليوم رجعت لي النساة احس برجع واشم روائح



جود واحشتنه واايد صديقة السهر الله يقومهى باالسلامه ويتمم حملهى

بروكلي ماعليج شر