التجمع الثالث للحوامل اللاتي يلدن في شهر 3 (مارس- اذار) 2010

ميرسي اختي بحرينية_حلوة :)

بحرينية_حلوة
شفتي السايتات اللي عطيتج امس مال التي شيرتات؟ ان شاء الله عجبوج :)

انزززين تعرفون وين محل Choco dor؟؟

وتقدرين إختي بحرينية حلوة تصبرين ما تضعفين لين أخذت عليش ألتراساوند والله ما اقدر
أنا كنت مثلش زوجي يقول عاد لين رحتين الموعد سأليهم إشفيش بنت ولا ولد وكنت بالأسبوع 16 قلت ألحين لا ما يبان توه البيبي صغير قال يعني ما بيعرفون قلت لا مسكين وإنحبط بس انا كنت اعرف إن بالأسبوع 16 إيصير نعرف جنس البيبي وكله كنت أقول حق خواتي وأمي ما أبي أعرف جنس البيبي وهم يحنون علي شوفي وش بجيبين والله من حط الألتراساوند على بطني قلت لها شنو جنس البيبي يازعم صامدة ما ابي أعرف جنسه ما أقدر ضعفت وقالت ولد وستانست لأن عندي بنت الله يخليها وحلو إن يكون عندش النوعين عاد من طلعت من عند الدكتورة أفكر أقول شنو أقول حق زوجي بنت ولا ولد قلت خلني بقول بنت بشوف شنو ردة فعله بس ما عرفت أجذب عليه من شفت وجه زوجي قلت له الدكتورة قالت إن فيني ولد ولا ما شفت إلا الوجه متغير الإبتسامة شقت حلجه وزين ما صاح من الفرحة إلا أقوله إنزين إشفيك مستانس جذي يعني لو كانت بنية بسوي جذي إلا يقول كل إلي يجي من عند الله حياه الله وقلت في قلبي والله إنتو الرياييل تحبون الصبيان ولا علي من عيارتك والحمدلله بنت ولا ولد أهم شي يكون سليم

الحلم الأزرق;10590651:

بس بسألش بحرينية شنو الفحوصات إلي يسونها لش لما اتروحين الموعد انا أخذو مني بول الله يعزش بس ما قالوا حقي فيني سكر أو لا قاست الضغط والوزن والطول ولما دخلت على الدكتورة سوت لي ألتراساوند وشفت الببيي وقالت إن أوكي وبأي أسبوع بس دقات قلب البيبي ما سمعتني إياها إنتي سمعتيها وقالت حقي سوي هاي التحاليل وكانت لنسبة الهيموجلوبين وإلتهاب الكبد الوبائي والزهري بس ما قالت عن وضع المشيمة ولا الماي ولا وضع البيبي أوكي أولا يمكن لأن كل شي أوكي من شذي ما قالت لي

بحرينية_حلوة
حاضرين للطيبين، انا موعدي اليوم ويا منى الشرقي وريلي يقول لي ماله داعي تسوين التراساوند توج من اسبوعين مسويه عند فهيمه شنو تبين تشوفين خلاص بنت يعني كله احس ان في احتمال يصير صبي مادري ليش اييني هالشعور وابي اتأكد قبل لا اجهز الشهر الياي واتأكد من وضع المشيمه والحبل السري لأني اخاف من هالشيئين وايد ومايسوى اطق لي هناك على ضغط ووزن وجهاز نبض القلب، تحسون عادي اسوي التراساوند لو مسويه من اسبوعين؟

اللحين عرفت سبب الالم عند السرة ..

تشعر الحامل بالاضافة الى الاوجاع و الالام المرافقة لتمدد الرحم بشيء من الالم او المضض في منطقة السرة ، و قد يكون ذلك الالم اكثر وضوحاً بعد انقضاء الاسبوع العشرون من الحمل ، ثم ما يلبث ان يخف مع ازدياد البطن بالحجم ، وقد يكون الانزعاج اكثر ما يكون عند الجلوس بوضعية مستقيمة ، كما ان التمدد و الانفصال الحاصلين في الشريطين العضليين اللذين يقطعان البطن قد يسببان بعض الالم حول السره .

الرعاية الذاتية عند حدوث آلام السرة :

يمكن استعمال باطن الاصبع لتدليك البطن بطريقة دائرية او الطلب من الزوج القيام بذلك ، كما يمكن تطبيق الكمادات الباردة او الساخنة على منطقة السره .

مادري والله انا بعد بسألها وبشوف احسن، حبيت صماصيم قلبي وانا بعد ليحين سري داخل وماكنت ادري ان المفروض يطلع برى ...