التجمع الثالث للحوامل اللاتي يلدن في شهر 3 (مارس- اذار) 2010

ZM143;10588358:
هلا بنوتاات شخباركم؟؟

خف الالتهاب شوي بس بعد للحين ... الله كريم

بسالكم احد فيه مثلي ؟؟؟ عندي مكان السر منتفخ .. كان داااخل حفره والحين شوي شوي يطلع .. بس هي يومين احس بشي نفس الجلده طالعه هههههه ومن اضحك يطلع ازيد

والله ماادري شي طبيعي لو لا

ههههههههههههههه اللة يقطع بليسج الظاهر عندش حملة تفتيش على جسمج

السر عادي يصير جدي كل وحدة سرها يصير شكل ناي يدخل على داخل وناس على برى

حتى في ناس قاموا اقولون اللي سرها داخل مدري برى تجيب ولد والعكس ههههههههه حتى السر ما سلم من هالسوالف

الحلم الأزرق;10589310:

صبحكم الله بالنور والسرور


شخباركم أنا اليوم مستانسة واجد ومرتاحة لأن مشكلة بنتي مع مواصلات الروضة إنحلت خلاص بدل ما تنتظر مسكينة نص ساعة في البيت وتستمل وبدل الفشلة مع عمتي الفقيرة أقعدها من الصبح علشان تقعد مع بنتي نص ساعة خذيت بنتي معاي الشغل وخليت الباص يمر عليها شغلي لأن شغلي مقابل البيت دوامي الساعة 7 والباص يجي الساعة 7:30 وبجذي بنتي تكون معاي وما أحاتي شي

اللة يديم الفرح عليج وجفتين ما في مشكلة مالها حل يلى عاد خل بنتج تتعرف على شغلج يمكن باجر تساعدج في الشغل بعد ههههههههههههههه

Daloo3t_Obooy;10589329:
قلب البتول
انا ساكنه معا اهل زوجي في شقه وعمتي اقرب لي من ناحية السكن بس الشغل اقرب لبيت ابوي :( يعني ماعرف شاسوي شي طبيعي بخليه معا عمتي في النهاية وطبعا ريلي مستحيل يسكن في بيت ابوي الا عشان خاطري قال لي في الويكند بس ...

دلوعه انتي بعد حسبيها من من امج وعمتج اصغر ولها مزاج الياهل وتعرف تتعامل مع اليهال افضل

وحسبيها من عندها خدامه وما عندها شغل وايد وتكون فاضية اكثر

وحسبيها من صحتها افضل من الثانية

وجوفي في النهاية منو افضل لج امج او عمتج

يتوم;10589484:
للحين ما ادري بس اتوقع بداوم الى يوم ولادتي اذا الله كتب لي وما صادني شيء ..

كلكم نفس المشكلة ههههههه

انا بعد بيت ابوي جريب الى شغلي وبيت عمي ابعد .. بس اكيد البيبي بيقعد مع عمتي لانة الماما الله يقومها بالسلامة تعبانة وما تقدر .. الله يشافيها اللحين اهي بالمستشفى واحتمال تواصل الى ثلاثة شهور :confused:

اللة يشافي امج ويعطيها الصحة والعافية بس اذا امج تعبانه بتروحين بنفاسج عندها او بتخلين عمتج اتنفسج

يتوم;10589511:
انا بالعكس سري هاليومين يعورني عدل .. واحس انة البيبي يلعب فية ويسحبة ويعووور ..

وداش داخل عدل بدل ما يطلع برة .. اهو المفروض يطلع برة بس انا عندي يدش داخل ..

واللحين قاعدة اوسوس

عادي انا بحملي جربت الاثنين يطلع داخل وبرى اتوقع يعتمد على مقدار انتفاخ البطن

بحرينية_حلوة;10589874:

صباح الخييييير .. شخباركم ؟!!!

أمس رحت الموعد و الحمدلله الدكتورة طمنتني ان كل شي طبيعي و سمعت دقات قلب البيبي ( فديت قلبه انا ) .. الله يغربل ابليسه مادري وين كان منخش اللي الدكتورة تدوره عشان نسمع النبض عدل .. كنا نسمعه بس جنه من مكان بعيد و ما هدته الا يوم صادته .. هههههههه يلعب معاها خشيشة ..
و ما روتني اياه لأن توني الاسبوع اللي طاف سوو لي ألترا سوند كامل ..
الحمدلله رب العالمين ..

بس عطوني أبره تطعيم مال الحمل .. تعوووور للحين يدي تعورني :confused:

ربي يحفظ البيبي وحلو لما تسمعين دقات القلب تحسين ان في روح داخلج

وهالابرة بيعطونج اياها بعد بحملج الجاي ويكتبون في كرتج ان عطوج هالابرة

للي يعانون من الالتهابات نزلت لكم موضوع اتمنى يفيدكم :)

http://forums.3roos.com/t493794.html

Daloo3t_Obooy;10589939:
اهلين فديتج
الحمدلله انج تطمنتي على كل شي، انا كل مره هاللون يصيدني تقعد تهوس على بطني وتدور لين يبين النبض عدل غربلونا كله منخشين واحنا قلبنا في بطونا حزتها عاد ليما نتطمن ونسمع واضح ...

ماتشوفين شر ان شاء الله بس حق شنو هذي الإبرة؟ تطعيم عن شنو بالضبط؟ لازم كلنا ناخذها؟ قط مره سألتي دكتورتج عن تطعيم الانفلونزا اذا اوكي او لا؟

هالابرة اسمها ابرة التيتانوس يعطونها الحامل وبتحمي البيبي من الامراض وقت الولادة

والمراكز الصحية تركز عليها ومهمة عندهم والعيادات الخاصة مو الكل يعطيها

بحرينية_حلوة;10590085:

قلب البتول .. انا مفكرة ان آخذ اجازة قبل موعدي باسبوع ( وايد متفائلة اني باولد في الموعد المحدد ) .. و احنا اجازة الوضع بس 45 يوم :( .. فأتوقع اني باخذ بعد 20 يوم على الأقل البيبي يكمل شهرين ..

و ان شاء الله باخليه عند أمي لأن شقتي يم بيت أبوي .. و اذا الله يسر باييب خدامة عشان تساعد أمي ..

يتوم .. ما تشوف شر الوالدة ان شا ءالله ..

جود .. الله يقومج بالسلامة يا رب ..

دلوعة .. لوليكي .. شوشو ..
قبل لا آخذ الابره سألت النرس حق شنو هالتطعيم ؟!!! لأن اذا قالت لي عن انفلونزا الحنازير ما كنت بارضى .. بس قالت ان لا سمح الله ممكن اتييج ولادة في البيت .. فهاي تطعيم عشان ما يصيديج اي التهابات .. و يوم سألت أختي بعد قالت اي هاي عادي يعطونه كل الحمّل و في ناس ما ياخذونها .. فعادي يعني ..

بس عن الانفلونزا ما سألتها والله .. لأني أبدا مافكر اني آخذها ..

انا اعرف وحدة تجمع اجازاتها عشان وق ما تحمل وتقعد 6 شهور مع البيبي ما تروح عنه الشغل الا لما يكون في سن يأكل جدي وايد زين

الحلم الأزرق;10590493:

وتقدرين إختي بحرينية حلوة تصبرين ما تضعفين لين أخذت عليش ألتراساوند والله ما اقدر
أنا كنت مثلش زوجي يقول عاد لين رحتين الموعد سأليهم إشفيش بنت ولا ولد وكنت بالأسبوع 16 قلت ألحين لا ما يبان توه البيبي صغير قال يعني ما بيعرفون قلت لا مسكين وإنحبط بس انا كنت اعرف إن بالأسبوع 16 إيصير نعرف جنس البيبي وكله كنت أقول حق خواتي وأمي ما أبي أعرف جنس البيبي وهم يحنون علي شوفي وش بجيبين والله من حط الألتراساوند على بطني قلت لها شنو جنس البيبي يازعم صامدة ما ابي أعرف جنسه ما أقدر ضعفت وقالت ولد وستانست لأن عندي بنت الله يخليها وحلو إن يكون عندش النوعين عاد من طلعت من عند الدكتورة أفكر أقول شنو أقول حق زوجي بنت ولا ولد قلت خلني بقول بنت بشوف شنو ردة فعله بس ما عرفت أجذب عليه من شفت وجه زوجي قلت له الدكتورة قالت إن فيني ولد ولا ما شفت إلا الوجه متغير الإبتسامة شقت حلجه وزين ما صاح من الفرحة إلا أقوله إنزين إشفيك مستانس جذي يعني لو كانت بنية بسوي جذي إلا يقول كل إلي يجي من عند الله حياه الله وقلت في قلبي والله إنتو الرياييل تحبون الصبيان ولا علي من عيارتك والحمدلله بنت ولا ولد أهم شي يكون سليم

اي انا بعد ما اقدر من اروح اسوي اشعه اقول لها شنو ولد او بنت

وانا هالمرة مقررة اسوي مقلب لزوجي يوم الاشعه قاعدة افكر بالمقلب اشلون اسوية لو كانت بنت او كان ولد لان المرات القبلية هو يدخل معاي فما في مجال اسوي مقلب معاه بس هالمرة بدخل بروحي بخلية يقعد مع اليهال برى لان ولدي الكبير فضيحة لو سمعنا انقول بنجيب ولد او بنت بعدين اي واحد بيساله بقول لة تعرفون الجهال ما يعرفون اجذبون

Daloo3t_Obooy;10590726:
بحرينية_حلوة
حاضرين للطيبين، انا موعدي اليوم ويا منى الشرقي وريلي يقول لي ماله داعي تسوين التراساوند توج من اسبوعين مسويه عند فهيمه شنو تبين تشوفين خلاص بنت يعني كله احس ان في احتمال يصير صبي مادري ليش اييني هالشعور وابي اتأكد قبل لا اجهز الشهر الياي واتأكد من وضع المشيمه والحبل السري لأني اخاف من هالشيئين وايد ومايسوى اطق لي هناك على ضغط ووزن وجهاز نبض القلب، تحسون عادي اسوي التراساوند لو مسويه من اسبوعين؟

اي عادي اقول لج يوم كنت مرقدة بجدحفص يوم كنت حامل الصبح يوميا اشعه واذا مو يوميا يوم وترك فلو فية ضرر ما بيسوون

بحرينية_حلوة;10591615:

شلون تقعد 6 شهور ؟!!! :eek:

اي اجازة هاذي اللي تيمعها ؟!!!

ما ادري عنها اشلون تجمعها بس اهي يشتغل في وزارة الصحة

قلب البتول;10591421:
دلوعه انتي بعد حسبيها من من امج وعمتج اصغر ولها مزاج الياهل وتعرف تتعامل مع اليهال افضل

وحسبيها من عندها خدامه وما عندها شغل وايد وتكون فاضية اكثر

وحسبيها من صحتها افضل من الثانية

وجوفي في النهاية منو افضل لج امج او عمتج

اهمه تقريبا في سن بعض بس تعرفين من في هالسن لها مزاج لليهال والحمدلله ثنتينهم عندهم خدم ومايشتغلون وايد في البيت بس ام زوجي صحتها شوي افضل من امي لأن امي مسويه عمليتين لركبها من فتره، الله يجدم اللي فيه الخير ان شاء الله وام زوجي لازم تتحمل بالبيبي مو بنت ولدها (a)

يتصفح الموضوع حالياً: 5 (5 من الأعضاء و 0 من الزوار) ‏قلب البتول, ‏عسولة, ‏حنين ام, ‏Daloo3t_Obooy, ‏بحرينية_حلوة

توني مخلصة الصفحات شخباركم بنات شمسوين اليوم

عسولة : اسم جديد عليي شخبارج

قلب البتول;10591551:
انا اعرف وحدة تجمع اجازاتها عشان وق ما تحمل وتقعد 6 شهور مع البيبي ما تروح عنه الشغل الا لما يكون في سن يأكل جدي وايد زين

اي اغلب الوزارات يصير ايمعون اجازاتهم وانا اعرف وحده تشتغل في شركه اجازة وضعها كانت 5 شهور صج بتكون مرتاحه على الاقل بيكون الياهل كبر شوي بس انا مشكلتي اشتغل في بنك مستحيل تمر السنه ومو ماخذه على الأقل 3 ارباع اجازتي السنويه يعني تخيلي بس بحمل وياي 7 ايام لي شهر مارس 2010 والباقي باخذه من اجازات السنه اليايه غير ال40 يوم طبعا من الشغل ...

بسأل اليوم دكتورتي عن تطعيم التيتانوس وبشوف شسالفته؟

بحرينية_حلوة;10591604:

بنات البحرين .. عظم الله أجركم في الشيخ محمد بن سلمان ..

انزين اللي قاعدين في البيت يقولون لنا باجر اجازة او لا ؟!!!

اجرنا واجرج اختي، انا من مساعه تلفونات حق بيتنا بخصوص الاجازه بس كل من مايعتقد الا جان بيسوون فينا خير لأني احتاج يوم راحه احس لو في اجازه بيقولون في الاخبار اليوم ...