تجمع ورغى حوامل مصر لشهر ذي القعدة 1430 يارب قومهم كلهم بالسلامة

بيبو ازيك عرفتي نوع البيبي و ما تستعجليش على الحركة يا قمر دا أنا خفت منها من كتر ما البنات بيشتكو انهم ما بيناموش

دودي عاملة ايه دلوقتي يا حبيبتي ان شاء الله تكوني بقيتي احسن

بنات حد يعرف ايه أخبار كاتو و هدى؟ و هيا أناناسة ولدت طبيعي و لا قيصري؟

ازيك يا بوسى.. بينى وبينك الحركة بتطمن .. الواحد بدأ يشوف كوابيس ربنا يستر
اناناسة ولدت قيصرى والحمد لله قامت بالسلامة

ربنا يطمنك يا كتكوتة ..

بعد الشر عليكي يا بيبو ، أنا بقى باحلم اني ولدت و أنا في التالت كده هههههههه باختصر المشوار

ازيك يا دندونة بقيت خبرة انت يا عم ما شاء الله

مين اللي كاتب تحت زعلانة منكم محدش عبرنا

ازيك يا بوسى اخبارك اية يا قمر واخبار البيبى اية تسلمى حبيبتى على سؤالك انا بخير وهدى تعبانة شوية واحتمال تولد قيصرى ربنا معاها ونطمن عليها هى وبلبلة باذن الله

بيبو ماتقلقيش يا قمر هتحسى بالحركة كتير جدا فى السادس والسابع انا كنت زيك فى الخامس مش بحس بحركة كتير لكن اولا ما دخلت على السادس ما شاء الله الرفس والخبط كان شغال عرض مستمر هههههههههه :D

انا تمام يا عروسة نعومة الحمدلله

ربنا يطمنا عليكو يا كاتو و هدهد هاتولدي امتى ان شاء الله و عرفتي طبيعي و لا قيصري؟

بوسى لو بتسألى عنى انا لسة ان شاء الله رايحة يوم الاثنين لدكتور وهعرف ان شاء الله طبيعى ولا قيصرى بس انا نفسى والله اولد طبيعى بس لسة راس البنت فوق ربنا يسهل وتنزل والله ببذل مجهود كبير عشان تنزل راسها تحت ومافيش فايدة الله المستعان

عروسة نعومة;10535217:
دودي و كل البناويت ازيكو ... عروس جديد أنا أول مرة أشوفك عرفيني عليكي أنا بوسي 23 سنة حامل أول مرة و لسه في التالت انتي حامل في بنت و لا ولد

ازيك ياقمر انا دعاء23 سنه وعندى سلمى 3شهور انا كنت هنا من اول الحمل

لكن الحمدلله دلوقتى فقست وبقيت من الامهات :Dعقبالكم ان شاء الله

وتقوموا بالسلامه كلكم

بنات سؤال يطرح نفسه سمعت ان بعد الولادة الممرضات هما اللى بيحموكى وانا بصراحة اتكسف جدا اعمل كدة و مستحرمة كمان بس بيقولوا ان دة الصح عشان هما بيبقوا عارفين ازاى يقعدوكى و يحموكى من غير ما مثلا المية تيجى على الجرح لو قيصري و يسندوكى و كدة بس انا حساها مستحيييييييل بالنسبالى عايزة اعرف رأيكم؟؟؟؟؟؟؟؟؟؟؟؟؟؟؟؟؟؟

http://forums.3roos.com/t492092.html#post10535533

ربنا يكرمك يا كاتو و يعملك اللي فيه الخير ما يمكن القيصري هوا اللي فيه الخير أنا كمان بادعي أولد طبيعي بس لو جت قيصري من عند ربنا الحمد لله و بتعملي ايه بقى عشان راسها تنزل مشي كتير قصدك؟ و سمعت عن تمرينات الحوامل بيعملوها في الأواخر كده تعرفي حاجة عنها و نبتديها امتى؟

ازيك يا توتا .. معاكي حق أنا كمان محبش حد يشوفني و كنت عملت 3 عمليات تخدير كلي قبل كده هههههههه خبرة ماكنتش بارضى حد يدخل معايا أصلهم كانو بيبقو عايزين يحموني قبل العملية كمان !! و الحمد لله ماكنتش باتحوج لحد بعد العملية بس مش عارفة الواحد بيبقى عامل ايه بعد القيصري ربنا يستر .. انتي بتابعي فين يا توتا و مع مين؟

انا بتابع مع دكتورة مروة طنطاوى هى فى مستشفى كليوباترا و بتولد فيها وفى عيد القادر فهمى...انتى عملتى 3 عمليات اية يا بوسى؟

عملت زايدة و عمليتين كده عشان كان عندي خراج بيشيلوه بعد الشر عليكو

sweet_toota;10535522:
بنات سؤال يطرح نفسه سمعت ان بعد الولادة الممرضات هما اللى بيحموكى وانا بصراحة اتكسف جدا اعمل كدة و مستحرمة كمان بس بيقولوا ان دة الصح عشان هما بيبقوا عارفين ازاى يقعدوكى و يحموكى من غير ما مثلا المية تيجى على الجرح لو قيصري و يسندوكى و كدة بس انا حساها مستحيييييييل بالنسبالى عايزة اعرف رأيكم؟؟؟؟؟؟؟؟؟؟؟؟؟؟؟؟؟؟

مش شرط يا قمر

ممكن حد من اهلك مامتك اختك زى ما تحبى
وبعدين اصلا وانتى بتاخد شاور بتكونى اعدة وبطنك مغطية الجرح كمان الجرح بيكون علية بالاستر عريض

وبالشفا ان شاء الله
ويارب تولدى طبيعى

ربنا يكرمك بولادة سهلة يا بوسي و دكتورتك بتولد فين ؟