تجمع ورغى حوامل مصر لشهر ذي القعدة 1430 يارب قومهم كلهم بالسلامة

هو ليه النهاردة صحيح مفيش بنات دخلوا غريبة اوي، مع انه يوم شغل مش اجازة، اومال بكرة وبعده هيعملوا ايه ، طبعا زي كل اسبوع هايبقي مفيش حد.

انا قايمة ظهري مكسر بطريقة غبية وقمت مفزوعة علي جرس التليفون، مع اني ماصدقتش نفسي اني مقلقتش بدري زي كل يوم عشان امبارح اتهلكت ونمت زي الدبة :D:D

مستعجلة على اية يا كاتووووووو على رأى كتكوتة كلكو هتولودوا ان شاء الله و تسيبونا اعااااااااااااا

اتهلكتى فى اية يا كتكوتة؟

sweet_toota;10534659:
اة اشمعنى كله هنا ايمى ايمى ايمى يعنى دينا ملوش نفس ينتشر

معاكي حق احسن كده هنحول خالص، لازم نغير بقي شوية :D

لا طبعا يا دينا لازم دينا ينتشر ده اسمي و اسمك

sweet_toota;10534679:
اتهلكتى فى اية يا كتكوتة؟

مش انا امبارح نزلت جبت حاجات للبيبي اخيرا الحمدلله، ولما رجعت كنت هموت وانام بس قعدت غسلت ونشرت وغسلت مواعين ومش فارة عكلت ايه تاني وفضلت مستنية جوزي لما رجع الساعة 1 :confused::confused::confused: بالليل وجهزت الاكل وبعدين شلته وروحت بعدها ادلقنا دلقة احنا الجوزززززز

الف مبرووووووووووووك يا كتاكيتوووووووو و جبتى اية و هتصوريها ولا لا احكى بالتفصيل الممللللللللل

اه وفرجت جوزي اول ما جه، اخدته من ايده وقعدت اعمله مؤثرات صوتية قبل ما يتفرج علي الحاجة، وقعد يضحك ضحك لما شافها، وفضل يقولي انا عايزها تيجي بقي ماليش دعوة، الحاجات اثرت عليه اوي :D:D

اة يا كتكوتة فعلا الواحد لما بيشترى هدومهم بيبقى هيتجنن و يشوفهم فيها عشان كدة انا ماسكة نفسي من الشرا بالعافية و عمالة اقول لما اعرف النوع بس هتجنن و اشترى اااااااى حاجة

لا يا دينا انتى وكتكوتة ما تقلقوش انا مش هسيب التجمع خالص لغاية ما اخر واحدة فى التجمع تولد يعنى عمرى ما هسيبة :D

انا بس مستعجلة نفسى اشوفها والله كل يوم بتخيلها شبة مين وبفكر فيها يلا ربنا يقومنا كلنا بالسلامة

هههههههههه فرحتيني بكلامك و الله يا كتكوتة يا قمر

هقولكم كل حاجة وهصورها كمان، بس مش عارفة كسلانة اوي وحاسة اني لسه مفوقتش، بس عامة انا جبت شايات كم 3 كلهم ابيض طبعا بس الخياطة 3 لبني و3 روز كنوع من التغيير ليا انا :D:D ومجبتش كت لسه لأني لقتهم برباط مش كباسين زي الكم وانا مش حابة كده، وجبت كوفرتة قطن طبقتين خفيفة ورقيقة خالص، وطقم بشكير معاه فوطة وسط وفوطة صغيرة، وطقم 3 فوط قشط، وطقم 3 بافتات لذاذ اوي اللي هما ضهرهم مشمع دول، و3 تانيين فرداني بس قماش دبل فيس وطبقتين، وشرابين فظااااااااااااااااع حجمهم يجنن :o:o و3 جوانتيات ، وبنطلونين بيض لغاية ما اشوف لون كمان اجيب منه بردو للتغيير، وببرونة و2 تيتينة مع بعضهم وفرشاة تنضيف الببرونة ، وشنطة حاجات البيبي بتاعتي :D:D

ربنا يجيبها بالسلامة يا كاتووو و يفرحك بيها يارب هانت يا جميل

يارب يا كاتو يارب

كنت هجيب لبس خروج كمان بس رجعت اجلته مع اني اخترت حاجات قلت لما اتأكد تاني ام شاء الله بردو احسن، انا ان شاء هعمل سونار 3d غالبا يوم الاحد ان شاء الله عشان هما ليهم مواعيد معينة مش طول الاسبوع وفيه النهاردة بس اخرهم الساعة 4 يعني جوزي مش هايكون لسه جه، عارفين لقينا تمنه كام 250 :eek::eek: بس انا الحمدلله اني عرفت اخللي الدكتورة تكتبلي علي تحويل له من عندها، واللي فات نسيت اقولكم اللي عملته بره ده كان 2d بردو عادي بس حدييييييث كان ب 90

الف مبروك يا كتكوتة تتهنا بيهم يارب (f)
انتى عرفتنى انتى حامل فى ولد ولا بنت ولا لسة مش باين

نسيت اقولكم كمان :D:D عديت علي الترزي اخيرا بعد كسل فظيع عشان اظبط البنطلون الجينز اللي جبته عشان عايزة البسه بقي وكمان هبطن البلوزتين الشيفون اللي جبتهم عشان شفافين شوية.

الله يبارك فيكي يا ايمي، اه الحمدلله عرفت انها بنوتة بس عرفنا مرةواحدة ولسه عايزة اتأكد بقي الشهر ده كمان عشان دايما بيقولوا السادس بيبقي فيه تأكيد اكتر بردو.

يا عسلللللل ربنا يجيبها بالسلامة يا كتكوتة و تتمتع بكل حاجاتها و تدوبهم وتتهنى بيهم يارب انا بحب الشرابات النونو نونو دى ياخلاصى بتبقى كوكى خااالص وانا عموما بحب لبس البنات جدااااااااااا لبس الولاد فيه منه حلو بس مش زى حاجات البنات حركات بقى و فساتين كميلة و حاجات دلع كدة .. مجبتيش زى الاطقم التريكوو اللى كانت فى الصور؟ بيبقوا عرايس لعبة خالص

دكتورتى الاولانية السونار بتاعها كان حديث 2d وكانت بتعمله ب10 جنيه