تجهيزات واستفسارات حوامل مصر :)

حلوة اوى الشنطة ياقمر
مبروك عليكى و على البيبي:)


بالنسبة لشايات الصياد ملقتش منها غير من 0_3 بسسسسس
مافيش اكبر من كدا
ولما سئلت البنت اللى واقفة قالتى مش بينزل منها اكبر
هو فعلا كدا ولا هى بتقول كدا و خلاص

m@hy;10729549:
حلوة اوى الشنطة ياقمر
مبروك عليكى و على البيبي:)


بالنسبة لشايات الصياد ملقتش منها غير من 0_3 بسسسسس
مافيش اكبر من كدا
ولما سئلت البنت اللى واقفة قالتى مش بينزل منها اكبر
هو فعلا كدا ولا هى بتقول كدا و خلاص

بصي انا مسألتش السؤال ده، بس يظهر انه كده فعلا لسببين، اولا في الصياد بردو لما جبت مكنوش بيسألوني انتي عايزاها لسن كام ولا ايه، هو عالطول بيطلعوا دي، ولما جبت ماركة تانية بردو في محل تاني، بقوله دي من 0 ل 3، قاللي اه ما هي بتبقي كده اصلا، فاستغربت الرد ساعتها، بس دلوقتي بما انك بتقولي كده يبقي احتمال فعلا مفيش منها غير للمواليد بس والكبار بقي فانيلات وبانتيهات.
بس بردو مش واثقة، انا بقولك علي اللي حصل معايا بردو.

ماشيمارو ممكن تقوليلى المواقع اللى بتجيبى منها على النت وكمان كنت عاوزه اعرف هو صياد ده ماركه والاقيها فين

يعنى هو الصياد ده ماركه ولا اسم محل والاقيه فين

مفيش شايات في مصر نهائي شايات أكبر من 0 - 3

mashimaro16;10700681:

علشان جوزى مزعل نفسه اوى ومدايق وحاسس ان الدكتوره بتاعتى استغلاليه علشان بتاخد 3500 :(

لا حاولى تهديه وتطمنيه انا ولده ب 4650 بالادويه :D

mashimaro16;10702790:


انا اللى مخلينى امسك اصلا فى الدكتوره دى والمستشفى دى انها فيها كل طقم العمليات ستات حتى بتاع التخدير ست مش راجل فى اى وقت

انا برضو كان كل اللى فالولاده ستات والتمريض برضو بس لما دخلت اوضه العمليه لاقيت راجل وعرفت بعد الولاده ان كان استشاري نسا مساعد للدكتوره للطوارئ وبينى وبينك وله كان فى دماغى اصلا ان فى راجل وله لا زى مااكون كانت السكتينه سرقانى ومش فاكره اصلا انى مش لابسه غير لبس العمليه وبس كله عشان عيون نونه :D

CuTie KaTkOoTa;10706586:

ربنا يهنيكى يا كتكوته بحاجاتك وبحاجات النونه عليه يارب وتفرحى دايما بيه :)
زوقك حلو سواء فى حاجاتك او حاجات النونو ربنا يباركلك فيهم يارب
بس عوزه اعرف السلوبيت ده بكام ومنين لانى عوزه اجيب لنونه واحد تانى انا كنت جبتلها واحد من لفلى وبصراحه احسن كتير فالخروج من اى كوفيرته او لف بجد نصيحه السالوبيتات ديه فالشتا حلو وعمليه جدا بجد

بنت من الزمن ده;10718423:
ازيكو يا احلى ماميهات في الدنيا كلها يا احلى تجمع وكل البنات اللى كانو في التجهيزات ماشيمارو حبيبتى وكريزى اناناس ومشمش روميو والبنات التانيه وحشتونى اوى ولله فكرتونى بايام زمان كنا بنتكلم عن حاجات المطبخ والنجف والسجاد ودلوقتى بنتكلم عن حاجات النونو هههههههههههههههههههه معلش طولت عليكوا سؤالي بقى انا سمعاكو بتتكلمو عن حاجات النونو انا عايزة اسامى كل المحلات ف القاهرة وبذات في مدينة نصر لو اماكن تانيه عادى برضو بس ياريت بقى العناوين بالتفصيل الممل اصل اختكو مش من القاهرة بس بروح هناك كتير وكمان لو فيه حد مسافر الكويت او هيسافر يقولى بحبكوا كلكوا

ليت الشباب يعود يوما :lol:
منوره والله والف الف مبروك وربنا يتمم لك بخير يارب
كل وقت وليه رغيه هههههههههه وربنا يديم تجمعنا دايما يارب من خطوبه لجواز لحمل لخلفه لى كل حاجه حلوه ان شاء الله مع بعض :thumbs_up:
اما المحلات فمشمارو قالت كام محل واقول اللى جربته فيهم احسنهم كيدز بارك ولفلى غالى شويه
وفى عندك فى عباس العقاد رشا وراند وممكن تشوفى اى توحيد والنور في حاجات حلوه برضو

بنت من الزمن ده;10723668:
بنات هو يعنى ايه شايات وفين عنوان محل اوركيدز وسيف ستورز كتكوته ياقمر وحشتينى موووت من ايام التجهيزات وروكا وقطة اخر الليل اللى فرحها كان نفس يوم فرحى وصوت العيون وحشتونى موووت
معلش يابنات كنت عايزة اسال عن حاجة في الحمل معرفش ده مخالف ولا لا وهى اللى عندها فكرة عن الكريمات زى اولي والحاجات دى ومنتجات بودى شوب في فترة الحمل بالذات اول 3 شهور مضر ولا لا وكمان المانكير والسيشوار هو الدكتور قالي الكريمات مادام موضعيه عادى بس انا مش عارفه موسوسه برضو ياريت لو حد عنده اى فكرة او تجربه يقولى واللبان في وحده صحببتى بتقولى غلط ع الحوامل دكتورتها قالتلها كده حد عندو فكرة , معلش طولت عليكوا يا حلوين

الشايات زى ماقالت كتكوته وكمان فيها ملهاش كباسين من تحت زى القميص كدا عشان اسهل فالتلبيس فالاول
كانت هدى قالت اوركيدز انه غالى قوى
بصى متقلقيش وربنا مايجبش حاجه واحشه ان شاء الله الحمل ده احلى حاجه فالدنيا :thumbs_up: متخافيش من حاجه وحاولى اللى ملوش لزمه متعملهوش وخلاص ده بالنسبه للكريمات وكدا او مدام بعيد عن بطنك خلاص
السيشوار مفهوش اى حاجه هى الصبغه بس
اما اللبان معرفش بس عموما لما تكلى اللبان متبلعهوش وخلاص
واستمتعى بحملك وربنا يكملك على خير يارب :L:

بنت من الزمن ده;10724553:

والواحده تبدا تجهز للبيبي من امتى انا في الاسبوع التانى من الشهر الرابع بس لسه معرفتش بنت ولا ولد

انا رائي انك تبدئى من اخر الخامس كدا بس دلوقتى حاولى تعرفى الحاجات اللى هتجبيها والمحلات وكدا وابدئى بالحاجات المحايده ملهاش دعوه بالنوع زى الكوفيرتات او الغيارات الداخليه
وفى حاجات بتكون الوانها محايده ممكن تجبيها لحد ماتعرفى النوع ويارب يطلع زى مابتتمنى

m@hy;10729549:

بالنسبة لشايات الصياد ملقتش منها غير من 0_3 بسسسسس
مافيش اكبر من كدا
ولما سئلت البنت اللى واقفة قالتى مش بينزل منها اكبر
هو فعلا كدا ولا هى بتقول كدا و خلاص

لا فعلا مفيش شايات اكبر من 3 شهور بعد كدا بيكون فانيلات ده فى كل الماركات

[QUOTE=crazy ananas;10732007]لا حاولى تهديه وتطمنيه انا ولده ب 4650 بالادويه :D


انا برضو كان كل اللى فالولاده ستات والتمريض برضو بس لما دخلت اوضه العمليه لاقيت راجل وعرفت بعد الولاده ان كان استشاري نسا مساعد للدكتوره للطوارئ وبينى وبينك وله كان فى دماغى اصلا ان فى راجل وله لا زى مااكون كانت السكتينه سرقانى ومش فاكره اصلا انى مش لابسه غير لبس العمليه وبس كله عشان عيون نونه :D


طب ياناناسه انتى ولدتى فى مستشفى ايه؟
اصل انا فلوس الدكتوره لوحدها 3500 والمستشفى زيهم واكتر
بنت خالتى لسه واحده ب 7
ولما فتحت دليل الاطباء بتاع مشروع العلاج لاقيت بجد فرق الاسعارررررررررر رهييييييييييب
وانا لا الدكتوره ولا المستشفى تبع النقابه :!!:



اه صحيح
انا ممكن ارد لحد ما كتكوت تدخل ترد
بصى انا شوفته فى محل هنا عندنا فى الحدايق اسمه انغام الرزاز جنب ابو ربيع بتاع الكشرى شوفته ب حاجه و 60 او حاجه و 70 هوا كان يا 67او 76

:) كويس انهم احسن علشان جبت واحد الحمدلله

مرسسي اوى يا كريزى يا حبيبتى على ردودك اللى زى العسل زيك وربنا يكرمك يارب , بنات معلش الجهل وحش بس احنا بصراحة ف البيت عمرنا ما جبنا ترمومتر الحرارة فعايزة اعرف هو اللي بيقيس درجة حرارة الميا غير اللي بيقيس الجسم ولا هو واحد بيقيس الاتنين ,, اوعو حد يضحك

روضه 2006;10731191:
يعنى هو الصياد ده ماركه ولا اسم محل والاقيه فين

هو محل وبيبيع انتاجه كمان وحاجات تانية بردو مش بتاعه وبس يا جميلة، موجود في مساكن شيراتون قدام النساجون الشرقيون بالظبط.

أمةالله;10731210:
مفيش شايات في مصر نهائي شايات أكبر من 0 - 3

مي انتي فين يا بنتي طمنينا عليكي.

crazy ananas;10732007:

ربنا يهنيكى يا كتكوته بحاجاتك وبحاجات النونه عليه يارب وتفرحى دايما بيه :)
زوقك حلو سواء فى حاجاتك او حاجات النونو ربنا يباركلك فيهم يارب
بس عوزه اعرف السلوبيت ده بكام ومنين لانى عوزه اجيب لنونه واحد تانى انا كنت جبتلها واحد من لفلى وبصراحه احسن كتير فالخروج من اى كوفيرته او لف بجد نصيحه السالوبيتات ديه فالشتا حلو وعمليه جدا بجد

تسلمي يا انوس، ربنا يخليكي ده من ذوقك انتي، بصي انا جبته ب 66 فعلا زي ما منار قالت من بيبي شوب اللي قدام مقلة صلاح الدين عالطول في ميدان الجامع، بقولك انا جبت واحد بس مبطن كده وقلت كفاية عشان انا هولد في اخر 2 ان شاء الله، ولا ايه رأيك، الباقي جبته قطيفة عادي.

بنت من الزمن ده;10733482:
مرسسي اوى يا كريزى يا حبيبتى على ردودك اللى زى العسل زيك وربنا يكرمك يارب , بنات معلش الجهل وحش بس احنا بصراحة ف البيت عمرنا ما جبنا ترمومتر الحرارة فعايزة اعرف هو اللي بيقيس درجة حرارة الميا غير اللي بيقيس الجسم ولا هو واحد بيقيس الاتنين ,, اوعو حد يضحك

بصي يا قمر اللي بيقيس حرارة الجسم ده انواعه كتير في منه ديجيتال اول ما بتقربيه من الجبهة بيكتبلك درجة الحرارة على طول و فية اللي عامل زي الشريط بيتحط على الراس و بيكون فيه شرط كده بتقولك درجة الحرارة و فية كمان بتاع الودان و ده كويس للبيبيهات علشان مش بيضايقهم..و في كمان ترمومتر بيتحط تحت الباط و تقيسي الحرارة بيه كده اما ترمومتر المية فبيكون اكبر من الترمومتر العادي شبه كده اللي بيتعلق على الحيطة علشان يقيس درجة حرارة الجو و بيكون اقل دقة من ترمومتر الجسم علشان ترمومتر الجسم بيبين اقل ارتفاع في درجة الحرارة...انا آسفة لو كنت طولت بس يارب اكون قدرت افيدكF:

بنت من الزمن ده;10733482:
مرسسي اوى يا كريزى يا حبيبتى على ردودك اللى زى العسل زيك وربنا يكرمك يارب , بنات معلش الجهل وحش بس احنا بصراحة ف البيت عمرنا ما جبنا ترمومتر الحرارة فعايزة اعرف هو اللي بيقيس درجة حرارة الميا غير اللي بيقيس الجسم ولا هو واحد بيقيس الاتنين ,, اوعو حد يضحك

لا متجبيش ترمزمتر للميه تعرفي الميه كويسه لبيبي ازاري
تحطي كوعك كده في الميه لو حسيتي انها سخنه يبقي زودي الميه البارده لغايه ما تبقي مناسه ليكي
لان المنطقه دي حساسه للحراه اكتر من ايدك

sweetylolla85;10734926:

بنات ماشاء الله عليكو بجد ربنا يحميكو ياااااااااااااااااااااااااارب
انا ان شاء الله معاكوووووووووووووووووووووو
عاوزه اعرف اسم دكتوره شاطره اتابع معاها
ايه اعراض الحمل اللي بتبقي في الشهر الاول
ربنا يكرمكم يارب ويتمملكو الحمل علي خير
ويرزقنا بالحمل الثابت اللهم امين

ازيكم ياقمرات وحشتونى الفترة دى انا عرفت نوع الجنين طلع ولد وأول مرة اشوف كل تفاصيله بدقة
وشفت ملامحه ما شاء الله يارب يرزق الجميع خيرا ويرزق كل من اراد خلفا صالحا امييييييييييييييييييين
انا اشتريت شايات للنونو بكباسين من تحت ولقيت بيجامتين نونو عجبونى جدا وجبتهم واحدة موف
والتانيه اخضر بس انا اشتريت الحاجات قبل ما اروح للدكتور او اعرف نوع البيبى
طولت عليكم يا امهات الغد المشرق بس اجيب الوان ايه وتكون مناسبه للاولاد
ينفع الازرق بدرجاته مش عارفه ايه تانى ممكن ينفع؟
واجيب سلوبتات شتوى اد ايه؟ بأذن الله ميعاد ولادتى يبدأ من أول شهر3

روميو دى;10737319:
ازيكم ياقمرات وحشتونى الفترة دى انا عرفت نوع الجنين طلع ولد وأول مرة اشوف كل تفاصيله بدقة
وشفت ملامحه ما شاء الله يارب يرزق الجميع خيرا ويرزق كل من اراد خلفا صالحا امييييييييييييييييييين
انا اشتريت شايات للنونو بكباسين من تحت ولقيت بيجامتين نونو عجبونى جدا وجبتهم واحدة موف
والتانيه اخضر بس انا اشتريت الحاجات قبل ما اروح للدكتور او اعرف نوع البيبى
طولت عليكم يا امهات الغد المشرق بس اجيب الوان ايه وتكون مناسبه للاولاد
ينفع الازرق بدرجاته مش عارفه ايه تانى ممكن ينفع؟
واجيب سلوبتات شتوى اد ايه؟ بأذن الله ميعاد ولادتى يبدأ من أول شهر3

ميرسى ياروكا ياقمر ربنا يخليكى ياحبيبتى ويباركلك فى حملك بأذن الله
طيب والسلوبيتات اجيب اد ايه شتوى ؟

شكرا يا بنات علي المعلومات

http://forums.3roos.com/showthread.php?p=10746649&posted=1#post10746649

تجهيزاتي لولدي

انوس انا لقيت السالوبيت الاحمر المطبن ده بردو والوان تانية منه في الصياد امبارح المحل اللي تحت علي الشمال وكان ب 66.5 يعني فرق نص جنيه :lol::lol::lol: وشفته في محل تاني في ميدان صلاح الدين اللي جنب مستشفي كيلوباترا ب 73:badly::badly: